Marcus 11
11
Zezusi hã Zeruzalẽ u isébrézé
Mateus 21.1-11; Lucas 19.28-40; Zuwã 12.12-19
1Tawamhã Zezusi norĩ hã Zeruzalẽ u te te sina rotété za'ra wamhã, ma tô a'â mazahâri za'ra, Betifazé ãma duré Betãnia ãma hã, Olivera na ẽtẽ 'rãihâ nhisi 'ratamhã. Ta hawi Zezusi hã maparane isiré 're ine hã ma tô satõrĩ zahuré sisõwa. 2Ãne te tãma roti zahuré:
— Ma'ãpé ane wa'aba, asõwa 'ri wa'õno ihâimana aba u. Azasi aba wi, te za isõpẽtẽ 'wa, awaru po'repore hã sõ'rebzui ré isa hã, niwa ni'wa ãma isãmra õ hã. Wasihui wa'aba za, we saprõni aba da. 3Ni'wa hã te te asadanharĩ aba wamhã, ãne: “E marĩ da, te ãne hã i'manharĩ 'wa”, ãne tãma nharĩ aba za: “Uburé Danhib'apito hã te sima wẽ. Tane nherẽ, apâ te za we sõmri su'u za.”
4Tawamhã te oto tineb zahuré. Awaru po'repore hã ma tô sõpẽtẽ zahuré. 'Rãiwazi na te rowi za, bâdâdi 're idanomro mono zéb ãma, 'ridawa 'rata. Tawamhã te te wasihu zahuré ré, 5ni'wam norĩ i'rata isimasa hã ma tô sadanharĩ za'ra, ãne:
— E marĩ te i'manharĩ 'wa. E marĩ da, te awaru po'repore hã iwasihui wa'wa.
6Tawamhã ma tô dazada'âbâ zahuré, Zezusi hã te te tãma iwaihu'u zahuré zéb zarina. Tahawa, ma tô tãma 'ru zahuré ni, te te tô saprõni zahuré da. 7Tawamhã ma tô tãma ãwisi zahuré, awaru po'repore hã Zezusihi ma. Ti'uza ihâpa na ma tô tãma bazadâ zahuré. Taha pari, ma tô ãma darõno, Zezusi hã. 8Tawamhã da'ahâ na ma tô bâdâdi na da'uza ihâpa na tãma waptâ za'ra ni. Duré ni'wam norĩ hã ma tô wesupo te te sa'ra za'ra, rom na da te isihâri za'ra hã. 9Isõwa idasi'aba'ré duré isa'u hã ma tô dahãsi, ãne:
— 'Re ihâimana u'âsi mono ãma si 're wawata za'ra wa'aba mono. Uburé Danhib'apito nhisi na we imorĩ hã, 'Re ihâimana u'âsi mono iwẽ hã te te tãma 're ipisutu u'âsi mono ré, te 're hâimana.
10Wahi'rada Davi te te 're ida'a'madâ'â mono zé ma, 'Re ihâimana u'âsi mono iwẽ hã te te tãma 're ipisutu mono ré hã te 're hâimana. Hâiwa ãma 're Isãmra u'âsi mono ãma si 're wawata za'ra wa'aba mono.
11Tawamhã Zezusi hã Zeruzalẽ u oto sébré wamhã, 'Re ihâimana u'âsi mono nhorõwa 'ri 'rãihâ u ma tô ãzé. Uburé marĩ hã ma tô a'madâ, imana wawi ihâimana za'ra hã. Tame tiwi hâiwahâ wa, ma tô mo, Betãnia u, isiré 're inomro mono norĩ 12 na ihâiba za'ra norĩ me.
Zezusi hã rob'rã figu wede ma, te te inharĩzé
Mateus 21.18-19
12Tawamhã awẽm na Betãnia hawi apâ si'aba'réi wamhã, mra ma tô azâ, Zezusi hã. 13Tahawa rob'rã figu wede su tâ'â wẽ na isa hã, romhâ na te te sãmri wamhã, ma tô iteme mo, te te sabu da, i'rã zô. Iwede zahâpâ itẽme te te sina rotété wamhã, i'rã hã te te 'masãmri õ di, isu si, a'amo hã i'rãzéb õ wa. 14Tawamhã te Zezusi hã tãma tinha, ãne:
— Niwa, ni'wa hã ai'rã te te i'rẽne da hã, mare di za!
Ãne hã isiré 're inomro mono norĩ hã ma tô wapari za'ra, te te tãma nharĩ ré hã.
Zezusi hã 'Re ihâimana u'âsi mono nhorõwa hawi te te idazate mono zé
Mateus 21.12-17; Lucas 19.45-48; Zuwã 2.13-22
15Tawamhã Zeruzalẽ u sihutu wamhã, Zezusi hã ma tô ãzé, 'Re ihâimana u'âsi mono nhorõwa 'ri 'rãihâ u, 'ri 'wawi wa'ra 're. Tame ma tô te te wano'õ, rob'uipra'wa norĩ hã duré dama rowede'wa norĩ zama. Wedeza hã ma tô 'marõpãrĩ za'ra, rob'uiprazém na te te isaprĩ za'ra norĩ wi hã, duré danhamrazéb zama utu'u te te iwede za'ra norĩ wi hã. 16Tawamhã te tiwi rosawi za'ra, 'ri 'rãihâ 'wawi wa'ra na ni'wa hã te te ro'razâri tõ da, marĩ te te duri ré hã. 17Te duré ãne dama rowahutu:
— Duréihã 'Re ihâimana u'âsi mono mreme na Ibaihâ Iwazé pese na, ãne rob'ui'éré hã: “Ĩnhorõwa hã te za da te 're sisi za'ra, ‘Da te ĩwi 're Irowaptẽrẽ za'ra mono zém’ na uburé dama, dapoto mono bâ.” Tane nherẽ, ma tô asiwi i'manharĩ 'wa, isimisaihuri norĩ sima'urizém na.
18Tawamhã sasedoti ipire norĩ hã, duré 'Re ihâimana u'âsi mono nhimiroti zahi na rob'ui'éré na dama rowahutu'wa norĩ hã, ãne hã te te wapari za'ra wamhã, ma tô ãma sima rosa'rata za'ra, niha na te te siwi wĩrĩ da. Tane nherẽ, pahi za'ra di, da'ahâ uptabi na isimirowasu'u na 're datob'uzu za'ra mono wa.
19Tawamhã bâdâ sébré wi, Zezusi hã duré isiré 're inomro mono norĩ me ma tô wairé, 'ri wa'õtõ hawi.
Rob'rã figu wede
Mateus 21.20-22
20Tawamhã awẽm na si'aba'réi wamhã, mararé te te ro'rahâri za'ra wamhã, ma tô 'madâ'â za'ra rob'rã figu wede isari hawi, uburé iwede 'ré hã. 21Tawamhã Pedru hã ma tô ãma po're puru, iromhâimanazém na. Tahawa te Zezusihi ma tinha, ãne:
— Rowahutu'wa, 'madâ'â pé. Õhõta rob'rã figu wede ma, iwasédé tãma ipisudu hã ma tiwede 'ré.
22Tawamhã Zezusi hã ma ãma sada'â, ãne:
— 'Re ihâimana u'âsi mono si, 're umnhasi za'ra wa'aba mono. 23Tô sena wa za aima waihu'u za'ra wa'wa, ãne: Ni'wa hã ãhã ẽtẽ 'rãihâ ma, te te nharĩ wamhã, ãne: “Ma'ãpé hâiwi asa na. Â pore u atobro.” Tawamhã 'râwi aipẽ'ẽ 're asiwawãi õ wamhã, duré sena uptabi sazei wamhã inharĩzé hã, taha zarina te za tô tihâiba. 24Tahawa, wa za aima waihu'u za'ra wa'wa, ãne: Uburé marĩ hã rowaptẽrẽ na 're waptẽrẽ za'ra wa'aba mono wamhã, 're iwaibui pari aba mono ne hã 're saze za'ra wa'aba mono. Tawamhã ãne zarina, te za tô 'Re ihâimana u'âsi mono hã te te aima 're anhomri 'wa. 25-26'Re rowaptẽrẽ za'ra wa'aba mono wamhã, ni'wa marĩ na te te aima ãma i'upazé hã ãma 'madâ'â za'ra wa'aba mono tõ, Aimama 'wa hâiwa ãma 're isãmra mono hã te te duré ai'ãma 're 'madâ'â za'ra wa'aba mono tõ da, 're i'aiwasété za'ra wa'aba mono zé hã. Tazahã da'ãma 're 'madâ'â u'âsi za'ra wa'aba mono wamhã, Aimama 'wa hâiwa ãma 're isãmra mono hã aiwasédé te za tô duré te te ai'ãma 're a'madâ'â u'âsi 'wa.
Zezusi hã simiroti pire da, Imama te te ipisutuzé
Mateus 21.23-27; Lucas 20.1-8
27Tawamhã Zeruzalẽ u apâ sihutu wamhã, Zezusi hã 'Re ihâimana u'âsi mono nhorõwa 'ri 'rãihâ ãma, 'ri 'wawi wa'ra 're, ma tô 're mo. Taha ré, ma tô itẽme aihutu, sasedoti ipire norĩ hã, 'Re ihâimana u'âsi mono nhimiroti zahi na rob'ui'éré na dama rowahutu'wa norĩ hã, duré Zudeu norĩ ma roti'wa norĩ zama. 28Ãne te siwi sadanha:
— E 'wa sadawa para, te marĩ hã dama 're i'ab'manharĩ mo, ãne hã. E 'wa hã ma tô asimiroti pire aima tisõ, 're a'manharĩ mono da hã.
29Tawamhã Zezusi hã ma ãma sada'âbâ za'ra, ãne:
— Wa hã wa za duré asadanharĩ za'ra wa'wa. I'uwaibaba ãma asiwi ĩzada'âbâ aba wamhã, wa za aima wasu'u za'ra wa'wa za, ni'wa hã ĩnhimiroti pire te te ĩma sõmri wa, marĩ te 're i'ab'manharĩ mono zé hã. 30Ãma asiwi ĩzada'âbâ wa'aba: Zuwã hã â dawabzuri te te dama 're i'ab'manharĩ mono hã e 'Re ihâimana u'âsi mono zadawa para, e niwamhã ti'ai ãma dazadawa para.
31Tawamhã ma tô sima nharĩ za'ra, ãne:
— Wa te ãma sada'âbâ za'ra wamhã, “'Re ihâimana u'âsi mono zadawa para te te dama 're i'ab'manharĩ mono na hã” te za wazadanharĩ za'ra za, ãne: “E niha bâ bété, Zuwã Batista hã tawamhã asiwi sazei wa'aba õ di.” 32Tazahã ti'ai ãma dazadawa param na si, wa te ãma sada'âbâ za'ra wamhã, te za wazada tazahi za'ra ni.
Dama pahi za'ra di. E marĩ wa. Zuwã Batista hã, uburé ma tô da te dasiwi 're 'madâ'â, tô sena 'Re ihâimana u'âsi mono zadawa 'mahârâ'wai uptabi na hã. 33Tahawa, ma tô ãne ãma siwi sada'â:
— Wa te waihu'u za'ra õ di.
Tawamhã Zezusi hã ma tô duré asa sada â bâ za'ra, ãne:
— Tane duré wa hã te aima waihu'u za'ra wa'aba õ di za, ni'wa ĩnhimiroti pire te te ĩma sõmri wa, marĩ, te 're i'ab'manharĩ mono na hã.
Currently Selected:
Marcus 11: xavBP
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc.
Marcus 11
11
Zezusi hã Zeruzalẽ u isébrézé
Mateus 21.1-11; Lucas 19.28-40; Zuwã 12.12-19
1Tawamhã Zezusi norĩ hã Zeruzalẽ u te te sina rotété za'ra wamhã, ma tô a'â mazahâri za'ra, Betifazé ãma duré Betãnia ãma hã, Olivera na ẽtẽ 'rãihâ nhisi 'ratamhã. Ta hawi Zezusi hã maparane isiré 're ine hã ma tô satõrĩ zahuré sisõwa. 2Ãne te tãma roti zahuré:
— Ma'ãpé ane wa'aba, asõwa 'ri wa'õno ihâimana aba u. Azasi aba wi, te za isõpẽtẽ 'wa, awaru po'repore hã sõ'rebzui ré isa hã, niwa ni'wa ãma isãmra õ hã. Wasihui wa'aba za, we saprõni aba da. 3Ni'wa hã te te asadanharĩ aba wamhã, ãne: “E marĩ da, te ãne hã i'manharĩ 'wa”, ãne tãma nharĩ aba za: “Uburé Danhib'apito hã te sima wẽ. Tane nherẽ, apâ te za we sõmri su'u za.”
4Tawamhã te oto tineb zahuré. Awaru po'repore hã ma tô sõpẽtẽ zahuré. 'Rãiwazi na te rowi za, bâdâdi 're idanomro mono zéb ãma, 'ridawa 'rata. Tawamhã te te wasihu zahuré ré, 5ni'wam norĩ i'rata isimasa hã ma tô sadanharĩ za'ra, ãne:
— E marĩ te i'manharĩ 'wa. E marĩ da, te awaru po'repore hã iwasihui wa'wa.
6Tawamhã ma tô dazada'âbâ zahuré, Zezusi hã te te tãma iwaihu'u zahuré zéb zarina. Tahawa, ma tô tãma 'ru zahuré ni, te te tô saprõni zahuré da. 7Tawamhã ma tô tãma ãwisi zahuré, awaru po'repore hã Zezusihi ma. Ti'uza ihâpa na ma tô tãma bazadâ zahuré. Taha pari, ma tô ãma darõno, Zezusi hã. 8Tawamhã da'ahâ na ma tô bâdâdi na da'uza ihâpa na tãma waptâ za'ra ni. Duré ni'wam norĩ hã ma tô wesupo te te sa'ra za'ra, rom na da te isihâri za'ra hã. 9Isõwa idasi'aba'ré duré isa'u hã ma tô dahãsi, ãne:
— 'Re ihâimana u'âsi mono ãma si 're wawata za'ra wa'aba mono. Uburé Danhib'apito nhisi na we imorĩ hã, 'Re ihâimana u'âsi mono iwẽ hã te te tãma 're ipisutu u'âsi mono ré, te 're hâimana.
10Wahi'rada Davi te te 're ida'a'madâ'â mono zé ma, 'Re ihâimana u'âsi mono iwẽ hã te te tãma 're ipisutu mono ré hã te 're hâimana. Hâiwa ãma 're Isãmra u'âsi mono ãma si 're wawata za'ra wa'aba mono.
11Tawamhã Zezusi hã Zeruzalẽ u oto sébré wamhã, 'Re ihâimana u'âsi mono nhorõwa 'ri 'rãihâ u ma tô ãzé. Uburé marĩ hã ma tô a'madâ, imana wawi ihâimana za'ra hã. Tame tiwi hâiwahâ wa, ma tô mo, Betãnia u, isiré 're inomro mono norĩ 12 na ihâiba za'ra norĩ me.
Zezusi hã rob'rã figu wede ma, te te inharĩzé
Mateus 21.18-19
12Tawamhã awẽm na Betãnia hawi apâ si'aba'réi wamhã, mra ma tô azâ, Zezusi hã. 13Tahawa rob'rã figu wede su tâ'â wẽ na isa hã, romhâ na te te sãmri wamhã, ma tô iteme mo, te te sabu da, i'rã zô. Iwede zahâpâ itẽme te te sina rotété wamhã, i'rã hã te te 'masãmri õ di, isu si, a'amo hã i'rãzéb õ wa. 14Tawamhã te Zezusi hã tãma tinha, ãne:
— Niwa, ni'wa hã ai'rã te te i'rẽne da hã, mare di za!
Ãne hã isiré 're inomro mono norĩ hã ma tô wapari za'ra, te te tãma nharĩ ré hã.
Zezusi hã 'Re ihâimana u'âsi mono nhorõwa hawi te te idazate mono zé
Mateus 21.12-17; Lucas 19.45-48; Zuwã 2.13-22
15Tawamhã Zeruzalẽ u sihutu wamhã, Zezusi hã ma tô ãzé, 'Re ihâimana u'âsi mono nhorõwa 'ri 'rãihâ u, 'ri 'wawi wa'ra 're. Tame ma tô te te wano'õ, rob'uipra'wa norĩ hã duré dama rowede'wa norĩ zama. Wedeza hã ma tô 'marõpãrĩ za'ra, rob'uiprazém na te te isaprĩ za'ra norĩ wi hã, duré danhamrazéb zama utu'u te te iwede za'ra norĩ wi hã. 16Tawamhã te tiwi rosawi za'ra, 'ri 'rãihâ 'wawi wa'ra na ni'wa hã te te ro'razâri tõ da, marĩ te te duri ré hã. 17Te duré ãne dama rowahutu:
— Duréihã 'Re ihâimana u'âsi mono mreme na Ibaihâ Iwazé pese na, ãne rob'ui'éré hã: “Ĩnhorõwa hã te za da te 're sisi za'ra, ‘Da te ĩwi 're Irowaptẽrẽ za'ra mono zém’ na uburé dama, dapoto mono bâ.” Tane nherẽ, ma tô asiwi i'manharĩ 'wa, isimisaihuri norĩ sima'urizém na.
18Tawamhã sasedoti ipire norĩ hã, duré 'Re ihâimana u'âsi mono nhimiroti zahi na rob'ui'éré na dama rowahutu'wa norĩ hã, ãne hã te te wapari za'ra wamhã, ma tô ãma sima rosa'rata za'ra, niha na te te siwi wĩrĩ da. Tane nherẽ, pahi za'ra di, da'ahâ uptabi na isimirowasu'u na 're datob'uzu za'ra mono wa.
19Tawamhã bâdâ sébré wi, Zezusi hã duré isiré 're inomro mono norĩ me ma tô wairé, 'ri wa'õtõ hawi.
Rob'rã figu wede
Mateus 21.20-22
20Tawamhã awẽm na si'aba'réi wamhã, mararé te te ro'rahâri za'ra wamhã, ma tô 'madâ'â za'ra rob'rã figu wede isari hawi, uburé iwede 'ré hã. 21Tawamhã Pedru hã ma tô ãma po're puru, iromhâimanazém na. Tahawa te Zezusihi ma tinha, ãne:
— Rowahutu'wa, 'madâ'â pé. Õhõta rob'rã figu wede ma, iwasédé tãma ipisudu hã ma tiwede 'ré.
22Tawamhã Zezusi hã ma ãma sada'â, ãne:
— 'Re ihâimana u'âsi mono si, 're umnhasi za'ra wa'aba mono. 23Tô sena wa za aima waihu'u za'ra wa'wa, ãne: Ni'wa hã ãhã ẽtẽ 'rãihâ ma, te te nharĩ wamhã, ãne: “Ma'ãpé hâiwi asa na. Â pore u atobro.” Tawamhã 'râwi aipẽ'ẽ 're asiwawãi õ wamhã, duré sena uptabi sazei wamhã inharĩzé hã, taha zarina te za tô tihâiba. 24Tahawa, wa za aima waihu'u za'ra wa'wa, ãne: Uburé marĩ hã rowaptẽrẽ na 're waptẽrẽ za'ra wa'aba mono wamhã, 're iwaibui pari aba mono ne hã 're saze za'ra wa'aba mono. Tawamhã ãne zarina, te za tô 'Re ihâimana u'âsi mono hã te te aima 're anhomri 'wa. 25-26'Re rowaptẽrẽ za'ra wa'aba mono wamhã, ni'wa marĩ na te te aima ãma i'upazé hã ãma 'madâ'â za'ra wa'aba mono tõ, Aimama 'wa hâiwa ãma 're isãmra mono hã te te duré ai'ãma 're 'madâ'â za'ra wa'aba mono tõ da, 're i'aiwasété za'ra wa'aba mono zé hã. Tazahã da'ãma 're 'madâ'â u'âsi za'ra wa'aba mono wamhã, Aimama 'wa hâiwa ãma 're isãmra mono hã aiwasédé te za tô duré te te ai'ãma 're a'madâ'â u'âsi 'wa.
Zezusi hã simiroti pire da, Imama te te ipisutuzé
Mateus 21.23-27; Lucas 20.1-8
27Tawamhã Zeruzalẽ u apâ sihutu wamhã, Zezusi hã 'Re ihâimana u'âsi mono nhorõwa 'ri 'rãihâ ãma, 'ri 'wawi wa'ra 're, ma tô 're mo. Taha ré, ma tô itẽme aihutu, sasedoti ipire norĩ hã, 'Re ihâimana u'âsi mono nhimiroti zahi na rob'ui'éré na dama rowahutu'wa norĩ hã, duré Zudeu norĩ ma roti'wa norĩ zama. 28Ãne te siwi sadanha:
— E 'wa sadawa para, te marĩ hã dama 're i'ab'manharĩ mo, ãne hã. E 'wa hã ma tô asimiroti pire aima tisõ, 're a'manharĩ mono da hã.
29Tawamhã Zezusi hã ma ãma sada'âbâ za'ra, ãne:
— Wa hã wa za duré asadanharĩ za'ra wa'wa. I'uwaibaba ãma asiwi ĩzada'âbâ aba wamhã, wa za aima wasu'u za'ra wa'wa za, ni'wa hã ĩnhimiroti pire te te ĩma sõmri wa, marĩ te 're i'ab'manharĩ mono zé hã. 30Ãma asiwi ĩzada'âbâ wa'aba: Zuwã hã â dawabzuri te te dama 're i'ab'manharĩ mono hã e 'Re ihâimana u'âsi mono zadawa para, e niwamhã ti'ai ãma dazadawa para.
31Tawamhã ma tô sima nharĩ za'ra, ãne:
— Wa te ãma sada'âbâ za'ra wamhã, “'Re ihâimana u'âsi mono zadawa para te te dama 're i'ab'manharĩ mono na hã” te za wazadanharĩ za'ra za, ãne: “E niha bâ bété, Zuwã Batista hã tawamhã asiwi sazei wa'aba õ di.” 32Tazahã ti'ai ãma dazadawa param na si, wa te ãma sada'âbâ za'ra wamhã, te za wazada tazahi za'ra ni.
Dama pahi za'ra di. E marĩ wa. Zuwã Batista hã, uburé ma tô da te dasiwi 're 'madâ'â, tô sena 'Re ihâimana u'âsi mono zadawa 'mahârâ'wai uptabi na hã. 33Tahawa, ma tô ãne ãma siwi sada'â:
— Wa te waihu'u za'ra õ di.
Tawamhã Zezusi hã ma tô duré asa sada â bâ za'ra, ãne:
— Tane duré wa hã te aima waihu'u za'ra wa'aba õ di za, ni'wa ĩnhimiroti pire te te ĩma sõmri wa, marĩ, te 're i'ab'manharĩ mono na hã.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc.