Números 33
33
Israel runakuna Egiptupita Jordán mayuyaq chäyashqan
1Kaychömi qelqaraykan Israel runakuna Egiptupita trïbunpa trïbunpa yarqayämuptin Moiséswan Aarón pushayashqankuna. 2Tayta Dios nishqannölami Moisés qelqarqan yarquyashqan junaqpita pasa mayman mayman chäyashqantapis.
3Wata qalaykuq killa chunka pisqa junaqmi Rameséspita Israel runakuna yarquyarqan. Say junaq karqan Pascua mikuyta mikuyashqan warayninmi. Tayta Dios yanapaptinmi paykuna aywakuyarqan lapan Egipto runakuna rikaykäyaptin. 4Egipto runakunanami Tayta Dios wanusishqan qechpa surinkunata pampayarqan. Saynöpami Tayta Dios musyasirqan Egipto runakuna adorayashqan diosninkuna poderniynaq kayashqanta.
5Israel runakunami Rameséspita aywakur Sucotman chäyarqan.
6Sucotpita aywakurnami Etamman chäyarqan. Say kaykan sunyaq jirkachömi.
7Etampita aywakurmi chäyarqan Baal-zefónpa simpan Pi-hahirotman. Saychönami Migdol nawpancho toldunkunata sharkasiyarqan.
8Pi-hahirotpita aywakurmi lamarta päsayashpan sunyaq jirkaman chäyarqan. Nirkurnami kimsa junaq sunyaq Etam jirkapa aywar Maraman chäyarqan. Sayman chaykuyashpannami toldunkunata sharkasiyarqan.
9Marapita aywakurmi Elimman chäyarqan. Saycho karqan chunka ishkay pukyukuna y qanchis chunka (70) palmëra jachakunapis. Saychömi toldunkunata sharkasiyarqan.
10Elimpita aywakurmi Puka Lamar nawpanman chäyarqan.
11Puka Lamarpita aywakurmi Sin niyashqan sunyaq jirkaman chäyarqan.
12Sin niyashqan sunyaq jirkapita aywakurmi Dofcaman chäyarqan.
13Dofcapita aywakurmi Alúsman chäyarqan.
14Alúspita aywakurmi Refidimman chäyarqan. Saycho manami upuyänanpaq yaku karqansu.
15Refidimpita aywakurmi Sinaí niyashqan sunyaq jirkaman chäyarqan.
16Sinaí niyashqan sunyaq jirkapita aywakurmi Kibrot-hataavaman chäyarqan.
17Kibrot-hataavapita aywakurmi Hazerotman chäyarqan.
18Hazerotpita aywakurmi Ritmaman chäyarqan.
19Ritmapita aywakurmi Rimón-peresman chäyarqan.
20Rimón-perespita aywakurmi Libnaman chäyarqan.
21Libnapita aywakurmi Rissaman chäyarqan.
22Rissapita aywakurmi Ceelataman chäyarqan.
23Ceelatapita aywakurmi Sefer jirkaman chäyarqan.
24Sefer jirkapita aywakurmi Haradaman chäyarqan.
25Haradapita aywakurmi Macelotman chäyarqan.
26Macelotpita aywakurmi Tahatman chäyarqan.
27Tahatpita aywakurmi Taraman chäyarqan.
28Tarapita aywakurmi Mitcaman chäyarqan.
29Mitcapita aywakurmi Hasmonaman chäyarqan.
30Hasmonapita aywakurmi Moserotman chäyarqan.
31Moserotpita aywakurmi Bene-jaacánman chäyarqan.
32Bene-jaacánpita aywakurmi Gidgad jirkaman chäyarqan.
33Gidgad jirkapita aywakurmi Jotbataman chäyarqan.
34Jotbatapita aywakurmi Abronaman chäyarqan.
35Abronapita aywakurmi Ezión-geberman chäyarqan.
36Ezión-geberpita aywakurmi Zin niyashqan sunyaq jirkaman chäyarqan. Say karqan Cades partichömi.
37Cadespita aywakurmi chäyarqan Edom nacionwan tinkuq Hor jirkamanna. 38Saypitanami Tayta Dios nishqannöla Hor puntaman#Núm. 20.22-28; Deut. 10.6. wisarkur cüra Aarón wanurqan. Pay wanurqan Israel runakuna Egiptupita yarqayämushqanpita chusku chunka (40) wata päsarkuptinmi. Aarón wanurqan pisqa kaq killa punta kaq junaqchömi. 39Pachak ishkay chunka kimsa (123) watayuq kaykarmi Hor jirkacho Aarón wanurqan.
40Hor jirkaman Israel runakuna chäyashqantami Arad markapa mandaqnin rey musyarqan. Arad karqan Canaáncho kaykaq Neguevchömi.#Núm. 21.1.
41Israel runakuna Hor jirkapita aywakurmi Zalmonaman chäyarqan.
42Zalmonapita aywakurmi Punónman chäyarqan.
43Punónpita aywakurmi Obotman chäyarqan.
44Obotpita aywakurmi chäyarqan Moabpa lindërun Ije-abarimman.
45Ije-abarimpita aywakurmi Dibón-gadman chäyarqan.
46Dibón-gadpita aywakurmi Almón-diblataimman chäyarqan.
47Almón-diblataimpita aywakurmi Abarim jirkakunaman chäyarqan. Say kaykan Nebupita inti jeqamunan kaqlächömi.
48Abarim jirkakunapita aywakurmi Jericó simpan y Jordán mayu kaqlä Moab pampaman chäyarqan. 49Say pampachömi toldunkunata Israel runakuna sharkasiyarqan Bet-jesimot partipita Abel-sitim partiyaq.
Canaánta aypunakuyänanpaq tantiyasishqan
50Jericó simpan y Jordán mayu kaqlä Moab pampacho Israel runakuna taykäyaptinmi Moisésta Tayta Dios parlapar nirqan: 51<<Israel runakunata niy: <Jordán mayuta simpar Canaánman yaykuyashpayki 52saycho taykaq runakunata lapanta qarquyanki. Rumipita rurash kaptinpis o fiërrupita fundish kaptinpis ïdulunkunata pakir ushayanki. Ïdulunkunata adorayänan altarkunatapis chipyaq juchusiyanki.
53<< <Saycho taq runakunata qarquskir saycho täyanki. Saycho täyänaykipaqmi qamkunata qoykushkä. 54Cada trïbucho ayka runakuna kayashqanman tupu suertita jitaypa chakrata aypuyanki. Askaq runakuna kayaptinqa jatunta aypuyanki. Walkaqla kayaptinqa takshalata aypuyanki. Suerti yarqamushqanpitami cada trïbu chakrata chaskiyanqa.#Núm. 26.54-56. 55Canaáncho taq runakunata mana qarquyaptikiqa paykuna kayanqa nawikicho qanra kaykaqno y chakikicho kasha jatiraykaqnömi. 56Mana qarquyaptikiqa paykunata castiganäpaq yarpashqänölami qamkunatana castigayäshayki> >>.
Currently Selected:
Números 33: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Números 33
33
Israel runakuna Egiptupita Jordán mayuyaq chäyashqan
1Kaychömi qelqaraykan Israel runakuna Egiptupita trïbunpa trïbunpa yarqayämuptin Moiséswan Aarón pushayashqankuna. 2Tayta Dios nishqannölami Moisés qelqarqan yarquyashqan junaqpita pasa mayman mayman chäyashqantapis.
3Wata qalaykuq killa chunka pisqa junaqmi Rameséspita Israel runakuna yarquyarqan. Say junaq karqan Pascua mikuyta mikuyashqan warayninmi. Tayta Dios yanapaptinmi paykuna aywakuyarqan lapan Egipto runakuna rikaykäyaptin. 4Egipto runakunanami Tayta Dios wanusishqan qechpa surinkunata pampayarqan. Saynöpami Tayta Dios musyasirqan Egipto runakuna adorayashqan diosninkuna poderniynaq kayashqanta.
5Israel runakunami Rameséspita aywakur Sucotman chäyarqan.
6Sucotpita aywakurnami Etamman chäyarqan. Say kaykan sunyaq jirkachömi.
7Etampita aywakurmi chäyarqan Baal-zefónpa simpan Pi-hahirotman. Saychönami Migdol nawpancho toldunkunata sharkasiyarqan.
8Pi-hahirotpita aywakurmi lamarta päsayashpan sunyaq jirkaman chäyarqan. Nirkurnami kimsa junaq sunyaq Etam jirkapa aywar Maraman chäyarqan. Sayman chaykuyashpannami toldunkunata sharkasiyarqan.
9Marapita aywakurmi Elimman chäyarqan. Saycho karqan chunka ishkay pukyukuna y qanchis chunka (70) palmëra jachakunapis. Saychömi toldunkunata sharkasiyarqan.
10Elimpita aywakurmi Puka Lamar nawpanman chäyarqan.
11Puka Lamarpita aywakurmi Sin niyashqan sunyaq jirkaman chäyarqan.
12Sin niyashqan sunyaq jirkapita aywakurmi Dofcaman chäyarqan.
13Dofcapita aywakurmi Alúsman chäyarqan.
14Alúspita aywakurmi Refidimman chäyarqan. Saycho manami upuyänanpaq yaku karqansu.
15Refidimpita aywakurmi Sinaí niyashqan sunyaq jirkaman chäyarqan.
16Sinaí niyashqan sunyaq jirkapita aywakurmi Kibrot-hataavaman chäyarqan.
17Kibrot-hataavapita aywakurmi Hazerotman chäyarqan.
18Hazerotpita aywakurmi Ritmaman chäyarqan.
19Ritmapita aywakurmi Rimón-peresman chäyarqan.
20Rimón-perespita aywakurmi Libnaman chäyarqan.
21Libnapita aywakurmi Rissaman chäyarqan.
22Rissapita aywakurmi Ceelataman chäyarqan.
23Ceelatapita aywakurmi Sefer jirkaman chäyarqan.
24Sefer jirkapita aywakurmi Haradaman chäyarqan.
25Haradapita aywakurmi Macelotman chäyarqan.
26Macelotpita aywakurmi Tahatman chäyarqan.
27Tahatpita aywakurmi Taraman chäyarqan.
28Tarapita aywakurmi Mitcaman chäyarqan.
29Mitcapita aywakurmi Hasmonaman chäyarqan.
30Hasmonapita aywakurmi Moserotman chäyarqan.
31Moserotpita aywakurmi Bene-jaacánman chäyarqan.
32Bene-jaacánpita aywakurmi Gidgad jirkaman chäyarqan.
33Gidgad jirkapita aywakurmi Jotbataman chäyarqan.
34Jotbatapita aywakurmi Abronaman chäyarqan.
35Abronapita aywakurmi Ezión-geberman chäyarqan.
36Ezión-geberpita aywakurmi Zin niyashqan sunyaq jirkaman chäyarqan. Say karqan Cades partichömi.
37Cadespita aywakurmi chäyarqan Edom nacionwan tinkuq Hor jirkamanna. 38Saypitanami Tayta Dios nishqannöla Hor puntaman#Núm. 20.22-28; Deut. 10.6. wisarkur cüra Aarón wanurqan. Pay wanurqan Israel runakuna Egiptupita yarqayämushqanpita chusku chunka (40) wata päsarkuptinmi. Aarón wanurqan pisqa kaq killa punta kaq junaqchömi. 39Pachak ishkay chunka kimsa (123) watayuq kaykarmi Hor jirkacho Aarón wanurqan.
40Hor jirkaman Israel runakuna chäyashqantami Arad markapa mandaqnin rey musyarqan. Arad karqan Canaáncho kaykaq Neguevchömi.#Núm. 21.1.
41Israel runakuna Hor jirkapita aywakurmi Zalmonaman chäyarqan.
42Zalmonapita aywakurmi Punónman chäyarqan.
43Punónpita aywakurmi Obotman chäyarqan.
44Obotpita aywakurmi chäyarqan Moabpa lindërun Ije-abarimman.
45Ije-abarimpita aywakurmi Dibón-gadman chäyarqan.
46Dibón-gadpita aywakurmi Almón-diblataimman chäyarqan.
47Almón-diblataimpita aywakurmi Abarim jirkakunaman chäyarqan. Say kaykan Nebupita inti jeqamunan kaqlächömi.
48Abarim jirkakunapita aywakurmi Jericó simpan y Jordán mayu kaqlä Moab pampaman chäyarqan. 49Say pampachömi toldunkunata Israel runakuna sharkasiyarqan Bet-jesimot partipita Abel-sitim partiyaq.
Canaánta aypunakuyänanpaq tantiyasishqan
50Jericó simpan y Jordán mayu kaqlä Moab pampacho Israel runakuna taykäyaptinmi Moisésta Tayta Dios parlapar nirqan: 51<<Israel runakunata niy: <Jordán mayuta simpar Canaánman yaykuyashpayki 52saycho taykaq runakunata lapanta qarquyanki. Rumipita rurash kaptinpis o fiërrupita fundish kaptinpis ïdulunkunata pakir ushayanki. Ïdulunkunata adorayänan altarkunatapis chipyaq juchusiyanki.
53<< <Saycho taq runakunata qarquskir saycho täyanki. Saycho täyänaykipaqmi qamkunata qoykushkä. 54Cada trïbucho ayka runakuna kayashqanman tupu suertita jitaypa chakrata aypuyanki. Askaq runakuna kayaptinqa jatunta aypuyanki. Walkaqla kayaptinqa takshalata aypuyanki. Suerti yarqamushqanpitami cada trïbu chakrata chaskiyanqa.#Núm. 26.54-56. 55Canaáncho taq runakunata mana qarquyaptikiqa paykuna kayanqa nawikicho qanra kaykaqno y chakikicho kasha jatiraykaqnömi. 56Mana qarquyaptikiqa paykunata castiganäpaq yarpashqänölami qamkunatana castigayäshayki> >>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.