Roma 11
11
'Re ihâimana u'âsi mono hã, Izaraéu nhihudu norĩ ãma 're ipẽ'ẽzé mono zé
1Ãne wa za duré anha: E tawamhã 'Re ihâimana u'âsi mono hã tinhib'a'uwẽ uptabi nherẽ, ma tô siwi wẽ'õ za'ra, Izaraéu nhihudu norĩ hã. Mare uptabi di! Wa hã tô Izaraéu nhihudu, Abra'ãhã nhihudu, duré Bẽzamihi nhihudu norĩ 'remhã. 2'Re ihâimana u'âsi mono hã tinhib'a'uwẽ norĩ romna'rata hawim haré te te sima i'apisudu hã te te siwi wẽ'õ za'ra õ di. Aima waihu'u pese uptabi za'ra wa'aba di, Ibaihâ Iwazé pese na rob'ui'éré inomro hã Elias te te iwasu'u, Izaraéu nhihudu norĩ ãma 'Re ihâimana u'âsi mono nho'a iwasédé te te ãma ihiri za'ra na hã. Elias hã ma tô tinha, ãne: 3“Uburé Danhib'apito, ã norĩ hã ma tô te te 're simro, Asadawa 'mahârâ'wa norĩ hã. Ma tô duré prub za'ra, danhimizama zatazé ẽtẽ za'ra hã. Wa hã ĩsiwaprosire wa ĩsi'atarẽ. Tahawa, te oto sima wẽ za'ra, ĩzama te te siwi ĩwĩrĩ da.” 4E niha ma tô tawamhã 'Re ihâimana u'âsi mono hã sada'â. Ãne ma tô tãma tinha: “Aibâ norĩ hã 7 miu na wa tô aimawi ĩsima pisutu za'ra, ihâiba'õ Baau ãma dame 're iwata za'ra mono õ norĩ hã.” 5Tô ãne te duré ãhã na hã 're romhâimana. 'Re ihâimana u'âsi mono nhimizawi pese zéb u'âbâ, te zahadu ãhã na hã 're hâimana za'ra, umro na te te sima 're i'apisutu mono hã. 6Te te sima 're i'apisutu mono hã, 'Re ihâimana u'âsi mono nhimizawizéb u'âbâp si 're hâimana za'ra mono wa, ãne wa, mare di, marĩ, da te 're i'manharĩ za'ra mono u'âbâmhã. E marĩ wa. Marĩ, da te 're i'manharĩ za'ra mono u'âbâ te te 're da'apisutu mono 'wa'âhã, ãne 'wa'âhã, aré 're hâimana mono õ di, sena na 'Re ihâimana u'âsi mono nhimizawi pese zé hã.
7Ãne wamhã, Izaraéu nhihudu norĩ sima sô 're isõpré mono zarina te te sõpẽtẽ za'ra õ di. Te te isõpẽtẽ za'ra hã, umro na 'Re ihâimana u'âsi mono te te sima 're i'apisutu mono norĩ si. Ni'wam norĩ hã pẽ'ẽ tete na ma tô 're hâimana za'ra. Ta norĩ hã te te sima wẽ za'ra õ di, 'Re ihâimana u'âsi mono, sô ihârâ za'ra zé te te iwapari za'ra da hã. 8Ãne na, Ibaihâ Iwazé pese na rob'ui'éré hã te tinha, ãne:
“'Re ihâimana u'âsi mono ma tô tãma 'manharĩ za'ra, pẽ'ẽ tete na 're hâimana za'ra mono da hã. Ma tô duré tõmo nhitob za'ra, te te 're rob'madâ'â za'ra mono tõ da. Ma tô duré po're nhitob za'ra, 're simipari za'ra mono tõ da. Ãne hã te zahadu 're romhâimana, ãhã na zama.”
9Davi hã ma tô duré tinha, ãne:
“Dato te te sima 're i'manharĩ za'ra mono zé hã abazei mramizém ne, duré dazazém ne tãma 're ihâimana za'ra mono da si, ãma 're si'morõpãri za'ra mono da, duré da te tãma 're rob'manharĩ wasété za'ra mono da.
10'Re ihâimana u'âsi mono, ma'ãpé tãma 'manharĩ za'ra na, tob'a za'ra da, duré ropire ma 're sina u'âsi mono da!”
11Tahawa, ãhã na hã wa za anha, ãne: Zudeu norĩ hã 're si'morõpãrĩ za'ra mono wamhã, e tawamhã ma ai'marõpãrĩ za'ra, niwa apâ wahutu waihu'u za'ra tõ da. Mare uptabi di! Tane nherẽ, tiwasédé te te 're 'manharĩ za'ra mono wa, ma tô danho'reptuzé hã Zudeu'õ norĩ ma zama oto 're hâimana, Zudeu norĩ hã te te ãma 're sõ'ru za'ra mono da. 12Zudeu norĩ 're iwasété za'ra mono zé hã ma tô iwẽ hã sa'ẽtẽ na dama ãwisi za'ra, ti'ai ãma 're idahâimana za'ra mono ma hã. Duré tipẽ'ẽ 're simizazei ãna 're ihâimana za'ra mono zé hã ma tô dapẽ'ẽ 're danhibro isa'ẽne hã ãwisi za'ra, Zudeu'õ norĩ ma hã. Tawamhã Zudeu norĩ za'ratazé, 'Re ihâimana u'âsi mono u apâ 're sipizari za'ra mono da, ibâ na oto hâimana wamhã, tawap si iwẽ hã te za sa'ẽtẽ uptabi na oto dama 're hâimana.
Danho'reptuzé hã, Zudeu'õ norĩ ma hã
13Ãhã na hã Zudeu'õ norĩ, wa za aima ĩsiwasu'u za'ra wa'wa. Cristuhu zadawa wasu'u'wa na Zudeu'õ norĩ ma, 're ĩmorĩ ré hã wa za te ĩsima 're rowẽ ĩnhimiromhuri na hã, 14te 're rob'umnhasi mono sina, ĩsiré a'uwẽ norĩ hã, Zudeu'õ norĩ te te ãma 're sõ'ru za'ra mono da, ãne zarina, nima norĩ hã tinho'reptuzé te te sina 're uwaimrami za'ra mono da. 15E marĩ wa. 'Re ihâimana u'âsi mono hã Zudeu norĩ te te siwi wẽ'õ za'ra wamhã, ti'ai ãma 're idahâimana za'ra mono norĩ ma, ma tô rowẽ u'â hã dama ãwisi. E niha te za tawamhã tãma 're romhâimana za'ra, 'Re ihâimana u'âsi mono te te 're awaibui wẽ mono wamhã. 'Re idâ'â za'ra mono norĩ hã te za dahâimanazé isi'utõrĩ'õ te te tô 're waibu!
16Imorĩ'rata na amnho tehâri i'u'ẽtẽ wapu isebre hã 'Re ihâimana u'âsi mono ma si ipisutu zahi hâimana wamhã, ãne wamhã, uburé isiré i'u'ẽtẽ wapu norĩ hã te za tô tãma 're hâimana za'ra. Duré wede zari norĩ hã 'Re ihâimana u'âsi mono ma si ipisutu zahi hâimana za'ra wamhã, ãne wamhã, ipanhipti norĩ zama te za ite na tô tãma 're hâimana za'ra. 17Nima norĩ Olivera na wede nhisi panhipti mono hã ma tô si'ẽ ni. Tawamhã rom na olivera wede 'madâ'â ãna iprédu panhipti hã ma tô iwap sãrĩ ni, wede ihâiba amoi wamhã. Ãne a norĩ wa'wa hã tô Zudeu'õ nherẽ, te oto 're aihâimana za'ra wa'aba mo, Olivera wede rom na 'madâ'â ãna 're isa mono ma, iromhâimana ne. Ãne wamhã, te za Olivera wede iwẽ hã te te 're asiptete za'ra wa'wa. Duré aipẽ'ẽ 're, te za te te 're asibrob za'ra wa'wa. 18Tahawa, asiwi wẽ'õ za'ra wa'aba õ di za, wede panhipti da te isi'ẽ za'ra hã. E niha te za ãne nherẽ, asima 're irowẽ za'ra wa'aba mo. A norĩ wa'wa hã wede panhipti na si te 're aihâimana za'ra wa'aba mo. A norĩ wa'wa hã wede zari 're upari za'ra wa'aba mono õ di. Tô isari si te te 're ai'upari za'ra wa'wa.
19Tane nherẽ, te aré ãne inharĩ za'ra wa'wa: “Wede panhipti hã ma si'ẽ za'ra ni, wa norĩ hã Olivera na wede nhisi wa, da te wanheme da.” 20Ãne hã tô i'uwaibaba. Tane nherẽ, tô te te saze za'ra õ wa, ma si'ẽ za'ra ni. Tanei õ di, a norĩ wa'wa hã. Olivera wede na te 're aihâimana u'âsi za'ra wa'aba mo, saze za'ra wa'aba wa. Tane nherẽ, ãma 're asi'madâ'â ze za'ra wa'aba mono tõ. Iwa'rãmi 're aipahi za'ra wa'aba mono. 21E marĩ wa. 'Re ihâimana u'âsi mono hã Zudeu norĩ, wede panhipti uptabi na 're ihâimana za'ra mono norĩ ma, te te tãma rob'manharĩ pipa za'ra ãna hâimana õ nherẽ, e ãne nherẽ, za te te aima 're rob'manharĩ pipa za'ra wa'aba mono ã bâ bété. 22Ma'ãpé ãma rosa'rata za'ra wa'aba, 'Re ihâimana u'âsi mono nhimizawi pese zém na duré ihâimana tete na zama. Hâimana tete na te 're hâimana, 're isi'morõpãrĩ mono norĩ ma hã. Tazahã, aima za'ra wa'aba hã simizawi pese na te 're hâimana. Isimizawi pese zém na 're umnhasi u'âsi za'ra wa'aba mono wamhã, te za hâimana wẽ na aima 're hâimana u'âsi za'ra wa'wa. Ãnei õ wamhã, a norĩ wa'aba zama te za te te 're ai'anhihâri 'wa, wede panhipti ne. 23Zudeu norĩ hã te te isaze za'ra õ zé te te rẽme za'ra wamhã, te za Olivera wede wa sé apâ hã, tô 'Re ihâimana u'âsi mono apâ te te iwa séme waihu'u pese wa. 24A norĩ wa'wa Zudeu'õ norĩ, te 're aihâimana za'ra wa'aba mo, Olivera wede, rom na 'madâ'â ãna 're isa mono panhipti, da te isizâri ne, duré Olivera wede, da te i'madâ'â pese wa, da te isẽrẽ ne, õne hã bâtâ sidâpâ da te 're 'manharĩ za'ra mono õ nherẽ. Tahawa, 'Re ihâimana u'âsi mono ma hã wapu uptabi di, Olivera wede panhipti i'uptabi norĩ hã apâ te te iwa 're i'anheme mono da hã, iwede za'ra wa.
Izaraéu nhihudu norĩ nho'reptuzé
25Ĩsisãnawã norĩ, wa ĩsima wẽ, tô sena rowaihu simi'uri na 're ihâimana mono hã waihu'u za'ra wa'aba da, rowaihu'u pese 'wa na asi'ãma 're rosa'rata za'ra wa'aba mono tõ da. Tô sena rowaihu, ã hã: Nima norĩ Izaraéu nhihudu norĩ hã te pẽ'ẽ tete na 're hâimana za'ra. Tane nherẽ, ãne hã 're romhâimana u'âsi mono õ di za. Zudeu'õ norĩ hã 'Re ihâimana u'âsi mono u 're isihutu mono norĩ za'ratazé hã ibâ na ihâimanazéb u si te za ãne hã 're romhâimana. 26Ãne te za uburé Izaraéu nhihudu norĩ tinho'reptuzé hã sina uwaimrami za'ra, Ibaihâ Iwazé pese na rob'ui'éré ãma inomro za'ra zarina, ãne:
“Danho'reptui'wa hã te za wei mo, Siã na ẽtẽ 'rãihâ hawi. Tawamhã Zacoho nhihudu norĩ ma, te za uburé marĩ iwasédé, ãma 're ihâimana za'ra mono hã tãma pari za'ra.
27Wa hã Uburé Danhib'apito, ã hã ropisutu zahi, wa za 'manha tãma za'ra, iwasédé te tãma pari za'ra wamhã.”
28Zudeu norĩ hã te te 're wẽ'õ za'ra, Rowasu'uwẽ hã. Tahawa, 'Re ihâimana u'âsi mono nhitob'ru na te 're hâimana za'ra, ai'udâna za'ra wa'aba Zudeu'õ norĩ. Tane nherẽ, 'Re ihâimana u'âsi mono te te sima ipisutu za'ra wa, te te 're azawi pese, ihi'rata norĩ u'âbâ. 29E marĩ wa. 'Re ihâimana u'âsi mono hã rosa'rata na te te 're saprĩ mono õ wa, te te sima 're i'apisutu mono norĩ na hã, duré uburé marĩ iwẽ hã ta norĩ ma, te te tãma 're i'apisutu mono na hã. 30Tane nherẽ, duréihã Zudeu'õ na 're i'aihâimana za'ra wa'aba mono norĩ, 'Re ihâimana u'âsi mono ma tô asiwi isadawa rẽme 'wa. Tane nherẽ, ãhã na hã isimizawizé te oto aima tihâimana za'ra wa'wa, Zudeu norĩ isimipari za'ra õ u'âbâ. 31Ãne wa, 'Re ihâimana u'âsi mono, da'ãma 're isiba mono zé iwaibui wa'aba u'âbâ, Zudeu norĩ hã 'Re ihâimana u'âsi mono te te oto 're sadawa rẽme za'ra, õ norĩ zama da'ãma 're isiba mono zé te te 're waibui mono da. 32Uburé ma tô da te 're wẽ'õ za'ra, 'Re ihâimana u'âsi mono, da te 're sadawa 'madâ'â pese za'ra mono tõ da hã, da'ãma 're isiba mono zé uburé te te dama 're ahâi'ré mono da.
'Re ihâimana u'âsi mono ãma 're idawata za'ra mono zé
33E niha isa'ẽtẽ uptabi, 'Re ihâimana u'âsi mono nhimirowaihu hã. 'Rãsutu waihu'u õ di! E 'wa hã te te dama hâi'ré waihu'u pese bâ, te te 're irowairébé mono zé hã. E 'wa hã te te duré sadaihu'u da bâ, te te 're irowa'õtõ mono zé hã. 34Ibaihâ Iwazé pese na rob'ui'éré ãma inomro hã, ãne:
“E 'wa hã, Uburé Danhib'apito nhimirosa'rada te te waihu'u bâ. E 'wa hã duré hâimana bâ, roti na te te ipawaptob da hã.
35E 'wa hã ma tô marĩ tisõ, 'Re ihâimana u'âsi mono ma, iwa'â hã iwa'rãmi te te âri da.”
36E marĩ wa. Õ hã uburé marĩ hã te te apoto mono wa. Duré õhõ ãma te uburé marĩ hã 're hâimana za'ra, tô Õhõ ma si. 'Re ihâimana u'âsi mono ãma 're wawata u'âsi za'ra wa'aba mono, õne u'âsi! Tane tô!
Currently Selected:
Roma 11: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.
Roma 11
11
'Re ihâimana u'âsi mono hã, Izaraéu nhihudu norĩ ãma 're ipẽ'ẽzé mono zé
1Ãne wa za duré anha: E tawamhã 'Re ihâimana u'âsi mono hã tinhib'a'uwẽ uptabi nherẽ, ma tô siwi wẽ'õ za'ra, Izaraéu nhihudu norĩ hã. Mare uptabi di! Wa hã tô Izaraéu nhihudu, Abra'ãhã nhihudu, duré Bẽzamihi nhihudu norĩ 'remhã. 2'Re ihâimana u'âsi mono hã tinhib'a'uwẽ norĩ romna'rata hawim haré te te sima i'apisudu hã te te siwi wẽ'õ za'ra õ di. Aima waihu'u pese uptabi za'ra wa'aba di, Ibaihâ Iwazé pese na rob'ui'éré inomro hã Elias te te iwasu'u, Izaraéu nhihudu norĩ ãma 'Re ihâimana u'âsi mono nho'a iwasédé te te ãma ihiri za'ra na hã. Elias hã ma tô tinha, ãne: 3“Uburé Danhib'apito, ã norĩ hã ma tô te te 're simro, Asadawa 'mahârâ'wa norĩ hã. Ma tô duré prub za'ra, danhimizama zatazé ẽtẽ za'ra hã. Wa hã ĩsiwaprosire wa ĩsi'atarẽ. Tahawa, te oto sima wẽ za'ra, ĩzama te te siwi ĩwĩrĩ da.” 4E niha ma tô tawamhã 'Re ihâimana u'âsi mono hã sada'â. Ãne ma tô tãma tinha: “Aibâ norĩ hã 7 miu na wa tô aimawi ĩsima pisutu za'ra, ihâiba'õ Baau ãma dame 're iwata za'ra mono õ norĩ hã.” 5Tô ãne te duré ãhã na hã 're romhâimana. 'Re ihâimana u'âsi mono nhimizawi pese zéb u'âbâ, te zahadu ãhã na hã 're hâimana za'ra, umro na te te sima 're i'apisutu mono hã. 6Te te sima 're i'apisutu mono hã, 'Re ihâimana u'âsi mono nhimizawizéb u'âbâp si 're hâimana za'ra mono wa, ãne wa, mare di, marĩ, da te 're i'manharĩ za'ra mono u'âbâmhã. E marĩ wa. Marĩ, da te 're i'manharĩ za'ra mono u'âbâ te te 're da'apisutu mono 'wa'âhã, ãne 'wa'âhã, aré 're hâimana mono õ di, sena na 'Re ihâimana u'âsi mono nhimizawi pese zé hã.
7Ãne wamhã, Izaraéu nhihudu norĩ sima sô 're isõpré mono zarina te te sõpẽtẽ za'ra õ di. Te te isõpẽtẽ za'ra hã, umro na 'Re ihâimana u'âsi mono te te sima 're i'apisutu mono norĩ si. Ni'wam norĩ hã pẽ'ẽ tete na ma tô 're hâimana za'ra. Ta norĩ hã te te sima wẽ za'ra õ di, 'Re ihâimana u'âsi mono, sô ihârâ za'ra zé te te iwapari za'ra da hã. 8Ãne na, Ibaihâ Iwazé pese na rob'ui'éré hã te tinha, ãne:
“'Re ihâimana u'âsi mono ma tô tãma 'manharĩ za'ra, pẽ'ẽ tete na 're hâimana za'ra mono da hã. Ma tô duré tõmo nhitob za'ra, te te 're rob'madâ'â za'ra mono tõ da. Ma tô duré po're nhitob za'ra, 're simipari za'ra mono tõ da. Ãne hã te zahadu 're romhâimana, ãhã na zama.”
9Davi hã ma tô duré tinha, ãne:
“Dato te te sima 're i'manharĩ za'ra mono zé hã abazei mramizém ne, duré dazazém ne tãma 're ihâimana za'ra mono da si, ãma 're si'morõpãri za'ra mono da, duré da te tãma 're rob'manharĩ wasété za'ra mono da.
10'Re ihâimana u'âsi mono, ma'ãpé tãma 'manharĩ za'ra na, tob'a za'ra da, duré ropire ma 're sina u'âsi mono da!”
11Tahawa, ãhã na hã wa za anha, ãne: Zudeu norĩ hã 're si'morõpãrĩ za'ra mono wamhã, e tawamhã ma ai'marõpãrĩ za'ra, niwa apâ wahutu waihu'u za'ra tõ da. Mare uptabi di! Tane nherẽ, tiwasédé te te 're 'manharĩ za'ra mono wa, ma tô danho'reptuzé hã Zudeu'õ norĩ ma zama oto 're hâimana, Zudeu norĩ hã te te ãma 're sõ'ru za'ra mono da. 12Zudeu norĩ 're iwasété za'ra mono zé hã ma tô iwẽ hã sa'ẽtẽ na dama ãwisi za'ra, ti'ai ãma 're idahâimana za'ra mono ma hã. Duré tipẽ'ẽ 're simizazei ãna 're ihâimana za'ra mono zé hã ma tô dapẽ'ẽ 're danhibro isa'ẽne hã ãwisi za'ra, Zudeu'õ norĩ ma hã. Tawamhã Zudeu norĩ za'ratazé, 'Re ihâimana u'âsi mono u apâ 're sipizari za'ra mono da, ibâ na oto hâimana wamhã, tawap si iwẽ hã te za sa'ẽtẽ uptabi na oto dama 're hâimana.
Danho'reptuzé hã, Zudeu'õ norĩ ma hã
13Ãhã na hã Zudeu'õ norĩ, wa za aima ĩsiwasu'u za'ra wa'wa. Cristuhu zadawa wasu'u'wa na Zudeu'õ norĩ ma, 're ĩmorĩ ré hã wa za te ĩsima 're rowẽ ĩnhimiromhuri na hã, 14te 're rob'umnhasi mono sina, ĩsiré a'uwẽ norĩ hã, Zudeu'õ norĩ te te ãma 're sõ'ru za'ra mono da, ãne zarina, nima norĩ hã tinho'reptuzé te te sina 're uwaimrami za'ra mono da. 15E marĩ wa. 'Re ihâimana u'âsi mono hã Zudeu norĩ te te siwi wẽ'õ za'ra wamhã, ti'ai ãma 're idahâimana za'ra mono norĩ ma, ma tô rowẽ u'â hã dama ãwisi. E niha te za tawamhã tãma 're romhâimana za'ra, 'Re ihâimana u'âsi mono te te 're awaibui wẽ mono wamhã. 'Re idâ'â za'ra mono norĩ hã te za dahâimanazé isi'utõrĩ'õ te te tô 're waibu!
16Imorĩ'rata na amnho tehâri i'u'ẽtẽ wapu isebre hã 'Re ihâimana u'âsi mono ma si ipisutu zahi hâimana wamhã, ãne wamhã, uburé isiré i'u'ẽtẽ wapu norĩ hã te za tô tãma 're hâimana za'ra. Duré wede zari norĩ hã 'Re ihâimana u'âsi mono ma si ipisutu zahi hâimana za'ra wamhã, ãne wamhã, ipanhipti norĩ zama te za ite na tô tãma 're hâimana za'ra. 17Nima norĩ Olivera na wede nhisi panhipti mono hã ma tô si'ẽ ni. Tawamhã rom na olivera wede 'madâ'â ãna iprédu panhipti hã ma tô iwap sãrĩ ni, wede ihâiba amoi wamhã. Ãne a norĩ wa'wa hã tô Zudeu'õ nherẽ, te oto 're aihâimana za'ra wa'aba mo, Olivera wede rom na 'madâ'â ãna 're isa mono ma, iromhâimana ne. Ãne wamhã, te za Olivera wede iwẽ hã te te 're asiptete za'ra wa'wa. Duré aipẽ'ẽ 're, te za te te 're asibrob za'ra wa'wa. 18Tahawa, asiwi wẽ'õ za'ra wa'aba õ di za, wede panhipti da te isi'ẽ za'ra hã. E niha te za ãne nherẽ, asima 're irowẽ za'ra wa'aba mo. A norĩ wa'wa hã wede panhipti na si te 're aihâimana za'ra wa'aba mo. A norĩ wa'wa hã wede zari 're upari za'ra wa'aba mono õ di. Tô isari si te te 're ai'upari za'ra wa'wa.
19Tane nherẽ, te aré ãne inharĩ za'ra wa'wa: “Wede panhipti hã ma si'ẽ za'ra ni, wa norĩ hã Olivera na wede nhisi wa, da te wanheme da.” 20Ãne hã tô i'uwaibaba. Tane nherẽ, tô te te saze za'ra õ wa, ma si'ẽ za'ra ni. Tanei õ di, a norĩ wa'wa hã. Olivera wede na te 're aihâimana u'âsi za'ra wa'aba mo, saze za'ra wa'aba wa. Tane nherẽ, ãma 're asi'madâ'â ze za'ra wa'aba mono tõ. Iwa'rãmi 're aipahi za'ra wa'aba mono. 21E marĩ wa. 'Re ihâimana u'âsi mono hã Zudeu norĩ, wede panhipti uptabi na 're ihâimana za'ra mono norĩ ma, te te tãma rob'manharĩ pipa za'ra ãna hâimana õ nherẽ, e ãne nherẽ, za te te aima 're rob'manharĩ pipa za'ra wa'aba mono ã bâ bété. 22Ma'ãpé ãma rosa'rata za'ra wa'aba, 'Re ihâimana u'âsi mono nhimizawi pese zém na duré ihâimana tete na zama. Hâimana tete na te 're hâimana, 're isi'morõpãrĩ mono norĩ ma hã. Tazahã, aima za'ra wa'aba hã simizawi pese na te 're hâimana. Isimizawi pese zém na 're umnhasi u'âsi za'ra wa'aba mono wamhã, te za hâimana wẽ na aima 're hâimana u'âsi za'ra wa'wa. Ãnei õ wamhã, a norĩ wa'aba zama te za te te 're ai'anhihâri 'wa, wede panhipti ne. 23Zudeu norĩ hã te te isaze za'ra õ zé te te rẽme za'ra wamhã, te za Olivera wede wa sé apâ hã, tô 'Re ihâimana u'âsi mono apâ te te iwa séme waihu'u pese wa. 24A norĩ wa'wa Zudeu'õ norĩ, te 're aihâimana za'ra wa'aba mo, Olivera wede, rom na 'madâ'â ãna 're isa mono panhipti, da te isizâri ne, duré Olivera wede, da te i'madâ'â pese wa, da te isẽrẽ ne, õne hã bâtâ sidâpâ da te 're 'manharĩ za'ra mono õ nherẽ. Tahawa, 'Re ihâimana u'âsi mono ma hã wapu uptabi di, Olivera wede panhipti i'uptabi norĩ hã apâ te te iwa 're i'anheme mono da hã, iwede za'ra wa.
Izaraéu nhihudu norĩ nho'reptuzé
25Ĩsisãnawã norĩ, wa ĩsima wẽ, tô sena rowaihu simi'uri na 're ihâimana mono hã waihu'u za'ra wa'aba da, rowaihu'u pese 'wa na asi'ãma 're rosa'rata za'ra wa'aba mono tõ da. Tô sena rowaihu, ã hã: Nima norĩ Izaraéu nhihudu norĩ hã te pẽ'ẽ tete na 're hâimana za'ra. Tane nherẽ, ãne hã 're romhâimana u'âsi mono õ di za. Zudeu'õ norĩ hã 'Re ihâimana u'âsi mono u 're isihutu mono norĩ za'ratazé hã ibâ na ihâimanazéb u si te za ãne hã 're romhâimana. 26Ãne te za uburé Izaraéu nhihudu norĩ tinho'reptuzé hã sina uwaimrami za'ra, Ibaihâ Iwazé pese na rob'ui'éré ãma inomro za'ra zarina, ãne:
“Danho'reptui'wa hã te za wei mo, Siã na ẽtẽ 'rãihâ hawi. Tawamhã Zacoho nhihudu norĩ ma, te za uburé marĩ iwasédé, ãma 're ihâimana za'ra mono hã tãma pari za'ra.
27Wa hã Uburé Danhib'apito, ã hã ropisutu zahi, wa za 'manha tãma za'ra, iwasédé te tãma pari za'ra wamhã.”
28Zudeu norĩ hã te te 're wẽ'õ za'ra, Rowasu'uwẽ hã. Tahawa, 'Re ihâimana u'âsi mono nhitob'ru na te 're hâimana za'ra, ai'udâna za'ra wa'aba Zudeu'õ norĩ. Tane nherẽ, 'Re ihâimana u'âsi mono te te sima ipisutu za'ra wa, te te 're azawi pese, ihi'rata norĩ u'âbâ. 29E marĩ wa. 'Re ihâimana u'âsi mono hã rosa'rata na te te 're saprĩ mono õ wa, te te sima 're i'apisutu mono norĩ na hã, duré uburé marĩ iwẽ hã ta norĩ ma, te te tãma 're i'apisutu mono na hã. 30Tane nherẽ, duréihã Zudeu'õ na 're i'aihâimana za'ra wa'aba mono norĩ, 'Re ihâimana u'âsi mono ma tô asiwi isadawa rẽme 'wa. Tane nherẽ, ãhã na hã isimizawizé te oto aima tihâimana za'ra wa'wa, Zudeu norĩ isimipari za'ra õ u'âbâ. 31Ãne wa, 'Re ihâimana u'âsi mono, da'ãma 're isiba mono zé iwaibui wa'aba u'âbâ, Zudeu norĩ hã 'Re ihâimana u'âsi mono te te oto 're sadawa rẽme za'ra, õ norĩ zama da'ãma 're isiba mono zé te te 're waibui mono da. 32Uburé ma tô da te 're wẽ'õ za'ra, 'Re ihâimana u'âsi mono, da te 're sadawa 'madâ'â pese za'ra mono tõ da hã, da'ãma 're isiba mono zé uburé te te dama 're ahâi'ré mono da.
'Re ihâimana u'âsi mono ãma 're idawata za'ra mono zé
33E niha isa'ẽtẽ uptabi, 'Re ihâimana u'âsi mono nhimirowaihu hã. 'Rãsutu waihu'u õ di! E 'wa hã te te dama hâi'ré waihu'u pese bâ, te te 're irowairébé mono zé hã. E 'wa hã te te duré sadaihu'u da bâ, te te 're irowa'õtõ mono zé hã. 34Ibaihâ Iwazé pese na rob'ui'éré ãma inomro hã, ãne:
“E 'wa hã, Uburé Danhib'apito nhimirosa'rada te te waihu'u bâ. E 'wa hã duré hâimana bâ, roti na te te ipawaptob da hã.
35E 'wa hã ma tô marĩ tisõ, 'Re ihâimana u'âsi mono ma, iwa'â hã iwa'rãmi te te âri da.”
36E marĩ wa. Õ hã uburé marĩ hã te te apoto mono wa. Duré õhõ ãma te uburé marĩ hã 're hâimana za'ra, tô Õhõ ma si. 'Re ihâimana u'âsi mono ãma 're wawata u'âsi za'ra wa'aba mono, õne u'âsi! Tane tô!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.