Romanos A'ti pũrí a'tîro weéro ohâ no'opã niisé niî'
A'ti pũrí a'tîro weéro ohâ no'opã niisé niî'
Paulo a'ti pũríre Corintopɨ niîgɨ, Romakãharã Jesu Cristore ẽho peórãre ohâkɨ niîwĩ. Kɨ̃ɨ̂ neê waropɨre Jesu Cristore ẽho peótikɨ niîwĩ. Tohô weégɨ kɨ̃ɨ̂re ẽho peórãre yã'âro weé sĩ'rigɨ siru tuúkɨ niîwĩ. Be'ró Õ'âkɨ̃hɨ Paulore dɨka yuúkã weékɨ niîwĩ. Tohô weéka be'ro kɨ̃ɨ̂ Jesu Cristo yee kitire weregɨ́ sãháakɨ niîwĩ.
Paulo Romakãharã tiropɨ wa'â sĩ'rikɨ niîmiwĩ. Kɨ̃ɨ̂ a'ti pũríre ohâka terore wa'âtikɨ niîwĩ yuhûpɨ. I'tiá kɨ'ma be'ro naâ tiropɨre wa'âkɨ niîwĩ.
Kɨ̃ɨ̂ papéra ohâgɨ, a'tîro ohasétikɨ niîwĩ. “Yɨ'ɨ̂ Paulo mɨsâre ohâ'” niî tohaka be'ro ãyu dutí wɨakɨ niîwĩ. Be'ró “Õ'âkɨ̃hɨre mɨsa yeékãhasere ‘Ãyú'’ niî'”, niîkɨ niîwĩ. Tohô niikã́ “A'teré ɨa sãágɨ, mɨsâre a'ti pũríre ohâ'”, niîkɨ niîwĩ. Be'ropɨ́ta “Õ'âkɨ̃hɨ yee ãyusé kitire a'tîro niîro weé'”, niî ohâkɨ niîwĩ. Yapapɨ́ta maha ãyu dutí tɨosere ohâkɨ niîwĩ.
Paulo a'ti pũríre marî niî pe'tirã bu'îritirã niî' niisére ohâkɨ niîwĩ. Tohô niikã́ Õ'âkɨ̃hɨ me'ra ãyuró niî sĩ'rirã, Jesu Cristore ẽho peóse me'ra di'akɨ̃ tohô niîta basió' niisére ohâkɨ niîwĩ. Apêye, Romakãharãre ni'kâro me'ra niiséti dutigɨ, naâre “Ãyuró a'mêri pahá yã'aya, niî pe'tirã me'ra ãyuró niisétiya”, niî ohâkɨ niîwĩ.
Currently Selected:
Romanos A'ti pũrí a'tîro weéro ohâ no'opã niisé niî': tuo
Highlight
Share
Copy
Want to have your highlights saved across all your devices? Sign up or sign in
© 2004, Wycliffe Bible Translators, Inc. All rights reserved.