Éxodo 15
15
Moisés israelita ainajai kantamamu
1Moisés israelita ainajai kantamuk: Ina Yuusri kantamruawarmi, ina nepetturmak nina senchirijai ina shuari aina caballonam wininan nayantsanam ijinayi, tu kantamawaru ainawai.#1Co 10.1-2; He 11.29; Ap 15.3 2Yuuska ina ayamrutmaku asamtai kantamraji, niyaiti ina ichichmamtan suramuka tura niyaiti ina uwemtikramnuka, niyaiti ina Yuusrigka, tuma asamtai emematji, niyaiti ina uuntri ajakarua nuna Yuusrigka tuma asamtai emematji. 3Yuuska maanitan yachaiti, nina naarigka Yuusaiti. 4Yuus egiptonmaya apun suntaari aina carretenam wininan nayantsanam ijinayi. Tura suntara apuri ainancha turusag ijinayi. 5Nayants waketuk yutuawaiti, turamu asar kaya numamtuk shir init wayawaru ainawai. 6Yuusru, ameka senchirtin asam ina kajertamin aina ijinawaitme. 7Amina kajertamin aina nuka, shir senchirtin asam amina senchirmijai ijinawaitme. Senchi kajerkaru asam nitaka ijinawaitme. 8Ame nita kajerkau asam, nayantsan umpui akanak mura iman amajsati tusam nase akupkauwaitme. 9Ina kajertamin aina chichainak: Patatukar amaigkarmi. Tura ijinar nita waríri aina yarurkar akantrar jukiarmi, tusar tiaruiti.
10Turasha entsa waketuk ijinati tusam nase akuptukuitme. Turamu asa nase umpuam entsa waketuk nitanka nayantsa ajapeentrin plomo numamtuk init wayawaruiti. 11Wina Yuusru, chikich Yuus amea imauka atsawai. Ameketme pegkermeka tura ameketme senchirtinmeka. Yaunchuksha wainu jakchamu ashammain aina iwainakuitme. Tura asaakmin emematjame. 12Ame turatjai timaurmeka, amina senchirmijai egiptonmaya ainaka nugka uratim yutuam ijinawaitme. 13Ame etegkamuram ainaka senchi anea asam, amina senchirmijai uwemtikauwaitme. Tura asam nita pujusartin nugka anajmatawaitam nui ejéttsam yarumme. 14Ame nu turamun filisteo aina nekawar senchi sapijmainak kurainiartatui. 15Tura Edomnumia suntara apuri aina, Moabnumia suntara apuri aina tura Canaánnumia ainasha senchi ashamkartuinak ashi kurainiartatui. 16Apuru, amina ashamramainak muchitkashminu jasartatui. Tumawarmatai ame etegkamuram uwemtikauwaitam nu nagkamararti. 17Apuru, ame nugka anajmakartuawaitam nui pujusarti tusam jukartukta. Nu nugkaka amek umikuitme, amina jem atincha nuig umikuitme. 18Apuru, amina inamtairmeka tuke atinaiti, tusa Moisés Yuusan tinaiti.
María israelita nuwa ainajai kantamamu
19Egiptonmaya apu suntaari caballo ainanam tura carrete ainanmasha israelita aina nayants jimapetuk kanaki muku jasmatai wenan patatukar wenan nayants ijinawaiti. Turasha israelita ainaka nayants muku jas amaunam katiararu ainawai. 20Tumawarmatai María Yuusa chichamen etserin Aarónkan umai ajakua nu chikichik panderetan juki kantamkai nuwa chikich ainasha nitasha tumasag kantamainak jantsemawaru ainawai. 21María kantamami tusa nitan ipaa kantamuk: Ina Yuusri kantamruawarmi, ina nepetturmak nina senchirijai ina shuari aina caballonam wininan nayantsanam ijinayi, tu kantamawaru ainawai.
Entsa yapaun Yuus yumin amajsamu
22Israelita aina nayantsanam katiarar aya nugkanmag Shur tutainmani wearuiti. Tumawar entsa pegkesha atsau asamtai umutsuk tres tsawan yujaina. 23Tuma yujasar entsa amaunam jeawaru ainawai. Turasha entsa yapau asamtai umarcharu ainawai. Tumawaru asar nu nugkan Mara anaikaruiti.#15.23 Mara ta nuka yapau taku tawai. 24Tumawar kajekar Moisésan chicharainak: ¿Isha yamaisha wari umartatji? tusar tiaru ainawai. 25Tuinakai yainkata tusa Moisés Yuusan aujsauwaiti. Turam Yuus chikichik númi wajaun inaktusuiti, tura chicharuk: Ju tsupikam entsa yapauwa nui egkeata, tusa tinaiti. Takai numin tsupik entsanam egkeawaiti. Turamtai entsa yapauwaitiat yumin jasmatai umararu ainawai. Nu nugka nuig israelita ainan nekapsattsa chicham umiktin ainan Yuus susauwaiti.
26Tura nitan chicharuk: Atum chicham umiktinan yamai suajrum nu nekaspapita tusarum metek umiakrumnaka, egiptonmaya ainan waittan susarmiaj turanka atumnaka waittanka susashtinaitjarme, antsu wii atumi Yuusri asan, atum jakrumnasha pegker amajtinaitjarme, tusa tinaiti. 27Nuna tusa inagnakmatai shiakar Elim nugkanam doce entsa pukuni jiinu irunmaunam, tura setenta kampanak irunmaunam jeawar nui matsamsaru ainawai.
Currently Selected:
Éxodo 15: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
Éxodo 15
15
Moisés israelita ainajai kantamamu
1Moisés israelita ainajai kantamuk: Ina Yuusri kantamruawarmi, ina nepetturmak nina senchirijai ina shuari aina caballonam wininan nayantsanam ijinayi, tu kantamawaru ainawai.#1Co 10.1-2; He 11.29; Ap 15.3 2Yuuska ina ayamrutmaku asamtai kantamraji, niyaiti ina ichichmamtan suramuka tura niyaiti ina uwemtikramnuka, niyaiti ina Yuusrigka, tuma asamtai emematji, niyaiti ina uuntri ajakarua nuna Yuusrigka tuma asamtai emematji. 3Yuuska maanitan yachaiti, nina naarigka Yuusaiti. 4Yuus egiptonmaya apun suntaari aina carretenam wininan nayantsanam ijinayi. Tura suntara apuri ainancha turusag ijinayi. 5Nayants waketuk yutuawaiti, turamu asar kaya numamtuk shir init wayawaru ainawai. 6Yuusru, ameka senchirtin asam ina kajertamin aina ijinawaitme. 7Amina kajertamin aina nuka, shir senchirtin asam amina senchirmijai ijinawaitme. Senchi kajerkaru asam nitaka ijinawaitme. 8Ame nita kajerkau asam, nayantsan umpui akanak mura iman amajsati tusam nase akupkauwaitme. 9Ina kajertamin aina chichainak: Patatukar amaigkarmi. Tura ijinar nita waríri aina yarurkar akantrar jukiarmi, tusar tiaruiti.
10Turasha entsa waketuk ijinati tusam nase akuptukuitme. Turamu asa nase umpuam entsa waketuk nitanka nayantsa ajapeentrin plomo numamtuk init wayawaruiti. 11Wina Yuusru, chikich Yuus amea imauka atsawai. Ameketme pegkermeka tura ameketme senchirtinmeka. Yaunchuksha wainu jakchamu ashammain aina iwainakuitme. Tura asaakmin emematjame. 12Ame turatjai timaurmeka, amina senchirmijai egiptonmaya ainaka nugka uratim yutuam ijinawaitme. 13Ame etegkamuram ainaka senchi anea asam, amina senchirmijai uwemtikauwaitme. Tura asam nita pujusartin nugka anajmatawaitam nui ejéttsam yarumme. 14Ame nu turamun filisteo aina nekawar senchi sapijmainak kurainiartatui. 15Tura Edomnumia suntara apuri aina, Moabnumia suntara apuri aina tura Canaánnumia ainasha senchi ashamkartuinak ashi kurainiartatui. 16Apuru, amina ashamramainak muchitkashminu jasartatui. Tumawarmatai ame etegkamuram uwemtikauwaitam nu nagkamararti. 17Apuru, ame nugka anajmakartuawaitam nui pujusarti tusam jukartukta. Nu nugkaka amek umikuitme, amina jem atincha nuig umikuitme. 18Apuru, amina inamtairmeka tuke atinaiti, tusa Moisés Yuusan tinaiti.
María israelita nuwa ainajai kantamamu
19Egiptonmaya apu suntaari caballo ainanam tura carrete ainanmasha israelita aina nayants jimapetuk kanaki muku jasmatai wenan patatukar wenan nayants ijinawaiti. Turasha israelita ainaka nayants muku jas amaunam katiararu ainawai. 20Tumawarmatai María Yuusa chichamen etserin Aarónkan umai ajakua nu chikichik panderetan juki kantamkai nuwa chikich ainasha nitasha tumasag kantamainak jantsemawaru ainawai. 21María kantamami tusa nitan ipaa kantamuk: Ina Yuusri kantamruawarmi, ina nepetturmak nina senchirijai ina shuari aina caballonam wininan nayantsanam ijinayi, tu kantamawaru ainawai.
Entsa yapaun Yuus yumin amajsamu
22Israelita aina nayantsanam katiarar aya nugkanmag Shur tutainmani wearuiti. Tumawar entsa pegkesha atsau asamtai umutsuk tres tsawan yujaina. 23Tuma yujasar entsa amaunam jeawaru ainawai. Turasha entsa yapau asamtai umarcharu ainawai. Tumawaru asar nu nugkan Mara anaikaruiti.#15.23 Mara ta nuka yapau taku tawai. 24Tumawar kajekar Moisésan chicharainak: ¿Isha yamaisha wari umartatji? tusar tiaru ainawai. 25Tuinakai yainkata tusa Moisés Yuusan aujsauwaiti. Turam Yuus chikichik númi wajaun inaktusuiti, tura chicharuk: Ju tsupikam entsa yapauwa nui egkeata, tusa tinaiti. Takai numin tsupik entsanam egkeawaiti. Turamtai entsa yapauwaitiat yumin jasmatai umararu ainawai. Nu nugka nuig israelita ainan nekapsattsa chicham umiktin ainan Yuus susauwaiti.
26Tura nitan chicharuk: Atum chicham umiktinan yamai suajrum nu nekaspapita tusarum metek umiakrumnaka, egiptonmaya ainan waittan susarmiaj turanka atumnaka waittanka susashtinaitjarme, antsu wii atumi Yuusri asan, atum jakrumnasha pegker amajtinaitjarme, tusa tinaiti. 27Nuna tusa inagnakmatai shiakar Elim nugkanam doce entsa pukuni jiinu irunmaunam, tura setenta kampanak irunmaunam jeawar nui matsamsaru ainawai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.