1 Samuel 14
14
1Chikichik tsawantin Saúla uchiri Jonatán, aparin ujatsuk nina amikrin chicharuk: Entsa amain yantam katigkar filisteo ainajai maaniami, tusa tinaiti. 2Turasha nina apari Saúlka Gabaanum yaakat Migrón ajakua nui, munchi irunmaunam nuna wakentin seiscientos shuar iruunar matsataina. 3Tura sacerdote Ahías tutai Yuusan emematuk yaakat Silonam Saúljai pujujakuiti. Nu sacerdoteka nugkutai linojai najanamun efod tutain takaku ajakuiti.#14.3 Yuus wakeramu nekattsa sacerdote nugkutai efodka ajakuiti. Tura Ahíaska Icabodtan yachi Aitob ajakua nuna uchiri ajakuiti. Antsu nina apachrigka Elí uchiri Finees ajakuiti.
Israelita aina Jonatán nina amikrijai wuwa nunaka chikichkiksha nekacharu ainawai. 4Tura Jonatán nina amikrijai filisteo aina matsatmaunam weena. Nita wenamunam kaya uun Bosés tutai akamainchaunam, tura Senéjai iinias amaunam jeawaiti. 5Yama nagkamchak kaya Bosés tutaiya nui iiyamka nujinmani yaakat Micmásnum iinias ajakuiti. Tura chikich kaya sené tutaiya nui iiyamka nugkani yaakat Gabaanum iinias ajakuiti. 6Nui wesa Jonatán amikrin chicharuk: Amain katigkar shuar pegkerchaun takau aina aujai nukapchau akurincha tura ishichik akurincha Yuus yainmasmatai nepetmainaitjai. 7Tutai nina amikri ayak: Ame turattsa enentaimmauka metek umikta. Wika ame turutmaunak umiktasan wakerajai, tusa tinaiti. 8Takai Jonatán chicharuk: Wemi, amain katigkar filisteo aina jeari wantintukmi. 9Tumarin nita chichainak: ¡Nuig nakamsatarma! Ii taattaji tusa tuinakaigka, wetsuk nuig wajasar nakastatji. 10Turasha taatarma tusa turamkaigka wetatji. Tura Yuusapi nita shuarin nepetkarti tusa iwainawa tusar nui nekattaji.
11Tusar mai wear akararu ainawai. Tumainan nitan wainak chichainak: “Hebreo shuar aina waanam matsatu jiintrara au iistarma” tusar tuina. 12Tuina asar Jonatánkan tura nina inatairijai tukeneas wishikaina asar untsuinak: “Jui taatarma, tumawakrumin uruk maanitaigkit nuna jintintatjarme” tusa tinaiti. Tuinakai Jonatán nina amikrin chicharuk: “Wii emka weakai ukunam winita, Yuus ina nitan nepetak ijinati tusa tsagkattramkaji”, tusa tinaiti.
13Tusa Jonatán nina amikrijai achimki wakauwaiti. Tuma jea filisteo ainan kuchiijai iju nugka nagkimu, turakai nina amikri nagkirijai iju maa. 14Jonatán nina amikrijai yama nagkamchak maaniawa nuigka ju chichamaik veinte shuaran maawaiti.
15Filisteo aina jea matsataina, tura nuiyasha maanin aina eemak wenasha nekawar ashamkaruiti. Tura nuiyasha nugka senchi urkamtai filisteo aina shir senchi ashamkaruiti. 16Nu tuman ashamak tsekenak mai pachimnaiya jainan Saúla suntaari aina Benjamínka nugkeen yaakat Gabaan kuitamuk matsataina wainkaruiti. 17Tuma Saúl nina suntaari ainan chicharuk: Suntar aina ashiyash matsataina iistarma, tusa tinaiti. Tusa tuinam ashi iiyamunam Jonatán nina amikrijai atsaun wainkaruiti. 18Tuma asamtai Saúl Ahíasan chicharuk: Yuus iniasa nekatai efod achiakam nu itata, tusa tinaiti. Israelita aina matsatmaunam au asamtai nunaka tinaiti. 19Saúl sacerdote Ahíasjai chichaak wajai, nu nagkamas filisteo aina pachimnaik shir senchi chichaina. Imatainakai Saúl sacerdote Ahíasan chicharuk: “Efodka itawaipa” tusa tinaiti. 20Tuma Saúl nina suntaari ainajai iruuntrauwaiti filisteo ainajai maaniattsa. Tuma jea iikma filisteo aina nita shuarak pempentunaiki maaninak amunian wainkauwaiti. 21Tumainai hebreo aina yaunchuk filisteo ainajai matsamin ajaku aina tsekearar shiakar, Saúl nina suntarijai matsatmaunam, Jonatán nina suntarijai matsatmaunam shiakar nitajai iruuntrar matsamsaruiti. 22Tura chikich israelita aina ashamkartuinak Efraínka nugkeen umkar matsatainasha, filisteo aina tsekenawai tamaun antukar nitasha filisteojai maaniattsa patatukaruiti. 23Tura patatuk mai mainakua Bet-avén ejéniaruiti. Nu tsawantin Yuus israelita ainan tu ayamruk agkanmamtikawaiti.
Saúl maaniamu nagkanchamunan suntar yurumkan yuaka mantamnati timau
24Israelita aina yutain yutsuk maaniawaru asa shir senchi pimpikiaru ainawai, tumainakai shuar aina umiktinan Saúl chichaak: Ina shuari nepetchamunam yurumkan yuaka mantamnati, tusa tinaiti.
25Turasha nu tsawantin maaniamunam yujasar napa irunmaunam israelita aina jeawaruiti. 26Tura nuna napa yumirin shir nukap aun wainkarsha Saúl timaun ashamaina asar ishichkisha nekapsacharuiti. 27Antsu Jonatán nigka apari timaun antukchau asa, ushukrutai achiakmaurijai napa sanun antig ishichik nukawaiti. Tura pimpiki wekamurinka kakaram juakuiti. 28Tura nuiya chikichik suntar chicharuk: Amina apa chichaman umiak: Maanit tsawanta jui chikichik shuarkesha yurumkan yuaka maantamnati tinu asamtai tsukamakrisha pegke yuatsji, tuma asar pimpikji, tusa tinaiti. 29Takai Jonatán chichaak: Wina aparka nunaka tumainan tatsui. Wika pimpiki weká juna ishichik napa yumirin nukaan kakaram jasjai, tusa tinaiti. 30Tura chikich israelita aina nita shuarin nepetkar yutain atankiarua nuna yuawarka nitasha kakaram jamain jasarai. Tumawaru ainakaigka filisteo ainaka wári ijinmain amajkaji, tusa tinaiti. 31Nu tsawantin israelita aina, filisteo ainan mai mainakua yaakat Micmás nagkama yaakat Aialónnum ejéniaruiti. Turasha shir senchi pimpikiaru ainawai. 32Tumaina asar filisteo tagkuri maaniamunam yarutkamu ainan tsukamainak oveja ainan, vaca ainan, vaca aishmag tsakat ainan maawar namagken numpentuk yuawaruiti.
33Tumainakai chikichik shuar Saúlan jeari chicharuk: Shuar aina Yuusan tunaun takarainak namagken numpentuk yuinawai, tusa tinaiti. Takai Saúl chichaak: ¡Atumka Yuus timauwa nuka umikchaurme! Tuma asarum kaya uun akagkekrum itartitarma, tusa tinaiti. 34Tusa nuiyasha Saúl chichaak: Ashi israelita aina ujaktarma, vaca aishmag, turachkusha ovejan itawar ju kaya uun puja jui maawarti. Tura numpe sanki ashi utsankamtai yuawarti. Nuna turuinakaigka Yuus nita tunaurinka tsagkurartatui, tusa tinaiti.
Takai nu káshia nui vaca aishmagkun jukiar kaya uun pujamunam ejéniar nui patainiar maawaru ainawai. 35Turawarmatai Yuus eme anentsa iiyakur tagku aina maa patasa epeatnun najanchau Saúl nuna najanawaiti. 36Tura Saúl israelita ainan chicharuk: Filisteo ju káshia jui mai mainakuar chikichkiksha iwáku ujukashmi turakur waríri ainasha yarurkarmi, tusa tinaiti. Takai nita aimainak: “Ame wakeramu tame nuka imanisag uminkati, tusa tuina.
Tuinakai sacerdote chichaak: Yamai nagkamchakrika Yuus iniasmi”, tusa tinaiti. 37Takai Saúl Yuusan iniak: ¿Filisteo ainajaisha maaniattsa wemainkait? ¿Tura filisteo ainajai maaniati tusamsha yaigkratmainkaitam? tusa tinaiti. Turasha Yuus nu tsawanta nuigka aikchauwaiti.
38Turamu asa Saúl suntara apuri ainan chicharuk: “Shuar tunaun takasu asamtai Yuus airkachai” tusa tinaiti. 39Israel shuar ainatin Yuus ayamrutmauwa nuna naari pachisan tajai: Shuar tunaun takasuka mantamnati. Tura ¡wina uchir Jonatánkesha tunaun takasu akusha mantamnati! tusa tinaiti. Takai suntar aina chikichkiksha aimkacharuiti. 40Tuma asamtai Saúl shuar ainan chicharainak: Atum ainatiram kaunkarum ju yantam iruuntratarma. Tura wika uchir Jonatánjai chikich yantamnum wajastajai, tusa tinaiti. Takai suntar aina chichainak: Ame tame nunisag uminkati, tusa tiaruiti. 41Tuinakai Saúl Yuusan chicharuk: Ina Yuusriya, ¿urukamtai amina inatairam aujtamkaisha yamaisha aikchaume? Sacerdote kayan egkea jiikti, nu turamunam wii tunau takasmau akaigka, turachkusha wina uchir Jonatán tunaun takasu akaigka kaya Urim tutai jinti, tura Israel shuar aina tunaun takasaru akaigka kaya Tumin tutain jittawai, tusa tinaiti. Turamunam kaya Urim tutai jinnaiti. Tumamtai israelita ainaka agkan makumamainchau juakaruiti.
42Tura Saúl chichaak: “Yamaika wina uchir Jonatánjai nekaprusta” tusa tinaiti. Tura nekapeam Jonatánnau timau kayan jiiknaiti. 43Tumamtai Saúl Jonatánkan chicharuk: “Wari takasum nu ujatkata” tusa tinaiti. Tutai Jonatán ayak: Ushukrutairjai nuna tsakarin napa yumirin antikan ishichik nukaamjai. Turasha ¿ima nu turamunmag mantamnattaj? tusa tinaiti. 44Takai Saúl ayak: ¡Jonatánka ame mantamnashkuminka Yuus wina mantuati! tusa tinaiti. 45Takai Israel shuar aina Saúlan chicharainak: ¡Jonatán ina shuarin filisteo ainajai maniamunam nepetka, tumaig mantamnatta! Yuusa naari pachisan tajai: Ninka chikichik pegkerchauksha nagkasashtatui. Yuus yayasam nepetmak ayamrukmau asar, tiaru ainawai. Saúl mantamnamainnum tu ayamrukaru ainawai. 46Tura Saúl, filisteo ainajai maanitnaka inaisaruiti. Tumawarmatai filisteo aina nita jeen wakettraruiti.
47Tu nepetmak Saúl Israel shuar ainan apuri jas inamrauwaiti. Tuma Moabnumia ainan, Amónnumia ainan, Edonnumia ainan, Sobánmaya apun tura filisteo ainancha nepetkauwaiti. Saúl nina shuarijai maaniakka tuke nepetujakuiti. 48Saúl nina suntaari ainan irumar Amalec shuar ainajai maaniak ijinawaiti. Israel shuar aina kasaram matsatun tu agkanmamtikkauwaiti.
49Saúlan uchiri aishmag ainaka: Jonatán, Isví tura Malqui-Suá. Tura nawantrigka ju ainawai: Iwairigka Merab, tura chikichka Mical ajakuiti. 50Saúla nuwegka Ahinoam, Ahimaasa nawantri ajakuiti. Tura nina suntaari apurigka Abner nina apari yachi Neran uchiri ajakuiti. 51Saúla apari Quis ajakua nuka Abneran apari ajakua nujai Abielan uchiri ajaku ainawai.
52Saúl apu pujus Israel shuar ainan inajakua nuigka filisteo ainajai shir senchi maanijakuiti. Tumau asa nigka nina suntaari maanitan yacha aina nujai shir uminas pujujakuiti.
Currently Selected:
1 Samuel 14: hubDBL
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
1 Samuel 14
14
1Chikichik tsawantin Saúla uchiri Jonatán, aparin ujatsuk nina amikrin chicharuk: Entsa amain yantam katigkar filisteo ainajai maaniami, tusa tinaiti. 2Turasha nina apari Saúlka Gabaanum yaakat Migrón ajakua nui, munchi irunmaunam nuna wakentin seiscientos shuar iruunar matsataina. 3Tura sacerdote Ahías tutai Yuusan emematuk yaakat Silonam Saúljai pujujakuiti. Nu sacerdoteka nugkutai linojai najanamun efod tutain takaku ajakuiti.#14.3 Yuus wakeramu nekattsa sacerdote nugkutai efodka ajakuiti. Tura Ahíaska Icabodtan yachi Aitob ajakua nuna uchiri ajakuiti. Antsu nina apachrigka Elí uchiri Finees ajakuiti.
Israelita aina Jonatán nina amikrijai wuwa nunaka chikichkiksha nekacharu ainawai. 4Tura Jonatán nina amikrijai filisteo aina matsatmaunam weena. Nita wenamunam kaya uun Bosés tutai akamainchaunam, tura Senéjai iinias amaunam jeawaiti. 5Yama nagkamchak kaya Bosés tutaiya nui iiyamka nujinmani yaakat Micmásnum iinias ajakuiti. Tura chikich kaya sené tutaiya nui iiyamka nugkani yaakat Gabaanum iinias ajakuiti. 6Nui wesa Jonatán amikrin chicharuk: Amain katigkar shuar pegkerchaun takau aina aujai nukapchau akurincha tura ishichik akurincha Yuus yainmasmatai nepetmainaitjai. 7Tutai nina amikri ayak: Ame turattsa enentaimmauka metek umikta. Wika ame turutmaunak umiktasan wakerajai, tusa tinaiti. 8Takai Jonatán chicharuk: Wemi, amain katigkar filisteo aina jeari wantintukmi. 9Tumarin nita chichainak: ¡Nuig nakamsatarma! Ii taattaji tusa tuinakaigka, wetsuk nuig wajasar nakastatji. 10Turasha taatarma tusa turamkaigka wetatji. Tura Yuusapi nita shuarin nepetkarti tusa iwainawa tusar nui nekattaji.
11Tusar mai wear akararu ainawai. Tumainan nitan wainak chichainak: “Hebreo shuar aina waanam matsatu jiintrara au iistarma” tusar tuina. 12Tuina asar Jonatánkan tura nina inatairijai tukeneas wishikaina asar untsuinak: “Jui taatarma, tumawakrumin uruk maanitaigkit nuna jintintatjarme” tusa tinaiti. Tuinakai Jonatán nina amikrin chicharuk: “Wii emka weakai ukunam winita, Yuus ina nitan nepetak ijinati tusa tsagkattramkaji”, tusa tinaiti.
13Tusa Jonatán nina amikrijai achimki wakauwaiti. Tuma jea filisteo ainan kuchiijai iju nugka nagkimu, turakai nina amikri nagkirijai iju maa. 14Jonatán nina amikrijai yama nagkamchak maaniawa nuigka ju chichamaik veinte shuaran maawaiti.
15Filisteo aina jea matsataina, tura nuiyasha maanin aina eemak wenasha nekawar ashamkaruiti. Tura nuiyasha nugka senchi urkamtai filisteo aina shir senchi ashamkaruiti. 16Nu tuman ashamak tsekenak mai pachimnaiya jainan Saúla suntaari aina Benjamínka nugkeen yaakat Gabaan kuitamuk matsataina wainkaruiti. 17Tuma Saúl nina suntaari ainan chicharuk: Suntar aina ashiyash matsataina iistarma, tusa tinaiti. Tusa tuinam ashi iiyamunam Jonatán nina amikrijai atsaun wainkaruiti. 18Tuma asamtai Saúl Ahíasan chicharuk: Yuus iniasa nekatai efod achiakam nu itata, tusa tinaiti. Israelita aina matsatmaunam au asamtai nunaka tinaiti. 19Saúl sacerdote Ahíasjai chichaak wajai, nu nagkamas filisteo aina pachimnaik shir senchi chichaina. Imatainakai Saúl sacerdote Ahíasan chicharuk: “Efodka itawaipa” tusa tinaiti. 20Tuma Saúl nina suntaari ainajai iruuntrauwaiti filisteo ainajai maaniattsa. Tuma jea iikma filisteo aina nita shuarak pempentunaiki maaninak amunian wainkauwaiti. 21Tumainai hebreo aina yaunchuk filisteo ainajai matsamin ajaku aina tsekearar shiakar, Saúl nina suntarijai matsatmaunam, Jonatán nina suntarijai matsatmaunam shiakar nitajai iruuntrar matsamsaruiti. 22Tura chikich israelita aina ashamkartuinak Efraínka nugkeen umkar matsatainasha, filisteo aina tsekenawai tamaun antukar nitasha filisteojai maaniattsa patatukaruiti. 23Tura patatuk mai mainakua Bet-avén ejéniaruiti. Nu tsawantin Yuus israelita ainan tu ayamruk agkanmamtikawaiti.
Saúl maaniamu nagkanchamunan suntar yurumkan yuaka mantamnati timau
24Israelita aina yutain yutsuk maaniawaru asa shir senchi pimpikiaru ainawai, tumainakai shuar aina umiktinan Saúl chichaak: Ina shuari nepetchamunam yurumkan yuaka mantamnati, tusa tinaiti.
25Turasha nu tsawantin maaniamunam yujasar napa irunmaunam israelita aina jeawaruiti. 26Tura nuna napa yumirin shir nukap aun wainkarsha Saúl timaun ashamaina asar ishichkisha nekapsacharuiti. 27Antsu Jonatán nigka apari timaun antukchau asa, ushukrutai achiakmaurijai napa sanun antig ishichik nukawaiti. Tura pimpiki wekamurinka kakaram juakuiti. 28Tura nuiya chikichik suntar chicharuk: Amina apa chichaman umiak: Maanit tsawanta jui chikichik shuarkesha yurumkan yuaka maantamnati tinu asamtai tsukamakrisha pegke yuatsji, tuma asar pimpikji, tusa tinaiti. 29Takai Jonatán chichaak: Wina aparka nunaka tumainan tatsui. Wika pimpiki weká juna ishichik napa yumirin nukaan kakaram jasjai, tusa tinaiti. 30Tura chikich israelita aina nita shuarin nepetkar yutain atankiarua nuna yuawarka nitasha kakaram jamain jasarai. Tumawaru ainakaigka filisteo ainaka wári ijinmain amajkaji, tusa tinaiti. 31Nu tsawantin israelita aina, filisteo ainan mai mainakua yaakat Micmás nagkama yaakat Aialónnum ejéniaruiti. Turasha shir senchi pimpikiaru ainawai. 32Tumaina asar filisteo tagkuri maaniamunam yarutkamu ainan tsukamainak oveja ainan, vaca ainan, vaca aishmag tsakat ainan maawar namagken numpentuk yuawaruiti.
33Tumainakai chikichik shuar Saúlan jeari chicharuk: Shuar aina Yuusan tunaun takarainak namagken numpentuk yuinawai, tusa tinaiti. Takai Saúl chichaak: ¡Atumka Yuus timauwa nuka umikchaurme! Tuma asarum kaya uun akagkekrum itartitarma, tusa tinaiti. 34Tusa nuiyasha Saúl chichaak: Ashi israelita aina ujaktarma, vaca aishmag, turachkusha ovejan itawar ju kaya uun puja jui maawarti. Tura numpe sanki ashi utsankamtai yuawarti. Nuna turuinakaigka Yuus nita tunaurinka tsagkurartatui, tusa tinaiti.
Takai nu káshia nui vaca aishmagkun jukiar kaya uun pujamunam ejéniar nui patainiar maawaru ainawai. 35Turawarmatai Yuus eme anentsa iiyakur tagku aina maa patasa epeatnun najanchau Saúl nuna najanawaiti. 36Tura Saúl israelita ainan chicharuk: Filisteo ju káshia jui mai mainakuar chikichkiksha iwáku ujukashmi turakur waríri ainasha yarurkarmi, tusa tinaiti. Takai nita aimainak: “Ame wakeramu tame nuka imanisag uminkati, tusa tuina.
Tuinakai sacerdote chichaak: Yamai nagkamchakrika Yuus iniasmi”, tusa tinaiti. 37Takai Saúl Yuusan iniak: ¿Filisteo ainajaisha maaniattsa wemainkait? ¿Tura filisteo ainajai maaniati tusamsha yaigkratmainkaitam? tusa tinaiti. Turasha Yuus nu tsawanta nuigka aikchauwaiti.
38Turamu asa Saúl suntara apuri ainan chicharuk: “Shuar tunaun takasu asamtai Yuus airkachai” tusa tinaiti. 39Israel shuar ainatin Yuus ayamrutmauwa nuna naari pachisan tajai: Shuar tunaun takasuka mantamnati. Tura ¡wina uchir Jonatánkesha tunaun takasu akusha mantamnati! tusa tinaiti. Takai suntar aina chikichkiksha aimkacharuiti. 40Tuma asamtai Saúl shuar ainan chicharainak: Atum ainatiram kaunkarum ju yantam iruuntratarma. Tura wika uchir Jonatánjai chikich yantamnum wajastajai, tusa tinaiti. Takai suntar aina chichainak: Ame tame nunisag uminkati, tusa tiaruiti. 41Tuinakai Saúl Yuusan chicharuk: Ina Yuusriya, ¿urukamtai amina inatairam aujtamkaisha yamaisha aikchaume? Sacerdote kayan egkea jiikti, nu turamunam wii tunau takasmau akaigka, turachkusha wina uchir Jonatán tunaun takasu akaigka kaya Urim tutai jinti, tura Israel shuar aina tunaun takasaru akaigka kaya Tumin tutain jittawai, tusa tinaiti. Turamunam kaya Urim tutai jinnaiti. Tumamtai israelita ainaka agkan makumamainchau juakaruiti.
42Tura Saúl chichaak: “Yamaika wina uchir Jonatánjai nekaprusta” tusa tinaiti. Tura nekapeam Jonatánnau timau kayan jiiknaiti. 43Tumamtai Saúl Jonatánkan chicharuk: “Wari takasum nu ujatkata” tusa tinaiti. Tutai Jonatán ayak: Ushukrutairjai nuna tsakarin napa yumirin antikan ishichik nukaamjai. Turasha ¿ima nu turamunmag mantamnattaj? tusa tinaiti. 44Takai Saúl ayak: ¡Jonatánka ame mantamnashkuminka Yuus wina mantuati! tusa tinaiti. 45Takai Israel shuar aina Saúlan chicharainak: ¡Jonatán ina shuarin filisteo ainajai maniamunam nepetka, tumaig mantamnatta! Yuusa naari pachisan tajai: Ninka chikichik pegkerchauksha nagkasashtatui. Yuus yayasam nepetmak ayamrukmau asar, tiaru ainawai. Saúl mantamnamainnum tu ayamrukaru ainawai. 46Tura Saúl, filisteo ainajai maanitnaka inaisaruiti. Tumawarmatai filisteo aina nita jeen wakettraruiti.
47Tu nepetmak Saúl Israel shuar ainan apuri jas inamrauwaiti. Tuma Moabnumia ainan, Amónnumia ainan, Edonnumia ainan, Sobánmaya apun tura filisteo ainancha nepetkauwaiti. Saúl nina shuarijai maaniakka tuke nepetujakuiti. 48Saúl nina suntaari ainan irumar Amalec shuar ainajai maaniak ijinawaiti. Israel shuar aina kasaram matsatun tu agkanmamtikkauwaiti.
49Saúlan uchiri aishmag ainaka: Jonatán, Isví tura Malqui-Suá. Tura nawantrigka ju ainawai: Iwairigka Merab, tura chikichka Mical ajakuiti. 50Saúla nuwegka Ahinoam, Ahimaasa nawantri ajakuiti. Tura nina suntaari apurigka Abner nina apari yachi Neran uchiri ajakuiti. 51Saúla apari Quis ajakua nuka Abneran apari ajakua nujai Abielan uchiri ajaku ainawai.
52Saúl apu pujus Israel shuar ainan inajakua nuigka filisteo ainajai shir senchi maanijakuiti. Tumau asa nigka nina suntaari maanitan yacha aina nujai shir uminas pujujakuiti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.