Hechos 27

Pabluta Romaman prësu apatsinqan

1Pabluta Italiaman#27.1 Italia nacionchömi Roma këkan. Tsëchömi mandakuq César tärarqan. apatsiyänanpaq autoridäkuna parlarirmi wakin prësukunatawan capitán Juliuman qoykuyarqan. Juliuqa këkarqan Augusto niyashqan tröpapa capitanninmi. 2Tsëmi lloqayarqä#27.2 Kë libruta qellqaq Lucaspis Pabluwanmi Romaman ëwarqan. Adramitiupita shamuq barcuman. Tsë barcuqa Asia provinciachö këkaq puertukunaman ëwananpaqnam këkarqan. Pabluta yanaqäyänäpaqmi Aristarcuwan ëwayarqä. Aristarcuqa karqan Macedonia provinciachö Tesalónica markapitam. 3Waräninnam Sidónman chärir capitán Juliuqa Pabluta ankupar nirqan: <<Imallawanpis yanapayäshunëkipaq reqinakushqëkiman ëwë>>.

4Sidónpita yarquyaptïnam alläpa vientumuptin Chipre isla kuchunllapa ëwayarqä. 5Tsëpitam Cilicia y Panfilia tsimpanpa pasar chäyarqä Liciachö kaq Mira markaman.

6Tsëchömi capitán Julio tarirqan Alejandríapita Italiaman ëwëkaq barcuta. Tsëmi tsë barcumanna lloqayänäpaq niyämarqan. 7Tsëpita yarqur atska junaqtaran jipar Gnido markapa frentinpa pasayarqä. Tsëpa ëwëkäyaptï alläpa vientümuptinmi Creta islapa jirurur Salmón niyashqan nöpanpa pasayarqä. 8Creta isla kuchunpa ëwëta jiparmi Buenos Puertos shutiyuq markaman sasataraq chäyarqä. Tsë markaqa këkan Lasea markapa lädunllachömi. 9Atska junaqna tsëchö këkäyaptïmi tamya tiempu qallëkunanpaqna këkarqan. Tsëmi pasayänäpaq mana alli kaptin barcuchö uryaq nunakunata Pablo kënö nirqan: 10<<Tëtakuna, ama ëwashunraqtsu. Kënöchö ëwashqaqa barcupis cargapis ushakanqam. Noqantsikpis itsa ushakäshunmi>>.

11Pablo tsënö nikaptinpis capitanqa manam cäsurqantsu, sinöqa barcuyuqta y barcu manijaqtam cäsurqan. 12Tamya witsan Buenos Puertuschö quedayänäpaq mana alli kaptinmi llapäkunapis yarpäyarqä Cretachö këkaq Fenice markaman ëwëta. Fenicichöqa tamya witsanpis barcu täränanpaq allim karqan.

Vientuntin tamya alläpa kanqan

13Ëwayänäpaq vientu alli kaptinnam barcuchö uryaqkuna yarpäyarqan Feniciman chäyänäpaqna kashqanta. Tsëmi barcupa anclankunata#27.13 Anclaqa jatun ganchuyuq fiërrukunam këkan. ëllurir Creta isla kuchunllapa ëwayarqä. 14Yarquyashqäpita rätunllatanam Euroclidón niyashqan shukukï vientu Cretapita alläpa vientumurqan. 15Tsëmi vientu shamushqanpa ëwëta mana puëdir barcu manijaqkuna jaqiriyarqan vientu apashqanllapana barcu ewkunanpaq. 16Tsëpita Clauda niyashqan taksha islapa ëwarmi qarachëpa apashqan taksha barcuta alläpa jiparraq barcu jananman lloqaratsir watayarqä.

17Tsëpitanam mana laqtsakänanpaq ëwëkäyashqä jatun barcutapis waskakunawan watayarqan. Tsëpitanam lamar rurinchö Sirte niyashqan aqushaman chänanta mantsar despaciu ëwayänäpaq barcupa juk anclanta jitarkuyarqan. Nïkurmi vientu apashqanllapa ëwayarqä. 18Tsëpita waränin junaqpis tsënölla alläpa vientumuptinmi barcupita cargankunata lamarman jitariyarqan. 19Barcupa anclanta jitarkuyashqanpita kima junaqtanam barcuchö alläpa mana wanayashqan kaqkunatapis jitariyarqan. 20Pukutë tsaparaptinmi atska junaq intipis ni qoyllurpis rikakurqantsu. Alläpa vientumuptinmi ushakäyänäpaq kashqanllatana yarpäyarqä.

21Atska junaqna mikunni kayaptïmi llapäkunapa chöpïkunaman shëkur Pablo kënö niyämarqan: <<Tëtakuna, Creta islapita mana yarqamunantsikpaq nishqäta wiyayämaptikiqa manam kënö jipashwantsu karqan ni imakunatapis lamarman jitashwantsu karqan. 22Tsënö kaptinpis ama llakikuyëtsu. Manam mëqantsikpis wanushuntsu. Barcum sï ushakanqa. 23Qanyan paqasmi sirwishqä Teyta Dios kachamushqan ángel yuripïkamar 24nimashqa: <Pablo, ama mantsakëtsu. Romachö mandakuq César juzgashunëkipaq chankiran. Barcuchö këkaq nunakunatapis qam rëkurmi Teyta Dios salvanqa>. 25Tëtakuna, ángel tsënö nikämaptinqa ama mantsakäshuntsu. Teyta Diosmanmi markäkü. Ángel nimashqannöllam kanqa. 26Barcu ushakaptinpis isla kuchunmanmi lamar jitaramäshun>>.

27Adriático nishqan lamarchö ishkë semänana vientu purikätsiyämaptinmi barcu manijaqkuna pullan paqasnö mäkuyarqan tsaki patsaman chëkäyashqäta. 28Yakupa hondunta mediyaptinmi kima chunka joqta (36) metru karqan. Yapë mediptinmi ishkë chunka qanchis (27) metrullana këkarqan. 29Tsëmi rumikunachö barcu tsaktakunanta mantsar barcu pärananpaq chusku anclankunata watarkur barcu qepanpa jitarkuyarqan. Tsëpitanam patsa warashqanyaq tsëchö shuyaräyarqä. 30Barcu manijaqkunanam ëqikïta munar barcu nöpanpapis anclata jitaqnölla taksha barcuta urätsiyarqan. 31Ëqikïta munayashqanta käyirmi capitanta y soldädukunata Pablo kënö nirqan: <<Barcu manijaqkuna ewkuyaptinqa manam salvakuyankitsu>>.

32Tsënö niptinmi taksha barcu wataraq waskakunata soldädukuna roquriyaptin lamarman jeqarqan.

33Patsa waräriptinnam nunakunata Pablo kënö nirqan: <<Mikushunraq, tëtakuna. <Imaraq pasamäshun> nir llakikurmi ishkë semänana mikurquntsiktsu. 34Kananqa kallpantsik yurinanpaq mikushunraq. Manam mëqantsikpis wanushuntsu>>.

35Tsënö nirmi tantata tsarirkur llapanpa nöpanchö Teyta Diosta payllä nikurqan. Tsëpitanam tantata pakir pakir mikur qallëkurqan. 36Pablo mikïkaqta rikarmi llapanpis mikuyarqan. 37Barcuchö ëwaqkuna kayarqä ishkë pachak qanchis chunka joqta (276) nunakunam. 38Pacha junta mikurirnam barcu ankashyänanpaq apayashqan trïguta lamarman jitayarqan.

Barcu ushakanqan

39Patsa waräriptinnam chëkäyanqä tsaki patsata rikarpis barcu manijaqkuna reqiyarqantsu mëchö këkäyashqantapis. Pläyata rikëkurnam barcuta tsëman chätsita munayarqan. 40Tsëmi wataraq waskakunata roquriyaptin anclakuna lamarchö quedayarqan. Tsëpitanam timonnin wataraqta paskarir barcuta vientu apananpaq jatun rakta tëlata witsätsiyarqan. Tsëmi lamar kuchunman barcu ëwar qallëkurqan. 41Ëwëkashqanchömi barcupa puntan aqushaman yakakarkurqan. Tsëmi yaku laqchiqsar barcupa qepanta pakirirqan.

42Tsëmi prësukuna mana safayänanpaq soldädukuna wanutsita munayarqan. 43Tsënö yarpäyaptinpis Pabluta salvëta munarmi capitán kënö nirqan: <<Ama pitapis wanutsiyëtsu. Nadëta yachaqkunaqa yaku kuchunman yarquyätsun. 44Wakinkunana tablakunata o barcupa pakipinkunata tsarikurkur yaku kuchunman imanöpapis yarquyätsun>>.

Tsënöpam llapäkuna yakupita yarquyarqä.

Currently Selected:

Hechos 27: qwhB

Highlight

Copy

Compare