Romanos 7
7
Diospa leyninkunapa munayninpita yarqukushqansi
1Wawqi panikuna, Diospa leyninkunata yachaykarqa musyayankimi kawaykaqkunala leykunata cumpliyänanpaq kashqanta. 2Saynölami majayuq warmipis runan kawashqanyaqla runanpa munaynincho kaykan. Runan wanukuptinqa librinami kaykan. 3Runan kawaykaptin juk runawan kakurqa runantami qanrataykan. Runan wanuptinmi isanqa say leypita librina kar juk runawanpis täkunman.
4Wawqi panikuna, Jesucristo cruzcho wanush kaptinmi noqansipis Diospa leyninkunapaq wanush japuy kaykansi. Saymi say leykunapa munaynincho kanansipa trukanqa Jesucristupa munayninchöna kaykansi. Paytami wanushqanpita Tayta Dios kawarisimurqan pay munashqanno kawanansipaq.
5Nawpataqa jusalikuypa munaynincho kawashqami Tayta Diospa leyninkuna yarpayta qomarqansi mas jusalikunansipaq. Sayno jusalikurmi wanush japuy karqansi. 6Kananqa say leykunapa munaynincho kashqansipita yarqukurmi say leykunapaq wanushnöna kaykansi. Sayno karqa manami say leykunata cumpliypasu Tayta Diosta sirviykansi, saypa trukanqa Espíritu Santu yanapämashqami.
Munaynincho jusalikuy sararämashqansi
7Sayno kaptinpis ama yarpäshunsu Diospa leyninkuna mana ali kashqanta. Diospa leyninkunaqa alimi kaykan. Say leykunata mana yacharqa jusa ima kashqantapis manami musyämansu karqan.
Say leykunachömi nin: <<Runa mayikipa imaykankunatapis ama munapankisu>>.#Éxo. 20.17; Deut. 5.21.
Sayno mana niptinqa manami musyämansu karqan jukpa imantapis munapashqä jusa kashqanta. 8Sayno kaptinpis say leyta jusalikuy manijaptinmi masraq wachakash rikakurqä. Diospa leyninkunata mana musyaptïqa jusalikuy wanush kar manami yarpäsimanmansu karqan.
9Nawpataqa say leykunata manaraq musyar jawkalami kawakurqä. Diospa leyninkunata musyaptïnami isanqa jusalikuy munayyuq rikakuptin wanush japuyna rikakurqä. 10Saymi Tayta Diospa leyninkunata musyarpis ali kawayman chänäpa trukan wanuyman charqä. 11Saynöpami jusalikuy engañamar wanusimänanpaq Diospa leyninkunata manijarqan.
12Sayno kaptinpis Tayta Diospa leyninkuna y mandamientunkuna rasunpaypa alimi y sagrädumi kaykan. 13Wanush japuy rikakunäpaq manami Diospa leyninkunasu jusayuq kaykan, sinöqa jusalikuymi. Jusalikuymi Diospa leyninkunata manijar wanuyman apamarqan. Saynöpami tantiyä jusalikuy pasaypa mana ali kashqanta.
14Musyansimi Tayta Diospa leyninkuna ali kashqanta. Sayno kaptinpis noqaqa runala karmi jusalikuypa munaynincho kaykä. 15Sayno karmi imanir jusalikushqätapis tantiyäsu. Alita rurayta munarpis mana munashqä kaqtami rurä.#Gál. 5.17. 16Mana munashqä kaqta rurarmi say leykuna ali kashqanta tantiyä.
17Jusalikuyta mana munaptïpis shonqücho kaykaq jusalikuymi mana alikunata rurasiman. 18Noqaqa alikunata rurayta munarpis manami kamäpaküsu. Saymi musyä shonqücho imapis alilaqa mana kashqanta. 19Sayno karmi Tayta Dios munashqanta rurayta munaykarpis mana alikunata rurä. 20Jusalikuyta mana munaptïpis shonqücho kaykaq jusalikuymi jusalikasiman.
21Saynölami imaypis päsaman. Alita rurayta munarpis mana alitami rurä. 22Shonqücho Tayta Diospa leyninkunata wiyakuyta munaptïpis 23jusalikuymi ali yarpaynïwan pelyaykan. Vincimar prësutano sararämarmi jusalikuyman ishkisiman. 24-25Noqaqa Tayta Diospa leyninkunata wiyakuyta munarpis jusalikuypa munaylanchöraqmi kaykä. Sayno kaykaptinqa fiyupa lakipaypaqmi kaykä. Wanush japuy kaykashqäpita ¿pilaraq salvaykamanman? ¡Päkilä, Tayta Dios! ¡Señor Jesucristumi salvaman!
Currently Selected:
Romanos 7: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Romanos 7
7
Diospa leyninkunapa munayninpita yarqukushqansi
1Wawqi panikuna, Diospa leyninkunata yachaykarqa musyayankimi kawaykaqkunala leykunata cumpliyänanpaq kashqanta. 2Saynölami majayuq warmipis runan kawashqanyaqla runanpa munaynincho kaykan. Runan wanukuptinqa librinami kaykan. 3Runan kawaykaptin juk runawan kakurqa runantami qanrataykan. Runan wanuptinmi isanqa say leypita librina kar juk runawanpis täkunman.
4Wawqi panikuna, Jesucristo cruzcho wanush kaptinmi noqansipis Diospa leyninkunapaq wanush japuy kaykansi. Saymi say leykunapa munaynincho kanansipa trukanqa Jesucristupa munayninchöna kaykansi. Paytami wanushqanpita Tayta Dios kawarisimurqan pay munashqanno kawanansipaq.
5Nawpataqa jusalikuypa munaynincho kawashqami Tayta Diospa leyninkuna yarpayta qomarqansi mas jusalikunansipaq. Sayno jusalikurmi wanush japuy karqansi. 6Kananqa say leykunapa munaynincho kashqansipita yarqukurmi say leykunapaq wanushnöna kaykansi. Sayno karqa manami say leykunata cumpliypasu Tayta Diosta sirviykansi, saypa trukanqa Espíritu Santu yanapämashqami.
Munaynincho jusalikuy sararämashqansi
7Sayno kaptinpis ama yarpäshunsu Diospa leyninkuna mana ali kashqanta. Diospa leyninkunaqa alimi kaykan. Say leykunata mana yacharqa jusa ima kashqantapis manami musyämansu karqan.
Say leykunachömi nin: <<Runa mayikipa imaykankunatapis ama munapankisu>>.#Éxo. 20.17; Deut. 5.21.
Sayno mana niptinqa manami musyämansu karqan jukpa imantapis munapashqä jusa kashqanta. 8Sayno kaptinpis say leyta jusalikuy manijaptinmi masraq wachakash rikakurqä. Diospa leyninkunata mana musyaptïqa jusalikuy wanush kar manami yarpäsimanmansu karqan.
9Nawpataqa say leykunata manaraq musyar jawkalami kawakurqä. Diospa leyninkunata musyaptïnami isanqa jusalikuy munayyuq rikakuptin wanush japuyna rikakurqä. 10Saymi Tayta Diospa leyninkunata musyarpis ali kawayman chänäpa trukan wanuyman charqä. 11Saynöpami jusalikuy engañamar wanusimänanpaq Diospa leyninkunata manijarqan.
12Sayno kaptinpis Tayta Diospa leyninkuna y mandamientunkuna rasunpaypa alimi y sagrädumi kaykan. 13Wanush japuy rikakunäpaq manami Diospa leyninkunasu jusayuq kaykan, sinöqa jusalikuymi. Jusalikuymi Diospa leyninkunata manijar wanuyman apamarqan. Saynöpami tantiyä jusalikuy pasaypa mana ali kashqanta.
14Musyansimi Tayta Diospa leyninkuna ali kashqanta. Sayno kaptinpis noqaqa runala karmi jusalikuypa munaynincho kaykä. 15Sayno karmi imanir jusalikushqätapis tantiyäsu. Alita rurayta munarpis mana munashqä kaqtami rurä.#Gál. 5.17. 16Mana munashqä kaqta rurarmi say leykuna ali kashqanta tantiyä.
17Jusalikuyta mana munaptïpis shonqücho kaykaq jusalikuymi mana alikunata rurasiman. 18Noqaqa alikunata rurayta munarpis manami kamäpaküsu. Saymi musyä shonqücho imapis alilaqa mana kashqanta. 19Sayno karmi Tayta Dios munashqanta rurayta munaykarpis mana alikunata rurä. 20Jusalikuyta mana munaptïpis shonqücho kaykaq jusalikuymi jusalikasiman.
21Saynölami imaypis päsaman. Alita rurayta munarpis mana alitami rurä. 22Shonqücho Tayta Diospa leyninkunata wiyakuyta munaptïpis 23jusalikuymi ali yarpaynïwan pelyaykan. Vincimar prësutano sararämarmi jusalikuyman ishkisiman. 24-25Noqaqa Tayta Diospa leyninkunata wiyakuyta munarpis jusalikuypa munaylanchöraqmi kaykä. Sayno kaykaptinqa fiyupa lakipaypaqmi kaykä. Wanush japuy kaykashqäpita ¿pilaraq salvaykamanman? ¡Päkilä, Tayta Dios! ¡Señor Jesucristumi salvaman!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.