Efesios 4
4
Juk shonqulla kawanantsikpaq ninqan
1Tsënö këkaptinqa Jesucristupa willakïninta willakushqäpita prësu llawirarpis qamkunatam rowayaq Teyta Dios munashqannö imëpis kawayänëkipaq. Tsënö kawakuyänëkipaqmi Teyta Dios qayayäshurqunki.
2Mana yachaq tukushpa kawakuyë, pïmëpaqpis alli shonqu kayë y kuyanakur pacienciakuyë.#Col. 3.12-13. 3Espíritu Santu yanapayäshushqëkinölla markäkuq mayikikunawan juk shonqulla alli kawakuyë.
4Jesucristuman markäkuq kaqqa llapantsikmi juk cuerpulla këkantsik.
Jukllëllam Espíritu Santupis.
Juk salvacionllata chaskinantsikpaqmi Teyta Dios qayamashqantsik.
5Jukllëllam Señornintsikpis.
Jukllëllam markäkïnintsik.
Jukllëllam bautismu.
6Jukllëllam Teyta Diospis.
Pëmi llapantsikpa Teytantsik,
llapantsiktam makinchö tsarëkämantsik,
llapantsiktam yanapëkämantsik
y llapantsikwanmi këkan.
7Juk cuerpulla kashqapis juknintsik juknintsiktam Jesucristo kuyakuq kar churamarquntsik pëta sirwinantsikpaq. 8Tsëmi Teyta Diospa palabranpis kënö nikan:
<<Contrankunata vencirirmi raraman witsarqan.
Tsëpitanam nunakunata yanapamurqan#Efe. 4.11.>>.#Sal. 68.18.
9Witsanqanta niptinmi käyintsik Jesucristo puntata kë patsaman urämushqanta. 10Kë patsaman uräramurmi ciëluman kutikushqa. Y imëkapitapis mas puëdiq karmi llapantapis makinchö tsararëkan.
11Pëmi wakinta churashqa apóstol kayänanpaq, wakintana profëta kayänanpaq, wakintana alli willakïninta willakuyänanpaq y wakintana pastor kar yachatsikuq kayänanpaq. 12Pëkunatam Jesucristo churashqa markäkuqkunata kallpatsar yachatsiyänanpaq. Tsënö yachatsiyaptinmi listuna këkäyanqa Teyta Dios munashqanta rurar Jesucristupa cuerpun iglesiata#4.12 Jesucristupa cuerpunpaq parlarqa pëman markäkuqkunapaqmi parlan (1Cor. 12.13; Efe. 1.23; 4.16; 5.23, 30; Col. 1.18). llapanchöpis yanapayänanpaq. 13Tsënö kaptinqa llapantsik juk shonqulla kar y Teyta Diospa Tsurinman markäkur Jesucristo kawashqannö noqantsikpis kawashun.
14Tsënö kawarqa manam pishi wamranönatsu kashun pipis mana allikunata yachatsimarnintsik creyitsimänapaq. Tsënöllam päjata vientu wakman këman apashqannönatsu kashun. 15Tsëpa rantin juknintsik juknintsik kuyanakur rasun kaqllata imëpis parlashun. Tsënöpam Jesucristo kawashqannö noqantsikpis kawashun.
Jesucristo peqantsik kaptin 16y noqantsik cuerpun kashqam juknintsik juknintsik yanapanakunantsikpaq churamantsik. Tsëmi moquntsikkuna tsararänakushqannö yanapanakur#Col. 2.19. kuyanakunantsikpaq käyikushun.
Mushuq kawëta chaskikunqantsik
17Tsënö kaptinmi Señornintsik Jesucristupa apostolnin kar qamkunata käyitsiyaq Teyta Diosta mana chaskikuq nunakunanö mana kawayänëkipaq. Pëkunaqa yarpëninkunapis upapa yarpënin kaptinmi 18manakaqkunata yarpakachäyan. Juiciunnaq karmi y shonqunkuna chukruyashqa kaptinmi Teyta Dios munashqannötsu kawayan. 19Pëkunaqa shonqunkuna munashqanllata rurayaptinmi penqakïninkunapis kantsu. Jukwan jukwan kakurmi tukïläya melanëpaq jutsakunata rurakuyan.#Rom. 1.21-25.
20Qamkunaqa manam tsënö kawayänëkipaqtsu Jesucristupa willakïninta yachakuyarqunki. 21Jesucristupa alli willakïninta rasunpa chaskikushqa këkarqa y pë munashqannö kawayänëkipaq yachakïkarqa 22nöpata kawayashqëkinö amana kawayënatsu, sinöqa makwa ratashta jitariqnö unë kawayashqëkita jitariyë.#Col. 3.9. Nöpataqa allita rurayashqëkita yarparmi llutan rurëkunaman churakashqa kayarqëki. 23Kananqa Espíritu Santu käyitsiyäshushqëkinöllana kawakuyë. 24Teyta Dios kashqannö qamkunapis kayänëkipaqmi mushuq kamashqan nunana këkäyanki. Tsënö këkarqa Teyta Dios munashqannö jutsannaq kawayänëkipaq mushuq kawëchöna kayë.#Col. 3.10.
25Ama ulipänakuyëtsu.#Zac. 8.16. Llapëkipis juk castanölla këkarqa#Rom. 12.5. rasun kaqllata parlayë.
26Piñakurpis ama jutsata rurayëtsu.#Sal. 4.4; Stg. 1.19-20. Qanyasninpiqa ama piñashqalla kayëtsu. 27Piñashqalla karqa shonqïkikunatam diablupaq kichëkäyanki.
28Nöpata suwakushqa karpis amana suwakuyënatsu. Suwakuyänëkipa rantin uryayë. Tsënöpam imëkikunapis kanqa waktsakunata yanapayänëkipaq.
29Ama imatapis llutankunata parlayëtsu. Tsëpa rantinqa nuna mayikita kallpatsayänëkipaq alli kaqkunallata parlayë.
30Llutankunata rurar Espíritu Santuta ama llakitsiyëtsu. Pëmi shonqïkikunata sellamushqa#2Cor. 1.22; Efe. 1.13. Jesucristo kutimunan junaq salvashqa kayänëkipaq.
31Ama chiki kayëtsu, piñakuq kayëtsu ni qayapäkuq kayëtsu. Ama wasarima kayëtsu ni manakaqkunata parlayëtsu. 32Tsënö kawakur jukniki juknikipis ankupänakur kawakuyë. Jesucristo wanushqanpita Teyta Dios perdonayäshushqëkinölla perdonanakuyë.#Col. 3.13.
Currently Selected:
Efesios 4: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Efesios 4
4
Juk shonqulla kawanantsikpaq ninqan
1Tsënö këkaptinqa Jesucristupa willakïninta willakushqäpita prësu llawirarpis qamkunatam rowayaq Teyta Dios munashqannö imëpis kawayänëkipaq. Tsënö kawakuyänëkipaqmi Teyta Dios qayayäshurqunki.
2Mana yachaq tukushpa kawakuyë, pïmëpaqpis alli shonqu kayë y kuyanakur pacienciakuyë.#Col. 3.12-13. 3Espíritu Santu yanapayäshushqëkinölla markäkuq mayikikunawan juk shonqulla alli kawakuyë.
4Jesucristuman markäkuq kaqqa llapantsikmi juk cuerpulla këkantsik.
Jukllëllam Espíritu Santupis.
Juk salvacionllata chaskinantsikpaqmi Teyta Dios qayamashqantsik.
5Jukllëllam Señornintsikpis.
Jukllëllam markäkïnintsik.
Jukllëllam bautismu.
6Jukllëllam Teyta Diospis.
Pëmi llapantsikpa Teytantsik,
llapantsiktam makinchö tsarëkämantsik,
llapantsiktam yanapëkämantsik
y llapantsikwanmi këkan.
7Juk cuerpulla kashqapis juknintsik juknintsiktam Jesucristo kuyakuq kar churamarquntsik pëta sirwinantsikpaq. 8Tsëmi Teyta Diospa palabranpis kënö nikan:
<<Contrankunata vencirirmi raraman witsarqan.
Tsëpitanam nunakunata yanapamurqan#Efe. 4.11.>>.#Sal. 68.18.
9Witsanqanta niptinmi käyintsik Jesucristo puntata kë patsaman urämushqanta. 10Kë patsaman uräramurmi ciëluman kutikushqa. Y imëkapitapis mas puëdiq karmi llapantapis makinchö tsararëkan.
11Pëmi wakinta churashqa apóstol kayänanpaq, wakintana profëta kayänanpaq, wakintana alli willakïninta willakuyänanpaq y wakintana pastor kar yachatsikuq kayänanpaq. 12Pëkunatam Jesucristo churashqa markäkuqkunata kallpatsar yachatsiyänanpaq. Tsënö yachatsiyaptinmi listuna këkäyanqa Teyta Dios munashqanta rurar Jesucristupa cuerpun iglesiata#4.12 Jesucristupa cuerpunpaq parlarqa pëman markäkuqkunapaqmi parlan (1Cor. 12.13; Efe. 1.23; 4.16; 5.23, 30; Col. 1.18). llapanchöpis yanapayänanpaq. 13Tsënö kaptinqa llapantsik juk shonqulla kar y Teyta Diospa Tsurinman markäkur Jesucristo kawashqannö noqantsikpis kawashun.
14Tsënö kawarqa manam pishi wamranönatsu kashun pipis mana allikunata yachatsimarnintsik creyitsimänapaq. Tsënöllam päjata vientu wakman këman apashqannönatsu kashun. 15Tsëpa rantin juknintsik juknintsik kuyanakur rasun kaqllata imëpis parlashun. Tsënöpam Jesucristo kawashqannö noqantsikpis kawashun.
Jesucristo peqantsik kaptin 16y noqantsik cuerpun kashqam juknintsik juknintsik yanapanakunantsikpaq churamantsik. Tsëmi moquntsikkuna tsararänakushqannö yanapanakur#Col. 2.19. kuyanakunantsikpaq käyikushun.
Mushuq kawëta chaskikunqantsik
17Tsënö kaptinmi Señornintsik Jesucristupa apostolnin kar qamkunata käyitsiyaq Teyta Diosta mana chaskikuq nunakunanö mana kawayänëkipaq. Pëkunaqa yarpëninkunapis upapa yarpënin kaptinmi 18manakaqkunata yarpakachäyan. Juiciunnaq karmi y shonqunkuna chukruyashqa kaptinmi Teyta Dios munashqannötsu kawayan. 19Pëkunaqa shonqunkuna munashqanllata rurayaptinmi penqakïninkunapis kantsu. Jukwan jukwan kakurmi tukïläya melanëpaq jutsakunata rurakuyan.#Rom. 1.21-25.
20Qamkunaqa manam tsënö kawayänëkipaqtsu Jesucristupa willakïninta yachakuyarqunki. 21Jesucristupa alli willakïninta rasunpa chaskikushqa këkarqa y pë munashqannö kawayänëkipaq yachakïkarqa 22nöpata kawayashqëkinö amana kawayënatsu, sinöqa makwa ratashta jitariqnö unë kawayashqëkita jitariyë.#Col. 3.9. Nöpataqa allita rurayashqëkita yarparmi llutan rurëkunaman churakashqa kayarqëki. 23Kananqa Espíritu Santu käyitsiyäshushqëkinöllana kawakuyë. 24Teyta Dios kashqannö qamkunapis kayänëkipaqmi mushuq kamashqan nunana këkäyanki. Tsënö këkarqa Teyta Dios munashqannö jutsannaq kawayänëkipaq mushuq kawëchöna kayë.#Col. 3.10.
25Ama ulipänakuyëtsu.#Zac. 8.16. Llapëkipis juk castanölla këkarqa#Rom. 12.5. rasun kaqllata parlayë.
26Piñakurpis ama jutsata rurayëtsu.#Sal. 4.4; Stg. 1.19-20. Qanyasninpiqa ama piñashqalla kayëtsu. 27Piñashqalla karqa shonqïkikunatam diablupaq kichëkäyanki.
28Nöpata suwakushqa karpis amana suwakuyënatsu. Suwakuyänëkipa rantin uryayë. Tsënöpam imëkikunapis kanqa waktsakunata yanapayänëkipaq.
29Ama imatapis llutankunata parlayëtsu. Tsëpa rantinqa nuna mayikita kallpatsayänëkipaq alli kaqkunallata parlayë.
30Llutankunata rurar Espíritu Santuta ama llakitsiyëtsu. Pëmi shonqïkikunata sellamushqa#2Cor. 1.22; Efe. 1.13. Jesucristo kutimunan junaq salvashqa kayänëkipaq.
31Ama chiki kayëtsu, piñakuq kayëtsu ni qayapäkuq kayëtsu. Ama wasarima kayëtsu ni manakaqkunata parlayëtsu. 32Tsënö kawakur jukniki juknikipis ankupänakur kawakuyë. Jesucristo wanushqanpita Teyta Dios perdonayäshushqëkinölla perdonanakuyë.#Col. 3.13.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.