Salmos 99
99
1DSAˉJØ̱Ø̱Hˈ jnänˋ baˊ hi̱ˉ gyaꜗ jmeeꜙ hihꜙ.
Läꜙjë̱ë̱ꜙ dsaˉ hi̱ˉ cha̱a̱ˉ hwaꜗ laˉ waˊ läꜙga̱yhꜗ.
Jeeˊ kihˈ querubines laꜗ hø̱ø̱yˈ, heˉja̱ˉ waˊ ga̱hꜙ hnihꜘ
läꜙjë̱ë̱ꜙ hnähꜘ hi̱ˉ tä̱ä̱hˊ läꜙka̱a̱ˉ hwaꜗ.
2Peerꜙ jø̱ø̱hˈ la̱a̱yꜗ jeeˊ jwɨɨˉ Jerusalén,
hiꜙ la̱a̱yꜗ jø̱ø̱hˈ kihꜗ jeeˊ läꜙjëꜙ jeeˊ jwɨɨˉ.
3Häˊ hnähꜘ kihꜗ hi̱ˉ la̱a̱ꜗ jø̱ø̱hˈ hi̱ˉ jmeeꜙ ga̱hꜙ jnäähˈ.
Peerꜙ naˉjngëëˈ la̱a̱yꜗ.
4Hneˉ la̱a̱hꜗ dsaˉtaˊ jø̱ø̱hˈ hi̱ˉ chaˉ gaꜙläꜙjëꜙ beꜘ kihꜗ,
hi̱ˉ tɨh˜ dsëꜗ heˉ lluꜗ jmahꜗ.
Hneˉ jmeehˉ läꜙko̱o̱ˉ lleˋ kihˈ baˊ.
Gaꜙjä̱ä̱hꜙ dsaˉ kya̱a̱ꜗ Jacob kya̱a̱hˊ juꜗdsooꜘ jmahꜗ.
5Häˊ hnähꜘ kihꜗ DSAˉJØ̱Ø̱Hˈ jnänˋ hi̱ˉ la̱a̱ꜗ Dio jnänˋ.
Ju̱hˊ hnähꜘ jnëhˊ hʉʉˊ tɨɨyˊ,
jëëhꜘ hñiiꜘ bihꜗ la̱a̱yꜗ naˉjngëëˈ.
6Moisé kya̱a̱hˊ Aarón maˊ la̱a̱yˈ jmiˉdsaˉ kya̱a̱ꜗ Dio.
Läꜙja̱ˉ Samuel kaˉlähꜘ maˊ ngɨɨꜙ kiyhꜗ kihꜗ Dio.
Läꜙjë̱ë̱ꜙ hi̱ˉ heꜘ maˊ ngɨɨꜙ beꜘ kihꜗ Dio,
hiꜙ Dio maˊ je̱e̱hˉ kiyhꜗ läꜙko̱o̱ˉ häˊ maˊ ngɨɨyꜙ beꜘ.
7Läꜙ gaꜙtëꜘ jeeˊ jniiꜘ maˊ hlëëhꜙ Dio kya̱a̱hˊ dsaˉ heꜘ.
Gaꜙmiꜙteꜗ baˊ dsaˉ heꜘ läꜙjëꜙ nʉʉhꜚ heˉ gaꜙhyoyhꜗ.
8Hneˉ DSAˉJØ̱Ø̱Hˈ kya̱a̱nꜙ hi̱ˉ la̱a̱ꜗ Dio kya̱a̱ꜗ jnäähˈ,
gaꜙje̱e̱hˋ baˊ hneˉ kiyhꜗ
läꜙko̱o̱ˉ häˊ maˊ chu̱u̱yꜘ kya̱a̱hˊ hneˉ.
Gaꜙjmeehˊ baˊ hneˉ jø̱hˉ hohꜘ kwa̱a̱t˜ kihꜗ dsoˊkyeˉ kiyhꜗ,
pero maꜙraꜙ heˉ gaꜙheehˋ baˊ hnihꜘ wɨɨꜘ
kihꜗ heˉ hlɨɨhˈ heˉ maˊ jmeeyꜙ.
9Häˊ hnähꜘ kihꜗ DSAˉJØ̱Ø̱Hˈ jnänˋ hi̱ˉ la̱a̱ꜗ Dio jnänˋ.
Ju̱hˊ hnähꜘ jnëhˊ jeeˊ laˈ mohꜘ naˉjngɨɨˈ kiyhꜗ,
jëëhꜘ Dio jnänˋ la̱a̱ꜗ Dio hi̱ˉ naˉjngëëˈ goˉte˜.
Currently Selected:
Salmos 99: chz
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
