1 Samuel 19
19
Apu Saúl Davidtan maattsa wakerukmau
1Saúl nina uchirin Jonatánkan, tura suntaran apuri ainancha chicharuk: David maatarma, tusa tinaiti. Turasha Jonatán Davidtan shir senchi anea asa, 2wina apar mantamattsa wakerawai, tuma asamtai káshikmasam chikichka waitmainatsaig ajanam uumkam pujusta. 3Ame ajanam uumka pujamunam wena wina aparjai amina pachisan chichastatjai. Turam wari turuttin nui amina ujaktatjame, tusa tinaiti. 4Nuna tinu asa kashin káshikmas Davidtan ayamrak, Jonatán nina aparijai Davidtan pachis chicharuk: David, apu amina pegkerchau amajtamtsu aigka pegkerchau amajkattsamka wakerumaitsume. Nigka ame tamaunak metek uminaiti. 5David ni mantamnamainan Goliatan maamayi. Nui nagkamas Yuus yainmasmatai filisteo aina nepetkamji. Nuna David maamtai ame shir aneasuitme, tumaisha ¿urukamtai yamaisha David pegkerchau amajtamchausha maattame? tusa tinaiti.
6Tutai Saúl Jonatánkan chicharuk: ¡Yuus pujawai! Davidnaka pegkerchauka amajkashtatjai, tusa tinaiti. 7Tusa timatai Jonatán Davidtan untsuk ashi ujakuiti. Tura juki Saúl pujamunam ejénaiti. Turam David Saúlan ataksha takaruk pujau.
8Tuma nukap tsawan pujau ataksha filisteo ainajai maaniak nepetkauwaiti. Turasha chikich ainaka tsekeararuiti. 9Tuma David waketki apu Saúlan takaruk pujau, tumai Saúlan wakan pegkerchau Yuus akupkamu ataksha egkemturuiti. Tura Saúlka nagkin takus David arpan awatkai antu eketu, 10Saúl Davidtan tanishnum anugkan maatjai tusa nagkin juki eketak ijutajkama tsuntsumun awajiruiti. Tura nu nagkika tanishnum akuumawaiti. Turam David nu káshia nuig jiinki nina jeen tsekegki wuwaiti. 11Tumamtai Saúl nina inatairi ainan chicharuk: Kashin káshikmasrum David maatin asarum ju káshia juik nina jeen werirum nakaktarma tusa akupturuiti. Turasha Davidtan nuwe Mical chicharuk: Ju káshia juik weachkuminka kashinka mantamawartatui, tusa tinaiti. 12Nuna tusa Mical Davidtan iimtai chigkaimunam yaragken netua akaki akupkauwaiti. Tu David uwemrauwaiti. 13Tura Mical yuusrimtai najanamun juki chivo uren anujtur peakrin aepsauwaiti. 14David achiktarma timau aina tsawaarar David jiniachkai weriar jinkai achikmi tusar waitin awattuina. Turuinakai Mical chichaak: Davidka jak tepawai, tusa tinaiti.
15Nuna Saúl nekaa chichaak: David jak tepakaisha ikutsuk itartitarma maatjai tusa akuprauwaiti. 16Timau asa wear Davidtan jeen wayaawar iikma yuusrimtai najanamu oveja urejai muuknum pempearmau tepaun wainkaruiti. Tura wainak Saúlan waketki ujakaruiti.
17Turam Saúl Mical werim uturtita tusa nina inatairin chikichkinak akupkauwaiti. Tura itaamtai Saúl Micalan chicharuk: ¿Urukamtai wii kajeramu uwemamsha aantramsha tsanurame? tusa tinaiti. Takai Mical ayak: Wina uwetachkuminka maattajme turutkai uwemamjai, tusa tinaiti. 18Takai David tsekegki Samuel pujamunam yaakat Ramánam wuwaiti, tuma jeaa Saúl nina maataj tamaunka ashi ujakuiti.
Tuma David Samueljai nugka Naiot tutainam yaakat Ramánam jeastatuk pujusuiti. Tu David uwemrauwaiti.
19Tuma Davidka Naiot tutainan Ramánam jeastatuk pujawai tamaun Saúl nekawaiti. 20Tuma nina inatairi ainan chicharuk: Naiot tutainam werum David achikrum itaatarma, tusa tinaiti. Timau asar Samuel pujamunam jeawaruiti. Tumawarmatai Yuusa chichamen etserin ainajai Samuel, Yuusa chichamen etserkauwaiti. Turamtai nitasha nuna antukaruiti, tumawarmatai Yuusa wakaniya nu nekamtikawaruiti. Turamu asar nitasha Yuusa chichamen etserin jasaruiti. 21Nu tumawarmatai Saúl nuna nekaa, inatairi chikich ainan ataksha akupkauwaiti. Turamu nitasha Samuel pujamunam jeawar, Yuusa chichamen etsermaun antukar nitasha tumasarag Yuusa chichamen etserin jasaruiti. Nu tumawarmatai Saúl nina inatairi chikich ainan ataksha akupkauwaiti, turam nitasha tumasag Yuusa chichamen etserin jasaruiti. 22Tumawarmatai Saúl, ima nigki yaakat Ramánam wuwaiti. Tuma yaakat Secú tutainam entsa yumirmatai amaunam jeaa Samuel, tura Davidcha tui puja tusa inimu. Tu inimkai chikichik shuar ayak: Nugka Naiot Ramánam jeattak pujawai, tusa tinaiti. 23Tutai jinta wetatmaun Yuusa Wakaní nekatan susauwaiti. Turam nisha tumasag Yuusa chichamen etse etserkauwa Naiot Ramánam jeastatuk jeawaiti. 24Tuma Samuel pujamunam jea jaanch ni nugkuarmaurin awimak misu jasuiti. Tuma Yuus titá timaunka turusag tsawai tura káshisha etseru weká. Nuna tuma asamtai Saúlsha Yuusa chichamen etserin ajakuiti tusa timauwaiti.
Currently Selected:
1 Samuel 19: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
1 Samuel 19
19
Apu Saúl Davidtan maattsa wakerukmau
1Saúl nina uchirin Jonatánkan, tura suntaran apuri ainancha chicharuk: David maatarma, tusa tinaiti. Turasha Jonatán Davidtan shir senchi anea asa, 2wina apar mantamattsa wakerawai, tuma asamtai káshikmasam chikichka waitmainatsaig ajanam uumkam pujusta. 3Ame ajanam uumka pujamunam wena wina aparjai amina pachisan chichastatjai. Turam wari turuttin nui amina ujaktatjame, tusa tinaiti. 4Nuna tinu asa kashin káshikmas Davidtan ayamrak, Jonatán nina aparijai Davidtan pachis chicharuk: David, apu amina pegkerchau amajtamtsu aigka pegkerchau amajkattsamka wakerumaitsume. Nigka ame tamaunak metek uminaiti. 5David ni mantamnamainan Goliatan maamayi. Nui nagkamas Yuus yainmasmatai filisteo aina nepetkamji. Nuna David maamtai ame shir aneasuitme, tumaisha ¿urukamtai yamaisha David pegkerchau amajtamchausha maattame? tusa tinaiti.
6Tutai Saúl Jonatánkan chicharuk: ¡Yuus pujawai! Davidnaka pegkerchauka amajkashtatjai, tusa tinaiti. 7Tusa timatai Jonatán Davidtan untsuk ashi ujakuiti. Tura juki Saúl pujamunam ejénaiti. Turam David Saúlan ataksha takaruk pujau.
8Tuma nukap tsawan pujau ataksha filisteo ainajai maaniak nepetkauwaiti. Turasha chikich ainaka tsekeararuiti. 9Tuma David waketki apu Saúlan takaruk pujau, tumai Saúlan wakan pegkerchau Yuus akupkamu ataksha egkemturuiti. Tura Saúlka nagkin takus David arpan awatkai antu eketu, 10Saúl Davidtan tanishnum anugkan maatjai tusa nagkin juki eketak ijutajkama tsuntsumun awajiruiti. Tura nu nagkika tanishnum akuumawaiti. Turam David nu káshia nuig jiinki nina jeen tsekegki wuwaiti. 11Tumamtai Saúl nina inatairi ainan chicharuk: Kashin káshikmasrum David maatin asarum ju káshia juik nina jeen werirum nakaktarma tusa akupturuiti. Turasha Davidtan nuwe Mical chicharuk: Ju káshia juik weachkuminka kashinka mantamawartatui, tusa tinaiti. 12Nuna tusa Mical Davidtan iimtai chigkaimunam yaragken netua akaki akupkauwaiti. Tu David uwemrauwaiti. 13Tura Mical yuusrimtai najanamun juki chivo uren anujtur peakrin aepsauwaiti. 14David achiktarma timau aina tsawaarar David jiniachkai weriar jinkai achikmi tusar waitin awattuina. Turuinakai Mical chichaak: Davidka jak tepawai, tusa tinaiti.
15Nuna Saúl nekaa chichaak: David jak tepakaisha ikutsuk itartitarma maatjai tusa akuprauwaiti. 16Timau asa wear Davidtan jeen wayaawar iikma yuusrimtai najanamu oveja urejai muuknum pempearmau tepaun wainkaruiti. Tura wainak Saúlan waketki ujakaruiti.
17Turam Saúl Mical werim uturtita tusa nina inatairin chikichkinak akupkauwaiti. Tura itaamtai Saúl Micalan chicharuk: ¿Urukamtai wii kajeramu uwemamsha aantramsha tsanurame? tusa tinaiti. Takai Mical ayak: Wina uwetachkuminka maattajme turutkai uwemamjai, tusa tinaiti. 18Takai David tsekegki Samuel pujamunam yaakat Ramánam wuwaiti, tuma jeaa Saúl nina maataj tamaunka ashi ujakuiti.
Tuma David Samueljai nugka Naiot tutainam yaakat Ramánam jeastatuk pujusuiti. Tu David uwemrauwaiti.
19Tuma Davidka Naiot tutainan Ramánam jeastatuk pujawai tamaun Saúl nekawaiti. 20Tuma nina inatairi ainan chicharuk: Naiot tutainam werum David achikrum itaatarma, tusa tinaiti. Timau asar Samuel pujamunam jeawaruiti. Tumawarmatai Yuusa chichamen etserin ainajai Samuel, Yuusa chichamen etserkauwaiti. Turamtai nitasha nuna antukaruiti, tumawarmatai Yuusa wakaniya nu nekamtikawaruiti. Turamu asar nitasha Yuusa chichamen etserin jasaruiti. 21Nu tumawarmatai Saúl nuna nekaa, inatairi chikich ainan ataksha akupkauwaiti. Turamu nitasha Samuel pujamunam jeawar, Yuusa chichamen etsermaun antukar nitasha tumasarag Yuusa chichamen etserin jasaruiti. Nu tumawarmatai Saúl nina inatairi chikich ainan ataksha akupkauwaiti, turam nitasha tumasag Yuusa chichamen etserin jasaruiti. 22Tumawarmatai Saúl, ima nigki yaakat Ramánam wuwaiti. Tuma yaakat Secú tutainam entsa yumirmatai amaunam jeaa Samuel, tura Davidcha tui puja tusa inimu. Tu inimkai chikichik shuar ayak: Nugka Naiot Ramánam jeattak pujawai, tusa tinaiti. 23Tutai jinta wetatmaun Yuusa Wakaní nekatan susauwaiti. Turam nisha tumasag Yuusa chichamen etse etserkauwa Naiot Ramánam jeastatuk jeawaiti. 24Tuma Samuel pujamunam jea jaanch ni nugkuarmaurin awimak misu jasuiti. Tuma Yuus titá timaunka turusag tsawai tura káshisha etseru weká. Nuna tuma asamtai Saúlsha Yuusa chichamen etserin ajakuiti tusa timauwaiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.