Siraki 1
1
Vakacerecerei na vuku
1 #
Vbale 2.6
Na vu ni vuku kece na Turaga, e tiko tawamudu vua.
2Na nuku ni baravi, na mataniuca, kei na siga ni veitabagauna — o cei e wilika rawa?
3Na rewa kei lomalagi, na raba kei vuravura, na batilili ni wasawasa, kei na yalomatua — o cei e katuma rawa?
4Sa buli sara mai liu na vuku, na yalomatua se tu mai na ivakatekivu.
5 Na vu ni vuku na vosa ni Kalou mai na ulu i lomalagi; na itovo ni vuku sa ivakaro tawamudu.
6Na vu ni vuku — o cei sa vakaraitaki vua? Na nona ivadi — o cei e kila?
7 Na kila na vuku — o cei sa vakatakilai vua? Nona kilaka levu — o cei e matata vua?
8E le dua ga e vuku, e rerevaki sara, e dabe vakatui.
9 #
Vbale 8.22-31; Sr 24.9 Na Turaga sara ga a bulia na vuku, a raica, vota, qai sova vei ira kece na nona ibulibuli.
10E tiko vei ira kece na tamata me vaka nona veivotai, vakabibi vei ira na lomani koya.
11Na doka na Turaga, na vakacerecerei kei na rokovi, nona na marau kei na isala ni reki.
12Na doka na Turaga, na malaude ni yalo, na marau, na reki kei na bula balavu.
13Na doka na Turaga, e na tini vinaka nona bula e dua, e na kalougata e na siga ni nona mate.
14Na doka na Turaga, e itekivu ni vuku, e buli vata kei ira na vakabauta e na kete i tinadra.
15Sa buli yavu tudei e na kedra maliwa na tamata, era na nuitaki koya na nodra kawa.
16Na doka na Turaga, na iyalayala ni vuku; era mamau na tamata e na vuana.
17 #
Ym 7.11
E vakasinaita na nodra vale taucoko e na iyau talei, nodra lololo e na vuaniqele.
18Na doka na Turaga, na ulu ni vuku, e vakatubu vakacegu kei na bula uasivi.
19Sa raici koya na Turaga qai votai koya; a sova na kilaka kei na yalomatua, kuria nodra lagilagi na kabiti koya.
20 #
Vbale 3.16; 4.10 Na doka na Turaga, na vu ni vuku; na tabana, na bula balavu.
21 Na doka na Turaga, e cemuria na ivalavalaca; ni tiko, e sabaya na cudru kece.
Na yalomalua
22Na cudru wale e sega na kena ulubale; ni dua sa cudru, sa tekivu naulu sobu.
23O koya e yalovosota, e na waraka na kena gauna, e na qai vuabale kina nona marau.
24E na galu voli ga me yacova na kena gauna, e na qai rogo voli e na nona lewa matau.
Vuku kei na doka na Kalou
25E sautu na vuku e na ivosavosa momona; ia o ira na dau valavalaca era sevaka matua na yalovakalotu.
26Nida gadreva na vuku, meda rokova na ivunau, e na qai solia vei keda na Turaga.
27Na doka gona na Turaga, na vuku kei na vuli, e taleitaka na Turaga na yalodina kei na yalomalua.
28Kua ni voraki na doka na Turaga, kua ni lomalomarua na qaravi koya.
29Kua ni yalododonu vakarairai, qarauna na gusumu.
30Kua ni dokadokai iko deo na lutu o qai madua kina.
E na vakaraitaka na nomu ivunivuni na Turaga qai vakamaduataki iko e valenilotu,
nio a sega ni doka na Turaga e na nomu lako mai, a sinai ga na lomamu e na veidabui.
Currently Selected:
Siraki 1: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.