Salmos 87
87
1Nëˊ mohꜘ naˉjngɨɨˈ jeeˊ gyaˈ Dio baˊ hlaˉ jeeˊ jwɨɨˉ Sión.
2Tɨh˜ gaˊ dsëˈ Dio jwɨɨˉ Sión,
läꜙko̱hꜘ gaˊ jeeˊ läꜙjëꜙ jwɨɨˉ kihꜗ Jacob.
3Haˉ ko̱hꜘ naˊhñaahꜗ saꜙ hlëëhꜙ dsaˉ
kihꜗ jeeˊ jwɨɨˉ kihꜗ Dio.
4Jnäꜘ jwahnꜙ kihꜗ Rahab hiꜙ kihꜗ Babilonia:
“Kyu̱u̱ꜙ baˊ jnäꜘ hi̱ˉ cha̱a̱ˉ jeeˊ ja̱ˉ, hiꜙ läꜙja̱ˉ hi̱ˉ cha̱a̱ˉ Filistea, kya̱a̱hˊ hi̱ˉ cha̱a̱ˉ Tiro kya̱a̱hˊ Etiopía kaˉlähꜘ.
Gaꜙläꜙjë̱ë̱ꜙ dsaˉ heꜘ jmeenꜙ kwa̱a̱t˜ gaꜙläꜙcha̱a̱ꜙ ja̱ˉbaˊ jeeˊ jwɨɨˉ Sión.”
5Kihꜗ jwɨɨˉ Sión jähꜙ dsaˉ:
“Kyahꜗ hneˉ baˊ gaꜙläꜙcha̱a̱ꜙ gaꜙläꜙjë̱ë̱ꜙ dsaˉ.”
Hñiiꜘ baˊ Dio hi̱ˉ gyaꜗ gyʉʉhˈ miˉjä̱ä̱ꜗ jeeˊ jwɨɨˉ naˉ.
6Waˊraˉ gaꜙtëꜘ jeeˊ llaˉlle̱e̱ꜗ Dio jeˉ,
läꜙjë̱ë̱ꜙ hi̱ˉ cha̱a̱ˉ läꜙko̱o̱ˉ läꜙko̱o̱ˉ jwɨɨˉ, maˊja̱ˉ jäyhꜙ:
“Hi̱ˉ laˉ naˉ hi̱ˉ gaꜙläꜙcha̱a̱ꜙ jwɨɨˉ Sión.”
7Hiꜙ waˊraˉ gaꜙtëꜘ jeeˊ jmeeyˈ jmɨɨˊ,
läꜙjë̱ë̱ꜙ hi̱ˉ häꜙ, läꜙjë̱ë̱ꜙ hi̱ˉ jmeeꜙ ja̱ˊ, jähꜙ:
“Jwɨɨˉ Sión baˊ jmeeꜙ cha̱a̱ˉ jneˊ.”
Currently Selected:
Salmos 87: chz
Highlight
Share
Compare
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
