2 Makabe 14
14
Vosa saqati Jutasa o Alikimo
1Oti e tolu na yabaki, sa rogo mai vei Jutasa kei ira nona tamata ni sa soko mai e na toba e Tiripoli kei na mataivalu qaqa kei na matamanua o Demitirio na luve i Seleuko, 2qai kovea na vanua ni sa vakamatei rau o Adioko kei Lisiasi na nona ivakatawa. 3E tiko kina e dua na tamata, yacana o Alikimo. A betelevu tu e liu ia a lai vakadukadukalitaki koya e na gauna ni vakacaca. E kila ni sa sega ni rawa ni bula tudei se me cabeta tale na yaletare tabu. 4Sa mani gole vei Demitireo na tui e na ika151 ni yabaki [161 BSK] me solia vua e dua na isala koula kei na taba ni palema vakina na taba ni olive e so ni valenisoro. E na loma ni siga ya, a vakananomodi tu. 5Ia ni sa sureti koya o Demitirio i na veivosaki ni matabose, sa kila ni sa rawa vua me tosoya nona inaki lialia. Ni sa tarogi me baleta nodra nanuma kei na inaki na Jiu, a sauma:
6“O ira na Jiu era vakatokai na Hasiteo, nodra iliuliu o Jutasa Makabe, era via vala, via vakatubu ca tiko ga, era na sega ni via laiva me tiko vakacegu na matanitu. 7Au sa biuta tani kina noqu itutu lagilagi vakawa, ya na itutu ni betelevu, meu lako mai e ke: 8e dua, baleta niu kauaitaka dina na veika e baleta na tui, kena ikarua baleta niu nanumi ira na kainoqu. E na nodra lialia o ira au sa tukuna, sa donuya tu kina neimami matanitu taucoko e dua na kalouca levu. 9Nioni sa kila vinaka, saka na matailalai ni ka qo, ni nanuma, e na yalololoma oni vakaraitaka raraba, na neimami vanua kei neimami matanitu sa donuya tu na gauna dredre. 10Na dede ga ni nona bula tiko o Jutasa na dede ni nona sega ni kunea na vakacegu na matanitu.
Talai Nikanore o Demitirio me valuti Jutasa
11Ni sa tukuna oti qo, era sa qai vakacudrui Demiterio tale vakalevu na itokani ni tui era sevaki Jutasa. 12Sa mani digitaki Nikanore sara, koya a komada ni elefadi, lesi koya me kovana kei Jutia, talai koya, 13vakarota vua me lai vakamatei Jutasa, cemuri ira nona tamata, vakatikori Alikimo me betelevu e na valenisoro rogo duadua. 14O ira na kai veimatanitu tani era drovaki Jutasa, era sa soqo vakalewelevu yani mera curu i na mataivalu i Nikanore e na nodra nanuma ni nodra kalouca kei na leqa na Jiu e na vu ni nodra sautu o ira.
15 #
1M 7.27,28 Nira sa rogoca na Jiu na lako yani nei Nikanore kei na nodra soqo vakalewelevu na kai veimatanitu tani, era kaburaka na kuvuniqele e uludra, masuti koya e tauyavutaka nona matatamata me tawamudu, dau taqomaka na nona e na nona vakaraitaki koya. 16E na ivakaro ni nodra iliuliu, era sa biubiu sara mai kea, ra qai valuti ira e na koro yacana o Desau. 17O Saimoni na tuakai Jutasa a sotavi Nikanore e na ivalu qo, ia sa tu vakasuka vakalailai e na vuku ni nodra sa yaco yani vakasauri e so tale na meca.
18Ia o Nikanore, ni sa rogoca na yaloqaqa nei Jutasa kei ira nona tamata, kei na nodra dau bole mate e na ivalu e na vuku ni nodra vanua, e sega ni vinakata me macala na ka qo e na dave ni dra. 19Sa mani talai iratou o Positonio, Ceototo kei Matacayasi meratou veiyalayalati kei ira na Jiu. 20Ni sa vakasamataki vinaka na ka ni veiyalayalati, vakamatatataka na iliuliu vei ira na nona tamata, ra sa rai duavata kina, era sa vakadonuya na veiyalayalati. 21Erau sa lewa na iliuliu na siga merau sota taurua kina. E basika mai na mataivalu ruarua e yadua na qiqinivalu, sa vakarau tu na nodrau idabedabe. 22O Jutasa sa biuti ira tu nona tamata e na vanua digitaki e so mera tarova na nodra veisau lomadra vakasauri na meca. Erau sa mani bose.
23Sa tiko ga e Jerusalemi o Nikanore, sega ni cakava e dua na ka ca; a vakatalai ira ga mera dui gole na lewe levu era a soqo mai nona ito. 24Sa vinakata me tu ga e matana o Jutasa; sa tubu cake nona dau taleitaki koya. 25Sa mani vakauqeti koya me vakawati vakaluveni; sa mani vakamau, tu vakadua me vakataki ira na lewenivanua raraba.
Veisau o Nikanore me saqati Jutasa
26Ia ni sa raica o Alikimo nodrau veilomani, sa taura na veiyalayalati sa caka, lako vei Demitirio. Sa tukuna vua ni o Nikanore sa sega ni dina i na matanitu, ni sa digitaki Jutasa, na daubukiveretaka na matanitu, me kena isosomi. 27Sa cudru vakalevu kina na tui. Nona veibeitaki lasu na tamata lialia qo, sa mani volavola kina vei Nikanore, vakaraitaka ni sega ni taleitaka na veiyalayalati, vakaroti koya me kauti Makabe sara vakavesu i Adioki.
28Ni sa taura o Nikanore na itukutuku qo, sa lomaleqa ka rarawa me sereka tale nodrau veidinadinati, ni sega nona cala o Jutasa. 29Me vaka ni sega ni rawa ni saqata na tui, sa qara e dua na sala me lawakitaki Jutasa kina. 30Ia ni sa raica o Makabe ni sa duatani nona ivukivuki vua sega ni yalovinaka me vaka nona ivakarau taumada, sa kila ni sa sega ni vinaka nona inaki. Sa soqoni ira kina e levu nona tamata, era qai lai vuni mai vei Nikanore.
31 #
1M 7.29,30 Ni a vakawa o Nikanore na ivakarau qaseqase i Jutasa, sa lako i na valenisoro levu, na valenisoro tabu, e na gauna era vakacabo isoro tiko kina na bete, vakaroti ira mera soli Makabe yani vua. 32Nira sa bubuluitaka nira sega ni kila na vanua e tiko kina na tamata e qara, 33sa dodoka na ligana i na vale tabu, bubului vaqo: “Kevaka oni sega ni soli Jutasa mai vakavesu vei yau, au na talaraka na vale ni Kalou qo, basuraka na yaletare, au na qai tara e ke e dua na valenisoro totoka nei Dionisio.”
34Ni sa tukuna oti qo, sa qai biuti ira. Era sa qai laveta na ligadra na bete i lomalagi, kerea vaqo na Dauveitaqomaki tudei ni noda vanua: 35“I kemuni na Turaga ni veika kece, oni marau ni tu na valenisoro me nomuni tikotiko e keimami maliwa. 36O koya gona, kemuni na Tabu, Turaga ni veika taucoko e dodonu, ni taqomaka me savasava tawamudu na vale qo se qai vakasavasavataki wale ga.”
Mate o Rase e na vuku ni nona vanua
37O Rase, e dua vei ira na qase e Jerusalemi, sa beitaki vei Nikanore ni o koya e dua e dau lomani ira na kainona, dau rokovi, dau vakatokai me tamadra na Jiu e na nona dauloloma. 38E na gauna e liu ni se bera na veimaliwai kei ira na kai veimatanitu tani, a beitaki ni dau tokona na ivakarau vakaJiu; a bolea e na yaloqaqa me solia nona bula me baleta na lotu vakaJiu. 39Nona via vakaraitaka o Nikanore na nona sa sevaki ira na Jiu, a talai ira kina e sivia e 500 na sotia mera vesuki koya, 40ni nanuma ni nona vesuki koya e na vakaleqai ira kina na Jiu. 41Nira sa vakarau vesuka na vale cecere ra saga tiko mera basuka na katuba e loma ni rara, era sa kaya me kau mai na buka me vakamai na katuba. Ni sa vakavolivoliti o Rase, sa ovaca vakataki koya nona isele, 42ni vinakata me mate vakaturaga, kua ga ni soro mera vesuki koya na dauvalavalaca qai caka vua na itovo lolovira e sega ni veiganiti kei nona sucu vakaturaga. 43Ia ni sa katakata na veimulomulo, a sega ni coba donu na isele, era sa curucuru tale ga mai na lewe levu e katuba. E na yaloqaqa sa ciciva na bai, kabata, qai bitalaki koya sobu e na kedra maliwa na lewe levu. 44Nira vakasuka vakatotolo, e mani tadola e dua na vanua lala e loma, mani lutu kina. 45Ni se bula sa tucake qai cici yani e na kedra maliwa e na cudru katakata, nona dra sa savu tu mai yagona. A lai duri e na dela ni dua na vatu levu. 46Sa qai maca vakadua na dra mai yagona, mani dreta laivi mai nona wawa, taura e ligana ruarua, kolotaka yani vei ira na lewe levu, ni kaciva tiko na Turaga ni bula kei na yalo me qai solia lesu tale vua. Qo na ivakarau ni nona mate.
Currently Selected:
2 Makabe 14: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.
2 Makabe 14
14
Vosa saqati Jutasa o Alikimo
1Oti e tolu na yabaki, sa rogo mai vei Jutasa kei ira nona tamata ni sa soko mai e na toba e Tiripoli kei na mataivalu qaqa kei na matamanua o Demitirio na luve i Seleuko, 2qai kovea na vanua ni sa vakamatei rau o Adioko kei Lisiasi na nona ivakatawa. 3E tiko kina e dua na tamata, yacana o Alikimo. A betelevu tu e liu ia a lai vakadukadukalitaki koya e na gauna ni vakacaca. E kila ni sa sega ni rawa ni bula tudei se me cabeta tale na yaletare tabu. 4Sa mani gole vei Demitireo na tui e na ika151 ni yabaki [161 BSK] me solia vua e dua na isala koula kei na taba ni palema vakina na taba ni olive e so ni valenisoro. E na loma ni siga ya, a vakananomodi tu. 5Ia ni sa sureti koya o Demitirio i na veivosaki ni matabose, sa kila ni sa rawa vua me tosoya nona inaki lialia. Ni sa tarogi me baleta nodra nanuma kei na inaki na Jiu, a sauma:
6“O ira na Jiu era vakatokai na Hasiteo, nodra iliuliu o Jutasa Makabe, era via vala, via vakatubu ca tiko ga, era na sega ni via laiva me tiko vakacegu na matanitu. 7Au sa biuta tani kina noqu itutu lagilagi vakawa, ya na itutu ni betelevu, meu lako mai e ke: 8e dua, baleta niu kauaitaka dina na veika e baleta na tui, kena ikarua baleta niu nanumi ira na kainoqu. E na nodra lialia o ira au sa tukuna, sa donuya tu kina neimami matanitu taucoko e dua na kalouca levu. 9Nioni sa kila vinaka, saka na matailalai ni ka qo, ni nanuma, e na yalololoma oni vakaraitaka raraba, na neimami vanua kei neimami matanitu sa donuya tu na gauna dredre. 10Na dede ga ni nona bula tiko o Jutasa na dede ni nona sega ni kunea na vakacegu na matanitu.
Talai Nikanore o Demitirio me valuti Jutasa
11Ni sa tukuna oti qo, era sa qai vakacudrui Demiterio tale vakalevu na itokani ni tui era sevaki Jutasa. 12Sa mani digitaki Nikanore sara, koya a komada ni elefadi, lesi koya me kovana kei Jutia, talai koya, 13vakarota vua me lai vakamatei Jutasa, cemuri ira nona tamata, vakatikori Alikimo me betelevu e na valenisoro rogo duadua. 14O ira na kai veimatanitu tani era drovaki Jutasa, era sa soqo vakalewelevu yani mera curu i na mataivalu i Nikanore e na nodra nanuma ni nodra kalouca kei na leqa na Jiu e na vu ni nodra sautu o ira.
15 #
1M 7.27,28 Nira sa rogoca na Jiu na lako yani nei Nikanore kei na nodra soqo vakalewelevu na kai veimatanitu tani, era kaburaka na kuvuniqele e uludra, masuti koya e tauyavutaka nona matatamata me tawamudu, dau taqomaka na nona e na nona vakaraitaki koya. 16E na ivakaro ni nodra iliuliu, era sa biubiu sara mai kea, ra qai valuti ira e na koro yacana o Desau. 17O Saimoni na tuakai Jutasa a sotavi Nikanore e na ivalu qo, ia sa tu vakasuka vakalailai e na vuku ni nodra sa yaco yani vakasauri e so tale na meca.
18Ia o Nikanore, ni sa rogoca na yaloqaqa nei Jutasa kei ira nona tamata, kei na nodra dau bole mate e na ivalu e na vuku ni nodra vanua, e sega ni vinakata me macala na ka qo e na dave ni dra. 19Sa mani talai iratou o Positonio, Ceototo kei Matacayasi meratou veiyalayalati kei ira na Jiu. 20Ni sa vakasamataki vinaka na ka ni veiyalayalati, vakamatatataka na iliuliu vei ira na nona tamata, ra sa rai duavata kina, era sa vakadonuya na veiyalayalati. 21Erau sa lewa na iliuliu na siga merau sota taurua kina. E basika mai na mataivalu ruarua e yadua na qiqinivalu, sa vakarau tu na nodrau idabedabe. 22O Jutasa sa biuti ira tu nona tamata e na vanua digitaki e so mera tarova na nodra veisau lomadra vakasauri na meca. Erau sa mani bose.
23Sa tiko ga e Jerusalemi o Nikanore, sega ni cakava e dua na ka ca; a vakatalai ira ga mera dui gole na lewe levu era a soqo mai nona ito. 24Sa vinakata me tu ga e matana o Jutasa; sa tubu cake nona dau taleitaki koya. 25Sa mani vakauqeti koya me vakawati vakaluveni; sa mani vakamau, tu vakadua me vakataki ira na lewenivanua raraba.
Veisau o Nikanore me saqati Jutasa
26Ia ni sa raica o Alikimo nodrau veilomani, sa taura na veiyalayalati sa caka, lako vei Demitirio. Sa tukuna vua ni o Nikanore sa sega ni dina i na matanitu, ni sa digitaki Jutasa, na daubukiveretaka na matanitu, me kena isosomi. 27Sa cudru vakalevu kina na tui. Nona veibeitaki lasu na tamata lialia qo, sa mani volavola kina vei Nikanore, vakaraitaka ni sega ni taleitaka na veiyalayalati, vakaroti koya me kauti Makabe sara vakavesu i Adioki.
28Ni sa taura o Nikanore na itukutuku qo, sa lomaleqa ka rarawa me sereka tale nodrau veidinadinati, ni sega nona cala o Jutasa. 29Me vaka ni sega ni rawa ni saqata na tui, sa qara e dua na sala me lawakitaki Jutasa kina. 30Ia ni sa raica o Makabe ni sa duatani nona ivukivuki vua sega ni yalovinaka me vaka nona ivakarau taumada, sa kila ni sa sega ni vinaka nona inaki. Sa soqoni ira kina e levu nona tamata, era qai lai vuni mai vei Nikanore.
31 #
1M 7.29,30 Ni a vakawa o Nikanore na ivakarau qaseqase i Jutasa, sa lako i na valenisoro levu, na valenisoro tabu, e na gauna era vakacabo isoro tiko kina na bete, vakaroti ira mera soli Makabe yani vua. 32Nira sa bubuluitaka nira sega ni kila na vanua e tiko kina na tamata e qara, 33sa dodoka na ligana i na vale tabu, bubului vaqo: “Kevaka oni sega ni soli Jutasa mai vakavesu vei yau, au na talaraka na vale ni Kalou qo, basuraka na yaletare, au na qai tara e ke e dua na valenisoro totoka nei Dionisio.”
34Ni sa tukuna oti qo, sa qai biuti ira. Era sa qai laveta na ligadra na bete i lomalagi, kerea vaqo na Dauveitaqomaki tudei ni noda vanua: 35“I kemuni na Turaga ni veika kece, oni marau ni tu na valenisoro me nomuni tikotiko e keimami maliwa. 36O koya gona, kemuni na Tabu, Turaga ni veika taucoko e dodonu, ni taqomaka me savasava tawamudu na vale qo se qai vakasavasavataki wale ga.”
Mate o Rase e na vuku ni nona vanua
37O Rase, e dua vei ira na qase e Jerusalemi, sa beitaki vei Nikanore ni o koya e dua e dau lomani ira na kainona, dau rokovi, dau vakatokai me tamadra na Jiu e na nona dauloloma. 38E na gauna e liu ni se bera na veimaliwai kei ira na kai veimatanitu tani, a beitaki ni dau tokona na ivakarau vakaJiu; a bolea e na yaloqaqa me solia nona bula me baleta na lotu vakaJiu. 39Nona via vakaraitaka o Nikanore na nona sa sevaki ira na Jiu, a talai ira kina e sivia e 500 na sotia mera vesuki koya, 40ni nanuma ni nona vesuki koya e na vakaleqai ira kina na Jiu. 41Nira sa vakarau vesuka na vale cecere ra saga tiko mera basuka na katuba e loma ni rara, era sa kaya me kau mai na buka me vakamai na katuba. Ni sa vakavolivoliti o Rase, sa ovaca vakataki koya nona isele, 42ni vinakata me mate vakaturaga, kua ga ni soro mera vesuki koya na dauvalavalaca qai caka vua na itovo lolovira e sega ni veiganiti kei nona sucu vakaturaga. 43Ia ni sa katakata na veimulomulo, a sega ni coba donu na isele, era sa curucuru tale ga mai na lewe levu e katuba. E na yaloqaqa sa ciciva na bai, kabata, qai bitalaki koya sobu e na kedra maliwa na lewe levu. 44Nira vakasuka vakatotolo, e mani tadola e dua na vanua lala e loma, mani lutu kina. 45Ni se bula sa tucake qai cici yani e na kedra maliwa e na cudru katakata, nona dra sa savu tu mai yagona. A lai duri e na dela ni dua na vatu levu. 46Sa qai maca vakadua na dra mai yagona, mani dreta laivi mai nona wawa, taura e ligana ruarua, kolotaka yani vei ira na lewe levu, ni kaciva tiko na Turaga ni bula kei na yalo me qai solia lesu tale vua. Qo na ivakarau ni nona mate.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.