Mateus 13
13
Rob're'wa
Marcus 4.1-9; Lucas 8.4-8
1Tô taha bâtâ na Zezusi hã ma tô watobro, 'ri hawi. Ma tô mo, Galiléia isõ'u zaihâ u. Tame ma tô nhamra. 2Tawamhã da'ahâ uptabi na da te dasiwi uirĩ wa, ma tô uba're wa ãzé. Ma tô nhamra. Tame te isõ'u zaihâ na hâiwi aimasam ni, supara wa. 3Tawamhã Zezusi hã rowasu'u ahâ na te dama arowasu'u, romnhimiré'é na, ãne:
— Ma'ãpé, ĩwapari pese za'ra wa'aba. Rob're'wa hã ma tô mo, te te rob're da.
4Tawamhã romnhamare te te anhamra mono wamhã, nima norĩ ma tô rere'e, bâdâdi zababa. Tane nherẽ, si norĩ hã ma tô sô sina. Ma tô te te huri, uburé. 5Tawamhã nima norĩ hã ti'a surure na ẽtẽ wazari 're ihâimana za'ra mono na ma duré rere'e. Ta norĩ hã ma 'wanhipré su'u, ti'ai baihâire wa. 6Tane nherẽ, bâdâ oto 'rãiwatobro wamhã, ma tô ti'wanhipré 'ré za'ra, sari õ wa. 7Tawamhã nima norĩ hã ma duré rere'e, wab'ru wa'wa. Ta norĩ hã prédub za'ra wamhã, ma tô wapre za'ra, rob're hã. 8Tanei õ di, romnhamare ti'ai wẽ wa irere'e mono hã wẽ na ma tô ti'rã za'ra. Nima norĩ 100 na ma ti'rã za'ra misi iwede na hã, duré niwamhã 60 na, duré 30 na i'rã hã.
9Tawamhã Zezusi hã ma tô ãne ãma 'rãsutu:
— Asimiparizé aima hâimana za'ra wa'aba wamhã, ma'ãpé wapari za'ra wa'aba!
Zezusi hã rowasu'u na romnhimiré'é na si te te dama 're irowasu'u mono zé
Marcus 4.10-12; Lucas 8.9-10
10Tawamhã isiré 're inomro mono norĩ hã ma tô Zezusihi u ubumro. Ãne ma tô siwi sadanha:
— Rowahutu'wa. E marĩ wa, te rowasu'u na romnhimiré'é na si dama 're irowahutu mo.
11Tawamhã Zezusi hã ma ãma sada'âbâ za'ra, ãne:
— Hâiwa ãma 're Isãmra mono hã aima za'ra wa'aba si, ma tô hâi'ré, dama iwaihu'u'õ da'ãma 're isib'a'uwẽ mono zém na hã. Aimawi norĩ ma hã te te hâi'ré õ di. 12Taha na rowaihu hã ni'wai ma hâimana wamhã, te za ãma tãma sisiwi, sa'ẽtẽ na tãma hâimana da. Tanei õ di, ni'wai ma hâimana õ wamhã, suru na tãma hâimana nherẽ, te za tô tiwi waze. 13Ãne wa, wa rowasu'u na romnhimiré'é na si te dama 're rowahutu. E marĩ wa. Da te 'madâ'â za'ra nherẽ, da te 'madâ'â waihu'u za'ra õ di. Duré da te wapari za'ra nherẽ, da te wapari waihu'u za'ra õ di. Da te duré sadaihu'u za'ra õ di. 14Ãne zarina ma tô sina uwaimrami za'ra, 'Re ihâimana u'âsi mono zadawa 'mahârâ'wa Izaias te te irob'ui'érézé hã, ãne:
“Wapari za'ra wa'aba nherẽ, sadaihu'u za'ra wa'aba õ di za. Duré 'madâ'â za'ra wa'aba nherẽ, 'madâ'â waihu'u za'ra wa'aba õ di za.
15E marĩ wa. Ã hã a'uwẽ norĩ hã pẽ'ẽ tete za'ra wa.
Ma tô sipo're nhidâ za'ra. Ma duré sitob ubu za'ra.
Ãnei õ 'wa'âhã, te aré 'madâ'â za'ra, titõmo na. Te aré duré wapari za'ra, tipo're na. Tipẽ'ẽ na zama te aré duré sadaihu'u za'ra. Tawamhã te aré apâ ĩtẽme aipizari za'ra. Tawamhã wa aré duré pese za'ra.”
16— Tazahã, a norĩ wa'wa hã aima rowẽ uptabi za'ra wa'aba di, atõmo na 'madâ'â za'ra wa'aba wa, marĩ te 're i'ab'manharĩ mono zé hã, duré aipo're na wapari za'ra wa'aba wa, ĩnhimiroti hã. 17Tô sena wa za ãne hã aima waihu'u za'ra wa'wa. 'Re ihâimana u'âsi mono zadawa 'mahârâ'wa norĩ hã ahâ uptabi na duré isimiroti 'madâ'â pese 'wa norĩ hã ahâ uptabi na ma tô aré te te sima 're wẽ za'ra, te te 'madâ'â za'ra da, ã hã atõmo na i'madâ'â za'ra wa'aba zé hã. Tane nherẽ, te te 'madâ'â za'ra õ di. Ma tô aré duré te te sima 're wẽ za'ra, ã hã iwapari za'ra wa'wa hã tipo're na te te 're wapari za'ra mono da. Tane nherẽ, te te wapari za'ra õ di.
Zezusi hã sõ'awi te te oto ãma irowasu'uzé rob're'wai wasu'u na hã
Marcus 4.13-20; Lucas 8.11-15
18— Tahawa, ma'ãpé ĩwapari pese za'ra wa'aba. Sadaihu'u za'ra wa'aba da, rowasu'u na romnhimiré'é na rob're'wai wasu'u te te isimiré hã. 19Romnhamare, bâdâdi zababa irere'e mono hã te wasu'u, ni'wa hã za te te iwapari, 'Re ihâimana u'âsi mono, da'ãma 're isib'a'uwẽ mono zé wasu'u hã. Tane nherẽ, za te te isadaihu'u õ, te wasu'u. Tawamhã Iwasété Uptabi hã#13.19 Iwasété Uptabi hã Wa'uburé, te wasu'u. te za sô mo. Te za tiwi waze, ipẽ'ẽ 're, da te tãma i'a're hã. 20Romnhamare, ti'a ẽtẽ wazari ihâimana ãma irere'e mono hã, ta hã te wasu'u, ni'wa hã za te te iwapari, 'Re ihâimana u'âsi mono mreme hã. Tawamhã za te te sima iwẽ, rowẽ sina waptu na, awa'awi na. 21Tane nherẽ, sari õ wa, ãma ronomro õ di za. Tawamhã ropire hã duré niwamhã da te tãma irob'manharĩ wasété zé hã tãma hâimana wamhã, te za tirẽ, te te isazezé hã. 22Romnhamare, wab'ru wazari irere'e mono hã te wasu'u, ni'wa hã za te te iwapari, 'Re ihâimana u'âsi mono mreme. Tane nherẽ, te za te te 're tété, marĩ na ti'ai ãmam na si 're ihâtâ'â mono zé hã duré danhibro pe hã wẽ uptabi newa, tinhimarĩ zô te te sima 're irob'ruiwapari mono zé hã. Tawamhã ã hã, ni'wa hã 'rãi waihu'u õ di za. 23Tanei õ di, romnhamare ti'ai wẽ wa irere'e mono hã te wasu'u, ni'wa hã za te te iwapari, 'Re ihâimana u'âsi mono mreme, awa'awi za te te isadaihu. Tawamhã ã hã ni'wa hã te za tiprédu wẽ. 'Rãi pese na te za duré ti'rã. 30 na ti'rã na te za ãma sisiwi. Niwamhã 60 na, duré 100 na te za ãma sisiwi, ti'rã na hã.
Amnho trigu wasu'u, wab'ru iwazari ipoto mono zé
24Tawamhã Zezusi hã ma tô duré aimawi na oto rowasu'u, romnhimiré'é na:
— Hâiwa ãma 're Isãmra mono, da'ãma 're isib'a'uwẽ mono zé hã, aiwa aibâ romnhamare iwẽ hã te te i'a're ne tinhipti'ai ãma. 25Tane nherẽ, uburé oto sõtõ za'ra wamhã, isitob'ru hã ma tô mo, iburu u. Ma tô tiwi a're wab'ru hã, amnho trigu wazari. Te te tiwi a're pari, ma tô apâ mo. 26Tawamhã amnho trigu hã oto prédub za'ra wamhã, ma tô teihi wairébé. Tane nherẽ, wab'ru zama ma tô tiprédub za'ra iwazari. 27Tawamhã ti'a tede'wai ma romhuri'wa norĩ hã ma tô tinhib'apito u aihutu. Ãne ma tô tãma rowasu'u za'ra: “Apito, e niha romnhamare iwẽ si a're nherẽ hã, asipti'ai 'remhã. Tane nherẽ, e ma hawi, ma wab'ru hã tipoto za'ra.”
28— “Ni'wa ĩnhitob'ru ma tô 'manha, ãne hã.” Ãne ma tô ãma sada'âbâ za'ra.
Tawamhã ma tô duré siwi sadanha: “E te asima iwẽ, wa te sano za'ra da, wab'ru hã”
29— “Mare di. E marĩ wa. Wab'ru hã sano za'ra wa'aba da wamhã, isu sano za'ra wa'aba õ'umnhasite, amnho trigu hã. 30A'â siré prédub za'ra. I'rãihârizé hã bâdâ wisi wamhã, wa za ti'ru, za te te i'rãihâri za'ra norĩ ma, ãne: ‘Imorĩ'rata na wab'ru hã ubumroi wa'aba. Wasisi za'ra wa'aba mono, ãma iro'o da. Taha parip si amnho trigu hã ubumroi wa'aba, séme wa'aba da, ĩte dasai ubumrozéb 're.’ ”
Romnhamare mostarda na isisi wasu'u
Marcus 4.30-32; Lucas 13.18-19
31Tawamhã Zezusi hã ma tô duré aimawi na rowasu'u, romnhimiré'é na. Ãne te dama rowasu'u:
— Hâiwa ãma 're Isãmra mono, da'ãma 're isib'a'uwẽ mono zé hã, aiwa romnhamare mostarda, aibâ te te i'a're ne, tinhipti'ai ãma. 32Ta hã dama hã surure di uburé romnhamare 're ihâimana za'ra mono norĩ ma hã. Tane nherẽ, oto prédu wamhã, danhipai u wede za'ẽtẽ di, uburé rob're 're ihâimana za'ra mono nhipai u. Wede ne te za tihâiba. Tahawa, te za si norĩ hã itẽme 're sihutu, ipanhipti na te te sima 're sasi za'ra mono da.
I'u'ẽtẽ wapu mapuzé
Lucas 13.20-21
33Tawamhã Zezusi hã ma tô duré ãhã rowasu'u na dama romnhimiré'é, ãne:
— Hâiwa ãma 're Isãmra mono, da'ãma 're isib'a'uwẽ mono zé hã, aiwa pi'õ hã i'u'ẽtẽ wapu mapuzém na amnho trigu za te te iwazari ne sa'ẽtẽ na, uburé te te iwazari pese zéb u.
34Tawamhã Zezusi hã rowasu'u na romnhimiré'é na si ma tô te te dama 're rowasu'u. Taha ãna hã te te dama 're rowasu'u mono õ di. 35Ãne hã ma tô te te 're 'manharĩ, te te sina uwaimrami da, 'Re ihâimana u'âsi mono zadawa 'mahârâ'wa te te ãma irob'ui'érézé hã, ãne:
“Rowasu'u na romnhimiré'é na si wa za te 're rowasu'u, dama hã.
Wa za duré te dama 're awaihu'u, ropoto na'rata hawim haré marĩ waihu'u ãna 're ihâimana za'ra mono hã.”
Zezusi hã sõ'awi te te ãma irowasu'uzé, wab'ru na romnhimiré'ézém na hã
36Tawamhã Zezusi hã dahawi ma tô mo. 'Re iwa'utu pese mono zéb u, 'ri u. Tawamhã isiré 're inomro mono norĩ hã ma tô 'râwi itẽme ubumro. Ãne ma tô siwi sadanha:
— Rowahutu'wa. Ma'ãpé wama waihu'u za'ra na, marĩ te te iwasu'u hã wab'ru wasu'u na romnhimiré hã.
37Tawamhã Zezusi hã ma ãma sada'âbâ za'ra, ãne:
— Romnhamare iwẽ te te i'a're hã, ta hã Ti'ai ãma Dasiré Ipodo te wasu'u. 38Aibâ te ti'a hã, ti'ai ãma 're idahâimana za'ra mono te wasu'u. Romnhamare norĩ iwẽ hã, 'Re ihâimana u'âsi mono, ãma 're isib'a'uwẽ za'ra mono norĩ, te wasu'u. Duré wab'ru hã, Wa'uburé nhib'a'uwẽ na 're ihâimana za'ra mono norĩ, te wasu'u. 39Aibâ nhitob'ru, wab'ru te te i'a're hã, ta hã Iwasété Uptabi hã#13.39 Iwasété Uptabi hã Wa'uburé, te wasu'u., te wasu'u. Amnho tehârizé za ihâimana hã, ta hã rob'rãsudu, te wasu'u. Duré roptehâri'wa norĩ hã, hâiwa hawi romhuri'wa norĩ, te wasu'u. 40Wab'ru hã da te i'ubumro ne, duré unhama u da te isãmra ne, tane te za tiromhâiba, rob'rãsutu ãma hã. 41Ti'ai ãma Dasiré Ipodo hã hâiwa hawi tãma iromhuri'wa norĩ hã te za we satõrĩ za'ra. Tawamhã ta norĩ hã te za sani za'ra, 'Re ihâimana u'âsi mono nhib'a'uwẽ norĩ nhiti, marĩ iwasété 'manharĩ'wa norĩ u'âbâ, isiré da te 're i'manharĩ wasété za'ra mono norĩ hã, duré uburé marĩ iwasété si da te i'manharĩ za'ra mono norĩ hã. 42Taha parimhã, hâiwa hawi romhuri'wa norĩ hã te za danhamra za'ra, unhama wa'rozé uptabi u. Tame te za 're da'ru'ru u'âsi. Te za duré 're da'wahi sitete u'âsi za'ra. 43Tawamhã 'Re ihâimana u'âsi mono nhimiroti 'madâ'â pese 'wa norĩ hã te za te te 're rob'uiwẽ za'ra, bâtâ ne, Imama za'ra da'ãma 're isib'a'uwẽ mono zéb ãma hã.
Asimiparizé aima hâimana za'ra wa'aba wamhã, ma'ãpé wapari za'ra wa'aba!
Danhibro iwẽ uptabi simi'uri na ihâimana
44— Hâiwa ãma 're Isãmra mono, da'ãma 're isib'a'uwẽ mono zé hã, aiwa danhibro iwa'âbâ za'ẽne hã, rom na ti'ai 'rowi simi'uri na ihâimana ne. Aibâ hã te te sãmri wamhã, ma tô apâ duré simi'u. Tawamhã tãma rowẽ za'ẽtẽ uptabi wa, ma tô uburé tinhimarĩ hã wede za'ra. Taha pari ma tô uipra iré, ti'a hã.
A'é tõmo wawẽ ne pérola na isisi
45— Hâiwa ãma 're Isãmra mono, da'ãma 're isib'a'uwẽ mono zé hã, aiwa duré marĩ uipra'wa, pérola iwẽ uptabi zô 're irĩtĩ mono ne. 46Tawamhã pérola iwa'âbâ za'ẽne hã te te 'manhopẽtẽ wamhã, te za mo, uburé tinhimarĩ hã te te wede za'ra da. Taha pari te za uipra, pérola hã.
Abazipara tepe mramizé
47— Duré, Hâiwa ãma 're Isãmra mono, da'ãma 're isib'a'uwẽ mono zé hã, aiwa abazipara tepe mramizém na, tepe zô â poré na, da te ime ne. Tawamhã te za ãma awaibu ni, tebe ipoto mono bâ. 48'Masisi wamhã, tepe mrami'wa norĩ hã te za siwi tisa, pazaihâ supara u. Tame te za tãma asimro, te te upsãtã za'ra da, tebe iwẽ hã si'õtõ 're. Tazahã, tebe iwasédé hã te za sãmra za'ra. 49Rob'rãsutu ãma hã, ãne te za duré tiromhâiba za. Hâiwa hawi romhuri'wa norĩ hã te za we ai'aba'ré, te te aimawi upsãtã za'ra da iwasété norĩ hã, 'Re ihâimana u'âsi mono nhimiroti 'madâ'â pese 'wa norĩ nhiti. 50Tawamhã iwasété norĩ hã te za sãmra za'ra, unhama wa'rozé uptabi u. Tame te za 're 'ru'ru u'âsi. Te za duré 're 'wahi sitete u'âsi za'ra.
Danhimarĩ itém norĩ duré i'ratare
51Tawamhã Zezusi hã ma tô sadanharĩ za'ra, isiré 're inomro mono norĩ hã, ãne:
— E ma tô isadaihu'u za'ra wa'wa, te ãma i'arowasu'uzém na hã.
Tawamhã isiré 're inomro mono norĩ hã ma siwi sada'â, ãne:
— Ĩhe. Wa tô sadaihu'u za'ra ni.
52Tawamhã Zezusi hã te tãma nharĩ za'ra, ãne:
— Tahawa, uburé 'Re ihâimana u'âsi mono nhimiroti zahi waihu'u pese 'wa norĩ hã, Hâiwa ãma 're Isãmra mono, da'ãma 're isib'a'uwẽ mono zé hã te te waihu'u wẽ pese wamhã, te za oto tihâiba, damama robza'razém hawi marĩ itém norĩ, za te te i'azani ne, duré marĩ i'rata norĩ hã.
Zezusi hã iprédubzé Nazaré ãma, da te dasiwi iwẽ'õzé
Marcus 6.1-6; Lucas 4.16-30
53Tawamhã Zezusi hã rowasu'u na romnhimiré'é na te te dama arowasu'u parimhã, ma tô oto mo, ta hawi. 54Tawamhã Nazaré u ma tô apâ mo, aré 're isãmra mono zéb u. Tame ma tô dama rowahutu na sãna'rata, Zudeu norĩ te rowahutuzéb ãma. Tawamhã ma tô ãma tatob'uzu za'ra ni. Ma tô duré nasi tasisadanharĩ za'ra ni, ãne:
— Pra. E ma hawimhã te tãma tihâiba rowaihu hã, duré iwaihu'u pe, marĩ dama i'manharĩ waihu'u'õ te te 're i'ab'manharĩ mono zéb da hã. 55E ã hã wede'é na romhuri'wai 'ra ã bâ. Duré e ina hã Maria na isisi ã bâ. E Tiaguhu norĩ sisãnawãi ã bâ, Zuzé, Simau duré Zudasihi zama. 56E duré uburé ihidiba norĩ hã ãme 're si'ubumroi mono ã bâ. E niha tane nherẽ, te te rowaihu'u pese di, duré waihu'u pese uptabi di.
57Tawamhã ãne u'âbâ, ma tô siwi wẽ'õ, Zezusi hã.
Tahawa, Zezusi hã ma tô tãma nharĩ za'ra, ãne:
— 'Re ihâimana u'âsi mono zadawa 'mahârâ'wa norĩ hã daro mono bâ, dama wazé pese di. Tane nherẽ, isipti'ai ãma si duré isõrõwa 'rep si dama wazéb õ di.
58Tahawa Zezusi hã, marĩ dama i'manharĩ waihu'u'õ hã ahâ na te te a'manharĩ õ di, tame, da te dasina i'umnhasi za'ra zé hã dama hâimana za'ra õ wa.
Currently Selected:
Mateus 13: xavBP
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc.
Mateus 13
13
Rob're'wa
Marcus 4.1-9; Lucas 8.4-8
1Tô taha bâtâ na Zezusi hã ma tô watobro, 'ri hawi. Ma tô mo, Galiléia isõ'u zaihâ u. Tame ma tô nhamra. 2Tawamhã da'ahâ uptabi na da te dasiwi uirĩ wa, ma tô uba're wa ãzé. Ma tô nhamra. Tame te isõ'u zaihâ na hâiwi aimasam ni, supara wa. 3Tawamhã Zezusi hã rowasu'u ahâ na te dama arowasu'u, romnhimiré'é na, ãne:
— Ma'ãpé, ĩwapari pese za'ra wa'aba. Rob're'wa hã ma tô mo, te te rob're da.
4Tawamhã romnhamare te te anhamra mono wamhã, nima norĩ ma tô rere'e, bâdâdi zababa. Tane nherẽ, si norĩ hã ma tô sô sina. Ma tô te te huri, uburé. 5Tawamhã nima norĩ hã ti'a surure na ẽtẽ wazari 're ihâimana za'ra mono na ma duré rere'e. Ta norĩ hã ma 'wanhipré su'u, ti'ai baihâire wa. 6Tane nherẽ, bâdâ oto 'rãiwatobro wamhã, ma tô ti'wanhipré 'ré za'ra, sari õ wa. 7Tawamhã nima norĩ hã ma duré rere'e, wab'ru wa'wa. Ta norĩ hã prédub za'ra wamhã, ma tô wapre za'ra, rob're hã. 8Tanei õ di, romnhamare ti'ai wẽ wa irere'e mono hã wẽ na ma tô ti'rã za'ra. Nima norĩ 100 na ma ti'rã za'ra misi iwede na hã, duré niwamhã 60 na, duré 30 na i'rã hã.
9Tawamhã Zezusi hã ma tô ãne ãma 'rãsutu:
— Asimiparizé aima hâimana za'ra wa'aba wamhã, ma'ãpé wapari za'ra wa'aba!
Zezusi hã rowasu'u na romnhimiré'é na si te te dama 're irowasu'u mono zé
Marcus 4.10-12; Lucas 8.9-10
10Tawamhã isiré 're inomro mono norĩ hã ma tô Zezusihi u ubumro. Ãne ma tô siwi sadanha:
— Rowahutu'wa. E marĩ wa, te rowasu'u na romnhimiré'é na si dama 're irowahutu mo.
11Tawamhã Zezusi hã ma ãma sada'âbâ za'ra, ãne:
— Hâiwa ãma 're Isãmra mono hã aima za'ra wa'aba si, ma tô hâi'ré, dama iwaihu'u'õ da'ãma 're isib'a'uwẽ mono zém na hã. Aimawi norĩ ma hã te te hâi'ré õ di. 12Taha na rowaihu hã ni'wai ma hâimana wamhã, te za ãma tãma sisiwi, sa'ẽtẽ na tãma hâimana da. Tanei õ di, ni'wai ma hâimana õ wamhã, suru na tãma hâimana nherẽ, te za tô tiwi waze. 13Ãne wa, wa rowasu'u na romnhimiré'é na si te dama 're rowahutu. E marĩ wa. Da te 'madâ'â za'ra nherẽ, da te 'madâ'â waihu'u za'ra õ di. Duré da te wapari za'ra nherẽ, da te wapari waihu'u za'ra õ di. Da te duré sadaihu'u za'ra õ di. 14Ãne zarina ma tô sina uwaimrami za'ra, 'Re ihâimana u'âsi mono zadawa 'mahârâ'wa Izaias te te irob'ui'érézé hã, ãne:
“Wapari za'ra wa'aba nherẽ, sadaihu'u za'ra wa'aba õ di za. Duré 'madâ'â za'ra wa'aba nherẽ, 'madâ'â waihu'u za'ra wa'aba õ di za.
15E marĩ wa. Ã hã a'uwẽ norĩ hã pẽ'ẽ tete za'ra wa.
Ma tô sipo're nhidâ za'ra. Ma duré sitob ubu za'ra.
Ãnei õ 'wa'âhã, te aré 'madâ'â za'ra, titõmo na. Te aré duré wapari za'ra, tipo're na. Tipẽ'ẽ na zama te aré duré sadaihu'u za'ra. Tawamhã te aré apâ ĩtẽme aipizari za'ra. Tawamhã wa aré duré pese za'ra.”
16— Tazahã, a norĩ wa'wa hã aima rowẽ uptabi za'ra wa'aba di, atõmo na 'madâ'â za'ra wa'aba wa, marĩ te 're i'ab'manharĩ mono zé hã, duré aipo're na wapari za'ra wa'aba wa, ĩnhimiroti hã. 17Tô sena wa za ãne hã aima waihu'u za'ra wa'wa. 'Re ihâimana u'âsi mono zadawa 'mahârâ'wa norĩ hã ahâ uptabi na duré isimiroti 'madâ'â pese 'wa norĩ hã ahâ uptabi na ma tô aré te te sima 're wẽ za'ra, te te 'madâ'â za'ra da, ã hã atõmo na i'madâ'â za'ra wa'aba zé hã. Tane nherẽ, te te 'madâ'â za'ra õ di. Ma tô aré duré te te sima 're wẽ za'ra, ã hã iwapari za'ra wa'wa hã tipo're na te te 're wapari za'ra mono da. Tane nherẽ, te te wapari za'ra õ di.
Zezusi hã sõ'awi te te oto ãma irowasu'uzé rob're'wai wasu'u na hã
Marcus 4.13-20; Lucas 8.11-15
18— Tahawa, ma'ãpé ĩwapari pese za'ra wa'aba. Sadaihu'u za'ra wa'aba da, rowasu'u na romnhimiré'é na rob're'wai wasu'u te te isimiré hã. 19Romnhamare, bâdâdi zababa irere'e mono hã te wasu'u, ni'wa hã za te te iwapari, 'Re ihâimana u'âsi mono, da'ãma 're isib'a'uwẽ mono zé wasu'u hã. Tane nherẽ, za te te isadaihu'u õ, te wasu'u. Tawamhã Iwasété Uptabi hã#13.19 Iwasété Uptabi hã Wa'uburé, te wasu'u. te za sô mo. Te za tiwi waze, ipẽ'ẽ 're, da te tãma i'a're hã. 20Romnhamare, ti'a ẽtẽ wazari ihâimana ãma irere'e mono hã, ta hã te wasu'u, ni'wa hã za te te iwapari, 'Re ihâimana u'âsi mono mreme hã. Tawamhã za te te sima iwẽ, rowẽ sina waptu na, awa'awi na. 21Tane nherẽ, sari õ wa, ãma ronomro õ di za. Tawamhã ropire hã duré niwamhã da te tãma irob'manharĩ wasété zé hã tãma hâimana wamhã, te za tirẽ, te te isazezé hã. 22Romnhamare, wab'ru wazari irere'e mono hã te wasu'u, ni'wa hã za te te iwapari, 'Re ihâimana u'âsi mono mreme. Tane nherẽ, te za te te 're tété, marĩ na ti'ai ãmam na si 're ihâtâ'â mono zé hã duré danhibro pe hã wẽ uptabi newa, tinhimarĩ zô te te sima 're irob'ruiwapari mono zé hã. Tawamhã ã hã, ni'wa hã 'rãi waihu'u õ di za. 23Tanei õ di, romnhamare ti'ai wẽ wa irere'e mono hã te wasu'u, ni'wa hã za te te iwapari, 'Re ihâimana u'âsi mono mreme, awa'awi za te te isadaihu. Tawamhã ã hã ni'wa hã te za tiprédu wẽ. 'Rãi pese na te za duré ti'rã. 30 na ti'rã na te za ãma sisiwi. Niwamhã 60 na, duré 100 na te za ãma sisiwi, ti'rã na hã.
Amnho trigu wasu'u, wab'ru iwazari ipoto mono zé
24Tawamhã Zezusi hã ma tô duré aimawi na oto rowasu'u, romnhimiré'é na:
— Hâiwa ãma 're Isãmra mono, da'ãma 're isib'a'uwẽ mono zé hã, aiwa aibâ romnhamare iwẽ hã te te i'a're ne tinhipti'ai ãma. 25Tane nherẽ, uburé oto sõtõ za'ra wamhã, isitob'ru hã ma tô mo, iburu u. Ma tô tiwi a're wab'ru hã, amnho trigu wazari. Te te tiwi a're pari, ma tô apâ mo. 26Tawamhã amnho trigu hã oto prédub za'ra wamhã, ma tô teihi wairébé. Tane nherẽ, wab'ru zama ma tô tiprédub za'ra iwazari. 27Tawamhã ti'a tede'wai ma romhuri'wa norĩ hã ma tô tinhib'apito u aihutu. Ãne ma tô tãma rowasu'u za'ra: “Apito, e niha romnhamare iwẽ si a're nherẽ hã, asipti'ai 'remhã. Tane nherẽ, e ma hawi, ma wab'ru hã tipoto za'ra.”
28— “Ni'wa ĩnhitob'ru ma tô 'manha, ãne hã.” Ãne ma tô ãma sada'âbâ za'ra.
Tawamhã ma tô duré siwi sadanha: “E te asima iwẽ, wa te sano za'ra da, wab'ru hã”
29— “Mare di. E marĩ wa. Wab'ru hã sano za'ra wa'aba da wamhã, isu sano za'ra wa'aba õ'umnhasite, amnho trigu hã. 30A'â siré prédub za'ra. I'rãihârizé hã bâdâ wisi wamhã, wa za ti'ru, za te te i'rãihâri za'ra norĩ ma, ãne: ‘Imorĩ'rata na wab'ru hã ubumroi wa'aba. Wasisi za'ra wa'aba mono, ãma iro'o da. Taha parip si amnho trigu hã ubumroi wa'aba, séme wa'aba da, ĩte dasai ubumrozéb 're.’ ”
Romnhamare mostarda na isisi wasu'u
Marcus 4.30-32; Lucas 13.18-19
31Tawamhã Zezusi hã ma tô duré aimawi na rowasu'u, romnhimiré'é na. Ãne te dama rowasu'u:
— Hâiwa ãma 're Isãmra mono, da'ãma 're isib'a'uwẽ mono zé hã, aiwa romnhamare mostarda, aibâ te te i'a're ne, tinhipti'ai ãma. 32Ta hã dama hã surure di uburé romnhamare 're ihâimana za'ra mono norĩ ma hã. Tane nherẽ, oto prédu wamhã, danhipai u wede za'ẽtẽ di, uburé rob're 're ihâimana za'ra mono nhipai u. Wede ne te za tihâiba. Tahawa, te za si norĩ hã itẽme 're sihutu, ipanhipti na te te sima 're sasi za'ra mono da.
I'u'ẽtẽ wapu mapuzé
Lucas 13.20-21
33Tawamhã Zezusi hã ma tô duré ãhã rowasu'u na dama romnhimiré'é, ãne:
— Hâiwa ãma 're Isãmra mono, da'ãma 're isib'a'uwẽ mono zé hã, aiwa pi'õ hã i'u'ẽtẽ wapu mapuzém na amnho trigu za te te iwazari ne sa'ẽtẽ na, uburé te te iwazari pese zéb u.
34Tawamhã Zezusi hã rowasu'u na romnhimiré'é na si ma tô te te dama 're rowasu'u. Taha ãna hã te te dama 're rowasu'u mono õ di. 35Ãne hã ma tô te te 're 'manharĩ, te te sina uwaimrami da, 'Re ihâimana u'âsi mono zadawa 'mahârâ'wa te te ãma irob'ui'érézé hã, ãne:
“Rowasu'u na romnhimiré'é na si wa za te 're rowasu'u, dama hã.
Wa za duré te dama 're awaihu'u, ropoto na'rata hawim haré marĩ waihu'u ãna 're ihâimana za'ra mono hã.”
Zezusi hã sõ'awi te te ãma irowasu'uzé, wab'ru na romnhimiré'ézém na hã
36Tawamhã Zezusi hã dahawi ma tô mo. 'Re iwa'utu pese mono zéb u, 'ri u. Tawamhã isiré 're inomro mono norĩ hã ma tô 'râwi itẽme ubumro. Ãne ma tô siwi sadanha:
— Rowahutu'wa. Ma'ãpé wama waihu'u za'ra na, marĩ te te iwasu'u hã wab'ru wasu'u na romnhimiré hã.
37Tawamhã Zezusi hã ma ãma sada'âbâ za'ra, ãne:
— Romnhamare iwẽ te te i'a're hã, ta hã Ti'ai ãma Dasiré Ipodo te wasu'u. 38Aibâ te ti'a hã, ti'ai ãma 're idahâimana za'ra mono te wasu'u. Romnhamare norĩ iwẽ hã, 'Re ihâimana u'âsi mono, ãma 're isib'a'uwẽ za'ra mono norĩ, te wasu'u. Duré wab'ru hã, Wa'uburé nhib'a'uwẽ na 're ihâimana za'ra mono norĩ, te wasu'u. 39Aibâ nhitob'ru, wab'ru te te i'a're hã, ta hã Iwasété Uptabi hã#13.39 Iwasété Uptabi hã Wa'uburé, te wasu'u., te wasu'u. Amnho tehârizé za ihâimana hã, ta hã rob'rãsudu, te wasu'u. Duré roptehâri'wa norĩ hã, hâiwa hawi romhuri'wa norĩ, te wasu'u. 40Wab'ru hã da te i'ubumro ne, duré unhama u da te isãmra ne, tane te za tiromhâiba, rob'rãsutu ãma hã. 41Ti'ai ãma Dasiré Ipodo hã hâiwa hawi tãma iromhuri'wa norĩ hã te za we satõrĩ za'ra. Tawamhã ta norĩ hã te za sani za'ra, 'Re ihâimana u'âsi mono nhib'a'uwẽ norĩ nhiti, marĩ iwasété 'manharĩ'wa norĩ u'âbâ, isiré da te 're i'manharĩ wasété za'ra mono norĩ hã, duré uburé marĩ iwasété si da te i'manharĩ za'ra mono norĩ hã. 42Taha parimhã, hâiwa hawi romhuri'wa norĩ hã te za danhamra za'ra, unhama wa'rozé uptabi u. Tame te za 're da'ru'ru u'âsi. Te za duré 're da'wahi sitete u'âsi za'ra. 43Tawamhã 'Re ihâimana u'âsi mono nhimiroti 'madâ'â pese 'wa norĩ hã te za te te 're rob'uiwẽ za'ra, bâtâ ne, Imama za'ra da'ãma 're isib'a'uwẽ mono zéb ãma hã.
Asimiparizé aima hâimana za'ra wa'aba wamhã, ma'ãpé wapari za'ra wa'aba!
Danhibro iwẽ uptabi simi'uri na ihâimana
44— Hâiwa ãma 're Isãmra mono, da'ãma 're isib'a'uwẽ mono zé hã, aiwa danhibro iwa'âbâ za'ẽne hã, rom na ti'ai 'rowi simi'uri na ihâimana ne. Aibâ hã te te sãmri wamhã, ma tô apâ duré simi'u. Tawamhã tãma rowẽ za'ẽtẽ uptabi wa, ma tô uburé tinhimarĩ hã wede za'ra. Taha pari ma tô uipra iré, ti'a hã.
A'é tõmo wawẽ ne pérola na isisi
45— Hâiwa ãma 're Isãmra mono, da'ãma 're isib'a'uwẽ mono zé hã, aiwa duré marĩ uipra'wa, pérola iwẽ uptabi zô 're irĩtĩ mono ne. 46Tawamhã pérola iwa'âbâ za'ẽne hã te te 'manhopẽtẽ wamhã, te za mo, uburé tinhimarĩ hã te te wede za'ra da. Taha pari te za uipra, pérola hã.
Abazipara tepe mramizé
47— Duré, Hâiwa ãma 're Isãmra mono, da'ãma 're isib'a'uwẽ mono zé hã, aiwa abazipara tepe mramizém na, tepe zô â poré na, da te ime ne. Tawamhã te za ãma awaibu ni, tebe ipoto mono bâ. 48'Masisi wamhã, tepe mrami'wa norĩ hã te za siwi tisa, pazaihâ supara u. Tame te za tãma asimro, te te upsãtã za'ra da, tebe iwẽ hã si'õtõ 're. Tazahã, tebe iwasédé hã te za sãmra za'ra. 49Rob'rãsutu ãma hã, ãne te za duré tiromhâiba za. Hâiwa hawi romhuri'wa norĩ hã te za we ai'aba'ré, te te aimawi upsãtã za'ra da iwasété norĩ hã, 'Re ihâimana u'âsi mono nhimiroti 'madâ'â pese 'wa norĩ nhiti. 50Tawamhã iwasété norĩ hã te za sãmra za'ra, unhama wa'rozé uptabi u. Tame te za 're 'ru'ru u'âsi. Te za duré 're 'wahi sitete u'âsi za'ra.
Danhimarĩ itém norĩ duré i'ratare
51Tawamhã Zezusi hã ma tô sadanharĩ za'ra, isiré 're inomro mono norĩ hã, ãne:
— E ma tô isadaihu'u za'ra wa'wa, te ãma i'arowasu'uzém na hã.
Tawamhã isiré 're inomro mono norĩ hã ma siwi sada'â, ãne:
— Ĩhe. Wa tô sadaihu'u za'ra ni.
52Tawamhã Zezusi hã te tãma nharĩ za'ra, ãne:
— Tahawa, uburé 'Re ihâimana u'âsi mono nhimiroti zahi waihu'u pese 'wa norĩ hã, Hâiwa ãma 're Isãmra mono, da'ãma 're isib'a'uwẽ mono zé hã te te waihu'u wẽ pese wamhã, te za oto tihâiba, damama robza'razém hawi marĩ itém norĩ, za te te i'azani ne, duré marĩ i'rata norĩ hã.
Zezusi hã iprédubzé Nazaré ãma, da te dasiwi iwẽ'õzé
Marcus 6.1-6; Lucas 4.16-30
53Tawamhã Zezusi hã rowasu'u na romnhimiré'é na te te dama arowasu'u parimhã, ma tô oto mo, ta hawi. 54Tawamhã Nazaré u ma tô apâ mo, aré 're isãmra mono zéb u. Tame ma tô dama rowahutu na sãna'rata, Zudeu norĩ te rowahutuzéb ãma. Tawamhã ma tô ãma tatob'uzu za'ra ni. Ma tô duré nasi tasisadanharĩ za'ra ni, ãne:
— Pra. E ma hawimhã te tãma tihâiba rowaihu hã, duré iwaihu'u pe, marĩ dama i'manharĩ waihu'u'õ te te 're i'ab'manharĩ mono zéb da hã. 55E ã hã wede'é na romhuri'wai 'ra ã bâ. Duré e ina hã Maria na isisi ã bâ. E Tiaguhu norĩ sisãnawãi ã bâ, Zuzé, Simau duré Zudasihi zama. 56E duré uburé ihidiba norĩ hã ãme 're si'ubumroi mono ã bâ. E niha tane nherẽ, te te rowaihu'u pese di, duré waihu'u pese uptabi di.
57Tawamhã ãne u'âbâ, ma tô siwi wẽ'õ, Zezusi hã.
Tahawa, Zezusi hã ma tô tãma nharĩ za'ra, ãne:
— 'Re ihâimana u'âsi mono zadawa 'mahârâ'wa norĩ hã daro mono bâ, dama wazé pese di. Tane nherẽ, isipti'ai ãma si duré isõrõwa 'rep si dama wazéb õ di.
58Tahawa Zezusi hã, marĩ dama i'manharĩ waihu'u'õ hã ahâ na te te a'manharĩ õ di, tame, da te dasina i'umnhasi za'ra zé hã dama hâimana za'ra õ wa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc.