Jueces 2
2
Yuus akupkamu israelita ainan Boquimnum wantintukmau
1Nayaimpinmaya shuar Yuus akupkamu Gilgalnumia juaki Boquimnum wuwaiti. Tuma nui jeaa israelita ainan chicharuk: Wii atumin Egipto nugkanam pujarmin jiiran, atumi uuntri ajakaru aina nuna ju nugkan anajmatawaitaj nui ikankan apujsauwaitjarme. Tura wii atumjai chichaman umikaj nunaka pegkesha yapajiashtinaitjai. 2Tura juiya shuar ainajaigka pegkesha chichamka umikairpa, nuka tumatsuk nita tagku aina maa epetairi aina tsairatarma tusan tinaitjarme. Turasha atum wina chichamur umirtukchau ainarme. 3Tuma asaakrumin yamai tajarme: Juiya shuar ainanka jiirchattajai, tura nita yuusri aina nuka atum yuusrimtai artatui.
4Nayaimpinmaya shuar chichak umikmatai, israelita aina senchi útiaruiti. 5Tumawaru asamtai nu nugkan Boquim anaikaruiti. Nu útmau nugka nui, Yuusan eme anentas iiyainak tagku ainan maa epeawaru ainawai.
Josué jakamu
6Nuna tusa Josué chichas umikmatai, israelita aina nita nugke atinnum pujusartasa chiki chikichik wearu ainawai. 7Josué iwáku puju jakua nuigka israelita ainaka Yuusan umirujakaruiti. Nuiyasha Israel shuaran apuri ainan, nitan yayák wainchatai ainan nukap iwainarua nuna wainujakaru aina pujujakarua nuisha Yuusan umirujakaru ainawai. 8Turasha Josuéka ciento diez uwí ejé jakauwaiti. 9Tuma jakamtai nain Gaas tutainam Efraínka nugken nina nugke Timnat-seráh tutainam ikusaruiti. 10Tura Joséjai metek akiinkaru ainaka ashi jinaawaru ainawai. Nita ukurin akinkaru ainaka Yuusan nekajakcharu ainawai. Tura Yuus nitan ayamrak wainchatai ainan nukap iwainarua nunasha nekacharu ainawai.
Israelita aina Yuus umirtan inaisamu
11Israelita ainaka Yuus iismaka shir pegkerchaun takajaku ainawai. Tumaina asar yuus Baal tutain eme anentas ii jakaru ainawai. 12Tumainak nita uuntri ainan Egipto nugkanam pujuinan Yuus jiirua nunaka kajinmatkiar inaisaru ainawai. Tumaina asar nuiya shuar aina yuusrimtairi ainan eme anentas ii jakaru ainawai. Nuna tumaina asarmatai Yuus nitan senchi kajerkauwaiti. 13Israelita ainaka nakumka najanamu yuus Baal tutai ainan, tura yuus Astarté tutai ainancha emematainak, Yuus tuke puju nekasa nuna eme anentsa iiyaku ememattanka inaisaru ainawai.
14Tumawaru asarmatai Yuus nitan kajerak shuar kasa aina, Israel shuar ainan warírin kasarkar yarurkarti, tusa inaisauwaiti. Nuiya nita pujuinamunam jeashtachu nita shuari aina pujuina nu maaniamunam nepetkarti tusa inaisamu asar, israelita ainaka ayamrumamaintri atsursauwaiti. 15Nita maaniattsa wenakaisha Yuus nitanka yaijakchauwaiti. Turamu asar maaninaksha Yuus timauwa tumasag nepetmajakcharu ainawai.
Nekas turatnaitjai tusa tina turusag nitanka kakara maanikchamnau amajsauwaiti. 16Nuna tura akusha Yuus nita shuari nepetkiar nitanu ainan kasaru pujuinan ayamrukartinan apu chichaman iwarin artinan etegkauwaiti. 17Turasha israelita ainaka apu chichaman iwarin arti tusa etegkamu ainancha umirkacharu ainawai. Tumaina asar antra yuusrimtai ainan eme anentas ii jakaru ainawai. Antsu nita uuntri ainaka chicham umiktin ainan umijakaru ainawai. Turasha nitaka Yuusa chichamenka nakitaina asar umitsuk inaisaru ainawai.
18Yuus apu chichaman iwarin artinan etegkeakka tuke yayájakuiti. Nu apu aina pujuinakaigka israelita ainan nita shuari aina waitkainam untsumainakaigka Yuus yayájakuiti. 19Turasha apu jakamtaigka, ataksha nunisag Yuus ememattan inaiyainak yuusrimattsa najanamu ainan emematujakaru ainawai. Tumaina asar nita uuntri ajakarua nuna nagkasau pegkerchaun takaina asar, tunau takatnaka inaisacharuiti. 20Tumaina asamtai Yuus Israel shuar ainan kajerak chichaak: “Ju shuar aina juka, wii nita uuntri ainajai chichaman umikuitaj nunasha uminatsui, tumaina asar wina chichamruncha umirtuinatsui. 21Tumaina asarmatai ju nugkanam shuar aina pujuinan Josué jiir utsa pujau ni jak ashi jiir utsatsuk ikukmau pujuina nunaka wisha jiirnaka utsagchattajai”, tusa Yuus tinaiti.
22Nuna Yuus tina nunaka, juna tusan timatai yaunchuk nita uuntri aina wina umirtujakarua tumasag nitasha wina umirtumain ainatsuash tusa nekattsa tinaiti. 23Nuna tau asa Josué nui shuar pujuinan jiirchauwa nunaka Yuus ju tamauwaik jiir ishimtsuk inaisauwaiti.
Currently Selected:
Jueces 2: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Jueces 2
2
Yuus akupkamu israelita ainan Boquimnum wantintukmau
1Nayaimpinmaya shuar Yuus akupkamu Gilgalnumia juaki Boquimnum wuwaiti. Tuma nui jeaa israelita ainan chicharuk: Wii atumin Egipto nugkanam pujarmin jiiran, atumi uuntri ajakaru aina nuna ju nugkan anajmatawaitaj nui ikankan apujsauwaitjarme. Tura wii atumjai chichaman umikaj nunaka pegkesha yapajiashtinaitjai. 2Tura juiya shuar ainajaigka pegkesha chichamka umikairpa, nuka tumatsuk nita tagku aina maa epetairi aina tsairatarma tusan tinaitjarme. Turasha atum wina chichamur umirtukchau ainarme. 3Tuma asaakrumin yamai tajarme: Juiya shuar ainanka jiirchattajai, tura nita yuusri aina nuka atum yuusrimtai artatui.
4Nayaimpinmaya shuar chichak umikmatai, israelita aina senchi útiaruiti. 5Tumawaru asamtai nu nugkan Boquim anaikaruiti. Nu útmau nugka nui, Yuusan eme anentas iiyainak tagku ainan maa epeawaru ainawai.
Josué jakamu
6Nuna tusa Josué chichas umikmatai, israelita aina nita nugke atinnum pujusartasa chiki chikichik wearu ainawai. 7Josué iwáku puju jakua nuigka israelita ainaka Yuusan umirujakaruiti. Nuiyasha Israel shuaran apuri ainan, nitan yayák wainchatai ainan nukap iwainarua nuna wainujakaru aina pujujakarua nuisha Yuusan umirujakaru ainawai. 8Turasha Josuéka ciento diez uwí ejé jakauwaiti. 9Tuma jakamtai nain Gaas tutainam Efraínka nugken nina nugke Timnat-seráh tutainam ikusaruiti. 10Tura Joséjai metek akiinkaru ainaka ashi jinaawaru ainawai. Nita ukurin akinkaru ainaka Yuusan nekajakcharu ainawai. Tura Yuus nitan ayamrak wainchatai ainan nukap iwainarua nunasha nekacharu ainawai.
Israelita aina Yuus umirtan inaisamu
11Israelita ainaka Yuus iismaka shir pegkerchaun takajaku ainawai. Tumaina asar yuus Baal tutain eme anentas ii jakaru ainawai. 12Tumainak nita uuntri ainan Egipto nugkanam pujuinan Yuus jiirua nunaka kajinmatkiar inaisaru ainawai. Tumaina asar nuiya shuar aina yuusrimtairi ainan eme anentas ii jakaru ainawai. Nuna tumaina asarmatai Yuus nitan senchi kajerkauwaiti. 13Israelita ainaka nakumka najanamu yuus Baal tutai ainan, tura yuus Astarté tutai ainancha emematainak, Yuus tuke puju nekasa nuna eme anentsa iiyaku ememattanka inaisaru ainawai.
14Tumawaru asarmatai Yuus nitan kajerak shuar kasa aina, Israel shuar ainan warírin kasarkar yarurkarti, tusa inaisauwaiti. Nuiya nita pujuinamunam jeashtachu nita shuari aina pujuina nu maaniamunam nepetkarti tusa inaisamu asar, israelita ainaka ayamrumamaintri atsursauwaiti. 15Nita maaniattsa wenakaisha Yuus nitanka yaijakchauwaiti. Turamu asar maaninaksha Yuus timauwa tumasag nepetmajakcharu ainawai.
Nekas turatnaitjai tusa tina turusag nitanka kakara maanikchamnau amajsauwaiti. 16Nuna tura akusha Yuus nita shuari nepetkiar nitanu ainan kasaru pujuinan ayamrukartinan apu chichaman iwarin artinan etegkauwaiti. 17Turasha israelita ainaka apu chichaman iwarin arti tusa etegkamu ainancha umirkacharu ainawai. Tumaina asar antra yuusrimtai ainan eme anentas ii jakaru ainawai. Antsu nita uuntri ainaka chicham umiktin ainan umijakaru ainawai. Turasha nitaka Yuusa chichamenka nakitaina asar umitsuk inaisaru ainawai.
18Yuus apu chichaman iwarin artinan etegkeakka tuke yayájakuiti. Nu apu aina pujuinakaigka israelita ainan nita shuari aina waitkainam untsumainakaigka Yuus yayájakuiti. 19Turasha apu jakamtaigka, ataksha nunisag Yuus ememattan inaiyainak yuusrimattsa najanamu ainan emematujakaru ainawai. Tumaina asar nita uuntri ajakarua nuna nagkasau pegkerchaun takaina asar, tunau takatnaka inaisacharuiti. 20Tumaina asamtai Yuus Israel shuar ainan kajerak chichaak: “Ju shuar aina juka, wii nita uuntri ainajai chichaman umikuitaj nunasha uminatsui, tumaina asar wina chichamruncha umirtuinatsui. 21Tumaina asarmatai ju nugkanam shuar aina pujuinan Josué jiir utsa pujau ni jak ashi jiir utsatsuk ikukmau pujuina nunaka wisha jiirnaka utsagchattajai”, tusa Yuus tinaiti.
22Nuna Yuus tina nunaka, juna tusan timatai yaunchuk nita uuntri aina wina umirtujakarua tumasag nitasha wina umirtumain ainatsuash tusa nekattsa tinaiti. 23Nuna tau asa Josué nui shuar pujuinan jiirchauwa nunaka Yuus ju tamauwaik jiir ishimtsuk inaisauwaiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.