Atus 28
28
Mauta ãma Paulu norĩ isi'ubumrozé
1Rob u wawairébé wẽ wamhã, wa tô rowaihu'u za'ra ni, rob'ré za'idi Mauta na isisi na hã. 2Tame 're isi'ubumroi mono norĩ hã ma tô wawaibui wẽ. Tã ta'a wamhã, duré hâ wa, ma tô uzâ hã siwi pré. 3Tawamhã Paulu hã ma tô mi awaibu. Unhama nhisiwi te te sa'ra ré, wahi hã unhama wa'ro wi iwara hã ma tô isib'rata wi tisa. Ma tô ãma 're sipra. 4Rob'ré za'iti ãma 're isi'ubumroi mono norĩ hã wahi isib'rata na 're isipra mono na te te siwi 'madâ'â wamhã, ma tô sima nharĩ za'ra, ãne:
— Õhõ aibâ hã ãté tô dapãrĩ'wa. Â pore wi sisõ'reptu nherẽ, 're morĩ da hã sisõ'reptui õ di za. I'uwaibaba te za tô oto dârâ.
5Tane nherẽ, Paulu ma tô wahi ré tinhib'rada hã waiwẽ, unhama u waptã'ã da. Waptã'ã parimhã, ãma sépu'u õ di. 6Ma tô ãma rosa'rata za'ra, tiwi dupto da newa, duré waptu na dâ'â siromo za waptã'ã da newa. Tane nherẽ, te te sapari hâ za'ra nherẽ, marĩ hã ãma hâimana õ wa, ma tô rosa'rata na ãma saprĩ za'ra. Ma tô oto nharĩ za'ra, Paulu hã ihâiba'õ iwaihu'upese na hã.
7Taha 'ratamhã, te ti'a hã 're hâimana, Pubriu te hã. Ta hã aibâ dama ipire, rob'ré za'iti ãma hã. Ta hã ma tô wawaibui wẽ. Tawamhã si'ubdatõ bâtâ na isõrõwa 're, wa tô ai'ubumro ni. 8Imama hã hâzé ré te nomro, waptâ. Wa'ro za'ẽtẽ na duré isãnapru hã te ãma tihâiba. Tawamhã Paulu hã ma tô itẽme ãzé. Ma tô ãma rowaptẽ. Taha pari tinhib'rada hã ma tô ãma tihi. Tahawa ma tô tipese. 9Ãne hã romhâimana parimhã, rob'ré za'iti 're, uburé ihâzé ré norĩ hã ma tô Pauluhu u aihutu. Ta norĩ zama ma tô duré tipese za'ra. 10Ta norĩ hã ma tô wawazé wẽ za'ra. Oto wasi'aba'réi wamhã, uburé marĩ hã ma tô uba're wa wama séme za'ra, wasisa'rei mono ré ãma iwahâimana za'ra da hã.
Mauta hawi Roma u iwasihutuzé
11Rob'ré za'iti ãma si'ubdatõ a'amo na wahâimana za'ra parimhã, uba're na wa tô oto wasisa're 'ri nho'u Alesãdria hawim na, rowa'u'u wahâ si'utõrĩ da, a'â rob'ré za'iti ãma inomro na. Uba're wata ãma hã ihâiba'õ norĩ isi'ubza norĩ poto 'manharĩ, Castor duré Polosihi me. 12Tawamhã wa tô aihutu ni Siracuza na 'ri nho'õmo nhisi u. Tame si'ubdatõ bâtâ na wa tô wahâimana za'ra ni. 13Ta hawimhã wa tô wawairébé ni. Réziu na 'ri nho'õmo nhisi u wa tô aihutu ni. Awẽm na hã rowa'u hã te rowapõ, hâiwa nhimi'ei hawi. Tawamhã wawara na wa tô ãma uzusi za'ra ni. Wa tô aihutu ni, Potéoli u hã bâdâ maparane wa'ãma neb za'ra parip si. 14Tamemhã nima norĩ wasisãnawã norĩ hã wa tô sõpẽtẽ za'ra ni. Ta norĩ hã ma tô wawaptẽrẽ za'ra, misi romhuri na i'rata wasi'ubumro da. Taha pari, wa tô aihutu ni, Roma u hã. 15Roma 're wasisãnawã norĩ hã, wawasu'u hã ma tô wapari za'ra, iwasihutu na hã. Tahawa ma tô we ai'aba'ré dasina i'ubumrozé Apiu u duré Si'ubdatõ Rowedezéb u. Paulu hã wasisãnawã norĩ te te 'madâ'â za'ra wamhã, 'Re ihâimana u'âsi mono ãma te tiwata. Ma tô tãma tirowẽ.
Paulu hã Roma ãma ihâimanazé
16Roma u wasihutu wamhã, Pauluhu ma rowairébé hã ma tô tihâiba, hâiba pisutu hâimana da, misi dasi'wapéi 'manharĩ'wa hã te te duré nasi 'madâ'â da.
17Si'ubdatõ bâdâ ne parimhã, Paulu hã ma tô sô tihârâ za'ra, Roma ãma Zudeu norĩ ma ipire norĩ zô. Itẽme si'rã'õtõ wamhã, ma tô tãma nharĩ za'ra, ãne:
— Ĩsisãnawã norĩ, marĩ hã te 'manharĩ õ di, wanhib'a'uwẽ norĩ ma hã, duré wahi'rata norĩ hâimanazéb da hã. Tane nherẽ, Zeruzalẽ ãma hã dazazéb 're ma tô ĩnherẽ ni. Ma tô duré ĩhâiba nhomri ni, romanu norĩ ma hã. 18Ta norĩ hã ma tô siwi ĩzadanharĩ pese. Tane nherẽ, marĩ te i'upazé hã te te ĩ'ãma sãmri za'ra õ di, taha zarina da te dasiwi ĩwĩrĩzéb da hã. Tahawa, dazazém hawi te te siwi ĩwazere da, ma tô aré sima wẽ za'ra. 19Tane nherẽ, Zudeu norĩ hã te te sima wẽ za'ra õ di, dazazém hawi ĩwatobro da hã. Tahawa, nihai õ wa, wa tô waptẽ, we ĩmorĩ da, apito Cézaha si te te ĩ'ãma rowairébé da, marĩ hã wanhib'a'uwẽ norĩ zada ĩma hâimana õ nherẽ. 20Ãne wa, wa ãma asô ĩhârâ za'ra wa'wa, te ai'madâ'â za'ra wa'aba da, duré wa te wasima robzanhamri za'ra da zama. Ãhã na hã isi'uwazi nhorõ rutu na ĩwasisi ré wa za, Izaraéu nhihudu norĩ, sô 're isimipari za'ra mono u'âbâ.
21Tawamhã te asa tãma nharĩ za'ra, Pauluhu ma, ãne:
— Aiwasu'u na rob'ui'éré hã wei wama wisi za'ra õ di, Zudéa hawimhã. Duré wasisãnawã norĩ ta hawi we isihutu mono hã, niha hã te te siwi aiwasu'u wasété õ di. 22Tane nherẽ, wa wasima wẽ za'ra ni, wa te aiwapari za'ra da, niha hã asimirosa'rada hã. Wa waihu'u za'ra ni. Daro mono bâ te da te 're wasu'u wasété za'ra, dasima idasipo'ozép té, isiniwĩ 're i'aihâimana mono hã.
23Tawamhã nimahã bâdâ hã te te sima pisutu za'ra parimhã, ahâ na ma tô itẽme ai'rã'õtõ, Pauluhu za'warizéb u. Tahawa, mararé Paulu hã ma tô ãma sãna'rata hâiwahâ u, 'Re ihâimana u'âsi mono, da'ãma 're isib'a'uwẽ mono zém na te te tãma irowasu'u za'ra na hã. 'Re ihâimana u'âsi mono nhimiroti zahi na Mozési te te irob'ui'érézéb zarina, duré isadawa 'mahârâ'wa norĩ nhimi'ui'éré zarina, ma tô ãma tãma rowasu'u pese za'ra, te te saze za'ra da, Zezusihi wasu'u hã. 24Nima norĩ hã ma tô timreme na pizari za'ra. Tane nherẽ, nima norĩ hã te te saze za'ra õ di. 25Tawamhã uburé ma tô oto ai'aba'ré. Si'remhã te te ãma saze za'ra õ di. Tane nherẽ, si'aba'réi wana ré, Paulu hã ma tô ãne tãma nharĩ za'ra:
— 'Re ihâimana u'âsi mono Pẽ'ẽzani ma, waihu'u siromo wa, ma tô tizadawa 'mahârâ'wa Izaiasihi ma waihu'u siro, aihi'rata norĩ ma, te te sadawa wasu'u za'ra da hã. 26Ãne ma tô Izaiasihi ma waihu'u:
“Aimorĩ, ã hã a'uwẽ norĩ ma, ĩzadawa 'mahârâ da, ãne:
Ĩnhimiroti hã tô aipo're na 're wapari za'ra wa'aba mono nherẽ, niwa isadaihu'u za'ra wa'aba da hã mare di.
Duré atõmo na tô 're rob'madâ'â za'ra wa'aba mono nherẽ, marĩ hã i'madâ'â waihu'u za'ra wa'aba da hã mare di.
27E marĩ wa. Ã hã a'uwẽ norĩ hã pẽ'ẽ tete za'ra wa. Ma sipo're nhidâ za'ra. Duré 'râwi ma sitõmo zuwa za'ra.
Ãnei õ 'wa'âhã, titõmo na te aré rob'madâ'â za'ra. Tipo're na te duré aré wapari za'ra. Tinhimirosa'rata na te aré sadaihu'u za'ra.
Tawamhã apâ te aré ĩtẽme aipizari za'ra. Tawamhã wa hã wa aré duré pese za'ra.”
28Tawamhã Paulu hã ma ãma tãma 'rãsutu za'ra, ãne:
— Tahawa, ma'ãpé waihu'u za'ra wa'aba. 'Re ihâimana u'âsi mono hã te oto satõ danho'reptuzé wasu'u hã, zudeu'õ norĩ u. Tawamhã ta norĩ hã te za wapari za'ra.
29[Paulu hã ãne na te te tãma nharĩ za'ra parimhã, Zudeu norĩ hã ma tô oto ai'aba'ré, 'râwi ãma sisada'âbâ za'ra sina sa'ẽtẽ.]
30Tawamhã maparane wahum na Paulu ma tô nhamra, 'ri iwa'âbâ zô da te 're i'ru za'ra mono 're. Ma tô duré te te 're aiwaibui wẽ, te te 're sabu za'ra mono da, uburé itẽme 're isihutu mono hã. 31Tawamhã 'Re ihâimana u'âsi mono da'ãma 're isib'a'uwẽ mono zém na ma tô te te dama 're rowahutu. Duré Wanhib'apito Zezu Cristuhu wasu'u wẽ na, pahi ãna ma tô te te 're rowasu'u, duré marĩ hã te te sõwada ãna.
Currently Selected:
Atus 28: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.
Atus 28
28
Mauta ãma Paulu norĩ isi'ubumrozé
1Rob u wawairébé wẽ wamhã, wa tô rowaihu'u za'ra ni, rob'ré za'idi Mauta na isisi na hã. 2Tame 're isi'ubumroi mono norĩ hã ma tô wawaibui wẽ. Tã ta'a wamhã, duré hâ wa, ma tô uzâ hã siwi pré. 3Tawamhã Paulu hã ma tô mi awaibu. Unhama nhisiwi te te sa'ra ré, wahi hã unhama wa'ro wi iwara hã ma tô isib'rata wi tisa. Ma tô ãma 're sipra. 4Rob'ré za'iti ãma 're isi'ubumroi mono norĩ hã wahi isib'rata na 're isipra mono na te te siwi 'madâ'â wamhã, ma tô sima nharĩ za'ra, ãne:
— Õhõ aibâ hã ãté tô dapãrĩ'wa. Â pore wi sisõ'reptu nherẽ, 're morĩ da hã sisõ'reptui õ di za. I'uwaibaba te za tô oto dârâ.
5Tane nherẽ, Paulu ma tô wahi ré tinhib'rada hã waiwẽ, unhama u waptã'ã da. Waptã'ã parimhã, ãma sépu'u õ di. 6Ma tô ãma rosa'rata za'ra, tiwi dupto da newa, duré waptu na dâ'â siromo za waptã'ã da newa. Tane nherẽ, te te sapari hâ za'ra nherẽ, marĩ hã ãma hâimana õ wa, ma tô rosa'rata na ãma saprĩ za'ra. Ma tô oto nharĩ za'ra, Paulu hã ihâiba'õ iwaihu'upese na hã.
7Taha 'ratamhã, te ti'a hã 're hâimana, Pubriu te hã. Ta hã aibâ dama ipire, rob'ré za'iti ãma hã. Ta hã ma tô wawaibui wẽ. Tawamhã si'ubdatõ bâtâ na isõrõwa 're, wa tô ai'ubumro ni. 8Imama hã hâzé ré te nomro, waptâ. Wa'ro za'ẽtẽ na duré isãnapru hã te ãma tihâiba. Tawamhã Paulu hã ma tô itẽme ãzé. Ma tô ãma rowaptẽ. Taha pari tinhib'rada hã ma tô ãma tihi. Tahawa ma tô tipese. 9Ãne hã romhâimana parimhã, rob'ré za'iti 're, uburé ihâzé ré norĩ hã ma tô Pauluhu u aihutu. Ta norĩ zama ma tô duré tipese za'ra. 10Ta norĩ hã ma tô wawazé wẽ za'ra. Oto wasi'aba'réi wamhã, uburé marĩ hã ma tô uba're wa wama séme za'ra, wasisa'rei mono ré ãma iwahâimana za'ra da hã.
Mauta hawi Roma u iwasihutuzé
11Rob'ré za'iti ãma si'ubdatõ a'amo na wahâimana za'ra parimhã, uba're na wa tô oto wasisa're 'ri nho'u Alesãdria hawim na, rowa'u'u wahâ si'utõrĩ da, a'â rob'ré za'iti ãma inomro na. Uba're wata ãma hã ihâiba'õ norĩ isi'ubza norĩ poto 'manharĩ, Castor duré Polosihi me. 12Tawamhã wa tô aihutu ni Siracuza na 'ri nho'õmo nhisi u. Tame si'ubdatõ bâtâ na wa tô wahâimana za'ra ni. 13Ta hawimhã wa tô wawairébé ni. Réziu na 'ri nho'õmo nhisi u wa tô aihutu ni. Awẽm na hã rowa'u hã te rowapõ, hâiwa nhimi'ei hawi. Tawamhã wawara na wa tô ãma uzusi za'ra ni. Wa tô aihutu ni, Potéoli u hã bâdâ maparane wa'ãma neb za'ra parip si. 14Tamemhã nima norĩ wasisãnawã norĩ hã wa tô sõpẽtẽ za'ra ni. Ta norĩ hã ma tô wawaptẽrẽ za'ra, misi romhuri na i'rata wasi'ubumro da. Taha pari, wa tô aihutu ni, Roma u hã. 15Roma 're wasisãnawã norĩ hã, wawasu'u hã ma tô wapari za'ra, iwasihutu na hã. Tahawa ma tô we ai'aba'ré dasina i'ubumrozé Apiu u duré Si'ubdatõ Rowedezéb u. Paulu hã wasisãnawã norĩ te te 'madâ'â za'ra wamhã, 'Re ihâimana u'âsi mono ãma te tiwata. Ma tô tãma tirowẽ.
Paulu hã Roma ãma ihâimanazé
16Roma u wasihutu wamhã, Pauluhu ma rowairébé hã ma tô tihâiba, hâiba pisutu hâimana da, misi dasi'wapéi 'manharĩ'wa hã te te duré nasi 'madâ'â da.
17Si'ubdatõ bâdâ ne parimhã, Paulu hã ma tô sô tihârâ za'ra, Roma ãma Zudeu norĩ ma ipire norĩ zô. Itẽme si'rã'õtõ wamhã, ma tô tãma nharĩ za'ra, ãne:
— Ĩsisãnawã norĩ, marĩ hã te 'manharĩ õ di, wanhib'a'uwẽ norĩ ma hã, duré wahi'rata norĩ hâimanazéb da hã. Tane nherẽ, Zeruzalẽ ãma hã dazazéb 're ma tô ĩnherẽ ni. Ma tô duré ĩhâiba nhomri ni, romanu norĩ ma hã. 18Ta norĩ hã ma tô siwi ĩzadanharĩ pese. Tane nherẽ, marĩ te i'upazé hã te te ĩ'ãma sãmri za'ra õ di, taha zarina da te dasiwi ĩwĩrĩzéb da hã. Tahawa, dazazém hawi te te siwi ĩwazere da, ma tô aré sima wẽ za'ra. 19Tane nherẽ, Zudeu norĩ hã te te sima wẽ za'ra õ di, dazazém hawi ĩwatobro da hã. Tahawa, nihai õ wa, wa tô waptẽ, we ĩmorĩ da, apito Cézaha si te te ĩ'ãma rowairébé da, marĩ hã wanhib'a'uwẽ norĩ zada ĩma hâimana õ nherẽ. 20Ãne wa, wa ãma asô ĩhârâ za'ra wa'wa, te ai'madâ'â za'ra wa'aba da, duré wa te wasima robzanhamri za'ra da zama. Ãhã na hã isi'uwazi nhorõ rutu na ĩwasisi ré wa za, Izaraéu nhihudu norĩ, sô 're isimipari za'ra mono u'âbâ.
21Tawamhã te asa tãma nharĩ za'ra, Pauluhu ma, ãne:
— Aiwasu'u na rob'ui'éré hã wei wama wisi za'ra õ di, Zudéa hawimhã. Duré wasisãnawã norĩ ta hawi we isihutu mono hã, niha hã te te siwi aiwasu'u wasété õ di. 22Tane nherẽ, wa wasima wẽ za'ra ni, wa te aiwapari za'ra da, niha hã asimirosa'rada hã. Wa waihu'u za'ra ni. Daro mono bâ te da te 're wasu'u wasété za'ra, dasima idasipo'ozép té, isiniwĩ 're i'aihâimana mono hã.
23Tawamhã nimahã bâdâ hã te te sima pisutu za'ra parimhã, ahâ na ma tô itẽme ai'rã'õtõ, Pauluhu za'warizéb u. Tahawa, mararé Paulu hã ma tô ãma sãna'rata hâiwahâ u, 'Re ihâimana u'âsi mono, da'ãma 're isib'a'uwẽ mono zém na te te tãma irowasu'u za'ra na hã. 'Re ihâimana u'âsi mono nhimiroti zahi na Mozési te te irob'ui'érézéb zarina, duré isadawa 'mahârâ'wa norĩ nhimi'ui'éré zarina, ma tô ãma tãma rowasu'u pese za'ra, te te saze za'ra da, Zezusihi wasu'u hã. 24Nima norĩ hã ma tô timreme na pizari za'ra. Tane nherẽ, nima norĩ hã te te saze za'ra õ di. 25Tawamhã uburé ma tô oto ai'aba'ré. Si'remhã te te ãma saze za'ra õ di. Tane nherẽ, si'aba'réi wana ré, Paulu hã ma tô ãne tãma nharĩ za'ra:
— 'Re ihâimana u'âsi mono Pẽ'ẽzani ma, waihu'u siromo wa, ma tô tizadawa 'mahârâ'wa Izaiasihi ma waihu'u siro, aihi'rata norĩ ma, te te sadawa wasu'u za'ra da hã. 26Ãne ma tô Izaiasihi ma waihu'u:
“Aimorĩ, ã hã a'uwẽ norĩ ma, ĩzadawa 'mahârâ da, ãne:
Ĩnhimiroti hã tô aipo're na 're wapari za'ra wa'aba mono nherẽ, niwa isadaihu'u za'ra wa'aba da hã mare di.
Duré atõmo na tô 're rob'madâ'â za'ra wa'aba mono nherẽ, marĩ hã i'madâ'â waihu'u za'ra wa'aba da hã mare di.
27E marĩ wa. Ã hã a'uwẽ norĩ hã pẽ'ẽ tete za'ra wa. Ma sipo're nhidâ za'ra. Duré 'râwi ma sitõmo zuwa za'ra.
Ãnei õ 'wa'âhã, titõmo na te aré rob'madâ'â za'ra. Tipo're na te duré aré wapari za'ra. Tinhimirosa'rata na te aré sadaihu'u za'ra.
Tawamhã apâ te aré ĩtẽme aipizari za'ra. Tawamhã wa hã wa aré duré pese za'ra.”
28Tawamhã Paulu hã ma ãma tãma 'rãsutu za'ra, ãne:
— Tahawa, ma'ãpé waihu'u za'ra wa'aba. 'Re ihâimana u'âsi mono hã te oto satõ danho'reptuzé wasu'u hã, zudeu'õ norĩ u. Tawamhã ta norĩ hã te za wapari za'ra.
29[Paulu hã ãne na te te tãma nharĩ za'ra parimhã, Zudeu norĩ hã ma tô oto ai'aba'ré, 'râwi ãma sisada'âbâ za'ra sina sa'ẽtẽ.]
30Tawamhã maparane wahum na Paulu ma tô nhamra, 'ri iwa'âbâ zô da te 're i'ru za'ra mono 're. Ma tô duré te te 're aiwaibui wẽ, te te 're sabu za'ra mono da, uburé itẽme 're isihutu mono hã. 31Tawamhã 'Re ihâimana u'âsi mono da'ãma 're isib'a'uwẽ mono zém na ma tô te te dama 're rowahutu. Duré Wanhib'apito Zezu Cristuhu wasu'u wẽ na, pahi ãna ma tô te te 're rowasu'u, duré marĩ hã te te sõwada ãna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.