Zuize 10
10
Tola norĩ wasu'u, Zaihi me
1Tawamhã Abimelequi dâ'â parimhã, Puaha 'ra Tola, Dodoho nhihudu hã ma tô Izaraéu nhihudu norĩ te te anho'reptu da hã watobro. Ta hã Isacaha nhihudu norĩ siré a'uwẽ, 'rinho'u Sami na isisi ãma 're ihâimana mono, Efraĩ ti'a niwĩ ẽtẽ za'ra ahâ ãma. 2Tawamhã Tola Izaraéu nhihudu norĩ ma i'rãnho'õmo na ma tô 're sa, 23 na ãma iwahum na. Taha pari oto dâ'â wamhã, ma tô Sami ãma dasiwi ãma ti'a ni.
3Taha pari, Zai na isisi hã ma tô duré watobro, Giliadi na rowamri hawimhã. Ta hã ma tô Izaraéu nhihudu norĩ, i'rãnho'õmo na hã te te 're a'madâ'â, 22 na ãma iwahum na. 4Taha 'ra hã 30 na awaru po'repore na 're isisa'rei mono. Duré i'ra norĩ te 'rinho'u hã 30 na Giliadi na rowamri niwĩmhã. Ta hã 'ri nho'õmo norĩ nhisi, te zahadu ãhã na zama “Zaihi te” na da te 're sisi za'ra. 5Tawamhã Zai oto dâ'â wamhã, ma tô ãma ti'a ni, Camo na 'ri wa'õtõ nhisi wa.
Amonita norĩ, Izaraéu nhihudu norĩ te te 're iwada'uri pese za'ra mono zé wasu'u
6Tawamhã Izaraéu nhihudu norĩ, ma tô apâ Uburé Danhib'apito wi tiwasédé te te 're 'manharĩ za'ra. Ma tô ihâiba'õ Baauhu ãma, 'ri nho'õmo mono bâ 're wata za'ra, ihâiba'õ Asitaroti ãma, Siria norĩ te ihâiba'õ ãma, Sidõ norĩ te ãma, moabita norĩ te ãma, Amo norĩ te ãma, duré filisteu norĩ te ãmamhã. Tahawa ta norĩ, Uburé Danhib'apito te te siwi rẽme pese wa, ãma 're wata za'ra mono õ di oto. 7Tahawa Uburé Danhib'apito, Izaraéu nhihudu norĩ zada sahi za'ra wa, ma tô filisteu norĩ nhib'rata, duré amonita norĩ nhib'rata te te 're robzépata za'ra mono da tãma hâiba za'ré za'ra. 8Tahawa, tô taha wahum na Izaraéu nhihudu norĩ ãma te te ãma ai'uté za'ra wamhã, ma tô tinhimiwada'uri na te te 're wati pese za'ra. Tawamhã ma tô 18 wahum na uburé Izaraéu nhihudu norĩ Giliadi ãma 're ihâimana za'ra mono, Zodã pa bâtâ pusizém niwĩ ãne zarina te te 're robzépata za'ra, amoreu norĩ nhipti'ai ãmamhã. 9Tawamhã amonita norĩ zama ma tô panho'u Zodã pa â na hã saprĩ za'ra, Zudaha nhihudu norĩ, Bẽzamihĩ nhihudu norĩ, duré Efraĩ nhihudu norĩ, te te 'wapé za'ra da hã. Ãne ma tô Izaraéu nhihudu norĩ te te 're irobzépata za'ẽtẽ za'ra mono zém na hã 're hâimana za'ra.
10Tahawa Izaraéu nhihudu norĩ, mreme 'rãihâ sina Uburé Danhib'apito wi te te rowaptẽrẽ za'ra wamhã, ma tô ãne tãma siwẽ'õ za'ra:
— Uburé Danhib'apito, wa norĩ hã wa tô wawasédé hã wa te aiwi 're 'manharĩ za'ra. Duré wate 'Re ihâimana u'âsi mono, wa te wasiwi airẽme wa, wa tô ihâiba'õ norĩ Baau na iwamri ãmap si 're wawata za'ra.
11Tawamhã Uburé Danhib'apito, ma te ãne ãma sada'âbâ za'ra:
— Nimahã na hã ezipsiu norĩ, amoreu norĩ, amonita norĩ, duré filisteu norĩ, 12Sidõniu norĩ, amalequita norĩ, duré Maoni norĩ, tinhimiwada'uri pese na te te 're aiwati za'ra wa'aba mono wamhã, ma tô ĩwi irowaptẽrẽ zahi za'ra wa'wa, te aipawaptob za'ra wa'aba da hã. E tawamhã wa hã te asõ'reptu za'ra wa'aba õ di bété. Wa tô, tô asõ'reptu za'ra wa'wa. 13Tane nherẽ, ma tô a norĩ wa'wa duré asiwi ĩrẽme 'wa, aimawi ihâiba'õ norĩ ãmap si 're aiwata za'ra wa'aba mono da hã. Tahawa, wa hã te i'aipawaptob za'ra wa'aba na te isahu da hã mare di za. 14Tahawa ma'ãpé ihâiba'õ norĩ asima ipisutu za'ra wa'aba wi si, tiwi rowaptẽrẽ za'ra wa'aba, ropire 're, aihâimana za'ra wa'aba ré, pé ta norĩ si te te aipawaptob za'ra wa'aba da.
15Tawamhã Izaraéu nhihudu norĩ, ma duré ãne ãma tãma wa'rãmi za'ra:
— Tô sena, wa norĩ hã wa tô wawasété za'ra ni tô. Tahawa ma'ãpé asima iwẽzéb zarina, niha na wama rob'manharĩ za'ra na. Tane nherẽ, ma'ãpé wazawi na hã ãhã na wanho'reptu za'ra na.
16Tahawa Izaraéu nhihudu norĩ, tisiré a'uwẽ'õ norĩ te ihâiba'õ norĩ hã ma tô oto siwi sãmra, Uburé Danhib'apito ãma si oto 're wata za'ra mono da. Tahawa ma tô oto duré itõmo na ãma aiwamri pese za'ra, ropire tãma 're ihâimana za'ra mono zém na.
17Tawamhã amonita norĩ te, dasi'wapéi 'manharĩ'wa zô dahãsi wamhã, Giliadi ãma te te sima 'ri nhoré za'ra wa, ma tô duré Izaraéu nhihudu norĩ hã si'ubumro, Mispa ãma te te sima i'ri nhoré mono zéb ãma hã. 18Tawamhã Giliadi ãma i'rãnho'õmo norĩ, ma tô ãne sima nharĩ za'ra: “Ni'wa, amonita norĩ 'wapé na te te sãna'rata wamhã, te za Giliadi ãma 're idahâimana za'ra mono norĩ ma hã si'apito za”.
Currently Selected:
Zuize 10: xavBP
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc.
Zuize 10
10
Tola norĩ wasu'u, Zaihi me
1Tawamhã Abimelequi dâ'â parimhã, Puaha 'ra Tola, Dodoho nhihudu hã ma tô Izaraéu nhihudu norĩ te te anho'reptu da hã watobro. Ta hã Isacaha nhihudu norĩ siré a'uwẽ, 'rinho'u Sami na isisi ãma 're ihâimana mono, Efraĩ ti'a niwĩ ẽtẽ za'ra ahâ ãma. 2Tawamhã Tola Izaraéu nhihudu norĩ ma i'rãnho'õmo na ma tô 're sa, 23 na ãma iwahum na. Taha pari oto dâ'â wamhã, ma tô Sami ãma dasiwi ãma ti'a ni.
3Taha pari, Zai na isisi hã ma tô duré watobro, Giliadi na rowamri hawimhã. Ta hã ma tô Izaraéu nhihudu norĩ, i'rãnho'õmo na hã te te 're a'madâ'â, 22 na ãma iwahum na. 4Taha 'ra hã 30 na awaru po'repore na 're isisa'rei mono. Duré i'ra norĩ te 'rinho'u hã 30 na Giliadi na rowamri niwĩmhã. Ta hã 'ri nho'õmo norĩ nhisi, te zahadu ãhã na zama “Zaihi te” na da te 're sisi za'ra. 5Tawamhã Zai oto dâ'â wamhã, ma tô ãma ti'a ni, Camo na 'ri wa'õtõ nhisi wa.
Amonita norĩ, Izaraéu nhihudu norĩ te te 're iwada'uri pese za'ra mono zé wasu'u
6Tawamhã Izaraéu nhihudu norĩ, ma tô apâ Uburé Danhib'apito wi tiwasédé te te 're 'manharĩ za'ra. Ma tô ihâiba'õ Baauhu ãma, 'ri nho'õmo mono bâ 're wata za'ra, ihâiba'õ Asitaroti ãma, Siria norĩ te ihâiba'õ ãma, Sidõ norĩ te ãma, moabita norĩ te ãma, Amo norĩ te ãma, duré filisteu norĩ te ãmamhã. Tahawa ta norĩ, Uburé Danhib'apito te te siwi rẽme pese wa, ãma 're wata za'ra mono õ di oto. 7Tahawa Uburé Danhib'apito, Izaraéu nhihudu norĩ zada sahi za'ra wa, ma tô filisteu norĩ nhib'rata, duré amonita norĩ nhib'rata te te 're robzépata za'ra mono da tãma hâiba za'ré za'ra. 8Tahawa, tô taha wahum na Izaraéu nhihudu norĩ ãma te te ãma ai'uté za'ra wamhã, ma tô tinhimiwada'uri na te te 're wati pese za'ra. Tawamhã ma tô 18 wahum na uburé Izaraéu nhihudu norĩ Giliadi ãma 're ihâimana za'ra mono, Zodã pa bâtâ pusizém niwĩ ãne zarina te te 're robzépata za'ra, amoreu norĩ nhipti'ai ãmamhã. 9Tawamhã amonita norĩ zama ma tô panho'u Zodã pa â na hã saprĩ za'ra, Zudaha nhihudu norĩ, Bẽzamihĩ nhihudu norĩ, duré Efraĩ nhihudu norĩ, te te 'wapé za'ra da hã. Ãne ma tô Izaraéu nhihudu norĩ te te 're irobzépata za'ẽtẽ za'ra mono zém na hã 're hâimana za'ra.
10Tahawa Izaraéu nhihudu norĩ, mreme 'rãihâ sina Uburé Danhib'apito wi te te rowaptẽrẽ za'ra wamhã, ma tô ãne tãma siwẽ'õ za'ra:
— Uburé Danhib'apito, wa norĩ hã wa tô wawasédé hã wa te aiwi 're 'manharĩ za'ra. Duré wate 'Re ihâimana u'âsi mono, wa te wasiwi airẽme wa, wa tô ihâiba'õ norĩ Baau na iwamri ãmap si 're wawata za'ra.
11Tawamhã Uburé Danhib'apito, ma te ãne ãma sada'âbâ za'ra:
— Nimahã na hã ezipsiu norĩ, amoreu norĩ, amonita norĩ, duré filisteu norĩ, 12Sidõniu norĩ, amalequita norĩ, duré Maoni norĩ, tinhimiwada'uri pese na te te 're aiwati za'ra wa'aba mono wamhã, ma tô ĩwi irowaptẽrẽ zahi za'ra wa'wa, te aipawaptob za'ra wa'aba da hã. E tawamhã wa hã te asõ'reptu za'ra wa'aba õ di bété. Wa tô, tô asõ'reptu za'ra wa'wa. 13Tane nherẽ, ma tô a norĩ wa'wa duré asiwi ĩrẽme 'wa, aimawi ihâiba'õ norĩ ãmap si 're aiwata za'ra wa'aba mono da hã. Tahawa, wa hã te i'aipawaptob za'ra wa'aba na te isahu da hã mare di za. 14Tahawa ma'ãpé ihâiba'õ norĩ asima ipisutu za'ra wa'aba wi si, tiwi rowaptẽrẽ za'ra wa'aba, ropire 're, aihâimana za'ra wa'aba ré, pé ta norĩ si te te aipawaptob za'ra wa'aba da.
15Tawamhã Izaraéu nhihudu norĩ, ma duré ãne ãma tãma wa'rãmi za'ra:
— Tô sena, wa norĩ hã wa tô wawasété za'ra ni tô. Tahawa ma'ãpé asima iwẽzéb zarina, niha na wama rob'manharĩ za'ra na. Tane nherẽ, ma'ãpé wazawi na hã ãhã na wanho'reptu za'ra na.
16Tahawa Izaraéu nhihudu norĩ, tisiré a'uwẽ'õ norĩ te ihâiba'õ norĩ hã ma tô oto siwi sãmra, Uburé Danhib'apito ãma si oto 're wata za'ra mono da. Tahawa ma tô oto duré itõmo na ãma aiwamri pese za'ra, ropire tãma 're ihâimana za'ra mono zém na.
17Tawamhã amonita norĩ te, dasi'wapéi 'manharĩ'wa zô dahãsi wamhã, Giliadi ãma te te sima 'ri nhoré za'ra wa, ma tô duré Izaraéu nhihudu norĩ hã si'ubumro, Mispa ãma te te sima i'ri nhoré mono zéb ãma hã. 18Tawamhã Giliadi ãma i'rãnho'õmo norĩ, ma tô ãne sima nharĩ za'ra: “Ni'wa, amonita norĩ 'wapé na te te sãna'rata wamhã, te za Giliadi ãma 're idahâimana za'ra mono norĩ ma hã si'apito za”.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc.