2 Corintios 12
12
Revelacionkunata Pablo rikanqan
1Alabakushqäwan imata mana jorqurpis kanan willayashqëki Señor Jesucristo revelacionkunata rikätsimashqanta. 2Chunka chusku watanam pasan Jesucristuman markäkuq reqishqä nunata#12.2a Juk nunaman jitëkurllam kikinpaq Pablo parlarqan. Tsënö parlarqan yachaq tukuq këta mana munarmi. Kikinpaq parlashqanta Pablo willamantsik versïculu 7-chömi. kima kaq ciëluman#12.2b Punta kaq ciëluqa këkan pukutë këkashqanmi. Ishkë kaq ciëluqa këkan qoyllurkuna, killa y inti këkäyashqanmi. Kima kaq ciëlunam këkan Teyta Dios tärashqan. Teyta Dios apakunqan. Manam musyätsu cuerpuntin ëwashqanta o almalla ëwashqanta. Tsëtaqa Teyta Diosllam musyan. 3Cuerpuntin ëwashqanta o almanlla ëwashqanta Teyta Dioslla musyaptinpis 4paraísuman#Luc. 23.43. apashqantam musyëkä. Tsëchömi pipis mana wiyashqankunata wiyarqan. Tsë wiyashqankunataqa imanö käyitsitapis manam puëdintsu.
5Tsë nuna ciëluman chashqantaqa alabämanmi. Tsënö kaptinpis kikïqa manam alabakushaqtsu, sinöqa poderninnaq kashqallätam willayashqëki. 6Alabakïta munarqa rasun kaqtam alabaküman. Tsënö kaptinpis santuna kashqäta nunakuna yarpäyänanta mana munarmi alabakütsu. Manam alabakushqäta wiyartsu pipis alli nuna kashqäta yarpanman, sinöqa imanö kawashqätapis rikar y imata parlashqätapis wiyarmi alli nuna kashqäta yarpanman.
7Ciëluchö rikashqäkunapita mana alabakunäpaqmi Teyta Dios permitishqa alläpa jipanäpaq. Tsë jipëqa cuerpüchö kasha yakarëkaqnömi këkan. Kikin Satanás kachamushqan jipënöran alläpa nanatsiman. 8Tsë nanëpita jorqamänanpaqmi Señornintsikta kima kuti mañakurqä. 9Mañakuptïmi nimarqan: <<Kuyanqaqllawan kushikï. Tsënö jipar kallpannaq kaptikiran podernïwan yanapashqëki>>.
Tsënö nimaptinmi tsë nanëwan jipar kallpannaq karpis kushikü. Kallpannaq kaptïran Jesucristo yanapëkäman. 10Tsëmi Jesucristo rëkur llakikütsu qeshyarpis, ashayämaptinpis, pishiparpis, chikiyämaptinpis y imanö jiparpis. Kallpannaq karpis kallpayuqmi këkä.#12.10 Tsënö nirmi Pablo kënö nirqan: Tsënö jipar kallpannaq këkarpis Jesucristo yanapamaptinmi kallpayuq këkä.
Corintuchö këkaq wawqikunapaq y panikunapaq Pablo llakikunqan
11Löcunö alabakur parlanäpaqqa kikikikunam ashipäyämarqunki. Alabakunäpa rantinqa qamkunam alabayämankiman karqan. Kikïllapita imatapis rurëta mana puëdirpis tsë apóstol tukuqkunapitaqa mas alliran kä. 12Apóstol kashqäta käyikuyänëkipaqmi qamkuna kaqchö jiparpis mantsakäkïpaq milagrukunata y señalkunatapis rurarqä. 13Wakin markakunachö gastükunapaq wawqikunata y panikunata mañakushqänöqa qamkunata manam mañakuyarquqtsu. ¿Imanirtaq tsëpaq piñashqa këkäyanki? ¿Mana mañakuyashqaqtsuraq jutsä kashqa?
14Alistakushqanam këkä qamkuna kaqman yapë shamunäpaq. Kananwanqa kima kutinam shamushaq. Manam kikïpaq imatapis ashirtsu qamkunaman shamushaq, sinöqa qamkunata ankupar yanapayänaqpaqmi. Musyashqantsiknöpis manam pï tëtapis wamrankunata mañakuntsu, sinöqa yanapanmi. 15Tsënöllam noqapis qamkunata mañakuyänaqpa rantinqa imäkunatapis ushashaq y qamkuna rëkurmi wanunäpaqpis listu këkä. Llapan shonqüwan qamkunata ankupar yanapëkäyaptiq ¿imanirtaq noqapita piñashqa këkäyanki?
16Musyayashqëkinöpis manam mëqëkipa peqëkitapis nanatsirqütsu. Tsënö kaptinpis wakinnikish nikäyanki waktsakunapaq tumpalla kikïkunapaq qellëta ëllïkätsiyashqaqta. 17¿Imanirtaq tsënö yarpëkäyanki? Käyikuyë. ¿Imëllaqa qamkunaman kachamushqä wawqikuna mëqanllapis engañayäshurqëkiku? 18Juk wawqitawan Tituta qamkuna kaqman kachamuptï#2Cor. 8.6, 16-18. manam imatapis sakyapayäshurqunkitsu. Tito mana sakyapäkuq kashqannömi noqapis sakyapäkütsu. Pëwanqa tsë yarpëllam këkäyä.
19Kë cartata apëkatsiyämushqäta leyir capaz yarpäyanki favornïkunallapaq qellqayämushqäta. Kuyë wawqikuna y panikuna, manam favornïkunallapaqtsu qellqëkämü, sinöqa käyikur Teyta Dios munashqannö kawayänëkipaqmi. Jesucristuta sirwiq karmi Teyta Diospa nöpanchö qamkunata käyitsiyaq. 20Qamkuna kaqman shamur mana allikunata rurëkäyaqta tariyänaqpaq kaqtam llakikü. Tsënöllam llakikü tsënö këkaqta tarir piñapäyänaqpaq kaqta. Itsa qamkunata tariyaqman liryakïkaqta, chikinakïkaqta, piñapänakïkaqta, jukpa wasan rimëkaqta, penqapänakïkaqta, nuna tukïkaqta y mana allikunata rurëkaqta. 21Itsa melanëpaq kaqkunata, fornicación jutsata y jukwan jukwan purikuyashqëkita jaqiyarqunkitsu. Jutsa rurëkaqta tarir qamkunapita Teyta Diospa nöpanchö penqakunäpaq kaqpitam llakikü.
Currently Selected:
2 Corintios 12: qwhB
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
2 Corintios 12
12
Revelacionkunata Pablo rikanqan
1Alabakushqäwan imata mana jorqurpis kanan willayashqëki Señor Jesucristo revelacionkunata rikätsimashqanta. 2Chunka chusku watanam pasan Jesucristuman markäkuq reqishqä nunata#12.2a Juk nunaman jitëkurllam kikinpaq Pablo parlarqan. Tsënö parlarqan yachaq tukuq këta mana munarmi. Kikinpaq parlashqanta Pablo willamantsik versïculu 7-chömi. kima kaq ciëluman#12.2b Punta kaq ciëluqa këkan pukutë këkashqanmi. Ishkë kaq ciëluqa këkan qoyllurkuna, killa y inti këkäyashqanmi. Kima kaq ciëlunam këkan Teyta Dios tärashqan. Teyta Dios apakunqan. Manam musyätsu cuerpuntin ëwashqanta o almalla ëwashqanta. Tsëtaqa Teyta Diosllam musyan. 3Cuerpuntin ëwashqanta o almanlla ëwashqanta Teyta Dioslla musyaptinpis 4paraísuman#Luc. 23.43. apashqantam musyëkä. Tsëchömi pipis mana wiyashqankunata wiyarqan. Tsë wiyashqankunataqa imanö käyitsitapis manam puëdintsu.
5Tsë nuna ciëluman chashqantaqa alabämanmi. Tsënö kaptinpis kikïqa manam alabakushaqtsu, sinöqa poderninnaq kashqallätam willayashqëki. 6Alabakïta munarqa rasun kaqtam alabaküman. Tsënö kaptinpis santuna kashqäta nunakuna yarpäyänanta mana munarmi alabakütsu. Manam alabakushqäta wiyartsu pipis alli nuna kashqäta yarpanman, sinöqa imanö kawashqätapis rikar y imata parlashqätapis wiyarmi alli nuna kashqäta yarpanman.
7Ciëluchö rikashqäkunapita mana alabakunäpaqmi Teyta Dios permitishqa alläpa jipanäpaq. Tsë jipëqa cuerpüchö kasha yakarëkaqnömi këkan. Kikin Satanás kachamushqan jipënöran alläpa nanatsiman. 8Tsë nanëpita jorqamänanpaqmi Señornintsikta kima kuti mañakurqä. 9Mañakuptïmi nimarqan: <<Kuyanqaqllawan kushikï. Tsënö jipar kallpannaq kaptikiran podernïwan yanapashqëki>>.
Tsënö nimaptinmi tsë nanëwan jipar kallpannaq karpis kushikü. Kallpannaq kaptïran Jesucristo yanapëkäman. 10Tsëmi Jesucristo rëkur llakikütsu qeshyarpis, ashayämaptinpis, pishiparpis, chikiyämaptinpis y imanö jiparpis. Kallpannaq karpis kallpayuqmi këkä.#12.10 Tsënö nirmi Pablo kënö nirqan: Tsënö jipar kallpannaq këkarpis Jesucristo yanapamaptinmi kallpayuq këkä.
Corintuchö këkaq wawqikunapaq y panikunapaq Pablo llakikunqan
11Löcunö alabakur parlanäpaqqa kikikikunam ashipäyämarqunki. Alabakunäpa rantinqa qamkunam alabayämankiman karqan. Kikïllapita imatapis rurëta mana puëdirpis tsë apóstol tukuqkunapitaqa mas alliran kä. 12Apóstol kashqäta käyikuyänëkipaqmi qamkuna kaqchö jiparpis mantsakäkïpaq milagrukunata y señalkunatapis rurarqä. 13Wakin markakunachö gastükunapaq wawqikunata y panikunata mañakushqänöqa qamkunata manam mañakuyarquqtsu. ¿Imanirtaq tsëpaq piñashqa këkäyanki? ¿Mana mañakuyashqaqtsuraq jutsä kashqa?
14Alistakushqanam këkä qamkuna kaqman yapë shamunäpaq. Kananwanqa kima kutinam shamushaq. Manam kikïpaq imatapis ashirtsu qamkunaman shamushaq, sinöqa qamkunata ankupar yanapayänaqpaqmi. Musyashqantsiknöpis manam pï tëtapis wamrankunata mañakuntsu, sinöqa yanapanmi. 15Tsënöllam noqapis qamkunata mañakuyänaqpa rantinqa imäkunatapis ushashaq y qamkuna rëkurmi wanunäpaqpis listu këkä. Llapan shonqüwan qamkunata ankupar yanapëkäyaptiq ¿imanirtaq noqapita piñashqa këkäyanki?
16Musyayashqëkinöpis manam mëqëkipa peqëkitapis nanatsirqütsu. Tsënö kaptinpis wakinnikish nikäyanki waktsakunapaq tumpalla kikïkunapaq qellëta ëllïkätsiyashqaqta. 17¿Imanirtaq tsënö yarpëkäyanki? Käyikuyë. ¿Imëllaqa qamkunaman kachamushqä wawqikuna mëqanllapis engañayäshurqëkiku? 18Juk wawqitawan Tituta qamkuna kaqman kachamuptï#2Cor. 8.6, 16-18. manam imatapis sakyapayäshurqunkitsu. Tito mana sakyapäkuq kashqannömi noqapis sakyapäkütsu. Pëwanqa tsë yarpëllam këkäyä.
19Kë cartata apëkatsiyämushqäta leyir capaz yarpäyanki favornïkunallapaq qellqayämushqäta. Kuyë wawqikuna y panikuna, manam favornïkunallapaqtsu qellqëkämü, sinöqa käyikur Teyta Dios munashqannö kawayänëkipaqmi. Jesucristuta sirwiq karmi Teyta Diospa nöpanchö qamkunata käyitsiyaq. 20Qamkuna kaqman shamur mana allikunata rurëkäyaqta tariyänaqpaq kaqtam llakikü. Tsënöllam llakikü tsënö këkaqta tarir piñapäyänaqpaq kaqta. Itsa qamkunata tariyaqman liryakïkaqta, chikinakïkaqta, piñapänakïkaqta, jukpa wasan rimëkaqta, penqapänakïkaqta, nuna tukïkaqta y mana allikunata rurëkaqta. 21Itsa melanëpaq kaqkunata, fornicación jutsata y jukwan jukwan purikuyashqëkita jaqiyarqunkitsu. Jutsa rurëkaqta tarir qamkunapita Teyta Diospa nöpanchö penqakunäpaq kaqpitam llakikü.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.