Efesios 2
2
Ankupämarnintsik Teyta Dios salvamanqantsik
1Nöpataqa qamkuna jutsëkikuna rëkur imëka wanushqanömi kayarqëki.#2.1 Juk ishkë castellänu traduccionkunachömi versïculu 5-pita jorqur kënö nir yapan: Tsënö kayaptikipis kananqa mushuq kawëtam qarayäshurqëki. 2Wakin nunakunanömi Teyta Diosta mana cäsukur Satanáspa makinchö kawayarqëki. 3Tsënöllam llapantsikpis mana allikunata munapar y mana allikunata yarpar kawakurqantsik. Tsënö kawakushqantsikpitam wakin nunakunatanö Teyta Dios castigamänantsikpaq këkarqan.#Col. 3.6.
4Tsënö këkashqapis Teyta Dios ankupäkuq karmi alläpa kuyamarquntsik. 5Tsëmi jutsantsik rëkur wanushqanö këkashqapis Jesucristuta wanushqanpita kawaritsimur noqantsiktapis wanushqanö kashqantsikpita kawaritsimarquntsik.#Col. 2.13. Ankupäkuq këninwanmi salvamarquntsik. 6Jesucristuwan kawaritsimashqantsiknömi gloriachö pëwan tätsimarquntsik. 7Tsënö tätsimarquntsik Jesucristuchö kashqa alläpa ankupämashqantsikta shamuq watakunachö pïmëpis käyiyänanpaqmi.
8-9Teyta Dios ankupäkuq karmi Jesucristuman markäkushqa salvacionta qaramashqantsik. Manam kikintsikpitatsu ni allita rurashqantsikpitatsu salvacionta tarirquntsik, sinöqa Teyta Diospitam. Tsëmi pipis alabakunqatsu: <<Allikunata rurashqäpitam Teyta Dios salvamashqa>> nir. 10Jesucristuchö kashqam allikunata rurar kawanantsikpaq mushuq kawëta Teyta Dios qomarquntsik. Tsënö kawanantsikpaqqa unëpita patsam destinamarquntsik.
Israel nunakunata y mana Israel nunakunatapis Jesucristo amishtatsinqan
11Nöpata imanö kayashqëkitapis ama qonqayëtsu. Israel nunakunaqa señalakushqa karmi mana señalakuyashqëkipita manakaqpaq churayäshurqëki. 12Jesucristupa willakïninta manam musyayarqëkitsu. Israel nuna mana kayaptikim Teyta Dios äninqanta chaskiyänëkipaq rurashqan pactukunapis qamkunapaqtsu karqan. Kë patsachö Diosninnaq oqrakashqam kawayarqëki.
13Teyta Diospita karuchö kashqa karpis Jesucristuchö karnam yawarninta ramashqanpita Teyta Diospa nöpanchöna këkäyanki. 14Jesucristo tsënö salvayäshurqunki alli kawëta qomaqnintsik karmi.#Juan 14.27. Mana rikänakunapaq tsaparaq perqata juchuratsiqnömi Israel nuna o mana Israel nuna kashqapis juk castanölla kanantsikpaq ëllumarquntsik. 15Tsënö ëllumarquntsik Israel nunakunapa leyninkunata, mandamientukunata y reglamentukunata ushakätsirmi.#Rom. 10.4; Heb. 8.13. Jesucristuchö mushuq nuna kanantsikpaqmi Israel nunakunatapis y mana Israel nunakunatapis ëllumarquntsik. 16Cruzchö wanurmi Teyta Dioswan amishtatsimarquntsik mana chikinakushpa shumaqna kawakunapaq.#Col. 1.20.
17Kë patsaman Jesucristo shamurmi Teyta Diospa makinchö alli kawanantsikpaq kaq willakïta willakurqan. Tsë willakïqa Teyta Diospita karuchö këkaq mana Israel nunakunapaq y pëpa nöpanchö këkaq Israel nunakunapaqwanmi.#Isa. 57.19. 18Tsëmi Israel nuna kashqapis mana Israel nuna kashqapis Teyta Diosta imë hörapis mañakunantsikpaq Jesucristo rëkur Espíritu Santu yanapëkämantsik.
Teyta Dios täkunan templu kanqantsik
19Tsënö kaptinqa mana Israel nunakuna karpis mananam forastërunatsu këkäyanki, sinöqa Teyta Diospa wamrankunana karmi llapan salvashqan kaqkunawan tsë castallana këkäyanki.
20Alli cimientushqa shäritsishqa wayinömi këkäyanki. Tsë wayipa cimientunqa apostolkuna y profëtakuna yachatsiyashqankunam këkan. Jesucristunam wayipa esquïnanchö mas allin kaq maestra rumi këkan.#Isa. 28.16; Mat. 21.42.
21Jesucristuman markäkushqam perqata rumiwan shumaq perqaqnö noqantsiktapis perqëkämantsik Teyta Diospa sagrädu templun kanantsikpaq. 22Qamkunapis Jesucristuman markäkurmi templu perqashqan ruminö këkäyanki.#1Cor. 3.16-17; 1Ped. 2.4-5. Tsë templuchömi Teyta Diospa Espïritun tëkan.
Currently Selected:
Efesios 2: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Efesios 2
2
Ankupämarnintsik Teyta Dios salvamanqantsik
1Nöpataqa qamkuna jutsëkikuna rëkur imëka wanushqanömi kayarqëki.#2.1 Juk ishkë castellänu traduccionkunachömi versïculu 5-pita jorqur kënö nir yapan: Tsënö kayaptikipis kananqa mushuq kawëtam qarayäshurqëki. 2Wakin nunakunanömi Teyta Diosta mana cäsukur Satanáspa makinchö kawayarqëki. 3Tsënöllam llapantsikpis mana allikunata munapar y mana allikunata yarpar kawakurqantsik. Tsënö kawakushqantsikpitam wakin nunakunatanö Teyta Dios castigamänantsikpaq këkarqan.#Col. 3.6.
4Tsënö këkashqapis Teyta Dios ankupäkuq karmi alläpa kuyamarquntsik. 5Tsëmi jutsantsik rëkur wanushqanö këkashqapis Jesucristuta wanushqanpita kawaritsimur noqantsiktapis wanushqanö kashqantsikpita kawaritsimarquntsik.#Col. 2.13. Ankupäkuq këninwanmi salvamarquntsik. 6Jesucristuwan kawaritsimashqantsiknömi gloriachö pëwan tätsimarquntsik. 7Tsënö tätsimarquntsik Jesucristuchö kashqa alläpa ankupämashqantsikta shamuq watakunachö pïmëpis käyiyänanpaqmi.
8-9Teyta Dios ankupäkuq karmi Jesucristuman markäkushqa salvacionta qaramashqantsik. Manam kikintsikpitatsu ni allita rurashqantsikpitatsu salvacionta tarirquntsik, sinöqa Teyta Diospitam. Tsëmi pipis alabakunqatsu: <<Allikunata rurashqäpitam Teyta Dios salvamashqa>> nir. 10Jesucristuchö kashqam allikunata rurar kawanantsikpaq mushuq kawëta Teyta Dios qomarquntsik. Tsënö kawanantsikpaqqa unëpita patsam destinamarquntsik.
Israel nunakunata y mana Israel nunakunatapis Jesucristo amishtatsinqan
11Nöpata imanö kayashqëkitapis ama qonqayëtsu. Israel nunakunaqa señalakushqa karmi mana señalakuyashqëkipita manakaqpaq churayäshurqëki. 12Jesucristupa willakïninta manam musyayarqëkitsu. Israel nuna mana kayaptikim Teyta Dios äninqanta chaskiyänëkipaq rurashqan pactukunapis qamkunapaqtsu karqan. Kë patsachö Diosninnaq oqrakashqam kawayarqëki.
13Teyta Diospita karuchö kashqa karpis Jesucristuchö karnam yawarninta ramashqanpita Teyta Diospa nöpanchöna këkäyanki. 14Jesucristo tsënö salvayäshurqunki alli kawëta qomaqnintsik karmi.#Juan 14.27. Mana rikänakunapaq tsaparaq perqata juchuratsiqnömi Israel nuna o mana Israel nuna kashqapis juk castanölla kanantsikpaq ëllumarquntsik. 15Tsënö ëllumarquntsik Israel nunakunapa leyninkunata, mandamientukunata y reglamentukunata ushakätsirmi.#Rom. 10.4; Heb. 8.13. Jesucristuchö mushuq nuna kanantsikpaqmi Israel nunakunatapis y mana Israel nunakunatapis ëllumarquntsik. 16Cruzchö wanurmi Teyta Dioswan amishtatsimarquntsik mana chikinakushpa shumaqna kawakunapaq.#Col. 1.20.
17Kë patsaman Jesucristo shamurmi Teyta Diospa makinchö alli kawanantsikpaq kaq willakïta willakurqan. Tsë willakïqa Teyta Diospita karuchö këkaq mana Israel nunakunapaq y pëpa nöpanchö këkaq Israel nunakunapaqwanmi.#Isa. 57.19. 18Tsëmi Israel nuna kashqapis mana Israel nuna kashqapis Teyta Diosta imë hörapis mañakunantsikpaq Jesucristo rëkur Espíritu Santu yanapëkämantsik.
Teyta Dios täkunan templu kanqantsik
19Tsënö kaptinqa mana Israel nunakuna karpis mananam forastërunatsu këkäyanki, sinöqa Teyta Diospa wamrankunana karmi llapan salvashqan kaqkunawan tsë castallana këkäyanki.
20Alli cimientushqa shäritsishqa wayinömi këkäyanki. Tsë wayipa cimientunqa apostolkuna y profëtakuna yachatsiyashqankunam këkan. Jesucristunam wayipa esquïnanchö mas allin kaq maestra rumi këkan.#Isa. 28.16; Mat. 21.42.
21Jesucristuman markäkushqam perqata rumiwan shumaq perqaqnö noqantsiktapis perqëkämantsik Teyta Diospa sagrädu templun kanantsikpaq. 22Qamkunapis Jesucristuman markäkurmi templu perqashqan ruminö këkäyanki.#1Cor. 3.16-17; 1Ped. 2.4-5. Tsë templuchömi Teyta Diospa Espïritun tëkan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.