ESITERI 2
2
Yaco me Ranadi o Esiteri
1Ni oti na veika o ya, ka seyavu yani na cudru nei Asuerosi na tui, a qai nanumi Vasiti lesu tale o koya, na ka a vakayacora kei na lewa sa tau me baleti koya. 2Era a qai kaya na nona daunivakasala na tui, “Me ra la'ki vakasaqarai mada mai vua na tui eso na goneyalewa rairai totoka. 3Ia mo ni qai lesia na tui eso mai na veiyasana kecega ena nomuni matanitu me nodra i tavi na soqoni ira vata na goneyalewa rairai vinaka kecega ki na nodra i tikotiko na yalewa ni tui ka tiko ena koro turaga o Susa. Me ra qaravi o ira oqo vei Ikai, o koya na enuki#2.3 A kena i balebale na tagane dauveiqaravi sa vakacacani se kau laivi na nona yago tabu. sa dau qaravi ira na nomu goneyalewa, ka me vakayacori vei ira na veiqaravi ni sasauni. 4Ia me qai ranadi me i sosomi kei Vasiti na goneyalewa sa donu e matamuni na tui.” A qai vakayacora sara na tui na vakasama oqo baleta ni a lomadonu kina.
5A tiko mai na koro turaga o Susa e dua na Jiu na yacana o Motekai na luve i Jaire, na luve i Simeia, na luve i Kisi mai na mataqali i Penijamini. 6#2Tui 24.10-16; 2Vei 36.10O Motekai oqo a bau dua vei ira era a kau vata vakavesu kei Jikonaia na tui Juta, ni a vesuki ira ka kauti ira tani mai Jerusalemi ki Papiloni o Nepukanesa na tui. 7A dua tiko na luve i tamai Motekai lailai, goneyalewa na yacana o Esiteri, ka yacana ena vosa vakaiperiu o Etasa. Ni rau a mate ruarua na i tubutubu i Esiteri sa qai susugi koya o Motekai na tuakana, ka okati koya me luvena dina.
O Esiteri e dua na goneyalewa mata vinaka ka rairai totoka.
8Ni la'ki kacivaki raraba na i vakaro kei na lewa ni tui, ka ra a kau vata mai na goneyalewa digitaki me ra mai maroroi tiko ena nodra vale na goneyalewa vakaoqo ena koro turaga o Susa, a qai kau talega mai kina o Esiteri. A i vakatawa ni vale ni goneyalewa ka i liuliu ni nodra maroroi e dua na i talai ni tui na yacana o Ikai. 9A taleitaki Esiteri vakalevu sara o Ikai ka vakarautaka sara vua na i lumu kei na veika ni nodra sasauni na marama, a solia talega vua na i vakarau ni kena kakana kei na lewe vitu na goneyalewa dauveiqaravi digitaki mai na valenitui, a solia sara talega vua kei iratou na nona goneyalewa dauveiqaravi na tikina vinaka duadua ena nodra vale na yalewa.
10A sega sara ni tukuni koya ni goneyalewa ni Jiu, o Esiteri, baleta ni a vakadreta matua sara vua o Motekai me kakua ni vakaraitaka na ka oqo. 11A dau lako voli ena veisiga kece o Motekai ena mata ni nodra i tikotiko na goneyalewa ena nona via kila se sa vaka e vei o Esiteri kei na veika a vakayacori vua.
12A kena i vakarau tudei me dau yabaki dua vinaka na nodra mai qarava tiko na kedra i rairai o ira na goneyalewa. Ena i matai ni vula ono me ra dau sasauni ena waiwai mura, kei na waiwai vakaisaluwaki boi vinaka me ono tale na vula, kei na veika me vukea na kedra i rairai. Ni oti o ya era sa qai kau yadudua na goneyalewa ki vua na tui. 13Ni sa lako vua na tui e dua na goneyalewa, e dau soli vua mai na nodra i tikotiko na watina lalai na ka kece e gadreva me kauta vua na tui se na i sulu me daramaka. 14Ena lako yani o koya vua na tui ena yakavi, ka qai vakasukai tale ena mataka ka tarava ki na dua tale na nodra i tikotiko na goneyalewa ka veiqaravi kina o Seasikasi, na enuki ka dau qaravi ira na watina lalai na tui. Ena sega ni lesu tale vua na tui na goneyalewa o ya ka vakavo duadua kevaka e taleitaki koya tale na tui ka cavuta na yacana ni sa kacivi koya lesu.
15Ia sa qai yaco mai na siga me lako kina vua na tui o Esiteri (oqo na goneyalewa ka susuga o Motekai me vaka ga e luvena dina, ia e luvei tamana lailai o Apieli). Era sa dau vakasakiti Esiteri kecega na tamata e sotavi koya. A sega ni kerea e dua na ka me tokara ki na valenitui o Esiteri, ia sa tokara ga na i sulu sa vakasalataka vua me daramaka o Ikai, na enuki ka i vakatawa ni nodra i tikotiko na goneyalewa. 16Ena vula o Tepeci na i katini ni vula, ena i kavitu ni yabaki vakatui i Asuerosi, sa qai kau yani vua o Esiteri ki na valenitui. 17Sa levu cake duadua na nona taleitaki Esiteri na tui mai vei ira na yalewa kece sara, ka sa kune loloma kei na veivakadonui ena mata ni tui mai vei ira na vo ni goneyalewa kecega. A qai vakaisalataki Esiteri na tui ena i sala vaka-ranadi ka vakatikori koya me ranadi mai vei Vasiti. 18A qai cakava na tui e dua na magiti levu kei na veivakamarautaki me baleti Esiteri ka sureti ira kece kina na nona dauveiliutaki kei ira na nona vakailesilesi. Ni oti o ya, sa qai lavaka na tui e dua na olodei ena veiyasana kecega ena nona matanitu ka soli ka ni loloma e veiganiti kaya na nona i tutu vakatui.
Dusia na Vere Ca o Motekai
19Dede vakalailai, a lesi Motekai sara na tui ki na dua na i tutu ni veiliutaki. 20Ia o Esiteri a sega tikoga ni bau vakaraitaka ni Jiu o koya. E a tukuna vua o Motekai me kakua sara ni vakaraitaka, ka muria na nona vosa o Esiteri me vaka ga na nona dau muria na vosa ni a sa goneyalewa lailai.
21Ena gauna e i vakailesilesi tiko kina ena valenitui o Motekai, e rau a veisaqasaqa kei tui Asuerosi ka vinakata sara me rau vakamatei koya o Pikicani kei Teresi; e rau enuki ni valenitui ka nodrau i tavi me rau dau yadrava na katuba ki na rumu ni tui. 22A rogoca rawa o Motekai na ka oqo ka mani tukuna sara vei Esiteri; na Ranadi; ia o Esiteri a qai tukuna na ka oqo vua na tui ena yaca i Motekai. 23Ni vaqaqai ka kunei rawa ni a ka dina na i rogorogo o ya, e rau a qai vakamatei ruarua o Pikitane kei Tirisa. Na ka kece a yaco oqo a qai mai volai sara e mata ni tui ena kedra i Vola Tukutuku Ni Veigauna na tui.
Currently Selected:
ESITERI 2: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.
ESITERI 2
2
Yaco me Ranadi o Esiteri
1Ni oti na veika o ya, ka seyavu yani na cudru nei Asuerosi na tui, a qai nanumi Vasiti lesu tale o koya, na ka a vakayacora kei na lewa sa tau me baleti koya. 2Era a qai kaya na nona daunivakasala na tui, “Me ra la'ki vakasaqarai mada mai vua na tui eso na goneyalewa rairai totoka. 3Ia mo ni qai lesia na tui eso mai na veiyasana kecega ena nomuni matanitu me nodra i tavi na soqoni ira vata na goneyalewa rairai vinaka kecega ki na nodra i tikotiko na yalewa ni tui ka tiko ena koro turaga o Susa. Me ra qaravi o ira oqo vei Ikai, o koya na enuki#2.3 A kena i balebale na tagane dauveiqaravi sa vakacacani se kau laivi na nona yago tabu. sa dau qaravi ira na nomu goneyalewa, ka me vakayacori vei ira na veiqaravi ni sasauni. 4Ia me qai ranadi me i sosomi kei Vasiti na goneyalewa sa donu e matamuni na tui.” A qai vakayacora sara na tui na vakasama oqo baleta ni a lomadonu kina.
5A tiko mai na koro turaga o Susa e dua na Jiu na yacana o Motekai na luve i Jaire, na luve i Simeia, na luve i Kisi mai na mataqali i Penijamini. 6#2Tui 24.10-16; 2Vei 36.10O Motekai oqo a bau dua vei ira era a kau vata vakavesu kei Jikonaia na tui Juta, ni a vesuki ira ka kauti ira tani mai Jerusalemi ki Papiloni o Nepukanesa na tui. 7A dua tiko na luve i tamai Motekai lailai, goneyalewa na yacana o Esiteri, ka yacana ena vosa vakaiperiu o Etasa. Ni rau a mate ruarua na i tubutubu i Esiteri sa qai susugi koya o Motekai na tuakana, ka okati koya me luvena dina.
O Esiteri e dua na goneyalewa mata vinaka ka rairai totoka.
8Ni la'ki kacivaki raraba na i vakaro kei na lewa ni tui, ka ra a kau vata mai na goneyalewa digitaki me ra mai maroroi tiko ena nodra vale na goneyalewa vakaoqo ena koro turaga o Susa, a qai kau talega mai kina o Esiteri. A i vakatawa ni vale ni goneyalewa ka i liuliu ni nodra maroroi e dua na i talai ni tui na yacana o Ikai. 9A taleitaki Esiteri vakalevu sara o Ikai ka vakarautaka sara vua na i lumu kei na veika ni nodra sasauni na marama, a solia talega vua na i vakarau ni kena kakana kei na lewe vitu na goneyalewa dauveiqaravi digitaki mai na valenitui, a solia sara talega vua kei iratou na nona goneyalewa dauveiqaravi na tikina vinaka duadua ena nodra vale na yalewa.
10A sega sara ni tukuni koya ni goneyalewa ni Jiu, o Esiteri, baleta ni a vakadreta matua sara vua o Motekai me kakua ni vakaraitaka na ka oqo. 11A dau lako voli ena veisiga kece o Motekai ena mata ni nodra i tikotiko na goneyalewa ena nona via kila se sa vaka e vei o Esiteri kei na veika a vakayacori vua.
12A kena i vakarau tudei me dau yabaki dua vinaka na nodra mai qarava tiko na kedra i rairai o ira na goneyalewa. Ena i matai ni vula ono me ra dau sasauni ena waiwai mura, kei na waiwai vakaisaluwaki boi vinaka me ono tale na vula, kei na veika me vukea na kedra i rairai. Ni oti o ya era sa qai kau yadudua na goneyalewa ki vua na tui. 13Ni sa lako vua na tui e dua na goneyalewa, e dau soli vua mai na nodra i tikotiko na watina lalai na ka kece e gadreva me kauta vua na tui se na i sulu me daramaka. 14Ena lako yani o koya vua na tui ena yakavi, ka qai vakasukai tale ena mataka ka tarava ki na dua tale na nodra i tikotiko na goneyalewa ka veiqaravi kina o Seasikasi, na enuki ka dau qaravi ira na watina lalai na tui. Ena sega ni lesu tale vua na tui na goneyalewa o ya ka vakavo duadua kevaka e taleitaki koya tale na tui ka cavuta na yacana ni sa kacivi koya lesu.
15Ia sa qai yaco mai na siga me lako kina vua na tui o Esiteri (oqo na goneyalewa ka susuga o Motekai me vaka ga e luvena dina, ia e luvei tamana lailai o Apieli). Era sa dau vakasakiti Esiteri kecega na tamata e sotavi koya. A sega ni kerea e dua na ka me tokara ki na valenitui o Esiteri, ia sa tokara ga na i sulu sa vakasalataka vua me daramaka o Ikai, na enuki ka i vakatawa ni nodra i tikotiko na goneyalewa. 16Ena vula o Tepeci na i katini ni vula, ena i kavitu ni yabaki vakatui i Asuerosi, sa qai kau yani vua o Esiteri ki na valenitui. 17Sa levu cake duadua na nona taleitaki Esiteri na tui mai vei ira na yalewa kece sara, ka sa kune loloma kei na veivakadonui ena mata ni tui mai vei ira na vo ni goneyalewa kecega. A qai vakaisalataki Esiteri na tui ena i sala vaka-ranadi ka vakatikori koya me ranadi mai vei Vasiti. 18A qai cakava na tui e dua na magiti levu kei na veivakamarautaki me baleti Esiteri ka sureti ira kece kina na nona dauveiliutaki kei ira na nona vakailesilesi. Ni oti o ya, sa qai lavaka na tui e dua na olodei ena veiyasana kecega ena nona matanitu ka soli ka ni loloma e veiganiti kaya na nona i tutu vakatui.
Dusia na Vere Ca o Motekai
19Dede vakalailai, a lesi Motekai sara na tui ki na dua na i tutu ni veiliutaki. 20Ia o Esiteri a sega tikoga ni bau vakaraitaka ni Jiu o koya. E a tukuna vua o Motekai me kakua sara ni vakaraitaka, ka muria na nona vosa o Esiteri me vaka ga na nona dau muria na vosa ni a sa goneyalewa lailai.
21Ena gauna e i vakailesilesi tiko kina ena valenitui o Motekai, e rau a veisaqasaqa kei tui Asuerosi ka vinakata sara me rau vakamatei koya o Pikicani kei Teresi; e rau enuki ni valenitui ka nodrau i tavi me rau dau yadrava na katuba ki na rumu ni tui. 22A rogoca rawa o Motekai na ka oqo ka mani tukuna sara vei Esiteri; na Ranadi; ia o Esiteri a qai tukuna na ka oqo vua na tui ena yaca i Motekai. 23Ni vaqaqai ka kunei rawa ni a ka dina na i rogorogo o ya, e rau a qai vakamatei ruarua o Pikitane kei Tirisa. Na ka kece a yaco oqo a qai mai volai sara e mata ni tui ena kedra i Vola Tukutuku Ni Veigauna na tui.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.