Mateu 2
2
Bâtâ pusizém hawi, aibâ norĩ isi'aba'rézé wasu'u, Zezusihi u
1Tawamhã Zezusi hã ma tô podo, Belẽ na 'ri nho'õmo nhisi ãma, Zudéa na danhipti'a nho'õmo nhisi ãma. Apito Erodi hã, Izaraéu nhihudu norĩ te te 're 'madâ'â za'ra mono ré, ma waptãrã. Waptã'ã parip si, ma tô wasi na romnhoré'wa norĩ hã aihutu Zeruzalẽ u, bâtâ pusizém hawi, rowaihu'u pese 'wa norĩ hã. 2Tawamhã ta norĩ hã te sô anharĩ za'ra, ãne Zezusihi zô hã:
— E mahãta 'watébrémi, zudeu norĩ nhib'apito da, ipodo hã. Wasi, wa norĩ hã wa tô 'madâ'â za'ra ni, bâtâ pusizém niwĩmhã, zudeu norĩ nhib'apito da, ipotozé te te iwasu'u hã. Tahawa, wa tô we ai'aba'ré ni, ãma wawata za'ra da.
3Tawamhã apito Erodi ãne te te wapari wamhã, hâtâ'â uptabi di. Duré uburé Zeruzalẽ ãma 're idasi'ubumroi mono norĩ zama isu hâtâ'â za'ra di. 4Tawamhã apito Erodi hã ma tô sima 'rã'õtõ, 'Re ihâimana u'âsi mono ma, da'ãma romhuri'wa ipire norĩ hã, duré isimiroti na rob'ui'éré 'rata na dama rowahutu'wa norĩ hã te te sadanharĩ za'ra da ãne:
— E mame te za waptãrã, 'Re ihâimana u'âsi mono te te ipisudu hã, Danho'reptui'wa da. 5Tawamhã ma te ãma sada'âbâ za'ra ãne:
— Belẽ ãma te za waptãrã, Zudéa ãma. Duréihã 'Re ihâimana u'âsi mono zadawa 'mahârâ 'rata 'wa hã ma tô ãne na ãma rob'ui'éré siro, 'Re ihâimana u'âsi mono mreme na:
6“A norĩ wa'wa hã Belẽ ãma 're aihâimana za'ra wa'aba mono norĩ Zudaha nhihudu norĩ nhipti'ai ãma 're aihâimana za'ra wa'aba mono norĩ hã dama aiwapu na 're aihâimana za'ra wa'aba mono newa, te za oto dama asisi za'ẽtẽ na dama 're aihâimana u'âsi za'ra wa'aba mo. E marĩ wa. Tame danhib'apito da hã za poto wa, ĩnhib'a'uwẽ norĩ hã te te 're ab'madâ'â pese mono da, Izaraéu nhihudu norĩ hã.”
7Tawamhã Erodi ma tô sô tihârâ za'ra, bâtâ pusizém hawi isihutu norĩ zô, pi'uriwi te te sadanharĩ za'ra da, ta norĩ hã ãne:
— E mahãna ma tô wasi hã watobro.
8Te te sadanharĩ za'ra pari, ma tô tãma rob'ru za'ra, Belẽ u si'aba'ré da. Ãne te duré tãma rob'ru za'ra:
— Mo oto ai'aba'réi wa'aba, 'watébrémi zô asinharĩ pese za'ra wa'aba da. Sõpẽtẽ za'ra wa'aba wamhã, ma'ãpé apâ we asiwi ĩpo're pu'u aba za, te waihu'u da, wa hã duré itẽmemhã ĩmorĩ da, ãma ĩwata da, ĩzama. — Ãne ma tô tãma waihu'u za'ra, apito Erodi hã.
9Tawamhã apito mreme te te wapari za'ra parimhã, te oto robzabui'wa norĩ hã ai'aba'ré, Belẽ u. Tawamhã bâdâdi na si'aba'réi ré, ma tô wasi hã 'madâ'â za'ra, tô õ tirob ãma ré te te i'madâ'â za'ra hã. Ta hã te isõwab za'ra hã mo. Tawamhã 'watébrémi isãmrazém nho'õmoi baba ma tô oto wasi hã mazazâ. 10Tawamhã aibâ norĩ hã wasi te te 'madâ'â za'ra wamhã, toi uptabi za'ra di. Tahawa, te duré tipẽ'ẽ 'remhã 're to za'ra. 11Tawamhã 'ri para u ma tô asisi. Sisisi wamhã, ma tô sabu za'ra 'watébrémi hã, ina iré sãmra ré tipa, Maria hã. Tawamhã hi'rãtitõ ma tô asimro, ãma wata za'ra da. Taha pari, ma tô 'ridawa za'ra, tinhimiro'wapézé te te i'wasari zô, te te ãma sawi za'ra da. Tawamhã taha na ma tô ãma sawi za'ra, tinhoprub za'ra zém na; ẽtẽ waipo pré oru hã, duré wedewati isadaze hã, duré wedewati isadaze si'u'ẽne hã. Taha na ma tô tãma tinhoprub za'ra.
12Tawamhã rosawẽrẽ na ma tô 'Re ihâimana u'âsi mono hã tãma waihu'u za'ra, bâtâ pusizém hawi isihutu norĩ ma, apâ si'aba'ré tõ da, Erodihi u. Tahawa, te bâdâdi amo na apâ hã ai'aba'ré, tirob u.
Zuzé norĩ Ezitu u inebzé wasu'u
13Tawamhã aibâ norĩ si'aba'ré za'u si, ma tô hâiwa hawi Wanhib'apito ma romhuri'wa hã Zuzéhé ma sihâi'ré, sõtõ 'rowi. Taha wamhã, te ãne tãma rowasu'u:
— Apito Erodi hã ma tô dama rob'ru, ai'uté zô danhopré mono da, isadawa para da te wĩrĩ da. Tahawa, te za oto ai'u. Ai'uté hã, ma'ãpé duré sa'ra na. Ina hã iré saprõni da Ezitu u, tame a'â iré aimasisi aba da, dawi. Tawamhã apâ we i'ane wa'aba zéb da hã, wa hã te aima iwaihu'uzéb zô si, te za a'â duré asina asimipa za. — Ãne ma tãma waihu'u, hâiwa ãma romhuri'wa hã.
14Tawamhã Zuzé ma tô udu. Utu wamhã, awa'awi ma tô ai'utére hã sa'ra. Ina hã ma tô iré saprõ bara na, Ezitu u.
15Tawamhã tame te oto iré aimasisi zahuré, apito Erodi hã idâ'âzéb u. Ãne ma tô tiromhâiba, duréihã 'Re ihâimana u'âsi mono, tizadawa 'mahârâ'wai ma, te te iwaihu'uzém na te te sina uwaimrami da. Ãne ma tô tãma waihu'u siro: “Wa hã ĩ'ra, wa satõ, Ezitu hawi morĩ da.” Ãne duréihã 'Re ihâimana u'âsi mono mreme, ti'ra ãma hã.
Ai'uté, da te 're isimroi mono zé wasu'u
16Tawamhã apito Erodi aibâ norĩ, bâtâ pusizém hawi we isi'aba'ré norĩ pi'uriwi tiwi isi'aba'ré na te te ãma rowaihu'u za'ra wa, ma tô ab'rui pese. Sib'rui wa, tãma da'wapéi'wa norĩ hã ma tô satõrĩ za'ra Belẽ u, 'watébrémi zô si'aba'ré da, uburé te te dawi uprosi mono da, maparane ãma iwahu mono õ hã, Belẽ ãma 're idahâimana za'ra mono norĩ 'ra hã, duré Belẽ 'rata 're idahâimana za'ra mono norĩ 'ra zama. Aibâ norĩ hã wasi te te i'madâ'â za'ra zém na te te tãma iwaihu'u za'ra zéb zarina, ma tô apito Erodi hã ãne 'manha. 17Ãne ma tô tiromhâiba, duréihã 'Re ihâimana u'âsi mono zadawa 'mahârâ 'rata 'wa te te irowasu'uzéb zarina, Zeremia hã. Ma tô ãne ãma rob'ui'éré siro, 'Re ihâimana u'âsi mono mreme na:
18“Rama na romnhisi ãma hã dawawa hã ma tô wapari za'ra ni, dazadari 'rãihâ hã.
Raqueu hã te aiwa'õ, ti'ra norĩ ãma. Pẽ'ẽzé uptabi wa, te te sima wẽ õ di, da te ipẽ'ẽtété da hã, i'ra norĩ hã uburé tiwi si'utõrĩ wa.”
Ezitu hawi, Zuzé norĩ hã apâ te te sina isiri zahuré zé wasu'u
19Tawamhã apito Erodi dâ'â parimhã, ma tô hâiwa ãma Wanhib'apito ma romhuri'wa hã Zuzéhé ma sihâi'ré, sõtõ 'rowi, Ezitu ãma sãmra ré. 20Ãne te tãma tinha:
— Oto ai'utu, 'watébrémi hã subzari aba da. Ina hã iré saprõni, Izaraéu nhihudu norĩ nhipti'ai u. Aibâ norĩ hã 'watébrémi te te aré siwi wĩrĩ da, sô isi'aba'ré norĩ hã ma tô tidâ'â za'ra.
21Tawamhã Zuzé utu wamhã, ma tô apâ saprõni zahuré 'watébrémi hã, ina me, Izaraéu nhihudu norĩ nhipti'ai u. 22Tane nherẽ, ma tô wapa Aterazu, apito Erodihi 'ra wasu'u hã, timama nhowa're're isébré na hã Zudéa ãma te te 're ida'ab'madâ'â mono da hã. Tahawa, pahi di, tame iré 're ihâimana zahuré mono da hã. Tawamhã sõtõ 'rowi ma tô tãma waihu'u na sahu, hâiwa ãma 'Re ihâimana u'âsi mono ma romhuri'wa hã, Zuzéhé ma, Zudéa u neb zahuré tõ da, Galiléa na danhipti'a nho'õmo nhisi u si neb da. Tahawa, ma tô tamomop si tineb zahuré, Zuzé norĩ hã. 23Tame te oto 're simasisi zahuré, Nazaré na 'ri wa'õtõ nhisi ãma. Ãne iromhâimanazé hã, duréihã 'Re ihâimana u'âsi mono zadawa 'mahârâ 'rata 'wa norĩ nhimi'ui'éré hã te te ãma uwaimrami da. Ãne duréihã iwasu'u na rob'ui'éré 'rada hã: “Ta hã Nazaré ãma 're isãmra mono na te za oto da te 're sisi za'ra.” Ãne ma tô waihu'u siromo za'ra, za da te dasima 're iwasu'u za'ra mono zéb da na hã.
Currently Selected:
Mateu 2: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.
Mateu 2
2
Bâtâ pusizém hawi, aibâ norĩ isi'aba'rézé wasu'u, Zezusihi u
1Tawamhã Zezusi hã ma tô podo, Belẽ na 'ri nho'õmo nhisi ãma, Zudéa na danhipti'a nho'õmo nhisi ãma. Apito Erodi hã, Izaraéu nhihudu norĩ te te 're 'madâ'â za'ra mono ré, ma waptãrã. Waptã'ã parip si, ma tô wasi na romnhoré'wa norĩ hã aihutu Zeruzalẽ u, bâtâ pusizém hawi, rowaihu'u pese 'wa norĩ hã. 2Tawamhã ta norĩ hã te sô anharĩ za'ra, ãne Zezusihi zô hã:
— E mahãta 'watébrémi, zudeu norĩ nhib'apito da, ipodo hã. Wasi, wa norĩ hã wa tô 'madâ'â za'ra ni, bâtâ pusizém niwĩmhã, zudeu norĩ nhib'apito da, ipotozé te te iwasu'u hã. Tahawa, wa tô we ai'aba'ré ni, ãma wawata za'ra da.
3Tawamhã apito Erodi ãne te te wapari wamhã, hâtâ'â uptabi di. Duré uburé Zeruzalẽ ãma 're idasi'ubumroi mono norĩ zama isu hâtâ'â za'ra di. 4Tawamhã apito Erodi hã ma tô sima 'rã'õtõ, 'Re ihâimana u'âsi mono ma, da'ãma romhuri'wa ipire norĩ hã, duré isimiroti na rob'ui'éré 'rata na dama rowahutu'wa norĩ hã te te sadanharĩ za'ra da ãne:
— E mame te za waptãrã, 'Re ihâimana u'âsi mono te te ipisudu hã, Danho'reptui'wa da. 5Tawamhã ma te ãma sada'âbâ za'ra ãne:
— Belẽ ãma te za waptãrã, Zudéa ãma. Duréihã 'Re ihâimana u'âsi mono zadawa 'mahârâ 'rata 'wa hã ma tô ãne na ãma rob'ui'éré siro, 'Re ihâimana u'âsi mono mreme na:
6“A norĩ wa'wa hã Belẽ ãma 're aihâimana za'ra wa'aba mono norĩ Zudaha nhihudu norĩ nhipti'ai ãma 're aihâimana za'ra wa'aba mono norĩ hã dama aiwapu na 're aihâimana za'ra wa'aba mono newa, te za oto dama asisi za'ẽtẽ na dama 're aihâimana u'âsi za'ra wa'aba mo. E marĩ wa. Tame danhib'apito da hã za poto wa, ĩnhib'a'uwẽ norĩ hã te te 're ab'madâ'â pese mono da, Izaraéu nhihudu norĩ hã.”
7Tawamhã Erodi ma tô sô tihârâ za'ra, bâtâ pusizém hawi isihutu norĩ zô, pi'uriwi te te sadanharĩ za'ra da, ta norĩ hã ãne:
— E mahãna ma tô wasi hã watobro.
8Te te sadanharĩ za'ra pari, ma tô tãma rob'ru za'ra, Belẽ u si'aba'ré da. Ãne te duré tãma rob'ru za'ra:
— Mo oto ai'aba'réi wa'aba, 'watébrémi zô asinharĩ pese za'ra wa'aba da. Sõpẽtẽ za'ra wa'aba wamhã, ma'ãpé apâ we asiwi ĩpo're pu'u aba za, te waihu'u da, wa hã duré itẽmemhã ĩmorĩ da, ãma ĩwata da, ĩzama. — Ãne ma tô tãma waihu'u za'ra, apito Erodi hã.
9Tawamhã apito mreme te te wapari za'ra parimhã, te oto robzabui'wa norĩ hã ai'aba'ré, Belẽ u. Tawamhã bâdâdi na si'aba'réi ré, ma tô wasi hã 'madâ'â za'ra, tô õ tirob ãma ré te te i'madâ'â za'ra hã. Ta hã te isõwab za'ra hã mo. Tawamhã 'watébrémi isãmrazém nho'õmoi baba ma tô oto wasi hã mazazâ. 10Tawamhã aibâ norĩ hã wasi te te 'madâ'â za'ra wamhã, toi uptabi za'ra di. Tahawa, te duré tipẽ'ẽ 'remhã 're to za'ra. 11Tawamhã 'ri para u ma tô asisi. Sisisi wamhã, ma tô sabu za'ra 'watébrémi hã, ina iré sãmra ré tipa, Maria hã. Tawamhã hi'rãtitõ ma tô asimro, ãma wata za'ra da. Taha pari, ma tô 'ridawa za'ra, tinhimiro'wapézé te te i'wasari zô, te te ãma sawi za'ra da. Tawamhã taha na ma tô ãma sawi za'ra, tinhoprub za'ra zém na; ẽtẽ waipo pré oru hã, duré wedewati isadaze hã, duré wedewati isadaze si'u'ẽne hã. Taha na ma tô tãma tinhoprub za'ra.
12Tawamhã rosawẽrẽ na ma tô 'Re ihâimana u'âsi mono hã tãma waihu'u za'ra, bâtâ pusizém hawi isihutu norĩ ma, apâ si'aba'ré tõ da, Erodihi u. Tahawa, te bâdâdi amo na apâ hã ai'aba'ré, tirob u.
Zuzé norĩ Ezitu u inebzé wasu'u
13Tawamhã aibâ norĩ si'aba'ré za'u si, ma tô hâiwa hawi Wanhib'apito ma romhuri'wa hã Zuzéhé ma sihâi'ré, sõtõ 'rowi. Taha wamhã, te ãne tãma rowasu'u:
— Apito Erodi hã ma tô dama rob'ru, ai'uté zô danhopré mono da, isadawa para da te wĩrĩ da. Tahawa, te za oto ai'u. Ai'uté hã, ma'ãpé duré sa'ra na. Ina hã iré saprõni da Ezitu u, tame a'â iré aimasisi aba da, dawi. Tawamhã apâ we i'ane wa'aba zéb da hã, wa hã te aima iwaihu'uzéb zô si, te za a'â duré asina asimipa za. — Ãne ma tãma waihu'u, hâiwa ãma romhuri'wa hã.
14Tawamhã Zuzé ma tô udu. Utu wamhã, awa'awi ma tô ai'utére hã sa'ra. Ina hã ma tô iré saprõ bara na, Ezitu u.
15Tawamhã tame te oto iré aimasisi zahuré, apito Erodi hã idâ'âzéb u. Ãne ma tô tiromhâiba, duréihã 'Re ihâimana u'âsi mono, tizadawa 'mahârâ'wai ma, te te iwaihu'uzém na te te sina uwaimrami da. Ãne ma tô tãma waihu'u siro: “Wa hã ĩ'ra, wa satõ, Ezitu hawi morĩ da.” Ãne duréihã 'Re ihâimana u'âsi mono mreme, ti'ra ãma hã.
Ai'uté, da te 're isimroi mono zé wasu'u
16Tawamhã apito Erodi aibâ norĩ, bâtâ pusizém hawi we isi'aba'ré norĩ pi'uriwi tiwi isi'aba'ré na te te ãma rowaihu'u za'ra wa, ma tô ab'rui pese. Sib'rui wa, tãma da'wapéi'wa norĩ hã ma tô satõrĩ za'ra Belẽ u, 'watébrémi zô si'aba'ré da, uburé te te dawi uprosi mono da, maparane ãma iwahu mono õ hã, Belẽ ãma 're idahâimana za'ra mono norĩ 'ra hã, duré Belẽ 'rata 're idahâimana za'ra mono norĩ 'ra zama. Aibâ norĩ hã wasi te te i'madâ'â za'ra zém na te te tãma iwaihu'u za'ra zéb zarina, ma tô apito Erodi hã ãne 'manha. 17Ãne ma tô tiromhâiba, duréihã 'Re ihâimana u'âsi mono zadawa 'mahârâ 'rata 'wa te te irowasu'uzéb zarina, Zeremia hã. Ma tô ãne ãma rob'ui'éré siro, 'Re ihâimana u'âsi mono mreme na:
18“Rama na romnhisi ãma hã dawawa hã ma tô wapari za'ra ni, dazadari 'rãihâ hã.
Raqueu hã te aiwa'õ, ti'ra norĩ ãma. Pẽ'ẽzé uptabi wa, te te sima wẽ õ di, da te ipẽ'ẽtété da hã, i'ra norĩ hã uburé tiwi si'utõrĩ wa.”
Ezitu hawi, Zuzé norĩ hã apâ te te sina isiri zahuré zé wasu'u
19Tawamhã apito Erodi dâ'â parimhã, ma tô hâiwa ãma Wanhib'apito ma romhuri'wa hã Zuzéhé ma sihâi'ré, sõtõ 'rowi, Ezitu ãma sãmra ré. 20Ãne te tãma tinha:
— Oto ai'utu, 'watébrémi hã subzari aba da. Ina hã iré saprõni, Izaraéu nhihudu norĩ nhipti'ai u. Aibâ norĩ hã 'watébrémi te te aré siwi wĩrĩ da, sô isi'aba'ré norĩ hã ma tô tidâ'â za'ra.
21Tawamhã Zuzé utu wamhã, ma tô apâ saprõni zahuré 'watébrémi hã, ina me, Izaraéu nhihudu norĩ nhipti'ai u. 22Tane nherẽ, ma tô wapa Aterazu, apito Erodihi 'ra wasu'u hã, timama nhowa're're isébré na hã Zudéa ãma te te 're ida'ab'madâ'â mono da hã. Tahawa, pahi di, tame iré 're ihâimana zahuré mono da hã. Tawamhã sõtõ 'rowi ma tô tãma waihu'u na sahu, hâiwa ãma 'Re ihâimana u'âsi mono ma romhuri'wa hã, Zuzéhé ma, Zudéa u neb zahuré tõ da, Galiléa na danhipti'a nho'õmo nhisi u si neb da. Tahawa, ma tô tamomop si tineb zahuré, Zuzé norĩ hã. 23Tame te oto 're simasisi zahuré, Nazaré na 'ri wa'õtõ nhisi ãma. Ãne iromhâimanazé hã, duréihã 'Re ihâimana u'âsi mono zadawa 'mahârâ 'rata 'wa norĩ nhimi'ui'éré hã te te ãma uwaimrami da. Ãne duréihã iwasu'u na rob'ui'éré 'rada hã: “Ta hã Nazaré ãma 're isãmra mono na te za oto da te 're sisi za'ra.” Ãne ma tô waihu'u siromo za'ra, za da te dasima 're iwasu'u za'ra mono zéb da na hã.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.All rights reserved.