Éxodo 40

1-15(-)

Yuus ememattasa iruuntai jeanam takastin pachisa timau

16Yuus tu takasta tusa timaunka turusag umikuiti. 17Tura asa nita Egipto nugkanmaya jintramu jimar uwí ejéniar nantun yama nagkamchak achik yama nagkamchak tsawamunam Yuus ememattasa iruuntai jean jeamkattsa umikaru ainawai. 18Moisés ni shuar ainajai Yuus ememattasa iruuntai jean jeameak, tablajai tanishmar umik, shunkuri atinan numin awajtur, wiyagke ainancha umik tura awagkear umikaru ainawai. 19Nuna turawar Yuus tu takasta timau asa, nuap aparmaujai jeamkauwaiti. 20-21Tura umik Moisés kaya tablaya numamtinnum chicham umiktin aarmaun juki arcanam egkeawaiti, tura arcan numin wiyantrauwaiti. Yuus tu takasta timau asa turusag umiak jaanchin ajatawaiti.

22Nuna tura mesan juki tesamu “Shir Pegker” tutai ukurini tesamu “Pegker” tutai amaunam apujsauwaiti. 23Yuus turata timaun metek umiak, mesanam pan ainan Yuusnau atii tusa timaun awasuiti. 24Tura ji ekemarar ekentain mesa pujamunam ayanas apujsauwaiti. 25Nuna tura Yuus turata tusa timaun umiak lamparín ainan ekeemar Yuusnau atii tusa ekentrauwaiti. 26Tura Yuus emematku patasa epetai atinnasha orojai najanamun juki “Tesamu Pegker” tutainam jaanch ajamunam ayanas apujsauwaiti.

27Yuus tu takasta tusa timaun turusag umiak incienso tutain epeawaiti. 28Nuna tura Moisés ashi umik, 29Yuus ememattasa iruuntai jean waitirin jaanchjai ajawaiti. Tagku aina maa patasa epetain Yuus ememattasa iruuntai jean waitirin aa apujsauwaiti. Tura nui Yuus tu takasta tusa timaun metek umiak tagku ainan, tura araka jigkai ainancha epeawaiti.

30Yuus ememattasa iruuntai jea tura Yuus emematku tagku aina maa patasa epetai pujamunam nuna ajapeentrin jiru bronce tutaijai najana entsan aimak apujsauwaiti. 31-32Yuus turatarma tusa tina tumasag, Moisés, Aarón tura nita uchiri ainasha nuiyan ikijmarar tura nawen nijarar, Yuus ememattasa iruuntai jeanam Yuus emematku epetai amaunam jeaa jakaruiti. 33Tura Yuus ememattasa iruuntai jea aarin tanishmar tenteawaiti. Tura waitirin najata jaanchin netuawaiti. 34-35Yuus ememattasa iruuntai jean ashi umikarmatai yuragmia numamtin utsantrauwaiti. Tura jea initka Yuusa senchiri tsaaptin jasuiti. Tuma asamtai Yuus ememattasa iruuntai jeanam Moisés wayachuiti. 36Nuiyasha yuragmia numamtin utsaanar, jeanam au weakaigka nitasha shimu jakaruiti. 37Tura yuragmia numamtin weachkaigka wetsuk puju jakaruiti. 38Tsawaika Yuus ememattasa iruuntai jeanam yuragmia numamtin utsaana jakuiti. Antsu káshika jiya numamtin kejakuiti.

Currently Selected:

Éxodo 40: hubDBL

Highlight

Copy

Compare