Roma 15
15
Dasiré norĩ ma, da te 're irowẽ zani za'ra mono zé, dasisipai u
1Wa norĩ hã, Wanhib'apito wa te wasina 're i'umnhasi za'ra mono zém na, wanhiptete sina 're iwahâimana za'ra mono norĩ hã wa za wa te 're pawaptob za'ra, sib'uwa na 're ihâimana za'ra mono norĩ hã. Marĩ ipire te te 're i'wasari mono na, wa za wa te 're sisé waptob za'ra, mare di, 'râwip si wa te wasima 're irowẽ za'ra mono da si hã. 2Tazahã, wahâiba mono bâ wa za wasisãnawã norĩ ma, wa te 're rowẽ zani za'ra, rowẽ na 're hâimana za'ra mono da, 're prédub za'ra mono da, Wanhib'apito te te sina 're i'umnhasi za'ra mono zém na. 3E marĩ wa. Cristuhu zama sima sô 're rĩtĩ mono õ wa, 'râwi te te sima 're irowẽ zani mono da hã. Tazahã, Ibaihâ Iwazé pese na rob'ui'éré ãma inomro zarina ma tô 're hâimana, ãne: “Ni'wam norĩ te te ai'ãma 're iwasété za'ra mono zé hã ai'u'âbâ ma tô ĩnhisiwi rere.” 4E marĩ wa. Uburé Ibaihâ Iwazé pese na rob'ui'éré isimi'wara hã te tihâimana za'ra, te te wama 're roti za'ra mono da, wanhimi'ẽ hâ zarina, duré wanhib'ru zarina rob'umnha hã wama 're hâimana za'ra mono da, Ibaihâ Iwazé pese na rob'ui'éré te te wama isõmri za'ra zarina. 5'Re ihâimana u'âsi mono, danhimi'ẽi hâ duré danhib'ru zama te te dama 're i'anhomri mono hã te te i'aipawaptob za'ra wa'aba da si iwẽ hã, rowẽ sina asiré 're aihâimana za'ra wa'aba mono da, Cristu Zezusi, ãma isisanhozéb zarina 're 'manharĩ za'ra wa'aba mono da. 6Ãne wamhã, uburé a norĩ wa'wa, simisutu misi dahâiba ne duré misi damreme ne, te za 'Re ihâimana u'âsi mono ãma 're aiwata za'ra wa'aba mo, Wanhib'apito Zezu Cristuhu mama ãma.
Rowasu'uwẽ uburé dama hã
7Tahawa, 're asiwaibui wẽ wa'aba mono, 'Re ihâimana u'âsi mono ãma 're aiwata za'ra wa'aba mono da, Cristu hã te te 're i'aiwaibui wẽ wa'aba mono ne. 8E marĩ wa. Ãne, wa za aima nharĩ za'ra wa'wa: Cristu hã ma tô wei mo ti'ai u, Zudeu norĩ ma romhuri'wa na 're hâimana mono da, 'Re ihâimana u'âsi mono umnhasi uptabi na 're ihâimana mono na te te dama hâi'ré da, taha zarina, 'Re ihâimana u'âsi mono, Zudeu norĩ hi'rata norĩ ma te te i'aropisutuzé hã te te ãma a'uwaimrami da, 9duré Zudeu'õ norĩ hã 'Re ihâimana u'âsi mono ãma 're wata za'ra mono da, 're isiwamri mono zém na, Ibaihâ Iwazé pese na rob'ui'éré ãma inomro zarina, ãne:
“Tahawa, wa za ai'ãma 're ĩwata, Zudeu'õ norĩ siré 're ĩhâimana mono ré.
Ĩnho're na wa za duré ai'ãma 're ĩwata.”
10Ãne duré rob'ui'éré hã:
“A norĩ wa'wa Zudeu'õ norĩ, 're ato za'ra wa'aba mono, 'Re ihâimana u'âsi mono nhib'a'uwẽ norĩ siré!”
11Duré rob'ui'éré amo hã, ãne:
“Uburé Zudeu'õ norĩ, ma'ãpé Uburé Danhib'apito ãma 're aiwata za'ra wa'aba mono! Duré uburé dapoto mono bâ ãma 're idawata za'ra mono da si.”
12Duré ãne Izaias hã ma tô rob'ui'éré:
“Te za wei mo za, Zéséhé nhihudu#15.12 Zéséhé nhihudu Zésé hã apito Davihi mama. hã. Ta hã te za wei sihâi'ré, Zudeu'õ norĩ hã pire na te te 're a'madâ'â mono da. Tawamhã te za te te siwi 're umnhasi za.”
13'Re ihâimana u'âsi mono, rob'umnha te te wama 're i'anhomri mono hã, rowẽ za'ẽne datoi u'âsi zé hã te te aima i'masisi za'ra wa'aba da si iwẽ hã, asina 're umnhasi za'ra wa'aba mono wa, rob'umnha hã aima 're sa'ẽtẽ u'âsi za'ra wa'aba mono da, 'Re ihâimana u'âsi mono Pẽ'ẽzani te te 're asiptete za'ra wa'aba mono wa.
Paulu hã, Rowasu'uwẽ na te te 're ida'apawapto mono zé
14Ĩsisãnawã norĩ, tô sena na wa ai'ãma waihu'u za'ra wa'wa, aihâimana wẽ hã aima isa'ẽtẽ za'ra wa'aba na hã, duré uburé marĩ #15.14 uburé marĩ Rowasu'uwẽ na rowaihu, te wasu'u.i'ru zahi zarina waihu'u za'ra wa'aba da, iwaihu'u pese za'ra wa'aba na hã, duré 're asipawaptob za'ra wa'aba mono da, aima iwaihu'u pese za'ra wa'aba na hã. 15Tane nherẽ, marĩ aimawi na hã wa ãma aima rob'ui'éré za'ra wa'wa ĩpahi ãna, te ãma aipo're pu'u za'ra wa'aba da, 'Re ihâimana u'âsi mono tinhoprubzéb zarina romhuri te te ĩma isõmri zarina, 16Cristu Zezusihi ma romhuri'wa na 're ĩhâimana mono wa, Zudeu'õ norĩ ma, te 're romhuri mono da. Sasedoti ne, wa te te 're romhuri, Rowasu'uwẽ hã te 're 'mahârâ mono da, 'Re ihâimana u'âsi mono hawimhã. Zudeu'õ norĩ hã, danhimizama zata na danhoprubzé 'Re ihâimana u'âsi mono te te 're i'awaibui wẽ mono ne, 're hâimana za'ra mono da, wa ãne hã te 're 'manharĩ, Õhõ ma si 're ihâimana za'ra mono na 'Re ihâimana u'âsi mono Pẽ'ẽzani nhimiromhuri zarina. 17Tahawa, Cristu Zezusihi ãma 're ĩhâimana mono wa, wa te te ĩsima 're rowẽ, romhuri 'Re ihâimana u'âsi mono ma, te 're i'manharĩ mono na. 18Te ĩsima wẽ õ di, ĩsihawim ne marĩ te 're i'ab'manharĩ mono zém na, ĩsiwasu'u da hã. Tazahã, Cristu te te ĩ'ãma 're i'manharĩ mono zép si te 're iwasu'u mono da si. Ta hã ma tô Zudeu'õ norĩ hã ãwisi za'ra, 'Re ihâimana u'âsi mono nhimiroti te te 're 'madâ'â pese za'ra mono da, te 're irowasu'u mono zém na, duré te 're i'manharĩ mono zém na zama. 19Ta norĩ hã ma tô 'Re ihâimana u'âsi mono nhimiroti te te 're 'madâ'â pese za'ra, marĩ dama i'manharĩ waihu'u'õ siptete na 're ihâimana mono u'âbâ, duré marĩ isa'rese'õ te te i'madâ'â za'ra u'âbâ, duré 'Re ihâimana u'âsi mono Pẽ'ẽzani siptete uptabi na 're ihâimana mono zarina. Rowasu'uwẽ hã ropâ wa tô te 're wasu'u, Zeruzalẽ hawi, Iliria u. Taha na wa tô tamemhã 'rãsutu, ĩnhimiromhuri hã. 20Ĩma iwẽ uptabi hã, nimame ro Cristuhu wasu'u, da te iwapari za'ra õ ãma si, Rowasu'uwẽ te 're i'mahârâ mono da si, ni'wa hã 'ri nhana'rada te te i'manharĩ nhisiwi te 'ri tõ da. 21Ibaihâ Iwazé pese na rob'ui'éré hã te tinha, ãne:
“Niwa iwasu'u te te iwapari za'ra õ norĩ hã te za oto 'madâ'â za'ra.
Duré niwa iwasu'u te te iwapari za'ra õ hã te za oto waihu'u za'ra.”
Paulu hã te te sima irowa'õtõzé, Roma u morĩ da
22Ãne u'âbâ, wa tô aré nasi ĩsima rowẽ, te ãma asabu za'ra wa'aba da. Tane nherẽ, ãma ĩmorĩzé hã waihu'u õ di. 23Tazahã ãme ti'ai wa'õtõ mono ãma ĩnhimiromhuri te oto 'rãsutu wa, duré te ãma asabu za'ra wa'aba da, wahub ahâ na te ĩsima 're rosa'rata mono wa, 24wa ĩsima rob'madâ, ãne hã te 'manharĩ da. Wa ĩsima wẽ, Espãnha u ĩmorĩ ré, ãma ĩsipa da, te asabu za'ra wa'aba da. Wa duré ĩsima wẽ, asiwi ĩpawapto wa'aba da, tamomo ĩmorĩ da hã, niha bâtâ na rowẽ sina ai'rata ĩnhamra za'ra wa'aba pari. 25Tane nherẽ, ãhã na hã wa za oto mo Zeruzalẽ u, tame 'Re ihâimana u'âsi mono nhib'a'uwẽ norĩ hã te pawaptob za'ra da. 26E marĩ wa. Masédonia#15.26 Masédonia Masédonia duré Acaia, danhipti'a nho'õmo nhisi zahuré. ãma duré Acaia ãma isazei'wa norĩ hã ma tô sima rowairébé za'ra, Zeruzalẽ ãma 'Re ihâimana u'âsi mono nhib'a'uwẽ isibrob'õ norĩ te te pawaptob za'ra da, tinhoprubzém na. 27Masédonia ãma isazei'wa norĩ hã duré Acaia ãmab zama, ma tô si'uihâ na ãne hã te te 'manharĩ za'ra da, sima waihu'u za'ra. Tane nherẽ, tô i'ru zahi isibrob'õ norĩ hã te te 're ipawaptob za'ra mono da hã. Zudeu norĩ hã ma tô po'o za'ra, 'Re ihâimana u'âsi mono nhoprubzé ipẽ'ẽ 're isibro tãma 're ihâimana za'ra mono hã Zudeu'õ norĩ ma. Tahawa, Zudeu'õ norĩ hã ti'ai ãma tinhibro te te tô 're ipo'o za'ra mono da si, Zudeu norĩ isazei'wa norĩ ma. 28Ã hã romhuri te i'manharĩ te 'rãsutu parimhã, duré danhoprubzé da te tãma i'ubumro za'ra te tãma sõmri za'ra parimhã, Espãnha u wa za oto mo. Tawamhã tamomo ĩmorĩ pese ré, wa za ãma asabu za'ra wa'wa za. 29Ĩma waihu'u pese di, te ãma asabu za'ra wa'aba da, ãma ĩmorĩ wamhã, wa za ãma ĩsiré ãwisi, Cristu iwẽ te te ĩma 're i'apisutu mono zé hã.
30Ĩsisãnawã norĩ, Wanhib'apito Zezu Cristuhu nhisi na duré 'Re ihâimana u'âsi mono Pẽ'ẽzani nhimizawizé te te wama 're i'anhomri mono zém na, wa za oto ãma aiwi waptẽrẽ za'ra wa'wa. Ma'ãpé ĩsiré aihâimana za'ra wa'aba, 'Re ihâimana u'âsi mono wi ĩ'ãma 're irowaptẽrẽ za'ra wa'aba mono na. 31Ĩ'ãma 're rowaptẽrẽ za'ra wa'aba mono, Zudéa ãma Cristu te te isaze za'ra õ norĩ wi ĩsisõ'reptu da, duré dapawaptobzé Zeruzalẽ u za te i'âri hã tame isazei'wa norĩ 're isi'ubumroi mono norĩ hã te te siwi waibui wẽ da. 32Ãne wamhã, 'Re ihâimana u'âsi mono te te sima iwẽzéb zarina wamhã, Roma u wa za ãma wi, ĩto za'ẽtẽ uptabi sina. Tawamhã wa za duré ãma asabu za'ra wa'wa, ĩwa'utu pese wa, ĩpẽ'ẽ 're apâ ĩnhiptete pese da, asiré za'ra wa'aba. 33'Re ihâimana u'âsi mono rowẽ tede'wa hã, asiré 're ihâimana u'âsi za'ra wa'aba mono da si, iwẽ hã. Tane tô.
Currently Selected:
Roma 15: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.
Roma 15
15
Dasiré norĩ ma, da te 're irowẽ zani za'ra mono zé, dasisipai u
1Wa norĩ hã, Wanhib'apito wa te wasina 're i'umnhasi za'ra mono zém na, wanhiptete sina 're iwahâimana za'ra mono norĩ hã wa za wa te 're pawaptob za'ra, sib'uwa na 're ihâimana za'ra mono norĩ hã. Marĩ ipire te te 're i'wasari mono na, wa za wa te 're sisé waptob za'ra, mare di, 'râwip si wa te wasima 're irowẽ za'ra mono da si hã. 2Tazahã, wahâiba mono bâ wa za wasisãnawã norĩ ma, wa te 're rowẽ zani za'ra, rowẽ na 're hâimana za'ra mono da, 're prédub za'ra mono da, Wanhib'apito te te sina 're i'umnhasi za'ra mono zém na. 3E marĩ wa. Cristuhu zama sima sô 're rĩtĩ mono õ wa, 'râwi te te sima 're irowẽ zani mono da hã. Tazahã, Ibaihâ Iwazé pese na rob'ui'éré ãma inomro zarina ma tô 're hâimana, ãne: “Ni'wam norĩ te te ai'ãma 're iwasété za'ra mono zé hã ai'u'âbâ ma tô ĩnhisiwi rere.” 4E marĩ wa. Uburé Ibaihâ Iwazé pese na rob'ui'éré isimi'wara hã te tihâimana za'ra, te te wama 're roti za'ra mono da, wanhimi'ẽ hâ zarina, duré wanhib'ru zarina rob'umnha hã wama 're hâimana za'ra mono da, Ibaihâ Iwazé pese na rob'ui'éré te te wama isõmri za'ra zarina. 5'Re ihâimana u'âsi mono, danhimi'ẽi hâ duré danhib'ru zama te te dama 're i'anhomri mono hã te te i'aipawaptob za'ra wa'aba da si iwẽ hã, rowẽ sina asiré 're aihâimana za'ra wa'aba mono da, Cristu Zezusi, ãma isisanhozéb zarina 're 'manharĩ za'ra wa'aba mono da. 6Ãne wamhã, uburé a norĩ wa'wa, simisutu misi dahâiba ne duré misi damreme ne, te za 'Re ihâimana u'âsi mono ãma 're aiwata za'ra wa'aba mo, Wanhib'apito Zezu Cristuhu mama ãma.
Rowasu'uwẽ uburé dama hã
7Tahawa, 're asiwaibui wẽ wa'aba mono, 'Re ihâimana u'âsi mono ãma 're aiwata za'ra wa'aba mono da, Cristu hã te te 're i'aiwaibui wẽ wa'aba mono ne. 8E marĩ wa. Ãne, wa za aima nharĩ za'ra wa'wa: Cristu hã ma tô wei mo ti'ai u, Zudeu norĩ ma romhuri'wa na 're hâimana mono da, 'Re ihâimana u'âsi mono umnhasi uptabi na 're ihâimana mono na te te dama hâi'ré da, taha zarina, 'Re ihâimana u'âsi mono, Zudeu norĩ hi'rata norĩ ma te te i'aropisutuzé hã te te ãma a'uwaimrami da, 9duré Zudeu'õ norĩ hã 'Re ihâimana u'âsi mono ãma 're wata za'ra mono da, 're isiwamri mono zém na, Ibaihâ Iwazé pese na rob'ui'éré ãma inomro zarina, ãne:
“Tahawa, wa za ai'ãma 're ĩwata, Zudeu'õ norĩ siré 're ĩhâimana mono ré.
Ĩnho're na wa za duré ai'ãma 're ĩwata.”
10Ãne duré rob'ui'éré hã:
“A norĩ wa'wa Zudeu'õ norĩ, 're ato za'ra wa'aba mono, 'Re ihâimana u'âsi mono nhib'a'uwẽ norĩ siré!”
11Duré rob'ui'éré amo hã, ãne:
“Uburé Zudeu'õ norĩ, ma'ãpé Uburé Danhib'apito ãma 're aiwata za'ra wa'aba mono! Duré uburé dapoto mono bâ ãma 're idawata za'ra mono da si.”
12Duré ãne Izaias hã ma tô rob'ui'éré:
“Te za wei mo za, Zéséhé nhihudu#15.12 Zéséhé nhihudu Zésé hã apito Davihi mama. hã. Ta hã te za wei sihâi'ré, Zudeu'õ norĩ hã pire na te te 're a'madâ'â mono da. Tawamhã te za te te siwi 're umnhasi za.”
13'Re ihâimana u'âsi mono, rob'umnha te te wama 're i'anhomri mono hã, rowẽ za'ẽne datoi u'âsi zé hã te te aima i'masisi za'ra wa'aba da si iwẽ hã, asina 're umnhasi za'ra wa'aba mono wa, rob'umnha hã aima 're sa'ẽtẽ u'âsi za'ra wa'aba mono da, 'Re ihâimana u'âsi mono Pẽ'ẽzani te te 're asiptete za'ra wa'aba mono wa.
Paulu hã, Rowasu'uwẽ na te te 're ida'apawapto mono zé
14Ĩsisãnawã norĩ, tô sena na wa ai'ãma waihu'u za'ra wa'wa, aihâimana wẽ hã aima isa'ẽtẽ za'ra wa'aba na hã, duré uburé marĩ #15.14 uburé marĩ Rowasu'uwẽ na rowaihu, te wasu'u.i'ru zahi zarina waihu'u za'ra wa'aba da, iwaihu'u pese za'ra wa'aba na hã, duré 're asipawaptob za'ra wa'aba mono da, aima iwaihu'u pese za'ra wa'aba na hã. 15Tane nherẽ, marĩ aimawi na hã wa ãma aima rob'ui'éré za'ra wa'wa ĩpahi ãna, te ãma aipo're pu'u za'ra wa'aba da, 'Re ihâimana u'âsi mono tinhoprubzéb zarina romhuri te te ĩma isõmri zarina, 16Cristu Zezusihi ma romhuri'wa na 're ĩhâimana mono wa, Zudeu'õ norĩ ma, te 're romhuri mono da. Sasedoti ne, wa te te 're romhuri, Rowasu'uwẽ hã te 're 'mahârâ mono da, 'Re ihâimana u'âsi mono hawimhã. Zudeu'õ norĩ hã, danhimizama zata na danhoprubzé 'Re ihâimana u'âsi mono te te 're i'awaibui wẽ mono ne, 're hâimana za'ra mono da, wa ãne hã te 're 'manharĩ, Õhõ ma si 're ihâimana za'ra mono na 'Re ihâimana u'âsi mono Pẽ'ẽzani nhimiromhuri zarina. 17Tahawa, Cristu Zezusihi ãma 're ĩhâimana mono wa, wa te te ĩsima 're rowẽ, romhuri 'Re ihâimana u'âsi mono ma, te 're i'manharĩ mono na. 18Te ĩsima wẽ õ di, ĩsihawim ne marĩ te 're i'ab'manharĩ mono zém na, ĩsiwasu'u da hã. Tazahã, Cristu te te ĩ'ãma 're i'manharĩ mono zép si te 're iwasu'u mono da si. Ta hã ma tô Zudeu'õ norĩ hã ãwisi za'ra, 'Re ihâimana u'âsi mono nhimiroti te te 're 'madâ'â pese za'ra mono da, te 're irowasu'u mono zém na, duré te 're i'manharĩ mono zém na zama. 19Ta norĩ hã ma tô 'Re ihâimana u'âsi mono nhimiroti te te 're 'madâ'â pese za'ra, marĩ dama i'manharĩ waihu'u'õ siptete na 're ihâimana mono u'âbâ, duré marĩ isa'rese'õ te te i'madâ'â za'ra u'âbâ, duré 'Re ihâimana u'âsi mono Pẽ'ẽzani siptete uptabi na 're ihâimana mono zarina. Rowasu'uwẽ hã ropâ wa tô te 're wasu'u, Zeruzalẽ hawi, Iliria u. Taha na wa tô tamemhã 'rãsutu, ĩnhimiromhuri hã. 20Ĩma iwẽ uptabi hã, nimame ro Cristuhu wasu'u, da te iwapari za'ra õ ãma si, Rowasu'uwẽ te 're i'mahârâ mono da si, ni'wa hã 'ri nhana'rada te te i'manharĩ nhisiwi te 'ri tõ da. 21Ibaihâ Iwazé pese na rob'ui'éré hã te tinha, ãne:
“Niwa iwasu'u te te iwapari za'ra õ norĩ hã te za oto 'madâ'â za'ra.
Duré niwa iwasu'u te te iwapari za'ra õ hã te za oto waihu'u za'ra.”
Paulu hã te te sima irowa'õtõzé, Roma u morĩ da
22Ãne u'âbâ, wa tô aré nasi ĩsima rowẽ, te ãma asabu za'ra wa'aba da. Tane nherẽ, ãma ĩmorĩzé hã waihu'u õ di. 23Tazahã ãme ti'ai wa'õtõ mono ãma ĩnhimiromhuri te oto 'rãsutu wa, duré te ãma asabu za'ra wa'aba da, wahub ahâ na te ĩsima 're rosa'rata mono wa, 24wa ĩsima rob'madâ, ãne hã te 'manharĩ da. Wa ĩsima wẽ, Espãnha u ĩmorĩ ré, ãma ĩsipa da, te asabu za'ra wa'aba da. Wa duré ĩsima wẽ, asiwi ĩpawapto wa'aba da, tamomo ĩmorĩ da hã, niha bâtâ na rowẽ sina ai'rata ĩnhamra za'ra wa'aba pari. 25Tane nherẽ, ãhã na hã wa za oto mo Zeruzalẽ u, tame 'Re ihâimana u'âsi mono nhib'a'uwẽ norĩ hã te pawaptob za'ra da. 26E marĩ wa. Masédonia#15.26 Masédonia Masédonia duré Acaia, danhipti'a nho'õmo nhisi zahuré. ãma duré Acaia ãma isazei'wa norĩ hã ma tô sima rowairébé za'ra, Zeruzalẽ ãma 'Re ihâimana u'âsi mono nhib'a'uwẽ isibrob'õ norĩ te te pawaptob za'ra da, tinhoprubzém na. 27Masédonia ãma isazei'wa norĩ hã duré Acaia ãmab zama, ma tô si'uihâ na ãne hã te te 'manharĩ za'ra da, sima waihu'u za'ra. Tane nherẽ, tô i'ru zahi isibrob'õ norĩ hã te te 're ipawaptob za'ra mono da hã. Zudeu norĩ hã ma tô po'o za'ra, 'Re ihâimana u'âsi mono nhoprubzé ipẽ'ẽ 're isibro tãma 're ihâimana za'ra mono hã Zudeu'õ norĩ ma. Tahawa, Zudeu'õ norĩ hã ti'ai ãma tinhibro te te tô 're ipo'o za'ra mono da si, Zudeu norĩ isazei'wa norĩ ma. 28Ã hã romhuri te i'manharĩ te 'rãsutu parimhã, duré danhoprubzé da te tãma i'ubumro za'ra te tãma sõmri za'ra parimhã, Espãnha u wa za oto mo. Tawamhã tamomo ĩmorĩ pese ré, wa za ãma asabu za'ra wa'wa za. 29Ĩma waihu'u pese di, te ãma asabu za'ra wa'aba da, ãma ĩmorĩ wamhã, wa za ãma ĩsiré ãwisi, Cristu iwẽ te te ĩma 're i'apisutu mono zé hã.
30Ĩsisãnawã norĩ, Wanhib'apito Zezu Cristuhu nhisi na duré 'Re ihâimana u'âsi mono Pẽ'ẽzani nhimizawizé te te wama 're i'anhomri mono zém na, wa za oto ãma aiwi waptẽrẽ za'ra wa'wa. Ma'ãpé ĩsiré aihâimana za'ra wa'aba, 'Re ihâimana u'âsi mono wi ĩ'ãma 're irowaptẽrẽ za'ra wa'aba mono na. 31Ĩ'ãma 're rowaptẽrẽ za'ra wa'aba mono, Zudéa ãma Cristu te te isaze za'ra õ norĩ wi ĩsisõ'reptu da, duré dapawaptobzé Zeruzalẽ u za te i'âri hã tame isazei'wa norĩ 're isi'ubumroi mono norĩ hã te te siwi waibui wẽ da. 32Ãne wamhã, 'Re ihâimana u'âsi mono te te sima iwẽzéb zarina wamhã, Roma u wa za ãma wi, ĩto za'ẽtẽ uptabi sina. Tawamhã wa za duré ãma asabu za'ra wa'wa, ĩwa'utu pese wa, ĩpẽ'ẽ 're apâ ĩnhiptete pese da, asiré za'ra wa'aba. 33'Re ihâimana u'âsi mono rowẽ tede'wa hã, asiré 're ihâimana u'âsi za'ra wa'aba mono da si, iwẽ hã. Tane tô.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.