YouVersion Logo
Search Icon

Salmos 3

3
1Hneˉ DSAˉJØ̱Ø̱Hˈ kya̱a̱nꜙ, ja̱hꜘ hi̱ˉ saꜙ naˉhøøhˊ kinꜙ.
Ja̱hꜘ hi̱ˉ saꜙ hnøøꜗ jmeeꜗ dsooˊ kinꜙ.
2Jwë̱ë̱ꜘ hi̱ˉ hlëëhꜙ kinꜙ, heˉ saꜙ lä̱ä̱ꜗ Dio jnäꜘ.
3Pero hneˉ DSAˉJØ̱Ø̱Hˈ kya̱a̱nꜙ chehꜗ nëˊ kinꜙ.
Laꜗ läꜙko̱hꜘ ñeˈ heˉ naˉhiiꜘ nëˊ kinꜙ heˉ lä̱ä̱˜ jnäꜘ.
Jmëëꜗ kyahꜗ miˉjnäähˈ kinꜙ,
hiꜙ jmeehˉ dsaˉnøhꜗ dsënꜙ.
4Chaˉmiihˉ gaꜙchu̱u̱nꜗ kya̱a̱hˊ DSAˉJØ̱Ø̱Hˈ jnänˋ,
hi̱ˉ heꜘ gaꜙnuuꜘ kinꜙ läꜙ gaꜙtëꜘ mohꜘ heˉ naˉjngɨɨˈ kiyhꜗ.
5Jnäꜘ gaꜙnɨɨhnˋ kinꜙ gaꜙgwɨ̱ɨ̱nꜙ hiꜙ gaꜙñeꜗ baˊ jnäꜘ lluꜗ.
Jëëhꜘ gaꜙkwaꜘ DSAˉJØ̱Ø̱Hˈ jnänˋ beꜘ kinꜙ.
6Saꜙ gohnꜙ maꜙkeꜙ gyaꜗ mil dsaˉ hi̱ˉ yaˉnääꜘ jngëëhꜗ jnäꜘ.
7Ñaˉ kwaˊ beꜘ kinꜙ DSAˉJØ̱Ø̱Hˈ kya̱a̱nꜙ, lä̱ä̱ˋ jnäꜘ Dio kya̱a̱nꜙ.
Jëëhꜘ hneˉ baˊ hi̱ˉ gaꜙjmeeꜘ dsooˊ hooˊ hi̱ˉ naˉhøøhˊ kinꜙ.
Gaꜙchiˊ gaꜙjøøhˊ ja̱ˊ läꜙjë̱ë̱ꜙ hi̱ˉ hñaaˉ dsëꜗ heꜘ.
8DSAˉJØ̱Ø̱Hˈ jnänˋ baˊ hi̱ˉ lä̱ä̱˜ jneˊ.
Miˉjä̱ä̱ꜚ miˉñehꜚ dsaˉ kya̱a̱hꜗ.

Currently Selected:

Salmos 3: chz

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy