Daniel 4

Jatun montita rey Nabucodonosor suëñunqan

1 1 (3.31) Rey Nabucodonosormi mëtsë markakunaman, nacionkunaman y ima idiömata parlaq nunakunamanpis cartakur nirqan:

Qamkunachö alli kawakï këkullätsun. 2 2 (3.32) Poderyuq Teyta Diosmi espantëpaq kaqkunata rurarnin shumaq käyitsimashqa. Tsëtam kushishqa willayënikita munä. 3 3 (3.33) ¡Pë rurashqanqa espantakïpaqmi! ¡Milagru rurashqanqa kushikïpaqmi! ¡Pëmi imëyaqpis mandakuq këkan! ¡Poderninqa imëpis manam ushakanqatsu!

4 4 (1) Noqa Nabucodonosormi yarpashqänö llapanpis alli kaptin palaciüchö kushishqa alli kawakurqä. 5 5 (2) Juk paqas punïkarmi mana allita suëñukïkurqä y suëñunqäta yarparkurmi alläpa mantsakarqä. 6 6 (3) Tsëmi Babiloniachö täraq llapan yachaq nunakunata qayatsimurqä suëñushqä imapaq kashqantapis willayämänanpaq. 7 7 (4) Adivïnukuna, brüjukuna, qoyllurta estudiaqkuna y suerti qatiqkuna chëkayämuptinmi willarqä suëñushqäta. Manam mëqanllapis suëñushqäta käyitsimëta puëdiyarqantsu.

8 8 (5) Tsëpitanam Daniel chämurqan. Pëpa juk kaq shutinmi këkan Beltsasar. Tsënö shutin churarqä adorashqä diospa shutin kanqannö kananpaqmi. Pëta llapan dioskuna yanapaptinmi willarqä imata suëñushqätapis. Tsëmi kënö nirqä: 9 9 (6) <<Beltsasar, yachaq nunakunapa mandakuqnin kaptikim musyä llapan dioskuna yanapashushqëkita. Tsëmi qampaqqa imapis sasatsu imata suëñushqäta y suëñushqä imapaq kashqantapis willëkamänëkipaq.

10 10 (7) <<Cämächö iskarëkarmi suëñïnïchönö rikëkurqü kë patsa chöpinchö jatun monti shëkaqta. 11 11 (8) Tsë monti winar titayaptinmi rämankunapis ciëluyaq chashqa. Tsëmi mëtsëmanpis rikakushqa. 12 12 (9) Tsë montipaqa kuyëllapaqmi raprankunapis kashqa. Llapan nunakuna mikuyänanpaqmi wayïninpis atska kashqa. Llapan jirka animalkunapis montipa chakinchömi arwäkuyashqa. Tsënöllam rämankunachö pishqukuna qeshunkuna rurayashqa. Tsë montipa wayïnintam llapan animalkunapis mikuyashqa.

13 13 (10) <<Cämächö iskarëkarmi suëñïnïchö rikarqü ciëlupita juk ángel urëkämuqta. 14 14 (11) Tsë angelmi qaparipa kënö nimurqan: <Tsë montita wallurir llapan rämankunata llümayë#4.14 Wakin nunakunaqa römayë niyanmi.. Tsënölla raprankunatapis chipyëpa llupirïkuyë wayïninkunatapis witsirïkuyë. Arwanchö arwäkïkaq animalkunatapis llapanta qarquyë. Pishqukunapis qeshunta jaqirïkur ëwakuyätsun. 15 15 (12) Troncuntawan sipinta#4.15a Wakin nunakunaqa watsinta o jawanta niyanmi. jinanllachö jaqirïkur fiërru y bronci cadënakunawan watëkï. Qewakunapa chöpinllachö wätakunawan iwal kawatsun. Shullapis#4.15b Wakin nunakunaqa shulyapis niyanmi. jinanllachö oquratsitsun. 16 16 (13) Yarpënin alli këkashqanpita wätapa yarpëninnö tikraritsun. Tsënö katsun qanchis wata pasanqanyaq>.

17 17 (14) <<Tsënö kananpaqmi Diospa angelninkuna willakuyashqa. Tsënö pasakuptinmi pïmëpis musyayanqa llapan mandakuqkunapitapis Teyta Dios mas puëdiq kashqanta. Pëmi nacionchö mandakunanpaq pitapis munashqanta churan. Munarqa mas qollmi shonqu nunatapis mandakuq kananpaq churanmi.

18 18 (15) <<Tsëtam noqa Nabucodonosor suëñïnïchö rikarqü. Beltsasar, kanan willamë imapaq tsë suëñü kashqanta. Kë mandakushqä nacionchöqa manam mëqan adivinaqpis käyitsimëta puëdiyantsu. Musyämi llapan dioskuna yanapashuptiki qam käyitsimänëkipaq kashqanta>>.

Rey Nabucodonosor imapaq suëñunqanta Daniel willanqan

19 19 (16) Tsënö willashqä mantsakäkïpaq kaptinmi Beltsasar shutiyuq Daniel juk höranö pasëpa mantsakashqa yarpakachar wiyaräkurqan. Tsëmi kënö nirqä: <<Beltsasar, ama mantsakëtsu tsë suëñushqäpita>>.

Tsënam Daniel nimarqan: <<Tëtë, tsë suëñïnikichö rikashqëkiqa chikishuqnikikunata pasëkullätsun. 20-22 20-22 (17-19) Suëñïnikichö rikashqëki montiqa kikikim këkanki. Tsë monti winar titayanqannöllam qampis mandakuq tikrarirqunki. Montipa puntan rämankuna ciëluyaq chashqannömi qampis mandakuq tikrarir ciëluchö këkaq angelnö këkanki. Montipa raprankuna kuyëllapaq kashqannö y wayïninkuna llapan nunakuna mikuyänanpaq atska kashqannömi qampis atska nunakunata yanapanki. Jirka animalkuna montipa arwanchö arwäkuyashqannö y rämankunachö pishqukunapis qeshunkunata rurayashqannömi llapan nunakunapis munënikichö këkäyan. Tsë monti kë patsachö mëtsëmanpis rikakunqannöllam llapan nacionkunapis makikichö këkäyan.

23 23 (20) <<Tsënöllam suëñïnikichö rikëkurqunki ciëlupita willakuq ángel urëkämuqta. Pëmi kënö nirqan: <Tsë montita muturir llapanta ushakätsi. Troncuntawan sipinta#4.23a Wakin nunakunaqa watsinta o jawanta niyanmi. jinanllachö jaqiri. Tsëpitana fiërru y bronci cadënakunawan watarkur jirka qorakunapa chöpinllachö jaqiri. Shullapis#4.23b Wakin nunakunaqa shulyapis niyanmi. jinanllachö oqutsun. Wätakunawan iwal kawatsun qanchis wata pasashqanyaq>.

24 24 (21) <<Tëta rey, puëdiq Teyta Dios suëñïnikichö rikätsishushqëkiqa qamta pasashunëkipaqmi këkan. Kanan willashqëki tsë suëñushqëki imapaq kashqantapis. 25 25 (22) Nunakuna täräyashqanpita qarquyäshuptikim wätakunawan juntu kawanki. Törunömi qewata mikunki y shullam nuyushunki. Qanchis watam tsënö kanki Teyta Dios llapanpaq puëdiq kashqanta käyikushqëkiyaq. Pëmi pitapis munashqan kaqta mandakuq kananpaq churan.

26 26 (23) <<Montipa troncun sipintin jinanllachö quedashqanqa mandakuq këman kutinëkipaq kashqanmi këkan. Tsënö kutinki Teyta Dios llapanpaq puëdiq kashqanta käyishqëki höram.

27 27 (24) <<Tëta rey, tsënö mana pasashunëkipaq kanan käyitsishqëki. Jutsa rurëkunata jaqirir nuna mayikita shumaq rikë. Mana alli nuna këta jaqirir waktsakunata yanapëkï. Tsënö rurarqa capazchi yamë kawakïta tarïkunkimanpis>>.

28 28 (25) Daniel willamashqannöllam llapanpis pasamarqan. 29 29 (26) Tsë revelacionta rikashqäpita juk wata pasariptinnam Babiloniachö këkaq palaciüchö purikar 30 30 (27) nirqä: <<¡Noqam mandakuq kar kë jatun Babilonia markata shäritsirqü mandakushqä nacionkunapa capitalnin kananpaq! Tsënöpam mëtsë nacionchö mandakuq kashqäta musyayanqa>>.

31 31 (28) Parlëtapis manaraq ushaptïmi ciëlupita kënö nimushqan wiyakamurqan: <<Rey Nabucodonosor, nishqäta shumaq wiyamë. Kananpitaqa mananam reynatsu kanki. 32 32 (29) Nunakuna täräyashqanpita qarquyäshuptikim wätakunawan juntu kawanki. Törunömi qewata mikunki. Qanchis watam tsënö kanki Teyta Dios llapanpaq puëdiq kashqanta käyikushqëkiyaq. Pëmi pitapis munashqanta mandakuq kananpaq churan>>.

33 33 (30) Tsë höram nimashqan cumplikärirqan. Tsëmi nunakuna täräyashqanpita qarqayämaptin törukunanö qewata mikur qallëkurqä. Cuerpütanam shulla nuyumurqan. Aqtsäpis pichakpa#4.33 Wakin nunakunaqa äguilapa niyanmi. plümannömi y shillüpis pichakpa shillunnömi winarqan.

34 34 (31) Qanchis wata pasariptinmi noqa Nabucodonosor ciëlupa ñukirkur Teyta Diosta perdonta mañakurqä. Tsëmi yapë juiciüman kutirir wiñëpa kawaq Teyta Diosta alabar payllä nirqä.

Mandakuq këninqa mana ushakaqmi këkan.

Mandakuq kënintaqa manam pipis qochinqatsu.

35 35 (32) Pëpaqqa mëqan nacionpis manakaqllam këkan.

Teyta Diosqa ciëluchöpis y kë patsachöpis munashqantam imatapis ruran.

Pëtaqa manam pipis atäjuta churapantsu.

Pëtaqa manam pipis <<¿imanirtaq tsënö rurëkanki?>> nintsu.

36 36 (33) Tsë höram nöpata kashqämannö juiciüman kutirir yapë mandakuq këman kutirirqä nöpata mandakuq kashqänö. Tsënam nöpata yanapamaqkunapis yanapayämänanpaq yapë kutiyämurqan. Trönüman kutïkurmi punta kashqäpita mas mandakuq tikrarirqä. 37 37 (34) Tsëmi noqa Nabucodonosor ciëluchö këkaq Teyta Diosta alabä. Pë rurashqanqa llapanpis allim këkan. Yachaq tukuqkunataqa penqakïmanmi churan.

Currently Selected:

Daniel 4: qwhB

Highlight

Copy

Compare