Amós 6
6
Israel y Judá nacionkuna castigashqa kayänanpaq ninqan
1¡Allaw Siónchö yamë täkuq autoridäkuna!
¡Allaw Samaria jirkachö kushishqa täkuq nunakuna!
Qamkuna alli käyitsikuq kayanqëkita yarparmi Israel mayikikuna käyitsiyänëkipaq shayämun.
2Calne markaman ëwar pëkunata ima pasanqantapis rikäyë.
Hamat markamanpis ëwar pëkunata ima pasanqantapis käyikuyë.
Rikäyë Filistea nacionchö këkaq Gat markata ima pasanqantapis.
Pëkunapitapis ¿mas alli pelyaq kayanqëkitaku yarpäyanki?
Markëkikuna tsë markakunapitapis ¿mas jatun y mas atskaq nunakuna kayanqantaku yarpäyanki?
3Qamkunaqa yarpäyanki ima desgraciapis mana pasayäshunëkipaq kashqantam.
Tsënö yarparpis llutankunata rurarmi desgraciata qayëkäyanki.
4Qamkunaqa marfilpita rurashqa kuyëllapaq catrichöran jitarëkäyankipis.
Üshakunata y wira wishikunata mikurran tëkäyanki.
5Versukunatapis arpapa tonädamanmi mushuq qotsukunata qotsur këkäyanki.
Instrumentukunatapis Davidnöran tukï niraqta rurëkäyanki.#1Crón. 23.5; Neh. 12.36.
6Jatusaq väsukunawanran vïnutapis upyëkäyanki.
Allin kaq perfümikunataran jichakuyankipis.
Qamkunata manam imapis qokuyäshunkitsu Israel nación ushakänan këkaptinpis.
7Tsënö këkaqtam qamkunataraq puntata juk lädu markaman prësu apayäshunki.
Apakuyäshuptikim fiesta rurëpis kanqanatsu.
8Llapanta mandaq Teyta Diosmi kikinpa shutinchö jurar nin:
<<Jacobpita miraq nunakuna nuna tukuyanqan alläpam piñatsiman.
Palaciunkunata rikëtapis manam munätsu.
Tsëmi markankunata y llapan imëkankunatapis contrankunaman qoykushaq.
9Tsënöpam juk wayichö chunka nunakuna kawëkar quedaqllapis wanuyanqa.
10Wanukuq nunakunapa ayanta ëllurir kayananpaqmi mëqanpa castanllapis ëwanqa.
Wayiman chärir rurichö pillatapis rikar tapunqa: <¿Pillaqa qamwan tsëchö këkanraqku?> nir.
Tsënam ruripita kënö nimunqa: <Pipis manam këchö kantsu>.
Jina kënömi nimunqa: <Upälla. Paqtam Teyta Diospa shutinta mentëkushwan.
Shutinta mentëkushqaqa maspis castiguëkamäshunmi.
11 Teyta Diosmi permitinqa jatusaq wayitapis taksha wayitapis juchuratsiyänanpaq> >>.
12¿Pillaqa cawallun montarkur qaqakunapa ëqinmantsuraq?
¿Pillaqa lamarchö törukunawan yapyanmantsuraq?
Tsë yarpëkuna upapa yarpënin kashqannömi qamkunapis mana käyikuq nunakuna këkäyanki.
¿Imanirtaq mana allikunata rurar Teyta Diospa leyninkunata venënumannö tikrëkätsiyanki?
Nunakunata kushitsiyänëkipa rantin ¿imanirtaq mana allikunata rurar llakikïman churëkäyanki?
13Qamkunaqa manakaqkunapita alabakurmi:
<<Kikintsikpa kallpantsikwanmi poderyuq këkantsik>> nikäyanki.
14Llapanta mandaq Teyta Diosmi nin:
<<Israel nunakuna, shumaq wiyayämë.
Noqam juk nación nunakunata pushamushaq Hamat partipa mojunninpita hasta Arabá pampayaq poderninkunachö tsaräyäshunëkipaq>>.
Currently Selected:
Amós 6: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Amós 6
6
Israel y Judá nacionkuna castigashqa kayänanpaq ninqan
1¡Allaw Siónchö yamë täkuq autoridäkuna!
¡Allaw Samaria jirkachö kushishqa täkuq nunakuna!
Qamkuna alli käyitsikuq kayanqëkita yarparmi Israel mayikikuna käyitsiyänëkipaq shayämun.
2Calne markaman ëwar pëkunata ima pasanqantapis rikäyë.
Hamat markamanpis ëwar pëkunata ima pasanqantapis käyikuyë.
Rikäyë Filistea nacionchö këkaq Gat markata ima pasanqantapis.
Pëkunapitapis ¿mas alli pelyaq kayanqëkitaku yarpäyanki?
Markëkikuna tsë markakunapitapis ¿mas jatun y mas atskaq nunakuna kayanqantaku yarpäyanki?
3Qamkunaqa yarpäyanki ima desgraciapis mana pasayäshunëkipaq kashqantam.
Tsënö yarparpis llutankunata rurarmi desgraciata qayëkäyanki.
4Qamkunaqa marfilpita rurashqa kuyëllapaq catrichöran jitarëkäyankipis.
Üshakunata y wira wishikunata mikurran tëkäyanki.
5Versukunatapis arpapa tonädamanmi mushuq qotsukunata qotsur këkäyanki.
Instrumentukunatapis Davidnöran tukï niraqta rurëkäyanki.#1Crón. 23.5; Neh. 12.36.
6Jatusaq väsukunawanran vïnutapis upyëkäyanki.
Allin kaq perfümikunataran jichakuyankipis.
Qamkunata manam imapis qokuyäshunkitsu Israel nación ushakänan këkaptinpis.
7Tsënö këkaqtam qamkunataraq puntata juk lädu markaman prësu apayäshunki.
Apakuyäshuptikim fiesta rurëpis kanqanatsu.
8Llapanta mandaq Teyta Diosmi kikinpa shutinchö jurar nin:
<<Jacobpita miraq nunakuna nuna tukuyanqan alläpam piñatsiman.
Palaciunkunata rikëtapis manam munätsu.
Tsëmi markankunata y llapan imëkankunatapis contrankunaman qoykushaq.
9Tsënöpam juk wayichö chunka nunakuna kawëkar quedaqllapis wanuyanqa.
10Wanukuq nunakunapa ayanta ëllurir kayananpaqmi mëqanpa castanllapis ëwanqa.
Wayiman chärir rurichö pillatapis rikar tapunqa: <¿Pillaqa qamwan tsëchö këkanraqku?> nir.
Tsënam ruripita kënö nimunqa: <Pipis manam këchö kantsu>.
Jina kënömi nimunqa: <Upälla. Paqtam Teyta Diospa shutinta mentëkushwan.
Shutinta mentëkushqaqa maspis castiguëkamäshunmi.
11 Teyta Diosmi permitinqa jatusaq wayitapis taksha wayitapis juchuratsiyänanpaq> >>.
12¿Pillaqa cawallun montarkur qaqakunapa ëqinmantsuraq?
¿Pillaqa lamarchö törukunawan yapyanmantsuraq?
Tsë yarpëkuna upapa yarpënin kashqannömi qamkunapis mana käyikuq nunakuna këkäyanki.
¿Imanirtaq mana allikunata rurar Teyta Diospa leyninkunata venënumannö tikrëkätsiyanki?
Nunakunata kushitsiyänëkipa rantin ¿imanirtaq mana allikunata rurar llakikïman churëkäyanki?
13Qamkunaqa manakaqkunapita alabakurmi:
<<Kikintsikpa kallpantsikwanmi poderyuq këkantsik>> nikäyanki.
14Llapanta mandaq Teyta Diosmi nin:
<<Israel nunakuna, shumaq wiyayämë.
Noqam juk nación nunakunata pushamushaq Hamat partipa mojunninpita hasta Arabá pampayaq poderninkunachö tsaräyäshunëkipaq>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.