Colosenses 3

Mushuq kawëta chaskikunqantsik

1Jesucristuwan kawarimushqana këkarqa gloriachö kaqkunata#Fil. 4.8; Col. 3.12-17. ashiyë. Tsëchömi Teyta Diospa allawka kaq lädunchö Jesucristo tëkan.#Sal. 110.1; Heb. 1.3. 2Kë patsallachö kawayänëkipaq yarpakachäyänëkipa rantin gloriachö kawayänëkipaq kaqkunata yarpakachäyë. 3Qamkunaqa jutsa rurëpaq wanushqana karmi#Col. 2.20; Rom. 6.2, 6; Gál. 2.20. Jesucristuwan Teyta Diospa lädunchöna kawëkäyanki. Tsënö kawayashqëkita nunakuna kanan mana rikarpis 4kawëta qomaqnintsik Jesucristo kutimuptinmi qamkunapis pëwan glorianchöna kayanki.

5Tsënö këkaptinqa jutsata mana rurashpana kawakuyë. Fornicación jutsata ama rurayëtsu ni shonqïkikuna mana allikunata munapäyanqanta rurayëtsu. Rïcu këllapaq ama yarpakachäyëtsu. Rïcu këllapaq yarpakacharqa ïdulukunata adoraqnömi këkäyanki. 6Tsënö jutsa ruraqkunataqa Teyta Diosmi piñar castiganqa.#Efe. 2.3.

7Qamkunapis nöpataqa tsënömi kayarqëki. 8Kananqa ama piñakuq kayëtsu ni pitapis chikiyëtsu. Ama wasarima kayëtsu ni manakaqkunata parlayëtsu. 9Tsënölla jukniki jukniki amana ulipänakuyëtsu. Makwa ratashta jitariqnö unë kawayashqëkita jaqirir#Efe. 4.22. 10pë qoyäshunqëki mushuq kawëtana kawakuyë.#Efe. 4.24. Mushuq kawëta chaskikuyaptikim kamamaqnintsik Teyta Dios waran waran käyikätsiyäshunki pë kashqannö qamkunapis kayänëkipaq. 11Tsëmi Israel nuna o mana Israel nuna karpis, señalakushqa o mana señalakushqa karpis, mana yachaq karpis, juk marka nuna karpis, esclävu karpis o libri karpis Jesucristuta chaskikurqa llapantsikpis pëpa makinchöna kawëkantsik.

12Teyta Dios akrashqan y kuyashqan santu nunakuna këkarqa jukniki juknikipis ankupänakur kawakuyë. Tsënölla yanapanakuyë, mana yachaq tukushpa kawayë, pïmëpaqpis alli shonqu kayë y pacienciakuyë.#Efe. 4.2. 13Imallapitapis piñayänëkipa rantinqa awantakuyë. Piñatsinakushqa karqa perdonanakuyë. Jesucristo perdonayäshushqëkinölla qamkunapis perdonanakuyë.#Efe. 4.32. 14Imanö karpis kuyanakur jukniki juknikipis juk shonqunölla kawakuyë.

15Jesucristupita#3.15 Wakin qepa kaq griego copiakunachömi Diospita nin. alli kawëta chaskikushqa këkarqa pïmëwanpis shumaq kawakuyë. Juk shonqunölla kawakuyänëkipaqmi Teyta Dios qayayäshurqunki. Jina Teyta Diosta imëpis payllä niyë. 16Jesucristupa alli willakïninta imëpis yarparäyë. Tsë willakïninta shumaq käyikur yachatsinakuyë y cäsukuyänëkipaq kallpatsanakuyë. Salmukunata, himnukunata y qotsukunata llapan shonqïkikunawan qotsur Teyta Diosta payllä nir alabayë. 17Imata rurarpis y imata parlarpis Señor Jesucristupa shutinchö rurayanki y parlayanki. Jesucristo salvayäshushqëkipita Teyta Diosta imëpis payllä nikuyë.#Efe. 5.19-20.

Jesucristuta chaskikuqkuna imanö kawayänanpaq

18Warmikuna, Señor Jesucristuta chaskikushqana këkarqa qowëkikunata cäsukuyë.

19Ollqukuna, warmikikunata kuyayë. Piñapäyänëkipa rantin alli shimikillapa käyitsiyë.

20Wamrakuna, mamëkikunata y tëtëkikunata imëpis cäsukuyë. Tsënö cäsukuyänëkitam Señor Jesucristo munan.#Efe. 6.1.

21Tëtakuna, wamrëkikuna mana llakikuyänanpaq ama lluta piñapäyëtsu.

22Esclävukuna, kë patsachö këkaq patronnikikuna mandayäshunqëkita rurayë. Rikäyäshuptikillaqa ama ruraq tukuyëtsu, sinöqa Teyta Diosta mantsakur llapan voluntänikikunawan uryayë. 23Imata rurarpis nunakunata sirwiqnöqa ama rurayëtsu, sinöqa Señor Jesucristuta sirwiqnö llapan shonqïkikunawan kushishqa rurayë. 24Musyayankim Señor Jesucristupita gloriachö herenciata chaskiyänëkipaq kashqanta. Señor Jesucristum rasunpa kaq patronnikikunaqa këkan. 25Mana allita ruraqkunataqa pï kaptinpis mana ankupashpam Teyta Dios castiganqa.#Efe. 6.5-8.

Currently Selected:

Colosenses 3: qwhB

Highlight

Copy

Compare