Números 9
9
Pascua fiestata rurayänanpaq nishqan
1Egiptupita Israel runakuna yarqayämushqanpita juk wata cumplirkuptinnami ishkay kaq wata qalaykunan killa Sinaí sunyaq jirkacho Moisésta Tayta Dios nirqan: 2<<Israel runakuna cada watami nishqä junaqcho Pascua fiestata rurayanqa. 3Pascua fiesta qalaykunqa kay killa chunka chusku junaq tardimi. Sayta rurayanqa imanöpis rurayänanpaq yäsishqänölami>>.
4Sayno niptinmi Israel mayinkunata Moisés nirqan Pascua fiestata rurayänanpaq. 5Saynöpami Moisésta Tayta Dios nishqannöla wata qalaykunan killa chunka chusku junaq tardipita qalaykur Sinaí jirkacho Pascua fiestata rurayarqan.#Éxo. 12.1-13.
6Wakinqa ayata yatayashqanpita impüru karmi Pascua carnishta pishtayarqansu. Saymi say junaqla aywar Moiséstawan 7Aarónta niyarqan: <<Noqakunaqa ayata yatash karmi impüru kaykäyä. Sayno karpis ¿manasuraq Israel mayïkunawan juntu Tayta Diospaq Pascua carnishta pishtayäman?>>
8Sayno niyaptinmi Moisés nirqan: <<Tayta Diostaraq tapumushaq imata rurayänaykipaqpis>>.
9Tapukuptinnami Moisésta Tayta Dios nirqan: 10<<Israel runakunata niy: <Qamkuna y qamkunapita miraqkunapis lapayki adorayämashpayki Pascua fiestata rurayanki. Sayno rurayanki ayata yatashqanpita impüru karpis o viäjipa aywarpis. 11Isanqa sayno kaqkunaqa juk killa päsarkuptinraq chunka chusku junaq tardipa Pascuapaq carnishta pishtayanqa. Say tardi pishtayashqan carnishpa aysanta kankarkur levadüraynaq tantalanpa y iwjiq jachalanpa mikuyanqa. 12Say aysata manami waraynin junaqpaq pusüsiyanqasu ni tulunkunatapis pakiyanqasu.#Éxo. 12.46; Juan 19.36. Rurayänaykipaq nishqänöla Pascua fiestata rurayanki. 13Püru kaykar y maypapis mana ilash kaykar Pascua fiestata mana ruraq kaqtaqa Israel runakunapita qarquyay. Nishqä junaq adoramar Pascua fiestapaq carnishta mana pishtaq kaqtaqa qarquyay.
14<< <Rurayänaykipaq nishqänölami qamkunacho kaykaq jäpa runakunapis Pascua fiestata rurayanqa. Lapaykipis saynöla rurayanki> >>.#Éxo. 12.48-49.
Sagrädu Toldu janancho pukutay kashqan
Éxodo 40.34-38
15 Pactu Tolduta sharkasiyaptinmi pukutay sapakurkurqan. Pasa sakashqanpita pasa warashqanyaqmi say toldu janancho ninano asikyarqan.#Éxo. 13.21-22. 16Saynölami imaypis junaqpa pukutay saparaq y sakaypana ninano asikyaq. 17Tinkuna Sagrädu Toldu jananpita pukutay sharkur aywaptinmi Israel runakuna posädaräyashqanpita aywakuyaq. Pukutay takyaptinnami jinalancho posädakuyaq. 18Say pukutaywanmi Israel runakunata Tayta Dios tantiyasiq aywayänanpaq kashqanta y posädakuyänanpaq kashqantapis. Saymi Sagrädu Toldu jananpita pukutay aywayta qalaykushqanyaq posädakuyashlancho täyaq.
19Sagrädu Toldu jananpita aska junaq pukutay mana aywaptinqa Tayta Diosta cäsukur Israel runakuna saylachömi posädaräkuyaq. 20Juk ishkay junaqla Sagrädu Toldu janancho pukutay kaptinqa say junaqkunalami saycho posädaräyaq. Pukutay aywaptinqa paykunapis aywayaqmi. Saynöpami Israel runakunata Tayta Dios tantiyasiq aywayänanpaq kashqanta y posädakuyänanpaq kashqantapis. 21Aybësisqa juk sakaylami Tinkuna Sagrädu Toldu janancho pukutay ichiraq. Pasa waraskiptin pukutay aywaqta rikarqa Israel runakunapis aywayaqmi. Saynölami sakaypapis junaqpapis pukutay aywaptinqa aywayaq.
22Sagrädu Toldu janancho pukutay ishkay junaq kaptinpis o juk killa kaptinpis o juk wata kaptinpis Israel runakuna jinalanchömi posädaräkuyaq. Pukutay aywaptinqa paykunapis aywayaqmi. 23Saynöpami Israel runakunata Tayta Dios tantiyasiq aywayänanpaq kashqanta y posädakuyänanpaq kashqantapis. Moisésta Tayta Dios nishqannölami Israel runakuna lapantapis rurayarqan.
Currently Selected:
Números 9: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Números 9
9
Pascua fiestata rurayänanpaq nishqan
1Egiptupita Israel runakuna yarqayämushqanpita juk wata cumplirkuptinnami ishkay kaq wata qalaykunan killa Sinaí sunyaq jirkacho Moisésta Tayta Dios nirqan: 2<<Israel runakuna cada watami nishqä junaqcho Pascua fiestata rurayanqa. 3Pascua fiesta qalaykunqa kay killa chunka chusku junaq tardimi. Sayta rurayanqa imanöpis rurayänanpaq yäsishqänölami>>.
4Sayno niptinmi Israel mayinkunata Moisés nirqan Pascua fiestata rurayänanpaq. 5Saynöpami Moisésta Tayta Dios nishqannöla wata qalaykunan killa chunka chusku junaq tardipita qalaykur Sinaí jirkacho Pascua fiestata rurayarqan.#Éxo. 12.1-13.
6Wakinqa ayata yatayashqanpita impüru karmi Pascua carnishta pishtayarqansu. Saymi say junaqla aywar Moiséstawan 7Aarónta niyarqan: <<Noqakunaqa ayata yatash karmi impüru kaykäyä. Sayno karpis ¿manasuraq Israel mayïkunawan juntu Tayta Diospaq Pascua carnishta pishtayäman?>>
8Sayno niyaptinmi Moisés nirqan: <<Tayta Diostaraq tapumushaq imata rurayänaykipaqpis>>.
9Tapukuptinnami Moisésta Tayta Dios nirqan: 10<<Israel runakunata niy: <Qamkuna y qamkunapita miraqkunapis lapayki adorayämashpayki Pascua fiestata rurayanki. Sayno rurayanki ayata yatashqanpita impüru karpis o viäjipa aywarpis. 11Isanqa sayno kaqkunaqa juk killa päsarkuptinraq chunka chusku junaq tardipa Pascuapaq carnishta pishtayanqa. Say tardi pishtayashqan carnishpa aysanta kankarkur levadüraynaq tantalanpa y iwjiq jachalanpa mikuyanqa. 12Say aysata manami waraynin junaqpaq pusüsiyanqasu ni tulunkunatapis pakiyanqasu.#Éxo. 12.46; Juan 19.36. Rurayänaykipaq nishqänöla Pascua fiestata rurayanki. 13Püru kaykar y maypapis mana ilash kaykar Pascua fiestata mana ruraq kaqtaqa Israel runakunapita qarquyay. Nishqä junaq adoramar Pascua fiestapaq carnishta mana pishtaq kaqtaqa qarquyay.
14<< <Rurayänaykipaq nishqänölami qamkunacho kaykaq jäpa runakunapis Pascua fiestata rurayanqa. Lapaykipis saynöla rurayanki> >>.#Éxo. 12.48-49.
Sagrädu Toldu janancho pukutay kashqan
Éxodo 40.34-38
15 Pactu Tolduta sharkasiyaptinmi pukutay sapakurkurqan. Pasa sakashqanpita pasa warashqanyaqmi say toldu janancho ninano asikyarqan.#Éxo. 13.21-22. 16Saynölami imaypis junaqpa pukutay saparaq y sakaypana ninano asikyaq. 17Tinkuna Sagrädu Toldu jananpita pukutay sharkur aywaptinmi Israel runakuna posädaräyashqanpita aywakuyaq. Pukutay takyaptinnami jinalancho posädakuyaq. 18Say pukutaywanmi Israel runakunata Tayta Dios tantiyasiq aywayänanpaq kashqanta y posädakuyänanpaq kashqantapis. Saymi Sagrädu Toldu jananpita pukutay aywayta qalaykushqanyaq posädakuyashlancho täyaq.
19Sagrädu Toldu jananpita aska junaq pukutay mana aywaptinqa Tayta Diosta cäsukur Israel runakuna saylachömi posädaräkuyaq. 20Juk ishkay junaqla Sagrädu Toldu janancho pukutay kaptinqa say junaqkunalami saycho posädaräyaq. Pukutay aywaptinqa paykunapis aywayaqmi. Saynöpami Israel runakunata Tayta Dios tantiyasiq aywayänanpaq kashqanta y posädakuyänanpaq kashqantapis. 21Aybësisqa juk sakaylami Tinkuna Sagrädu Toldu janancho pukutay ichiraq. Pasa waraskiptin pukutay aywaqta rikarqa Israel runakunapis aywayaqmi. Saynölami sakaypapis junaqpapis pukutay aywaptinqa aywayaq.
22Sagrädu Toldu janancho pukutay ishkay junaq kaptinpis o juk killa kaptinpis o juk wata kaptinpis Israel runakuna jinalanchömi posädaräkuyaq. Pukutay aywaptinqa paykunapis aywayaqmi. 23Saynöpami Israel runakunata Tayta Dios tantiyasiq aywayänanpaq kashqanta y posädakuyänanpaq kashqantapis. Moisésta Tayta Dios nishqannölami Israel runakuna lapantapis rurayarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.