Atus 18
18
Paulu hã Corĩtu ãma te te iromhurizé
1Taha parimhã Paulu ma tô mo Atena hawi, Corĩtu na 'ri nho'õmo nhisi u. 2Tamemhã ma tô sõpẽtẽ Zudeu, Aquila na isisi hã Põtu na ti'a nhisi ãma ipotozé hã. Ãma ronomro pese õ ré, Italia hawi isimasisizém na hã, timro Prisilaha me. Roma 're danhib'apito Claudiu hã, uburé Zudeu norĩ hã Roma hawi wairébé da, te te rob'rui wa, ma tô ta hawi tipusi zahuré. Ta norĩ te te sabu zahuré da, ma tô Paulu hã itẽme timorĩ zahuré. 3Tawamhã tame ma tô i'rata tinhamra zahuré, isimiromhuri za'ra hã aiwa wa, Pauluhu nhimiromhuri hã romhâ 'manharĩ na 'ri'wai wa, tane duré isimiromhuri zahuré wa. 4Tawamhã sabadu sidâpâ, ma tô nasi dama rowahutu, Zudeu norĩ te rowahutuzéb ãma, te te dapizari za'ra da, Zezusi hã da te saze za'ra da, Zudeu norĩ hã duré gregu norĩ hã.
5Tawamhã Silas norĩ Timotiuhu me Masédonia hawi simasisi zahuré parimhã, Paulu hã ma tô Zezusihi wasu'u na si oto romhu. Zudeu norĩ ma, te oto nasi rowasu'u, Zezusi hã Danho'reptui'wa na hã. 6Tane nherẽ, ni'wam norĩ Zudeu norĩ hã ma tô Pauluhu zada aimasa. Ma tô duré siwi ãma wasété. Tawamhã Pauluhu ma, te te irowẽ õ zarina, ma tô ti'uza zapru hã tata'a. Tahawa ma tô ãne tinha:
— Asisimini za'ra wa'aba wamhã, ate za'ra wa'wa za i'upa. Wa hãi õ di za, te i'upa hã. Ã hawim haré zudeu'õ norĩ ma si, wa za oto te 're rowasu'u.
7Tawamhã Paulu hã rowahutuzém hawi, ma tô watobro. Aibâ Tisiu Zustu na isisi nhorõwa u ma tô mo. Ta hã zudeu'õ. Tane nherẽ, te 'Re ihâimana u'âsi mono ãma 're wata. Rowahutuzéb zababa, te isõrõwa hã 're sa. 8Tawamhã Crispu rowahutuzéb ãma 're ida'anhimi'rui mono 'wa hã ma tô saze, Wanhib'apito hã. Duré uburé isõrõwa ãma isiré 're isi'ubumroi mono norĩ zama ma tô saze za'ra. Corĩtu hawi 're idasi'ubumroi mono norĩ zama ma tô da'ahâ na rowasu'u hã wapari za'ra ni. Ma tô duré saze za'ra ni. Tahawa, ma tô â dawabzuri hã 'manharĩ za'ra ni.
9Tawamhã nimahã mara na hã Wanhib'apito ma tô Pauluhu ma tinha, sõtõ 'rowim ne, ãne:
— Aipahi tõ. Ãma uzusi mono, dama rowasu'u na hã. Duré sazâri tõ. 10E marĩ wa. Wa hã wa asiré ĩhâiba. Ni'wa hã marĩ te te ai'ãma 'manharĩ wasété õ di za. Duré te te ai'u'a waihu'u õ di za. E marĩ wa. Ã hã 'ri wa'õtõ 'remhã, ĩnhib'a'uwẽ hã ahâ wa.
11Tahawa, Paulu hã ma tô tame a'â nhamra, misi wahub 're duré wahu aiwa ãma isipo'o u. 'Re ihâimana u'âsi mono zadawa wasu'u na ma tô nasi dama rowahutu.
12Tawamhã Galiu hã Acaia na danhipti'a nho'õmo nhisi ãma si'apito wamhã, Zudeu norĩ hã ma tô simisutu Pauluhu da tihâimana za'ra. Ma tô siwi ti'â. Ma tô duré siwi saprõ, da'ãma rowairébézéb u. 13Ãne ma tô siwi wasu'u, Galiuhu ma:
— Ã hã aibâ hã te sima wẽ, te te da'apizari da, 'Re ihâimana u'âsi mono ãma si 're dawata za'ra mono da, wate roti zahi upana.
14Tawamhã Paulu hã te te aré oto timreme iwazerezéb ãma hã, Galiu ma tô Zudeu norĩ ma tinha:
— Zudeu norĩ, marĩ ipire te te i'manharĩ wasété zém na asiwi wasu'u aba 'wa'âhã, ibâre wa aré ĩnhimi'ẽ na aiwapari za'ra wa'wa. 15Tazahã, imreme na si duré danhisi na si duré ate za'ra wa'wa roti zahi na si wamhã, 'râwi asiwi wairébé aba. Wa hã ĩhâimana õ di za rowairébé'wa na, ã hã romreme da hã.
16Taha pari ma tô te te sate, da'ãma rowairébézém hawi. 17Tawamhã ma tô siwi ti'â Sosteni hã rowahutuzéb ãma 're ida'anhimi'rui mono 'wa hã. Ma tô te te siwi 're pré'é, da'ãma rowairébézém nho're. Tane nherẽ, Galiu hã te te ãma rosa'rata õ di.
Paulu hã Ãtioquia u apâ imorĩzé
18Tawamhã Paulu hã ma tô a'â nhamra niha bâtâ na, Corĩtu ãma hã. Taha pari isazei'wa norĩ hã ma tô sisa'u sawi za'ra. Taha pari uba're hã ma tô ti'â, Siria na danhipti'a nho'õmo nhisi u. Prisila norĩ Aquilaha me, ma tô isiré tineb zahuré. Morĩ wana ré, ma tô si'rãpa Sẽcréia ãma, 'Re ihâimana u'âsi mono ma ropisudu te te i'manharĩzéb zarina. 19Tawamhã Éfézu na 'ri nho'õmo nhisi u ma tô aihutu. Tame Prisila norĩ Aquilaha me ma tô aimasisi. Tawamhã Paulu ma tô ãzé Zudeu norĩ te rowahutuzéb u. Tame Zudeu norĩ ma, ma tô rowahutu. 20Tawamhã ma tô ãma siwi ropti, a'â i'rata sãmra za'ra da, bâtâ ahâ na hã. Tane nherẽ, Paulu hã te te sima wẽ õ di. 21Tawamhã morĩ wamhã oto, te ãne tãma nharĩ za'ra:
— Apâ wa za wei mo za, 'Re ihâimana u'âsi mono te te sima wẽ wamhã.
Tawamhã rowa'u'u na uba'renem na ma tô oto mo, Éfézu hawimhã. 22Cézaréia u wisi parimhã, Zeruzalẽ u ma tô oto mo. Tame ma tô isazei'wa norĩ hã sabu za'ra. Taha pari ma tô oto mo Ãtioquia u, Siria 'remhã.
23Tawamhã niha bâtâ na Ãtioquia ãma sãmra parimhã, Paulu hã ma tô mo, uburé Galasia na ti'a nhisi wa'waibaba duré uburé Frizia na ti'a nhisi wa'waibaba. Isazei'wa norĩ hã ma tô te te anhiptete.
Apolu hã Éfézu ãma te te iromhurizé
24Taha ré, Zudeu Apolu na isisi hã ma tô wi Éfézu u, Alesãdria na 'ri nho'õmo nhisi ãma ipodo hã. Ta hã mreme wapari ze ti. Duré Ibaihâ Iwazé pese na rob'ui'éré hã tãma waihu'u pese di. 25Wanhib'apito 're imorĩ wẽ zém na ma tô da te tãma 're romnhoré za'ra. Tahawa, mreme nhiptete na ma tô i'uwaibaba na si te te dama 're rowahutu, Zezusihi wasu'u na hã. Tane nherẽ, Zuwã, â dawabzuri te te dama 're i'a'manharĩ mono zé wasu'u si tãma waihu'u pese di. 26Tawamhã pahi ãna ma tô rowahutu na dama sãna'rata, rowahutuzéb ãma hã. Tahawa Prisila norĩ Aquilaha me isimirowasu'u te te wapari zahuré wamhã, tinhorõwa u ma tô saprõni zahuré. Tame ma tô ãma tãma rowasu'u pese zahuré, 'Re ihâimana u'âsi mono te bâdâdi na hã. 27Apolu hã Acaia u morĩ da, te te sima rowairébé wamhã, Éfézu 're isazei'wa norĩ hã ma tô siwi pawapto, siptete sina tô morĩ da. Tahawa ma tô siwi rob'ui'éré Acaia ãma isazei'wa norĩ ma, te te siwi âri wẽ da. Wisi wamhã, ma tô ãma aime za'ẽtẽ za'ra, 'Re ihâimana u'âsi mono nhimipawaptobzé iwa'âbâ'õ zarina te te 're isaze za'ra norĩ ãma hã. 28Tawamhã Apolu hã timreme nhiptete na, ma tô Zudeu norĩ ãma nasi ai'uté za'ra, danho'a te te nasi azada'âbâ wamhã. Ibaihâ Iwazé pese na rob'ui'éré zarina, ma tô nasi tinhimirowasu'u na tãma hâi'ré za'ra, Zezusi hã sena na Danho'reptui'wa na hã.
Currently Selected:
Atus 18: xavBP
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.
Atus 18
18
Paulu hã Corĩtu ãma te te iromhurizé
1Taha parimhã Paulu ma tô mo Atena hawi, Corĩtu na 'ri nho'õmo nhisi u. 2Tamemhã ma tô sõpẽtẽ Zudeu, Aquila na isisi hã Põtu na ti'a nhisi ãma ipotozé hã. Ãma ronomro pese õ ré, Italia hawi isimasisizém na hã, timro Prisilaha me. Roma 're danhib'apito Claudiu hã, uburé Zudeu norĩ hã Roma hawi wairébé da, te te rob'rui wa, ma tô ta hawi tipusi zahuré. Ta norĩ te te sabu zahuré da, ma tô Paulu hã itẽme timorĩ zahuré. 3Tawamhã tame ma tô i'rata tinhamra zahuré, isimiromhuri za'ra hã aiwa wa, Pauluhu nhimiromhuri hã romhâ 'manharĩ na 'ri'wai wa, tane duré isimiromhuri zahuré wa. 4Tawamhã sabadu sidâpâ, ma tô nasi dama rowahutu, Zudeu norĩ te rowahutuzéb ãma, te te dapizari za'ra da, Zezusi hã da te saze za'ra da, Zudeu norĩ hã duré gregu norĩ hã.
5Tawamhã Silas norĩ Timotiuhu me Masédonia hawi simasisi zahuré parimhã, Paulu hã ma tô Zezusihi wasu'u na si oto romhu. Zudeu norĩ ma, te oto nasi rowasu'u, Zezusi hã Danho'reptui'wa na hã. 6Tane nherẽ, ni'wam norĩ Zudeu norĩ hã ma tô Pauluhu zada aimasa. Ma tô duré siwi ãma wasété. Tawamhã Pauluhu ma, te te irowẽ õ zarina, ma tô ti'uza zapru hã tata'a. Tahawa ma tô ãne tinha:
— Asisimini za'ra wa'aba wamhã, ate za'ra wa'wa za i'upa. Wa hãi õ di za, te i'upa hã. Ã hawim haré zudeu'õ norĩ ma si, wa za oto te 're rowasu'u.
7Tawamhã Paulu hã rowahutuzém hawi, ma tô watobro. Aibâ Tisiu Zustu na isisi nhorõwa u ma tô mo. Ta hã zudeu'õ. Tane nherẽ, te 'Re ihâimana u'âsi mono ãma 're wata. Rowahutuzéb zababa, te isõrõwa hã 're sa. 8Tawamhã Crispu rowahutuzéb ãma 're ida'anhimi'rui mono 'wa hã ma tô saze, Wanhib'apito hã. Duré uburé isõrõwa ãma isiré 're isi'ubumroi mono norĩ zama ma tô saze za'ra. Corĩtu hawi 're idasi'ubumroi mono norĩ zama ma tô da'ahâ na rowasu'u hã wapari za'ra ni. Ma tô duré saze za'ra ni. Tahawa, ma tô â dawabzuri hã 'manharĩ za'ra ni.
9Tawamhã nimahã mara na hã Wanhib'apito ma tô Pauluhu ma tinha, sõtõ 'rowim ne, ãne:
— Aipahi tõ. Ãma uzusi mono, dama rowasu'u na hã. Duré sazâri tõ. 10E marĩ wa. Wa hã wa asiré ĩhâiba. Ni'wa hã marĩ te te ai'ãma 'manharĩ wasété õ di za. Duré te te ai'u'a waihu'u õ di za. E marĩ wa. Ã hã 'ri wa'õtõ 'remhã, ĩnhib'a'uwẽ hã ahâ wa.
11Tahawa, Paulu hã ma tô tame a'â nhamra, misi wahub 're duré wahu aiwa ãma isipo'o u. 'Re ihâimana u'âsi mono zadawa wasu'u na ma tô nasi dama rowahutu.
12Tawamhã Galiu hã Acaia na danhipti'a nho'õmo nhisi ãma si'apito wamhã, Zudeu norĩ hã ma tô simisutu Pauluhu da tihâimana za'ra. Ma tô siwi ti'â. Ma tô duré siwi saprõ, da'ãma rowairébézéb u. 13Ãne ma tô siwi wasu'u, Galiuhu ma:
— Ã hã aibâ hã te sima wẽ, te te da'apizari da, 'Re ihâimana u'âsi mono ãma si 're dawata za'ra mono da, wate roti zahi upana.
14Tawamhã Paulu hã te te aré oto timreme iwazerezéb ãma hã, Galiu ma tô Zudeu norĩ ma tinha:
— Zudeu norĩ, marĩ ipire te te i'manharĩ wasété zém na asiwi wasu'u aba 'wa'âhã, ibâre wa aré ĩnhimi'ẽ na aiwapari za'ra wa'wa. 15Tazahã, imreme na si duré danhisi na si duré ate za'ra wa'wa roti zahi na si wamhã, 'râwi asiwi wairébé aba. Wa hã ĩhâimana õ di za rowairébé'wa na, ã hã romreme da hã.
16Taha pari ma tô te te sate, da'ãma rowairébézém hawi. 17Tawamhã ma tô siwi ti'â Sosteni hã rowahutuzéb ãma 're ida'anhimi'rui mono 'wa hã. Ma tô te te siwi 're pré'é, da'ãma rowairébézém nho're. Tane nherẽ, Galiu hã te te ãma rosa'rata õ di.
Paulu hã Ãtioquia u apâ imorĩzé
18Tawamhã Paulu hã ma tô a'â nhamra niha bâtâ na, Corĩtu ãma hã. Taha pari isazei'wa norĩ hã ma tô sisa'u sawi za'ra. Taha pari uba're hã ma tô ti'â, Siria na danhipti'a nho'õmo nhisi u. Prisila norĩ Aquilaha me, ma tô isiré tineb zahuré. Morĩ wana ré, ma tô si'rãpa Sẽcréia ãma, 'Re ihâimana u'âsi mono ma ropisudu te te i'manharĩzéb zarina. 19Tawamhã Éfézu na 'ri nho'õmo nhisi u ma tô aihutu. Tame Prisila norĩ Aquilaha me ma tô aimasisi. Tawamhã Paulu ma tô ãzé Zudeu norĩ te rowahutuzéb u. Tame Zudeu norĩ ma, ma tô rowahutu. 20Tawamhã ma tô ãma siwi ropti, a'â i'rata sãmra za'ra da, bâtâ ahâ na hã. Tane nherẽ, Paulu hã te te sima wẽ õ di. 21Tawamhã morĩ wamhã oto, te ãne tãma nharĩ za'ra:
— Apâ wa za wei mo za, 'Re ihâimana u'âsi mono te te sima wẽ wamhã.
Tawamhã rowa'u'u na uba'renem na ma tô oto mo, Éfézu hawimhã. 22Cézaréia u wisi parimhã, Zeruzalẽ u ma tô oto mo. Tame ma tô isazei'wa norĩ hã sabu za'ra. Taha pari ma tô oto mo Ãtioquia u, Siria 'remhã.
23Tawamhã niha bâtâ na Ãtioquia ãma sãmra parimhã, Paulu hã ma tô mo, uburé Galasia na ti'a nhisi wa'waibaba duré uburé Frizia na ti'a nhisi wa'waibaba. Isazei'wa norĩ hã ma tô te te anhiptete.
Apolu hã Éfézu ãma te te iromhurizé
24Taha ré, Zudeu Apolu na isisi hã ma tô wi Éfézu u, Alesãdria na 'ri nho'õmo nhisi ãma ipodo hã. Ta hã mreme wapari ze ti. Duré Ibaihâ Iwazé pese na rob'ui'éré hã tãma waihu'u pese di. 25Wanhib'apito 're imorĩ wẽ zém na ma tô da te tãma 're romnhoré za'ra. Tahawa, mreme nhiptete na ma tô i'uwaibaba na si te te dama 're rowahutu, Zezusihi wasu'u na hã. Tane nherẽ, Zuwã, â dawabzuri te te dama 're i'a'manharĩ mono zé wasu'u si tãma waihu'u pese di. 26Tawamhã pahi ãna ma tô rowahutu na dama sãna'rata, rowahutuzéb ãma hã. Tahawa Prisila norĩ Aquilaha me isimirowasu'u te te wapari zahuré wamhã, tinhorõwa u ma tô saprõni zahuré. Tame ma tô ãma tãma rowasu'u pese zahuré, 'Re ihâimana u'âsi mono te bâdâdi na hã. 27Apolu hã Acaia u morĩ da, te te sima rowairébé wamhã, Éfézu 're isazei'wa norĩ hã ma tô siwi pawapto, siptete sina tô morĩ da. Tahawa ma tô siwi rob'ui'éré Acaia ãma isazei'wa norĩ ma, te te siwi âri wẽ da. Wisi wamhã, ma tô ãma aime za'ẽtẽ za'ra, 'Re ihâimana u'âsi mono nhimipawaptobzé iwa'âbâ'õ zarina te te 're isaze za'ra norĩ ãma hã. 28Tawamhã Apolu hã timreme nhiptete na, ma tô Zudeu norĩ ãma nasi ai'uté za'ra, danho'a te te nasi azada'âbâ wamhã. Ibaihâ Iwazé pese na rob'ui'éré zarina, ma tô nasi tinhimirowasu'u na tãma hâi'ré za'ra, Zezusi hã sena na Danho'reptui'wa na hã.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc.