João A'ti pũrí a'tîro weéro ohâ no'opã niisé niî'
A'ti pũrí a'tîro weéro ohâ no'opã niisé niî'
Ã'rí Judeu masɨ Zebedeu makɨ, Tiago akabihí niîkɨ niîwĩ. Kɨ̃ɨ̂ pakó Salomé wamêtiko niîwõ. Koô Jesu pakó Maria ma'mio niîko niîwõ. Tohô weégɨ Jesu João basúkɨ niîkɨ niîwĩ. Neê waropɨre João wa'î wẽhegɨ́ niîkɨ niîwĩ. Ã'ritá Jesu bese kũú'kãrã wa'terore kɨ̃ɨ̂ ɨpɨ́tɨ ma'igɨ́ niîkɨ niîwĩ. Kɨ̃ɨ̂, kɨ̃ɨ̂ ma'mi Tiago me'ra tohô wa'â boosa' niiró mariró ĩ'yo duárã niî yuukã, Jesu naâre Boanerge pisûkɨ niîwĩ. Tohô niîgɨ, “Bɨpô Põ'ra” weeró noho pũrîro uúkũ' niîgɨ, tohô niîkɨ niîwĩ. João Jesu me'ra sihagɨ́ kɨ̃ɨ̂ bu'egɨ́ niîkɨ niîwĩ. Joãota Pedro me'ra Jesu masáka be'ro kɨ̃ɨ̂re sĩô sõro kũuka peepɨ omá wã'kaka terore Pedro dɨporo tii peépɨre ehâ mɨ'takɨ niîwĩ.
A'ti pũrí Judeu masa niîtirãre ohâ'karo weeró noho ohâ no'okaro niîwɨ. Tohô niikã́ Jesu bu'esére siru tuú'kãrã kɨ̃ɨ yeére naâ da'rá'kere ãyuró ohâ no'o butia'karo niîwɨ. A'ti pũrí ẽho peósekãhasere, ma'isékãhasere uúkũ yɨ'rɨ nɨ'ka'. A'ti pũrí Jesuré ẽho peó dutiro kɨ̃ɨ̂ weeséti'karo nohota, kɨ̃ɨ̂ uúkũ'karo nohota ohâ no'o'.
Currently Selected:
João A'ti pũrí a'tîro weéro ohâ no'opã niisé niî': tuo
Highlight
Share
Copy
Want to have your highlights saved across all your devices? Sign up or sign in
© 2004, Wycliffe Bible Translators, Inc. All rights reserved.