2 Corintios 8
8
Ofrendata apayänanpaq ninqan
1Wawqikuna y panikuna, willapäyashqëki Macedoniachö kaq wawqikunata y panikunata Teyta Dios ankupar imanö yanapëkashqanta. 2Pëkunaqa alläpa jiparpis y pasëpa muchïchö karpis kushishqam atska ofrendata ëlluyashqa. 3Kikïmi rikarqü ofrendata churayänanpaq kaqpita masta churayashqanta. Tsënö churayashqa kikinpa voluntäninkunapitam. 4Pëkuna yapëkuryanmi rowayämashqa wakin markakunachö ofrendata ëlluyashqannö Jerusalénchö markäkuq mayintsikkunapaq pëkunapis ëlluyänanpaq.#Rom. 15.26. 5Ofrendata ëllur yarpäyashqäpitapis mas atskatam ëlluyashqa. Puntataqa Señor Jesucristupa munëninchö kawayänanpaqmi änikuyashqa. Tsëpitanam imata käyitsiyashqätapis Teyta Dios munashqannö cumpliyänanpaq niyämashqa.
6Qamkunapis ofrendata ëllur qallëkuyänëkipaqmi Tito kallpatsayäshurqunki. Tsëmi pëta rowarqü qamkuna kaqman kutimur ofrendata ëllur yanapayäshunëkipaq. 7Teyta Dios allim yanapëkäyäshunki pëman markäkuyänëkipaq, shumaq parlayänëkipaq, alli yachëyuq kayänëkipaq, yanapakuq kayänëkipaq y yachatsiyashqaqnö pïmëtapis kuyayänëkipaq. Tsënölla atska ofrendata ëlluyänëkipaqpis Teyta Dios yanapëkuyäshunki.
8Wakinkuna kushishqa ëlluyashqanta niyaq manam mana munëkaqta obligayarnikitsu, sinöqa ankupäkuq kayashqëkita pïmëpis musyananpaqmi niyaq. 9Qamkuna musyayankim Señor Jesucristupis ankupäkuq kashqanta. Pëmi gloriachö rïcu këninta jaqirir kë patsaman shamur waktsanölla tikrarqan. Tsënö karqan qamkunapis gloriaman chärir Teyta Diospa nöpanchö rïcu kayänëkipaqmi.
10Kanan yachatsiyashqaqta chaskiyämë: Qanyan watana ofrendata ëllur qallëkushqa këkarqa 11tariyashqëkimannö ëllur sïguiyë. 12Llapan shonqïkikunawan kushishqa ëlluyaptikiqa ofrendëkikunata Teyta Dios chaskiyäshunkim. Tsënö kaptinpis kayäpushunqëkillapita churayë. Ama llakikuyëtsu churayashqëki ofrenda wallkalla kaptinpis.
13Manam waktsayäyänëkita munartsu tsënö niyaq, tsëpa rantinqa llapantsikpis yanapanakunantsikta munarmi. 14Jerusalénchö markäkuq mayintsikkuna kanan pishipakuyaptinpis qamkunapaqa këkanmi. Qamkuna muchïchö kayaptikinam pëkunapis yanapayäshunki. Juknintsik juknintsik tsënö yanapanakurqa manam pishipakushunnatsu. 15Teyta Diospa palabranchömi kënö qellqarëkan:
<<Atskata ëlluyaptinpis manam sobrarqantsu.
Wallkallata ëlluyaptinpis manam pishirqantsu>>.#Éxo. 16.18.
Yanaqinkunawan Corintuman Tito ëwayänanpaq ninqan
16Titupis noqanölla qamkunapaq yarparaptinmi Teyta Diosta payllä nikü. 17Tsëmi qamkuna kaqman kutimunanpaq niptï kushishqa änimashqa. Qamkunawan këta munarmi manaraq niptïpis shamïta munëkan. 18Tituwanmi juk wawqintsiktapis kachëkämü. Teyta Diospa willakïninta alli willapäkuq kaptinmi këchö kaq llapan wawqikuna y panikuna niyan alli wawqi kashqanta. 19Tsëmi Jerusalénman ofrendata apayaptï yanaqäyämänanpaqpis pëta akrayashqa. Ofrendata chätsiyaptïnam yanapakuq kashqantsikta käyir Teyta Diosta alabayanqa. 20Atska ofrendata chätsiyänäpaq yanaqäyämaptinmi pipis llutanta parlanqatsu. 21Teyta Diospa nöpanchöpis y nunakunapa nöpanchöpis allillatam rurëta munä.
22Tituwanmi juk wawqintsiktapis kachëkämü. Pëpis Teyta Dios munashqannö kawakuqmi. Alli chaskiyänëkipaq kashqanta musyarmi pëpis yanapayäshunëkipaq kushishqa shamïkan.
23Tito pï kanqanta tapuyäshuptiki willayanki noqawan willakur puriq kashqanta y qamkunatapis willapäyäshushqëkita. Tsënölla pëwan shamuq ishkë wawqintsikkunapaq tapuyäshuptikipis willayanki këchö iglesiakunapita pëkunata kachayämushqanta y Cristo munashqannö alli kawëkäyashqanta. 24Qamkuna kaqman chäyämuptin pëkunata shumaq chaskiyanki. Tsënöpam jinantinchö wawqikuna y panikuna musyayanqa nishqänölla ankupäkuq kayashqëkita.
Currently Selected:
2 Corintios 8: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Corintios 8
8
Ofrendata apayänanpaq ninqan
1Wawqikuna y panikuna, willapäyashqëki Macedoniachö kaq wawqikunata y panikunata Teyta Dios ankupar imanö yanapëkashqanta. 2Pëkunaqa alläpa jiparpis y pasëpa muchïchö karpis kushishqam atska ofrendata ëlluyashqa. 3Kikïmi rikarqü ofrendata churayänanpaq kaqpita masta churayashqanta. Tsënö churayashqa kikinpa voluntäninkunapitam. 4Pëkuna yapëkuryanmi rowayämashqa wakin markakunachö ofrendata ëlluyashqannö Jerusalénchö markäkuq mayintsikkunapaq pëkunapis ëlluyänanpaq.#Rom. 15.26. 5Ofrendata ëllur yarpäyashqäpitapis mas atskatam ëlluyashqa. Puntataqa Señor Jesucristupa munëninchö kawayänanpaqmi änikuyashqa. Tsëpitanam imata käyitsiyashqätapis Teyta Dios munashqannö cumpliyänanpaq niyämashqa.
6Qamkunapis ofrendata ëllur qallëkuyänëkipaqmi Tito kallpatsayäshurqunki. Tsëmi pëta rowarqü qamkuna kaqman kutimur ofrendata ëllur yanapayäshunëkipaq. 7Teyta Dios allim yanapëkäyäshunki pëman markäkuyänëkipaq, shumaq parlayänëkipaq, alli yachëyuq kayänëkipaq, yanapakuq kayänëkipaq y yachatsiyashqaqnö pïmëtapis kuyayänëkipaq. Tsënölla atska ofrendata ëlluyänëkipaqpis Teyta Dios yanapëkuyäshunki.
8Wakinkuna kushishqa ëlluyashqanta niyaq manam mana munëkaqta obligayarnikitsu, sinöqa ankupäkuq kayashqëkita pïmëpis musyananpaqmi niyaq. 9Qamkuna musyayankim Señor Jesucristupis ankupäkuq kashqanta. Pëmi gloriachö rïcu këninta jaqirir kë patsaman shamur waktsanölla tikrarqan. Tsënö karqan qamkunapis gloriaman chärir Teyta Diospa nöpanchö rïcu kayänëkipaqmi.
10Kanan yachatsiyashqaqta chaskiyämë: Qanyan watana ofrendata ëllur qallëkushqa këkarqa 11tariyashqëkimannö ëllur sïguiyë. 12Llapan shonqïkikunawan kushishqa ëlluyaptikiqa ofrendëkikunata Teyta Dios chaskiyäshunkim. Tsënö kaptinpis kayäpushunqëkillapita churayë. Ama llakikuyëtsu churayashqëki ofrenda wallkalla kaptinpis.
13Manam waktsayäyänëkita munartsu tsënö niyaq, tsëpa rantinqa llapantsikpis yanapanakunantsikta munarmi. 14Jerusalénchö markäkuq mayintsikkuna kanan pishipakuyaptinpis qamkunapaqa këkanmi. Qamkuna muchïchö kayaptikinam pëkunapis yanapayäshunki. Juknintsik juknintsik tsënö yanapanakurqa manam pishipakushunnatsu. 15Teyta Diospa palabranchömi kënö qellqarëkan:
<<Atskata ëlluyaptinpis manam sobrarqantsu.
Wallkallata ëlluyaptinpis manam pishirqantsu>>.#Éxo. 16.18.
Yanaqinkunawan Corintuman Tito ëwayänanpaq ninqan
16Titupis noqanölla qamkunapaq yarparaptinmi Teyta Diosta payllä nikü. 17Tsëmi qamkuna kaqman kutimunanpaq niptï kushishqa änimashqa. Qamkunawan këta munarmi manaraq niptïpis shamïta munëkan. 18Tituwanmi juk wawqintsiktapis kachëkämü. Teyta Diospa willakïninta alli willapäkuq kaptinmi këchö kaq llapan wawqikuna y panikuna niyan alli wawqi kashqanta. 19Tsëmi Jerusalénman ofrendata apayaptï yanaqäyämänanpaqpis pëta akrayashqa. Ofrendata chätsiyaptïnam yanapakuq kashqantsikta käyir Teyta Diosta alabayanqa. 20Atska ofrendata chätsiyänäpaq yanaqäyämaptinmi pipis llutanta parlanqatsu. 21Teyta Diospa nöpanchöpis y nunakunapa nöpanchöpis allillatam rurëta munä.
22Tituwanmi juk wawqintsiktapis kachëkämü. Pëpis Teyta Dios munashqannö kawakuqmi. Alli chaskiyänëkipaq kashqanta musyarmi pëpis yanapayäshunëkipaq kushishqa shamïkan.
23Tito pï kanqanta tapuyäshuptiki willayanki noqawan willakur puriq kashqanta y qamkunatapis willapäyäshushqëkita. Tsënölla pëwan shamuq ishkë wawqintsikkunapaq tapuyäshuptikipis willayanki këchö iglesiakunapita pëkunata kachayämushqanta y Cristo munashqannö alli kawëkäyashqanta. 24Qamkuna kaqman chäyämuptin pëkunata shumaq chaskiyanki. Tsënöpam jinantinchö wawqikuna y panikuna musyayanqa nishqänölla ankupäkuq kayashqëkita.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.