Números 22
22
Balac nina inatairi ainan Balaam utitarma tusa ishiakmau
1Israelita aina jiinkiar we wenakua nugka Moab tutainam Jordán entsanam jeawaruiti. Turasha Jordán amain Jericóka ajakuiti. 2Ziporan uchiri, Balac israelita aina amorreo ainan ijinujakun nekajakuiti. 3Nuiyasha israelita ainaka shir nukap ajakaruiti. Tuma asamtai, Moabnumia shuar aina nuna wainkar shir senchi ashamkaruiti. 4Tumaina asar Moabnumia shuar aina Madiánnumia apu ainan chicharainak: Vaca aina chirichirin yuak amuwa numamtuk, yamai incha israelita aina ijitmattaji, tusa tuina. Nu tsawantinka Moabnumia apu Balac naartin pujujakuiti. 5Beora uchiri Balaam yaakat Petor tutainam entsa uun Éufrates tutainam jeastatuk pujujakuiti. Tuman Balac israelita ainan maniak nepetmainchau asa Balaam untsuka utitarma tusa chichaman etserin ainan akupuk: Israelita aina Egiptonam matsatu jiintrar ina nugkeen kaunkar matsataina juna, 6wári taa nitan pegkerchau chicharkati, nitaka ina nagkatamsau senchirtin ainawai. Ame pegkerchaunam chicharkakminka wii nitan nepetkan ju nugka jui matsatainan jiiran ishiaktatjai, ame pegkernum chicharkamu tura ame pegkerchau chicharkamusha metek uminna nuna nekau asan tajai, tusa tinaiti.
7Turamu asar Moabnumia apu aina, tura Madiánnumia apu ainasha wenak Balaam pegkerchau chichakmatai akiktinan kuitan jukiar wearuiti. Tuma jeawar apu Balac timaunka turusag Balaaman ujakaruiti. 8Turam Balaam nitan chicharuk: Yuus arum káshi karanam wari turuttig, ni turutmatai kashin ujaktajrume, juig kanartarma, tusa tinaiti. Takai nuig kanararuiti. 9Tura Yuus káshi karanam Balaaman chicharuk: “¿Amina jeemin shuar matsataina jusha tuiyampa ainawa?”, tusa tinaiti.
10Takai Balaam ayak: Moabnumia apu Ziporan uchiri Balac naartina nu wina chichaman akupturuk, 11israelita aina Egiptonam matsatu jiintrar ina nugkeen kaunkar matsataina juna Balaam wári taa pegkerchaunam chicharkati. Turamtai wii nitan ina nugkenian jiiran ishiakartajai turutui, tusa tinaiti. 12Takai Yuus chicharuk: Israelita ainaka wii etegkamu ainawai. Tuma asamtai, pegkerchau chicharkattsamka nitajaigka weepa, tusa tinaiti. 13Tutai Balaam kashin tsawak, Balac akupkamu ainan chicharuk: “Yuus winaka nitajaigka weepa, tusa turutui. Tuma asamtai atumin nugkeen waketkitarma”, tusa tinaiti.
14Tutai waketkiar Balackan jeari ujainak: Balaamka Yuus weepa turutu asamtai, winishtatjai timayi tusar tiaruiti. 15Turasha Balac chichaman etserin ainan yama nagkamchak akupkamun nagkas yacha ainan ataksha akupkauwaiti. 16Turawaram Balaaman jeariar ujainak: Apu Balac chichartamuk: Wait aneas Balaam nakimtsuk taati. 17Tuma israelita ainan pegkerchau chicharkati. Tura ni warinak wakerit nunaka turusnak susattajai turammayi, tusar Balaaman ujakaruiti. 18Tutai Balaam chichaak: Oron, tura kuitan surakaisha Yuus turata turutchakaigka turumaitsujai.#Jn 15.5-6 19Tusa nitan chicharuk: Yuus arum káshi wari turuttig ni turutmatai kashin ujaktajrume juig atumsha juakrum kanartarma, tusa tinaiti.
20Yuus Balaaman káshi karanam chicharuk: “Ju shuar ainajai yamaika wetá, turasha wii titatjam nuke umikta”, tusa tinaiti.
Nayaimpinmaya shuar Balaaman wantintukmau
21Timau asa tsawaar Balaam nina burrorin ekeemas chichaman etserin ainajaimak wuwaiti. 22Turasha Balaamka, (apu Balac anajmatamu asa, nuna wakerus) nina inatairin jimaran juki wea. Tuma asamtai, Yuus kajerak wechati tusa nayaimpinmaya shuaran ni weamunmani jintanam awajtusuiti. 23Turamu asa nayaimpinmaya shuar kuchiin takus jintanam wajaun burro wainak ashamak jintachunmani weakai, Balaam burrorin awattrauwaiti. 24Tuma jintanam amamak weakai nayaimpinmaya shuar, jinta tsererach mai yantamen kayajai tanishmarmaunam nakakuiti. 25Tuma wajaun burro wainak menaan nagkaikitaj tusa kayajai tanishmarmaunmani tsekeak Balaaman kagkajin chanuntawaiti. Turam Balaam kajek burrorin ataksha awattrauwaiti. 26Tura weakai nayaimpinmaya shuar jinta shir tsererchinam pegkesha nagkamamainchaunam ataksha nakakuiti. 27Tuma asamtai nayaimpinmaya shuaran burro wainak wetsuk tepesuiti. Tumamtai Balaam kajek burrorin awattrauwaiti. 28Turamtai Yuus burron chichamtikuk: ¿Urukamtai tresa imajnisha awatturume?, tusa Balaaman tinaiti. 29Tama Balaam chicharuk: Umirtachkumin awattrajme, kuchiin takakkunka yamaik maamainaitjame, tusa tinaiti. 30Tama burro chichaak: Wika amina burroram asan tuke umirnaitjame. Wii amina chikichkiksha jutikachuitjam nuka shir nekame, tusa tinaiti. Tama Balaamsha nekas tame, tusa tinaiti.
31Takai Yuus nayaimpinmaya shuaran kuchiin takus jinta wajaun Balaaman wainmamtikkauwaiti. Turam wainak tikishmatrauwaiti. 32Turasha nayaimpinmaya shuar chicharuk: ¿Urukamtai burrormesha tresa imajnisha awattraume? Pegkerchau enentaimsam wea asaakmin nagkamakim tusan jinta nakakujme. 33Burroram wina waitak menaan nagkatachkaigka aminka maakun burrorminka akupmain amajkajai, tusa tinaiti. 34Tutai Balaam nayaimpinmaya shuaran chicharuk: Ame jinta wajamun nekachu asan, burrorun awattrajai. Tuma asan wika tunaun takasjai. Ame wetá tusam turutchakminka waketkitjai, tusa tinaiti. 35Turasha nayaimpinmaya shuar chicharuk: Wakettsuk nu shuar ainajai weam antsamek wetá. Tumakmesha wii titatjam nuke pachisam Balac ujakta, tusa tinaiti. Tama Balaam wuwaiti.
Balac Balaaman igkugmau
36Balaam winawai tamaun Balac antuk, igkugtajai tusa yaakat Moabnum wuwaiti. 37Tuma igkug chicharuk: Chichaman nuik akuptukmajam nuisha ¿urukamtai tatasha nakitramame? ¿Ni warinak wakerit nunaka turusnak susatjai tusan timaj nu antukmesha, aantar tawai tusamek taachmam?, tusa tinaiti. 38Tutai Balaam chichaak: Yamaika amina iistasan taajai. Turasha wiki enentaimsankeka tichattajme, antsu Yuus turata tusa turuttata nunak ujaktatjame, tusa tinaiti.
39Tama Balac Balaaman juki, Quiriat-Juzot nugkanam wuwaiti. 40Tuma nui jeaa Balac nina inatairi ainan chicharuk: Vaca, tura ovejasha maatarma. Turarum inarkarum Balaam, tura nina uyuunas yujajai yuati tusarum susatarma, tusa tinaiti. 41Kashin tsawak Balac Balaamjai Bamot-bal tutain murariin wakaruiti. Tumawar nui wajasar, israelita ainan matsatun wainkaruiti.
Currently Selected:
Números 22: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Números 22
22
Balac nina inatairi ainan Balaam utitarma tusa ishiakmau
1Israelita aina jiinkiar we wenakua nugka Moab tutainam Jordán entsanam jeawaruiti. Turasha Jordán amain Jericóka ajakuiti. 2Ziporan uchiri, Balac israelita aina amorreo ainan ijinujakun nekajakuiti. 3Nuiyasha israelita ainaka shir nukap ajakaruiti. Tuma asamtai, Moabnumia shuar aina nuna wainkar shir senchi ashamkaruiti. 4Tumaina asar Moabnumia shuar aina Madiánnumia apu ainan chicharainak: Vaca aina chirichirin yuak amuwa numamtuk, yamai incha israelita aina ijitmattaji, tusa tuina. Nu tsawantinka Moabnumia apu Balac naartin pujujakuiti. 5Beora uchiri Balaam yaakat Petor tutainam entsa uun Éufrates tutainam jeastatuk pujujakuiti. Tuman Balac israelita ainan maniak nepetmainchau asa Balaam untsuka utitarma tusa chichaman etserin ainan akupuk: Israelita aina Egiptonam matsatu jiintrar ina nugkeen kaunkar matsataina juna, 6wári taa nitan pegkerchau chicharkati, nitaka ina nagkatamsau senchirtin ainawai. Ame pegkerchaunam chicharkakminka wii nitan nepetkan ju nugka jui matsatainan jiiran ishiaktatjai, ame pegkernum chicharkamu tura ame pegkerchau chicharkamusha metek uminna nuna nekau asan tajai, tusa tinaiti.
7Turamu asar Moabnumia apu aina, tura Madiánnumia apu ainasha wenak Balaam pegkerchau chichakmatai akiktinan kuitan jukiar wearuiti. Tuma jeawar apu Balac timaunka turusag Balaaman ujakaruiti. 8Turam Balaam nitan chicharuk: Yuus arum káshi karanam wari turuttig, ni turutmatai kashin ujaktajrume, juig kanartarma, tusa tinaiti. Takai nuig kanararuiti. 9Tura Yuus káshi karanam Balaaman chicharuk: “¿Amina jeemin shuar matsataina jusha tuiyampa ainawa?”, tusa tinaiti.
10Takai Balaam ayak: Moabnumia apu Ziporan uchiri Balac naartina nu wina chichaman akupturuk, 11israelita aina Egiptonam matsatu jiintrar ina nugkeen kaunkar matsataina juna Balaam wári taa pegkerchaunam chicharkati. Turamtai wii nitan ina nugkenian jiiran ishiakartajai turutui, tusa tinaiti. 12Takai Yuus chicharuk: Israelita ainaka wii etegkamu ainawai. Tuma asamtai, pegkerchau chicharkattsamka nitajaigka weepa, tusa tinaiti. 13Tutai Balaam kashin tsawak, Balac akupkamu ainan chicharuk: “Yuus winaka nitajaigka weepa, tusa turutui. Tuma asamtai atumin nugkeen waketkitarma”, tusa tinaiti.
14Tutai waketkiar Balackan jeari ujainak: Balaamka Yuus weepa turutu asamtai, winishtatjai timayi tusar tiaruiti. 15Turasha Balac chichaman etserin ainan yama nagkamchak akupkamun nagkas yacha ainan ataksha akupkauwaiti. 16Turawaram Balaaman jeariar ujainak: Apu Balac chichartamuk: Wait aneas Balaam nakimtsuk taati. 17Tuma israelita ainan pegkerchau chicharkati. Tura ni warinak wakerit nunaka turusnak susattajai turammayi, tusar Balaaman ujakaruiti. 18Tutai Balaam chichaak: Oron, tura kuitan surakaisha Yuus turata turutchakaigka turumaitsujai.#Jn 15.5-6 19Tusa nitan chicharuk: Yuus arum káshi wari turuttig ni turutmatai kashin ujaktajrume juig atumsha juakrum kanartarma, tusa tinaiti.
20Yuus Balaaman káshi karanam chicharuk: “Ju shuar ainajai yamaika wetá, turasha wii titatjam nuke umikta”, tusa tinaiti.
Nayaimpinmaya shuar Balaaman wantintukmau
21Timau asa tsawaar Balaam nina burrorin ekeemas chichaman etserin ainajaimak wuwaiti. 22Turasha Balaamka, (apu Balac anajmatamu asa, nuna wakerus) nina inatairin jimaran juki wea. Tuma asamtai, Yuus kajerak wechati tusa nayaimpinmaya shuaran ni weamunmani jintanam awajtusuiti. 23Turamu asa nayaimpinmaya shuar kuchiin takus jintanam wajaun burro wainak ashamak jintachunmani weakai, Balaam burrorin awattrauwaiti. 24Tuma jintanam amamak weakai nayaimpinmaya shuar, jinta tsererach mai yantamen kayajai tanishmarmaunam nakakuiti. 25Tuma wajaun burro wainak menaan nagkaikitaj tusa kayajai tanishmarmaunmani tsekeak Balaaman kagkajin chanuntawaiti. Turam Balaam kajek burrorin ataksha awattrauwaiti. 26Tura weakai nayaimpinmaya shuar jinta shir tsererchinam pegkesha nagkamamainchaunam ataksha nakakuiti. 27Tuma asamtai nayaimpinmaya shuaran burro wainak wetsuk tepesuiti. Tumamtai Balaam kajek burrorin awattrauwaiti. 28Turamtai Yuus burron chichamtikuk: ¿Urukamtai tresa imajnisha awatturume?, tusa Balaaman tinaiti. 29Tama Balaam chicharuk: Umirtachkumin awattrajme, kuchiin takakkunka yamaik maamainaitjame, tusa tinaiti. 30Tama burro chichaak: Wika amina burroram asan tuke umirnaitjame. Wii amina chikichkiksha jutikachuitjam nuka shir nekame, tusa tinaiti. Tama Balaamsha nekas tame, tusa tinaiti.
31Takai Yuus nayaimpinmaya shuaran kuchiin takus jinta wajaun Balaaman wainmamtikkauwaiti. Turam wainak tikishmatrauwaiti. 32Turasha nayaimpinmaya shuar chicharuk: ¿Urukamtai burrormesha tresa imajnisha awattraume? Pegkerchau enentaimsam wea asaakmin nagkamakim tusan jinta nakakujme. 33Burroram wina waitak menaan nagkatachkaigka aminka maakun burrorminka akupmain amajkajai, tusa tinaiti. 34Tutai Balaam nayaimpinmaya shuaran chicharuk: Ame jinta wajamun nekachu asan, burrorun awattrajai. Tuma asan wika tunaun takasjai. Ame wetá tusam turutchakminka waketkitjai, tusa tinaiti. 35Turasha nayaimpinmaya shuar chicharuk: Wakettsuk nu shuar ainajai weam antsamek wetá. Tumakmesha wii titatjam nuke pachisam Balac ujakta, tusa tinaiti. Tama Balaam wuwaiti.
Balac Balaaman igkugmau
36Balaam winawai tamaun Balac antuk, igkugtajai tusa yaakat Moabnum wuwaiti. 37Tuma igkug chicharuk: Chichaman nuik akuptukmajam nuisha ¿urukamtai tatasha nakitramame? ¿Ni warinak wakerit nunaka turusnak susatjai tusan timaj nu antukmesha, aantar tawai tusamek taachmam?, tusa tinaiti. 38Tutai Balaam chichaak: Yamaika amina iistasan taajai. Turasha wiki enentaimsankeka tichattajme, antsu Yuus turata tusa turuttata nunak ujaktatjame, tusa tinaiti.
39Tama Balac Balaaman juki, Quiriat-Juzot nugkanam wuwaiti. 40Tuma nui jeaa Balac nina inatairi ainan chicharuk: Vaca, tura ovejasha maatarma. Turarum inarkarum Balaam, tura nina uyuunas yujajai yuati tusarum susatarma, tusa tinaiti. 41Kashin tsawak Balac Balaamjai Bamot-bal tutain murariin wakaruiti. Tumawar nui wajasar, israelita ainan matsatun wainkaruiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.