Roma 4
4
Abra'ã hã ãma isisanhozé, 'Re ihâimana u'âsi mono te te 're i'umnhasi mono zém na
1Tawamhã bété e niha wa za wasiwi 'rãzarõtõ ni, wahi'rata za'ra Abra'ã ihâimanazém na hã. 2Abra'ã hã marĩ iwẽ te te 're i'a'manharĩ mono zéb zarina, 'Re ihâimana u'âsi mono, i'uwaibaba na 're ihâimana mono na te te 're 'madâ'â mono 'wa'âhã, tawamhã tô ibâre te aré sina 're wata. Tazahã, ibâi õ di, 'Re ihâimana u'âsi mono nho're sina 're iwata mono da hã. 3E marĩ wa. Ibaihâ Iwazé pese na rob'ui'éré hã te te nharĩ wa, ãne: “Abra'ã hã 'Re ihâimana u'âsi mono ma tô saze. Tahawa, 'Re ihâimana u'âsi mono hã ma tô oto te te 're 'madâ'â, i'uwaibaba na 're ihâimana mono na.”
4Romhuri'wa hã tipawa'â te te 're imrami mono hã, ta hã isawizéb õ di. Tazahã, tô ipawa'â, romhuri te te 're i'manharĩ mono wa'rãmi, tãma i'ru zahi zarina za te te 're imrami mono hã. 5Ni'wa hã marĩ te te 'manharĩ waihu'u õ di, te te 'manharĩ wa, i'uwaibaba na 're ihâimana mono na, 'Re ihâimana u'âsi mono te te 're i'madâ'â mono da hã. Tane nherẽ, tiwasédé te te 're i'manharĩ za'ra mono norĩ, tiwasédé te te 're rẽme za'ra mono wa, 're i'awẽsãmri mono 'wa, te te sina 're umnhasi mono wamhã, te za tô i'uwaibaba na 're ihâimana mono na te te 're 'madâ'â, ta hã. 6Ãne ma tô duré Davi hã ãma tinha, ni'wa hã rowẽ u'â za tãma 're ihâimana mono na, 'Re ihâimana u'âsi mono hã ta hã i'uwaibaba na 're ihâimana mono na te te 're 'madâ'â mono wamhã, marĩ te te 're i'a'manharĩ mono zé hã te te ãma 'madâ'â ãna.
7“Ni'wai ma 're rowẽ uptabi mono di, marĩ te te 're i'a'manharĩ wasété mono zé 'Re ihâimana u'âsi mono te te ãma 're i'a'madâ'â mono õ ma hã, duré iwasédé te te tãma ipari ma hã.
8Ni'wai ma 're rowẽ uptabi mono di, tiwasédé te te 're i'manharĩ mono na Uburé Danhib'apito, iwasédé te te ãma ihiri õ ma hã.”
9Rowẽ u'âsi na Davi te te irowasu'u hã, e tawamhã isihâiwata nhihâri ré norĩ ma si te 're hâimana. Mare uptabi di! Isihâiwata nhihâri õ norĩ ma zama te duré 're hâimana. E marĩ wa. Wa te wasu'u pari za'ra wa, Ibaihâ Iwazé pese na rob'ui'éré inomro na hã, ãne: “Abra'ã hã 'Re ihâimana u'âsi mono si ma tô saze. Tahawa, ma tô 'Re ihâimana u'âsi mono hã te te 're 'madâ'â, i'uwaibaba na 're ihâimana mono na.” 10Tawamhã bété e niwa ma tô ãne hã tiromhâiba. E Abra'ã, da te sihâiwata nhizâri õ ré, e da te sihâiwata nhizâri parip si. Da te sihâiwata nhizâri wana ré tô. Mare di, da te sihâiwata nhizâri parip si hã. 11Tawamhã ãma ronomro parip si, ma tô oto sihâiwata nhizâri ni, Abra'ã hã. Da te isihâiwata nhizârizé hã, 'Re ihâimana u'âsi mono te te sina 're i'umnhasi mono zéb zarina, i'uwaibaba na 're ihâimana mono na te te 're i'madâ'â mono na te wasu'u, da te sihâiwata nhizâri wana ré nherẽ. Tahawa, Abra'ã hã uburé 'Re ihâimana u'âsi mono te te sina 're i'umnhasi za'ra mono norĩ mama na te 're hâimana, da te a'â sihâiwata nhihâri za'ra õ nherẽ. Ãne wa, te 'Re ihâimana u'âsi mono hã te te 're a'madâ'â, uburé i'uwaibaba na 're ihâimana za'ra mono hã. 12Abra'ã hã te duré 're hâimana, isihâiwata nhihâri ré norĩ mama na. Mare di, sihâiwata nhihâri ré 're nomro mono wẽ te hã. Tazahã, Abra'ã wamama za'ra hã 'Re ihâimana u'âsi mono te te sina 're i'umnhasi mono ne, 're hâimana za'ra mono wa, da te sihâiwata nhizâri wana ré.
'Re ihâimana u'âsi mono, Abra'ãhã ma te te iropisutuzé
13'Re ihâimana u'âsi mono hã ma tô ropisutu Abra'ãhã ma, duré isihudu norĩ ma, uburé ti'a na ãma site za'ra da, ropâ. Ã hã ropisudu hã mare di, Abra'ã hã 'Re ihâimana u'âsi mono nhimiroti zahi na Mozési te te ãma irob'ui'éré hã te te 're a'madâ'â pese mono wẽ te. Tazahã, 'Re ihâimana u'âsi mono te te sazei wa, taha zarina i'uwaibaba na 're ihâimana mono na te te oto 're 'madâ'â mono wa. 14E marĩ wa. 'Re ihâimana u'âsi mono nhimiroti zahi na Mozési te te ãma irob'ui'érézé, ni'wam norĩ te te 're i'madâ'â pese za'ra mono zarina 'Re ihâimana u'âsi mono te te iropisutuzé te te 're waibui mono 'wa'âhã, ãne 'wa'âhã, da te dasina 're i'umnhasi za'ra mono zé hã marĩ dai õ di aré. Duré te te iropisutuzé hã marĩ dai ãna te aré 're hâimana. 15E marĩ wa. 'Re ihâimana u'âsi mono nhimiroti zahi na Mozési te te irob'ui'érézé hã te te dama sina 're sani za'ra mono wa, 'Re ihâimana u'âsi mono te te dama 're irob'manharĩ pipa mono zé hã. Tane nherẽ, 'Re ihâimana u'âsi mono nhimiroti zahi na Mozési te te irob'ui'érézé hã nimame hâimana õ wamhã, ãne wamhã, duré hâimana õ di, isimiroti zahi na rob'ui'éré 'rada, da te 're i'madâ'â pese za'ra mono zé hã.
16Tahawa, 'Re ihâimana u'âsi mono te te dama iropisutuzé hã da te dasina 're i'umnhasi za'ra mono zéb zarina, te za da te dasina 're uwaimrami za'ra, 'Re ihâimana u'âsi mono nhoprubzém na tãma 're hâimana za'ra mono da, uburé Abra'ãhã nhihudu norĩ ma hã. Te te dama iropisutuzé hã ni'wam norĩ 'Re ihâimana u'âsi mono nhimiroti zahi na Mozési te te irob'ui'érézé te te 're i'madâ'â pese za'ra mono norĩ ma si, 're hâimana mono õ di. Tazahã, duré 'Re ihâimana u'âsi mono te te 're isaze za'ra mono norĩ ma zama, Abra'ã te te isaze ne. Ta hã uburé wamama na te wama 're hâimana za'ra. 17Ibaihâ Iwazé pese na rob'ui'éré hã te tinha, ãne: “Wa hã wa tô aipisutu, uburé dawamri mono bâ 're idahâimana za'ra mono norĩ mama na 're aihâimana mono da.” Ãne wa, ropisudu hã te pire na 're hâimana, 'Re ihâimana u'âsi mono nhimipisutu wa. Ta hã Abra'ã ma tô saze, dadâ'â hawi 're da'anho'reptui mono 'wa hã, duré marĩ 're ihâimana za'ra mono õ, oto 're hâimana za'ra mono da, 're i'a'manharĩ mono 'wa hã.
18Abra'ã hã 'Re ihâimana u'âsi mono ma tô te te sina 're umnhasi. Duré siwawãi ãna ma tô 're simipari, siwawãi na 're ihâimana mono zé hã tãma 're hâimana mono õ nherẽ. Tahawa, te oto 're hâimana, “dawamri mono bâ 're idahâimana za'ra mono norĩ mama” na, Ibaihâ Iwazé pese na rob'ui'éré hã inomro zarina, ãne: “Asihudu hã ahâ uptabi di za.” 19Abra'ãhã ãma, 100 na iwahub da si nherẽ oto. Tane nherẽ, dâ'â ne oto ihâimana na te te si'ãma rosa'rata wamhã, niwamhã Sara i'ra waihu'u õ na oto po're pu'u nherẽ, 'Re ihâimana u'âsi mono te te sina 're i'umnhasi mono zé hã, tiwi sib'uwa õ di. 20'Re ihâimana u'âsi mono te te sazei utõrĩ õ di. Duré ãma siwawãi õ di, te te tãma iropisutuzém na. Te te sina 're i'umnhasi mono zém na ma tô 're siptete u'âsi. Tahawa ma tô ãma 're wata, 21ãma siwawãi õ wa, 'Re ihâimana u'âsi mono te te tãma iropisutuzém na za te te ãma tãma i'uwaimrami na hã. 22Tahawa Abra'ã hã, 'Re ihâimana u'âsi mono te te sina 're i'umnhasi mono zéb zarina, “ma tô 'Re ihâimana u'âsi mono hã te te oto 're 'madâ'â, i'uwaibaba na 're ihâimana mono na hã.” 23Tawamhã damreme “i'uwaibaba na 're ihâimana mono na ma tô oto te te 're 'madâ'â” õhõ ãma si te te nharĩ õ di. 24Wa'ãmab za'ra zama te tinha, i'uwaibaba na 're iwahâimana za'ra mono na te te 're iwa'a'madâ'â mono na hã, wa norĩ 'Re ihâimana u'âsi mono, wa te 're isaze za'ra mono, Wanhib'apito Zezusi te te ihâiwa'udu hã. 25'Re ihâimana u'âsi mono, ma tô Zezusi hã tisõ, wawasété u'âbâ za'ra dâ'â da. Ma tô duré hâiwa'utu, i'uwaibaba na 're iwahâimana za'ra mono na, te te 're wa'a'madâ'â mono da.
Currently Selected:
Roma 4: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.
Roma 4
4
Abra'ã hã ãma isisanhozé, 'Re ihâimana u'âsi mono te te 're i'umnhasi mono zém na
1Tawamhã bété e niha wa za wasiwi 'rãzarõtõ ni, wahi'rata za'ra Abra'ã ihâimanazém na hã. 2Abra'ã hã marĩ iwẽ te te 're i'a'manharĩ mono zéb zarina, 'Re ihâimana u'âsi mono, i'uwaibaba na 're ihâimana mono na te te 're 'madâ'â mono 'wa'âhã, tawamhã tô ibâre te aré sina 're wata. Tazahã, ibâi õ di, 'Re ihâimana u'âsi mono nho're sina 're iwata mono da hã. 3E marĩ wa. Ibaihâ Iwazé pese na rob'ui'éré hã te te nharĩ wa, ãne: “Abra'ã hã 'Re ihâimana u'âsi mono ma tô saze. Tahawa, 'Re ihâimana u'âsi mono hã ma tô oto te te 're 'madâ'â, i'uwaibaba na 're ihâimana mono na.”
4Romhuri'wa hã tipawa'â te te 're imrami mono hã, ta hã isawizéb õ di. Tazahã, tô ipawa'â, romhuri te te 're i'manharĩ mono wa'rãmi, tãma i'ru zahi zarina za te te 're imrami mono hã. 5Ni'wa hã marĩ te te 'manharĩ waihu'u õ di, te te 'manharĩ wa, i'uwaibaba na 're ihâimana mono na, 'Re ihâimana u'âsi mono te te 're i'madâ'â mono da hã. Tane nherẽ, tiwasédé te te 're i'manharĩ za'ra mono norĩ, tiwasédé te te 're rẽme za'ra mono wa, 're i'awẽsãmri mono 'wa, te te sina 're umnhasi mono wamhã, te za tô i'uwaibaba na 're ihâimana mono na te te 're 'madâ'â, ta hã. 6Ãne ma tô duré Davi hã ãma tinha, ni'wa hã rowẽ u'â za tãma 're ihâimana mono na, 'Re ihâimana u'âsi mono hã ta hã i'uwaibaba na 're ihâimana mono na te te 're 'madâ'â mono wamhã, marĩ te te 're i'a'manharĩ mono zé hã te te ãma 'madâ'â ãna.
7“Ni'wai ma 're rowẽ uptabi mono di, marĩ te te 're i'a'manharĩ wasété mono zé 'Re ihâimana u'âsi mono te te ãma 're i'a'madâ'â mono õ ma hã, duré iwasédé te te tãma ipari ma hã.
8Ni'wai ma 're rowẽ uptabi mono di, tiwasédé te te 're i'manharĩ mono na Uburé Danhib'apito, iwasédé te te ãma ihiri õ ma hã.”
9Rowẽ u'âsi na Davi te te irowasu'u hã, e tawamhã isihâiwata nhihâri ré norĩ ma si te 're hâimana. Mare uptabi di! Isihâiwata nhihâri õ norĩ ma zama te duré 're hâimana. E marĩ wa. Wa te wasu'u pari za'ra wa, Ibaihâ Iwazé pese na rob'ui'éré inomro na hã, ãne: “Abra'ã hã 'Re ihâimana u'âsi mono si ma tô saze. Tahawa, ma tô 'Re ihâimana u'âsi mono hã te te 're 'madâ'â, i'uwaibaba na 're ihâimana mono na.” 10Tawamhã bété e niwa ma tô ãne hã tiromhâiba. E Abra'ã, da te sihâiwata nhizâri õ ré, e da te sihâiwata nhizâri parip si. Da te sihâiwata nhizâri wana ré tô. Mare di, da te sihâiwata nhizâri parip si hã. 11Tawamhã ãma ronomro parip si, ma tô oto sihâiwata nhizâri ni, Abra'ã hã. Da te isihâiwata nhizârizé hã, 'Re ihâimana u'âsi mono te te sina 're i'umnhasi mono zéb zarina, i'uwaibaba na 're ihâimana mono na te te 're i'madâ'â mono na te wasu'u, da te sihâiwata nhizâri wana ré nherẽ. Tahawa, Abra'ã hã uburé 'Re ihâimana u'âsi mono te te sina 're i'umnhasi za'ra mono norĩ mama na te 're hâimana, da te a'â sihâiwata nhihâri za'ra õ nherẽ. Ãne wa, te 'Re ihâimana u'âsi mono hã te te 're a'madâ'â, uburé i'uwaibaba na 're ihâimana za'ra mono hã. 12Abra'ã hã te duré 're hâimana, isihâiwata nhihâri ré norĩ mama na. Mare di, sihâiwata nhihâri ré 're nomro mono wẽ te hã. Tazahã, Abra'ã wamama za'ra hã 'Re ihâimana u'âsi mono te te sina 're i'umnhasi mono ne, 're hâimana za'ra mono wa, da te sihâiwata nhizâri wana ré.
'Re ihâimana u'âsi mono, Abra'ãhã ma te te iropisutuzé
13'Re ihâimana u'âsi mono hã ma tô ropisutu Abra'ãhã ma, duré isihudu norĩ ma, uburé ti'a na ãma site za'ra da, ropâ. Ã hã ropisudu hã mare di, Abra'ã hã 'Re ihâimana u'âsi mono nhimiroti zahi na Mozési te te ãma irob'ui'éré hã te te 're a'madâ'â pese mono wẽ te. Tazahã, 'Re ihâimana u'âsi mono te te sazei wa, taha zarina i'uwaibaba na 're ihâimana mono na te te oto 're 'madâ'â mono wa. 14E marĩ wa. 'Re ihâimana u'âsi mono nhimiroti zahi na Mozési te te ãma irob'ui'érézé, ni'wam norĩ te te 're i'madâ'â pese za'ra mono zarina 'Re ihâimana u'âsi mono te te iropisutuzé te te 're waibui mono 'wa'âhã, ãne 'wa'âhã, da te dasina 're i'umnhasi za'ra mono zé hã marĩ dai õ di aré. Duré te te iropisutuzé hã marĩ dai ãna te aré 're hâimana. 15E marĩ wa. 'Re ihâimana u'âsi mono nhimiroti zahi na Mozési te te irob'ui'érézé hã te te dama sina 're sani za'ra mono wa, 'Re ihâimana u'âsi mono te te dama 're irob'manharĩ pipa mono zé hã. Tane nherẽ, 'Re ihâimana u'âsi mono nhimiroti zahi na Mozési te te irob'ui'érézé hã nimame hâimana õ wamhã, ãne wamhã, duré hâimana õ di, isimiroti zahi na rob'ui'éré 'rada, da te 're i'madâ'â pese za'ra mono zé hã.
16Tahawa, 'Re ihâimana u'âsi mono te te dama iropisutuzé hã da te dasina 're i'umnhasi za'ra mono zéb zarina, te za da te dasina 're uwaimrami za'ra, 'Re ihâimana u'âsi mono nhoprubzém na tãma 're hâimana za'ra mono da, uburé Abra'ãhã nhihudu norĩ ma hã. Te te dama iropisutuzé hã ni'wam norĩ 'Re ihâimana u'âsi mono nhimiroti zahi na Mozési te te irob'ui'érézé te te 're i'madâ'â pese za'ra mono norĩ ma si, 're hâimana mono õ di. Tazahã, duré 'Re ihâimana u'âsi mono te te 're isaze za'ra mono norĩ ma zama, Abra'ã te te isaze ne. Ta hã uburé wamama na te wama 're hâimana za'ra. 17Ibaihâ Iwazé pese na rob'ui'éré hã te tinha, ãne: “Wa hã wa tô aipisutu, uburé dawamri mono bâ 're idahâimana za'ra mono norĩ mama na 're aihâimana mono da.” Ãne wa, ropisudu hã te pire na 're hâimana, 'Re ihâimana u'âsi mono nhimipisutu wa. Ta hã Abra'ã ma tô saze, dadâ'â hawi 're da'anho'reptui mono 'wa hã, duré marĩ 're ihâimana za'ra mono õ, oto 're hâimana za'ra mono da, 're i'a'manharĩ mono 'wa hã.
18Abra'ã hã 'Re ihâimana u'âsi mono ma tô te te sina 're umnhasi. Duré siwawãi ãna ma tô 're simipari, siwawãi na 're ihâimana mono zé hã tãma 're hâimana mono õ nherẽ. Tahawa, te oto 're hâimana, “dawamri mono bâ 're idahâimana za'ra mono norĩ mama” na, Ibaihâ Iwazé pese na rob'ui'éré hã inomro zarina, ãne: “Asihudu hã ahâ uptabi di za.” 19Abra'ãhã ãma, 100 na iwahub da si nherẽ oto. Tane nherẽ, dâ'â ne oto ihâimana na te te si'ãma rosa'rata wamhã, niwamhã Sara i'ra waihu'u õ na oto po're pu'u nherẽ, 'Re ihâimana u'âsi mono te te sina 're i'umnhasi mono zé hã, tiwi sib'uwa õ di. 20'Re ihâimana u'âsi mono te te sazei utõrĩ õ di. Duré ãma siwawãi õ di, te te tãma iropisutuzém na. Te te sina 're i'umnhasi mono zém na ma tô 're siptete u'âsi. Tahawa ma tô ãma 're wata, 21ãma siwawãi õ wa, 'Re ihâimana u'âsi mono te te tãma iropisutuzém na za te te ãma tãma i'uwaimrami na hã. 22Tahawa Abra'ã hã, 'Re ihâimana u'âsi mono te te sina 're i'umnhasi mono zéb zarina, “ma tô 'Re ihâimana u'âsi mono hã te te oto 're 'madâ'â, i'uwaibaba na 're ihâimana mono na hã.” 23Tawamhã damreme “i'uwaibaba na 're ihâimana mono na ma tô oto te te 're 'madâ'â” õhõ ãma si te te nharĩ õ di. 24Wa'ãmab za'ra zama te tinha, i'uwaibaba na 're iwahâimana za'ra mono na te te 're iwa'a'madâ'â mono na hã, wa norĩ 'Re ihâimana u'âsi mono, wa te 're isaze za'ra mono, Wanhib'apito Zezusi te te ihâiwa'udu hã. 25'Re ihâimana u'âsi mono, ma tô Zezusi hã tisõ, wawasété u'âbâ za'ra dâ'â da. Ma tô duré hâiwa'utu, i'uwaibaba na 're iwahâimana za'ra mono na, te te 're wa'a'madâ'â mono da.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.