Dauvunau 12
12
1Mo nanumi koya na Dauveibuli
Ena dela ni nomu gauna vakatabagone,
Ni sa bera ni yaco mai na veisiga ca
Ka toro mai na veiyabaki mo na kaya kina,
Au sa sega ni vinakata na bula.
2Sa i koya oqori na gauna ena buto mai kina vei iko na rarama mai na matanisiga, na vula, kei na veikalokalo; ka na sega ni takali laivi yani na o ni uca. 3Ena qai sautaninini mai na ligamu ka sa dau taqomaki iko, kei na yavamu sa kaukauwa tu oqo ena malumalumu mai. Ena lailai mai na batimu me mama na kemu kakana, ka sa na buwawa mai na matamu mo sega ni rai vakavinaka kina. 4Sa na didivara na daligamu mai na rorogo ena gaunisala. Sa na dredre sara mo rogoca na domo ni qaqaqi ni yavala se na domo ni vakatagi ni taqiri mai, ia sa na voqa yawa na domo ni nona tagi e dua na manumanu vuka. 5O na rerevaka na veivanua cecere, ka domobulataka na veilakoyaki. Ena sika mai na ulumu; ena dredre mai vei iko na veitosoyaki, ka seavu vakadua yani na veika o dau gagadre tu kina.
Eda sa lako yani ki na i otioti ni noda vanua ni vakacegu ka sa na yaco tu mai na veitagicaki ena gaunisala. 6Ena cavuka na sinucodo siliva, ka na lutu na cina koula ka kavoro; na dali mai na i keliwai ena cavuka, ka na kakavorovoro na saqa wai. 7Sa na lesu tale na yago me kuvu ni qele me qele tale me vaka e liu, ia na yalo ena lesu tale vua na Kalou, o koya sa solia.
8A sa kaya na Dauvunau, Sa sega ni yaga, sa sega ni yaga, sa sega ni yaga na ka kecega.
Na Kena i Tinitini
9Ia sa vuku sara na Dauvunau ka sa vakavulici ira tikoga na tamata ena ka e kila. Sa vulica vinaka sara na veivosa vakaibalebale ka vakatovolea talega na kedra dina. 10Sa saga na Dauvunau me kunea na vosa ni veivakacegui, ia na veivosa sa vola sa ka dina. 11Na nodra vosa na tamata vuku sa vaka na kau momoto era dau vakayagataka na i vakatawanisipi me vagolei ira kina na sipi, ka sa vaka na i vako sa vakoti sara vakavinaka na veivakasala momona. Sa solia kece mai oqo na Kalou, o koya na noda i Vakatawa e le dua bauga.
12Na luvequ, e dua tale na ka au via vakarota vei iko.
Na kena volai na veivola e vuqa e sega ni vakaiyalayala, ia na sivia ni vuli lesoni ena kauta mai na oca ki na yago.
13Ia sa rogoci na veika kece;
Oqo na i tinitini ni veika kece sara:
Mo rerevaka na Kalou ka muria na nona i vunau,
Ni sai koya ga oqo na i naki levu e buli kina na tamata.
14Ni na lewa na Kalou na ka kecega eda cakava,
Kei na ka vuni kecega,
Se vinaka, se ca.
Currently Selected:
Dauvunau 12: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
Dauvunau 12
12
1Mo nanumi koya na Dauveibuli
Ena dela ni nomu gauna vakatabagone,
Ni sa bera ni yaco mai na veisiga ca
Ka toro mai na veiyabaki mo na kaya kina,
Au sa sega ni vinakata na bula.
2Sa i koya oqori na gauna ena buto mai kina vei iko na rarama mai na matanisiga, na vula, kei na veikalokalo; ka na sega ni takali laivi yani na o ni uca. 3Ena qai sautaninini mai na ligamu ka sa dau taqomaki iko, kei na yavamu sa kaukauwa tu oqo ena malumalumu mai. Ena lailai mai na batimu me mama na kemu kakana, ka sa na buwawa mai na matamu mo sega ni rai vakavinaka kina. 4Sa na didivara na daligamu mai na rorogo ena gaunisala. Sa na dredre sara mo rogoca na domo ni qaqaqi ni yavala se na domo ni vakatagi ni taqiri mai, ia sa na voqa yawa na domo ni nona tagi e dua na manumanu vuka. 5O na rerevaka na veivanua cecere, ka domobulataka na veilakoyaki. Ena sika mai na ulumu; ena dredre mai vei iko na veitosoyaki, ka seavu vakadua yani na veika o dau gagadre tu kina.
Eda sa lako yani ki na i otioti ni noda vanua ni vakacegu ka sa na yaco tu mai na veitagicaki ena gaunisala. 6Ena cavuka na sinucodo siliva, ka na lutu na cina koula ka kavoro; na dali mai na i keliwai ena cavuka, ka na kakavorovoro na saqa wai. 7Sa na lesu tale na yago me kuvu ni qele me qele tale me vaka e liu, ia na yalo ena lesu tale vua na Kalou, o koya sa solia.
8A sa kaya na Dauvunau, Sa sega ni yaga, sa sega ni yaga, sa sega ni yaga na ka kecega.
Na Kena i Tinitini
9Ia sa vuku sara na Dauvunau ka sa vakavulici ira tikoga na tamata ena ka e kila. Sa vulica vinaka sara na veivosa vakaibalebale ka vakatovolea talega na kedra dina. 10Sa saga na Dauvunau me kunea na vosa ni veivakacegui, ia na veivosa sa vola sa ka dina. 11Na nodra vosa na tamata vuku sa vaka na kau momoto era dau vakayagataka na i vakatawanisipi me vagolei ira kina na sipi, ka sa vaka na i vako sa vakoti sara vakavinaka na veivakasala momona. Sa solia kece mai oqo na Kalou, o koya na noda i Vakatawa e le dua bauga.
12Na luvequ, e dua tale na ka au via vakarota vei iko.
Na kena volai na veivola e vuqa e sega ni vakaiyalayala, ia na sivia ni vuli lesoni ena kauta mai na oca ki na yago.
13Ia sa rogoci na veika kece;
Oqo na i tinitini ni veika kece sara:
Mo rerevaka na Kalou ka muria na nona i vunau,
Ni sai koya ga oqo na i naki levu e buli kina na tamata.
14Ni na lewa na Kalou na ka kecega eda cakava,
Kei na ka vuni kecega,
Se vinaka, se ca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.