Jueces 13
13
Sansón akinamu
1Turasha israelita aina ataksha tunaun takainakai Yuus umirchamu asa kajerak: Filisteo aina waitkainam cuarenta uwí matsamsarti tusa tsagkamkauwaiti. 2Nugka Sorá tutainam, Dan weantu ajakua nuiya shuar Manoa naartin pujujakuiti. Turasha nuwegka uchin jurechu ajakuiti. 3Tuman Yuus akupkamu nayaimpinmaya shuar nuwan wantintuk chicharuk: Ameka uchi jurechu ayatmek ajaprukam uchi jurertatme, tusa tinaiti. 4Turasha vino, tura umutai nampemain aina nuka umaraipa. Tura Hebreo shuar ainan yuchatairi aina nusha yuawaipa. 5Nu uchi akinagka Yuus yayasam tsakar israelita ainan filisteo aina waitkam matsata nuna yaigtatui. Tumatin asamtai, uchi akinamtaigka wichi tsupirkaipa, tusa tinaiti.
6Tutai waketki aishrin ujak: Nayaimpinmaya shuar wii pujamunam tsaaptin wantinturkayi. Yaitam tusankesha iniaschamjai, tura nigkisha inintsachmayi. 7Turasha chichartak: Uchirmaktatme, yamai nagkamsam vino, umutai nampemain aina nuka umaraipa. Tura Hebreo shuar yuchatairi aina nusha yuawaipa. Nu uchika Yuus pegkermamtikamu atatui tusa tawai tinaiti. 8Takai Manoa Yuusan aujeak: “Yuusru, uchi akinamtaisha uruk tsakatmartajak nuna pachis ujatkati, amina inatairam akupkamu wina nuwarun ni turunatnurin pachis ujaka nu, wait aneasam ataksha akupturkata, tusa tinaiti”. 9Takai Yuus nina inatairin nayaimpinmaya shuaran ataksha akupkauwaiti. Turam nuwa ajanam pujaun wantintukuiti. Turasha nuigka aishrigka atsau, 10tuma asamtai aishrin weri ujak: “Chikich tsawantin shuar wantinturkama nu ataksha taayi, tuma ai pujawai”, tusa tinaiti.
11Tama nijaig jeari nayaimpinmaya shuaran Manoa chicharuk: Chikich tsawantin amek wina nuwarjai chichasmam, tusa tinaiti. Tama nayaimpinmaya shuar Manoan chicharuk: Ee, wiyaitjai, tusa tinaiti. 12Tama Manoa chicharuk: “¿Uchi akinamtaisha uruk tsakatmartataj?” tusa tinaiti. 13Tama Yuusa inatairi nayaimpinmaya shuar, nuwan ujakua turusag Manoancha ujak: 14Vino, umutai nampemain aina nuka umaraipa. Tura Hebreo shuar yuchatairi aina nusha yuawaipa. Wii timaj nunak umiktatui. 15-16Turamsha nigka nayaimpinmaya shuarapita tusagsha enentaimtachu asa, ataksha chicharuk: Cabran maa inaraamtai yuami, wait aneasam nakarsata, tusa tinaiti. Tama Yuusa inatairi nayaimpinmaya shuar ayak: Wika atumin yutairinka yumaitsujai. Antsu cabra maam epeakum Yuus emematta, tusa tinaiti. 17Tusa tama Manoa Yuusa inatairin chicharuk: ¿Ujakratkata amina naarmesha yaita? isha nu nekaar ame tukartam nu uminkaigka maaketi tusar titatji tinaiti. 18Tutai nayaimpinmaya shuar chicharuk: “¿Urukamtai wina naar nekattsarmesha wakerarme? Wina naarka pegkesha nekamaitsurme”, tusa tinaiti.
19Takai Manoa Yuusan eme anentas iiyak cabran maa epeawaiti. Turamtai Manoan nuwejai Yuus nina senchirin iwaintak: 20Tagku aina maa patasa epetainmaya ji mukuintamunam ajapeen pachitkau Yuusa inatairi nayaimpinam wuwaiti. Tuman wainak, Yuusan inatairimpapita tusa Manoa nina tikishmatrauwaiti. 21Tuma nui Manoa nayaimpinmaya shuarapita tu enentaimrauwaiti. Tuma nuiyagka nitan wantintukcharuiti. 22Tura Manoa nuwen chicharuk: Yuus wainkau asar jakattaji, tusa tinaiti. 23Takai nuwe ayak: Turasha ii jakatin arincha urukamtai Yuus eme anentsa iiyakum, cabra maam epeata. Tura ¿uchi akinamtaisha tu tsakatmarta tusasha turammajia,? tusa tinaiti. 24Uchin aishmagkun jurer Sansón anaikauwaiti. Yuus pegkernum yayámu asa tsakaruiti. 25Sansón Soránum, Danka nugken pujaun, israelita ainan yaigti tusa, chikichik tsawantin Yuus nina Wakanin susauwaiti.
Currently Selected:
Jueces 13: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Jueces 13
13
Sansón akinamu
1Turasha israelita aina ataksha tunaun takainakai Yuus umirchamu asa kajerak: Filisteo aina waitkainam cuarenta uwí matsamsarti tusa tsagkamkauwaiti. 2Nugka Sorá tutainam, Dan weantu ajakua nuiya shuar Manoa naartin pujujakuiti. Turasha nuwegka uchin jurechu ajakuiti. 3Tuman Yuus akupkamu nayaimpinmaya shuar nuwan wantintuk chicharuk: Ameka uchi jurechu ayatmek ajaprukam uchi jurertatme, tusa tinaiti. 4Turasha vino, tura umutai nampemain aina nuka umaraipa. Tura Hebreo shuar ainan yuchatairi aina nusha yuawaipa. 5Nu uchi akinagka Yuus yayasam tsakar israelita ainan filisteo aina waitkam matsata nuna yaigtatui. Tumatin asamtai, uchi akinamtaigka wichi tsupirkaipa, tusa tinaiti.
6Tutai waketki aishrin ujak: Nayaimpinmaya shuar wii pujamunam tsaaptin wantinturkayi. Yaitam tusankesha iniaschamjai, tura nigkisha inintsachmayi. 7Turasha chichartak: Uchirmaktatme, yamai nagkamsam vino, umutai nampemain aina nuka umaraipa. Tura Hebreo shuar yuchatairi aina nusha yuawaipa. Nu uchika Yuus pegkermamtikamu atatui tusa tawai tinaiti. 8Takai Manoa Yuusan aujeak: “Yuusru, uchi akinamtaisha uruk tsakatmartajak nuna pachis ujatkati, amina inatairam akupkamu wina nuwarun ni turunatnurin pachis ujaka nu, wait aneasam ataksha akupturkata, tusa tinaiti”. 9Takai Yuus nina inatairin nayaimpinmaya shuaran ataksha akupkauwaiti. Turam nuwa ajanam pujaun wantintukuiti. Turasha nuigka aishrigka atsau, 10tuma asamtai aishrin weri ujak: “Chikich tsawantin shuar wantinturkama nu ataksha taayi, tuma ai pujawai”, tusa tinaiti.
11Tama nijaig jeari nayaimpinmaya shuaran Manoa chicharuk: Chikich tsawantin amek wina nuwarjai chichasmam, tusa tinaiti. Tama nayaimpinmaya shuar Manoan chicharuk: Ee, wiyaitjai, tusa tinaiti. 12Tama Manoa chicharuk: “¿Uchi akinamtaisha uruk tsakatmartataj?” tusa tinaiti. 13Tama Yuusa inatairi nayaimpinmaya shuar, nuwan ujakua turusag Manoancha ujak: 14Vino, umutai nampemain aina nuka umaraipa. Tura Hebreo shuar yuchatairi aina nusha yuawaipa. Wii timaj nunak umiktatui. 15-16Turamsha nigka nayaimpinmaya shuarapita tusagsha enentaimtachu asa, ataksha chicharuk: Cabran maa inaraamtai yuami, wait aneasam nakarsata, tusa tinaiti. Tama Yuusa inatairi nayaimpinmaya shuar ayak: Wika atumin yutairinka yumaitsujai. Antsu cabra maam epeakum Yuus emematta, tusa tinaiti. 17Tusa tama Manoa Yuusa inatairin chicharuk: ¿Ujakratkata amina naarmesha yaita? isha nu nekaar ame tukartam nu uminkaigka maaketi tusar titatji tinaiti. 18Tutai nayaimpinmaya shuar chicharuk: “¿Urukamtai wina naar nekattsarmesha wakerarme? Wina naarka pegkesha nekamaitsurme”, tusa tinaiti.
19Takai Manoa Yuusan eme anentas iiyak cabran maa epeawaiti. Turamtai Manoan nuwejai Yuus nina senchirin iwaintak: 20Tagku aina maa patasa epetainmaya ji mukuintamunam ajapeen pachitkau Yuusa inatairi nayaimpinam wuwaiti. Tuman wainak, Yuusan inatairimpapita tusa Manoa nina tikishmatrauwaiti. 21Tuma nui Manoa nayaimpinmaya shuarapita tu enentaimrauwaiti. Tuma nuiyagka nitan wantintukcharuiti. 22Tura Manoa nuwen chicharuk: Yuus wainkau asar jakattaji, tusa tinaiti. 23Takai nuwe ayak: Turasha ii jakatin arincha urukamtai Yuus eme anentsa iiyakum, cabra maam epeata. Tura ¿uchi akinamtaisha tu tsakatmarta tusasha turammajia,? tusa tinaiti. 24Uchin aishmagkun jurer Sansón anaikauwaiti. Yuus pegkernum yayámu asa tsakaruiti. 25Sansón Soránum, Danka nugken pujaun, israelita ainan yaigti tusa, chikichik tsawantin Yuus nina Wakanin susauwaiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.