1 Joni 1
1
Na Vosa ni Bula
1 #
Joni 1.1
Keitou sa volavola yani oqo vei kemuni me baleta na Vosa ni Bula, o koya sa bula tu mai na i vakatekivu, o koya keitou a rogoca, o koya keitou a raica ena mata i keitou; io, o koya keitou sa raica ka sa tara na liga i keitou. 2#Joni 1.14A sa yaco me rairai mai na bula oqo, ka keitou sa raica; keitou sa dautukuna kina ka vakatakila vei kemuni na bula tawamudu ka sa tu vua na Tamana ka sa qai vakaraitaki mai vei keda. 3Keitou sa tukuna talega vei kemuni na veika keitou sa raica ka rogoca, me rawa kina ni o ni duavata kei keitou ena veitokani keitou sa vakayacora tiko kei na Tamana vata kei na Luvena o Jisu Karisito. 4Keitou sa vola yani na veika oqo me vakataucokotaki kina na nomuni marau.
Sa Rarama na Kalou
5Sa i koya oqo na i tukutuku keitou sa rogoca mai vua na Luvena, ka keitou sa tukuna yani oqo vei kemuni: ni sa rarama na Kalou, ka sa sega sara vua na butobuto. 6Ni kevaka eda sa kaya ni da sa veitokani tiko kei na Kalou, ka da qai vakayacora tiko na i valavala butobuto, eda sa lasu ga ena vuku ni noda vosa kei na ka eda cakava. 7Ia kevaka eda sa bula ga ena rarama, me vaka sa tiko o koya ena rarama, eda sa qai veitokani vata kaya, ka sa vakasavasavataki keda mai na i valavala ca kecega na dra i Jisu na Luvena.
8Kevaka eda sa kaya ni sa sega na noda i valavala ca, eda sa vakaisini keda ga, ka sa sega kina vei keda na dina. 9Kevaka eda sa vakatusa na noda i valavala ca vua na Kalou, sa yalodina ga o koya ki na nona vosa ni yalayala me vakayacora na ka dodonu: ena vosota kece sara o koya na noda i valavala ca ka vakasavasavataki keda mai na veika kecega sa sega ni dodonu. 10Kevaka eda sa kaya ni da a sega ni valavala ca, eda sa vakalasui koya, ka sa sega ni tu vei keda na nona vosa.
Currently Selected:
1 Joni 1: FNVDC12
Highlight
Share
Copy
Want to have your highlights saved across all your devices? Sign up or sign in
Fijian New Version including Deuterocanonical Books © Bible Society of the South Pacific, 2012.