Números 31
31
Madianita runakunata wanusiyashqan
1Moiséstami Tayta Dios nirqan: 2<<Israel runakunata jusalikasiyashqanpita madianita runakunata ushakäsiy. Saypitaraqmi wanushpayki unay aylluykikunawan tinkuq aywakunki>>.#Núm. 25.1-3.
3Saymi Israel mayinkunata Moisés nirqan: <<Tayta Diosta rabyanäsiyashqanpita madianita runakunata wanusiq aywayänaykipaq akranakuyay. 4Cada trïbupita waranqa (1,000) runakuna kayäsun guërraman aywayänanpaq>>.
5Sayno niptinmi cada trïbupita waranqa (1,000) runakunata akrayarqan. Saymi guërraman aywayänanpaq chunka ishkay waranqa (12,000) runakuna kayarqan. 6Say runakunatanami Moisés kacharqan guërraman aywayänanpaq. Paykunawanmi cüra Eleazarpa surin Fineespis aywarqan Tinkuna Sagrädu Toldupita sagrädu manëjukunata y cornëtakunatapis tukananpaq apakurkur. 7Chäyashpanmi Moisésta Tayta Dios nishqannöla madianita runakunata atacar lapan olqu kaqkunata wanusiyarqan. 8Saychömi madianita runakunapa pisqa mandaqnin reykunatapis wanusiyarqan. Say reykunami kayarqan Evi, Requem, Zur, Hur y Reba. Saynöpis wanusiyarqan Beorpa surin Balaamtapis.
9Nirkurnami madianita runakunapa warminkunata, wamrankunata, uywankunata y imaykankunatapis chanin kaqtaqa apakuyarqan. 10Lapan markankunatapis wayinkunatapis kayar ushayashpanmi 11runakunapa imaykantapis shunta shuntarkur y uywankunatapis ayllu ayllurkur apakuyarqan. 12Lapan saykunatami apayarqan Moisés, cüra Eleazar y quëdaq Israel mayinkuna kaykäyashqanman. Say wisan Jericó simpan y Jordán mayu kaqlä Moab pampachömi Israel runakuna taykäyarqan.
13Campamentunkunaman manaraq chäsiyaptinmi Moisés, cüra Eleazar y Israel runakunapa lapan mandaqninkunapis taripaq aywayarqan. 14Say mandaqkunaqa waranqa (1,000) soldädukunapa mandaqninkuna y pachak (100) soldädukunapa mandaqninkunami kayarqan. Paykunawan tinkurmi Moisés fiyupa rabyakurkurqan. 15Saymi rabyashpan nirqan: <<¿Imanirtaq madianita warmikunata wanusiyashkankisu? 16Say warmikunami Balaam yäsiptin Israel runakunata pushayarqan Baal-peor diosta#Núm. 25.1-9; Apoc. 2.14. adorayänanpaq. Saypitami Tayta Dios fiyu qeshyata yurisiptin noqansicho saysikaq wanuyarqan. 17Jukla wanusiyay lapan olqu wamrakunata. Warmikunatapis runawan kakush kaqtaqa wanusiyay. 18Doncëlla jipashkunata isanqa apakuyay.
19<<Runakunata wanusiq soldädukuna y ayata yataq soldädukunaqa qanchis junaqyaq campamentuman mana yaykuypa juklächo täyäsun. Campamentuman yaykuyänanpaqqa paykunapis, apayämushqan jipashkunapis y warmi wamrakunapis kananpita kimsa junaqta purificakur armakuyäsun. Saynöpis purificash kayänanpaq qanchis junaqcho yapay armakuyäsun. 20Mödanankunatapis taqshakuyäsun. Saynöla purificayäsun qarapita rurash kaqkunata, cabrapa aqsanpita awash kaqkunata y qerupita laqlash manëjukunatapis>>.
21Guërrapita kutimuqkunata shuntaykurnami cüra Eleazar nirqan: <<Kay leyta cäsukunansipaqmi Moisésta Tayta Dios nish: 22<Campamentuman yaykasiyänaykipaqqa imatapis qoripita, qellaypita, fiërrupita, broncipita, estäñupita y plömupita rurash kaqkunata 23ninawan warisiyanki. Nirkur purificasina yakuwan maylayanki. Saynöpami purificash kanqa. Nina rupananpaq kaqkunatami isanqa yakulawan maylariyanki purificash kayänanpaq. 24Qanchis junaqta cumplirkur purificash kayänaykipaq mödanaykikunata taqshakuyanki. Saypitaraqmi campamentuman yaykayämunki> >>.
Apayämushqanta rakipänakuyashqan
25Saypitanami Moisésta Tayta Dios nirqan: 26<<Madianita runakunapa markankunapita uywakunata y warmikunatapis aykata apayämushqanta musyanaykipaq cüra Eleazarwan y Israel runakunapa mandaqninkunawan yupayay. 27Sayno yupaskir ishkayman iwal rakiyay. Pulan kanqa guërraman aywaqkunapaq y pulanna kanqa wakin Israel runakunapaq. 28Guërraman aywaqkunapata noqapaq rakiyanki cada pisqa pachak (500) jipashkunapita jukta. Saynöpis noqapaq rakiyanki wäkakunapita, ashnukunapita, uyshakunapita y cabrakunapitapis cada pisqa pachakpita (500) jukta. 29Noqapaq rakiyashqankunata cüra Eleazartana entreganki.
30<<Israel runakunapaq rakiyashqayki kaqkunatana cada pisqa chunka (50) jipashkunapita jukta rakiyanki. Saynöpis rakiyanki wäkakunapita, ashnukunapita, uyshakunapita y cabrakunapitapis cada pisqa chunkapita (50) jukta. Saykunatana entregayanki levitakunata. Paykunami täpayan Tayta Diospa Sagrädu Toldunta>>.
31Sayno niptinmi cüra Eleazarwan Moisésqa Tayta Dios nishqannöla lapantapis rurayarqan. 32Guërraman aywaq runakuna apakayämushqan kaqkuna karqan soqta pachak qanchis chunka pisqa waranqa (675,000) cabrantin uyshakuna, 33qanchis chunka ishkay waranqa (72,000) wäkakuna, 34soqta chunka juk waranqa (61,000) ashnukuna, 35y kimsa chunka ishkay waranqa (32,000) doncëlla jipashkuna. 36Saypita guërraman aywaqkunapaq rakipäyashqankuna karqan kimsa pachak kimsa chunka qanchis waranqa pisqa pachak (337,500) cabrantin uyshakuna.
37Say rakipashqanpitami Tayta Diospaq soqta pachak qanchis chunka pisqa (675) cabrakunata y uyshakunata entregayarqan. 38Kimsa chunka soqta waranqa (36,000) wäkakunapitami Tayta Diospaq entregayarqan qanchis chunka ishkayta (72). 39Kimsa chunka waranqa pisqa pachak (30,500) ashnukunapitanami Tayta Diospaq entregayarqan soqta chunka jukta (61). 40Chunka soqta waranqa (16,000) jipashkunapitanami Tayta Diospaq entregayarqan kimsa chunka ishkayta (32). 41Tayta Dios nishqannölami saykunata Moisés entregarqan cüra Eleazarta.
42Guërraman aywaqkunata rakipashqanpita pulan kaqta Israel mayinkunata Moisés rakipashqankunapis karqan 43kimsa pachak kimsa chunka qanchis waranqa pisqa pachak (337,500) cabrantin uyshakuna, 44kimsa chunka soqta waranqa (36,000) wäkakuna, 45kimsa chunka waranqa pisqa pachak (30,500) ashnukuna, 46y chunka soqta waranqa (16,000) doncëlla jipashkunapis. 47Tayta Dios nishqannölami cada pisqa chunka (50) jipashkunapita jukta Moisés rakiparqan levitakunata. Saynölami cada pisqa chunka uywakunapitapis jukta rakiparqan levitakunata. Paykunami täpayan Tayta Diospa Sagrädu Toldunta.
48Saypitanami waranqa (1,000) soldädukunapa mandaqninkunawan pachak (100) soldädukunapa mandaqninkuna Moisésta 49niyarqan: <<Guërraman pushashqä soldädukunata yupaptï manami ni juklaylapis pishinsu, taytay. 50Saymi guërracho shuntayämushqanta Tayta Diospaq apaykäyämü qoripita rurash brasilëtakunata, pulcërakunata, sortïjakunata, arëtikunata y wakin alhäjakunatapis. Saykunata apaykäyämü Tayta Dios mana ushakäsimänanpaqmi>>.#31.50 Éxo. 30.12 nikan runakunata censayashqanpita Tayta Diosta pägayänanpaq kashqantami. Mana pägayaptinqa qeshyawan ushakäsinanpaqmi nirqan. Saymi soldädukunata yupayashqanpita Tayta Dios mana ushakäsinanpaq qoripita rurash adornukunawan pägayarqan.
51Sayno niyaptinmi qoripita rurash adornukunata Moiséswan Eleazar chaskiyarqan. 52Waranqa (1,000) soldädukunapa mandaqninkunawan pachak (100) soldädukunapa mandaqninkuna Tayta Diospaq apayashqan qorimi lasarqan pachak puwaq chunka chusku kïlu (184). 53Say entregayashqan qori alhäjakuna kayarqan pelyaman aywaq soldädukuna cada ünun apakuyashqanpitami. 54Mandaqkuna apayashqan qoripita rurash alhäjakunata chaskirkurmi Moiséswan Eleazar Tinkuna Tolduman churayarqan Israel runakunata Tayta Dios yanapashqanta imaypis yarparäyänanpaq.
Currently Selected:
Números 31: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Números 31
31
Madianita runakunata wanusiyashqan
1Moiséstami Tayta Dios nirqan: 2<<Israel runakunata jusalikasiyashqanpita madianita runakunata ushakäsiy. Saypitaraqmi wanushpayki unay aylluykikunawan tinkuq aywakunki>>.#Núm. 25.1-3.
3Saymi Israel mayinkunata Moisés nirqan: <<Tayta Diosta rabyanäsiyashqanpita madianita runakunata wanusiq aywayänaykipaq akranakuyay. 4Cada trïbupita waranqa (1,000) runakuna kayäsun guërraman aywayänanpaq>>.
5Sayno niptinmi cada trïbupita waranqa (1,000) runakunata akrayarqan. Saymi guërraman aywayänanpaq chunka ishkay waranqa (12,000) runakuna kayarqan. 6Say runakunatanami Moisés kacharqan guërraman aywayänanpaq. Paykunawanmi cüra Eleazarpa surin Fineespis aywarqan Tinkuna Sagrädu Toldupita sagrädu manëjukunata y cornëtakunatapis tukananpaq apakurkur. 7Chäyashpanmi Moisésta Tayta Dios nishqannöla madianita runakunata atacar lapan olqu kaqkunata wanusiyarqan. 8Saychömi madianita runakunapa pisqa mandaqnin reykunatapis wanusiyarqan. Say reykunami kayarqan Evi, Requem, Zur, Hur y Reba. Saynöpis wanusiyarqan Beorpa surin Balaamtapis.
9Nirkurnami madianita runakunapa warminkunata, wamrankunata, uywankunata y imaykankunatapis chanin kaqtaqa apakuyarqan. 10Lapan markankunatapis wayinkunatapis kayar ushayashpanmi 11runakunapa imaykantapis shunta shuntarkur y uywankunatapis ayllu ayllurkur apakuyarqan. 12Lapan saykunatami apayarqan Moisés, cüra Eleazar y quëdaq Israel mayinkuna kaykäyashqanman. Say wisan Jericó simpan y Jordán mayu kaqlä Moab pampachömi Israel runakuna taykäyarqan.
13Campamentunkunaman manaraq chäsiyaptinmi Moisés, cüra Eleazar y Israel runakunapa lapan mandaqninkunapis taripaq aywayarqan. 14Say mandaqkunaqa waranqa (1,000) soldädukunapa mandaqninkuna y pachak (100) soldädukunapa mandaqninkunami kayarqan. Paykunawan tinkurmi Moisés fiyupa rabyakurkurqan. 15Saymi rabyashpan nirqan: <<¿Imanirtaq madianita warmikunata wanusiyashkankisu? 16Say warmikunami Balaam yäsiptin Israel runakunata pushayarqan Baal-peor diosta#Núm. 25.1-9; Apoc. 2.14. adorayänanpaq. Saypitami Tayta Dios fiyu qeshyata yurisiptin noqansicho saysikaq wanuyarqan. 17Jukla wanusiyay lapan olqu wamrakunata. Warmikunatapis runawan kakush kaqtaqa wanusiyay. 18Doncëlla jipashkunata isanqa apakuyay.
19<<Runakunata wanusiq soldädukuna y ayata yataq soldädukunaqa qanchis junaqyaq campamentuman mana yaykuypa juklächo täyäsun. Campamentuman yaykuyänanpaqqa paykunapis, apayämushqan jipashkunapis y warmi wamrakunapis kananpita kimsa junaqta purificakur armakuyäsun. Saynöpis purificash kayänanpaq qanchis junaqcho yapay armakuyäsun. 20Mödanankunatapis taqshakuyäsun. Saynöla purificayäsun qarapita rurash kaqkunata, cabrapa aqsanpita awash kaqkunata y qerupita laqlash manëjukunatapis>>.
21Guërrapita kutimuqkunata shuntaykurnami cüra Eleazar nirqan: <<Kay leyta cäsukunansipaqmi Moisésta Tayta Dios nish: 22<Campamentuman yaykasiyänaykipaqqa imatapis qoripita, qellaypita, fiërrupita, broncipita, estäñupita y plömupita rurash kaqkunata 23ninawan warisiyanki. Nirkur purificasina yakuwan maylayanki. Saynöpami purificash kanqa. Nina rupananpaq kaqkunatami isanqa yakulawan maylariyanki purificash kayänanpaq. 24Qanchis junaqta cumplirkur purificash kayänaykipaq mödanaykikunata taqshakuyanki. Saypitaraqmi campamentuman yaykayämunki> >>.
Apayämushqanta rakipänakuyashqan
25Saypitanami Moisésta Tayta Dios nirqan: 26<<Madianita runakunapa markankunapita uywakunata y warmikunatapis aykata apayämushqanta musyanaykipaq cüra Eleazarwan y Israel runakunapa mandaqninkunawan yupayay. 27Sayno yupaskir ishkayman iwal rakiyay. Pulan kanqa guërraman aywaqkunapaq y pulanna kanqa wakin Israel runakunapaq. 28Guërraman aywaqkunapata noqapaq rakiyanki cada pisqa pachak (500) jipashkunapita jukta. Saynöpis noqapaq rakiyanki wäkakunapita, ashnukunapita, uyshakunapita y cabrakunapitapis cada pisqa pachakpita (500) jukta. 29Noqapaq rakiyashqankunata cüra Eleazartana entreganki.
30<<Israel runakunapaq rakiyashqayki kaqkunatana cada pisqa chunka (50) jipashkunapita jukta rakiyanki. Saynöpis rakiyanki wäkakunapita, ashnukunapita, uyshakunapita y cabrakunapitapis cada pisqa chunkapita (50) jukta. Saykunatana entregayanki levitakunata. Paykunami täpayan Tayta Diospa Sagrädu Toldunta>>.
31Sayno niptinmi cüra Eleazarwan Moisésqa Tayta Dios nishqannöla lapantapis rurayarqan. 32Guërraman aywaq runakuna apakayämushqan kaqkuna karqan soqta pachak qanchis chunka pisqa waranqa (675,000) cabrantin uyshakuna, 33qanchis chunka ishkay waranqa (72,000) wäkakuna, 34soqta chunka juk waranqa (61,000) ashnukuna, 35y kimsa chunka ishkay waranqa (32,000) doncëlla jipashkuna. 36Saypita guërraman aywaqkunapaq rakipäyashqankuna karqan kimsa pachak kimsa chunka qanchis waranqa pisqa pachak (337,500) cabrantin uyshakuna.
37Say rakipashqanpitami Tayta Diospaq soqta pachak qanchis chunka pisqa (675) cabrakunata y uyshakunata entregayarqan. 38Kimsa chunka soqta waranqa (36,000) wäkakunapitami Tayta Diospaq entregayarqan qanchis chunka ishkayta (72). 39Kimsa chunka waranqa pisqa pachak (30,500) ashnukunapitanami Tayta Diospaq entregayarqan soqta chunka jukta (61). 40Chunka soqta waranqa (16,000) jipashkunapitanami Tayta Diospaq entregayarqan kimsa chunka ishkayta (32). 41Tayta Dios nishqannölami saykunata Moisés entregarqan cüra Eleazarta.
42Guërraman aywaqkunata rakipashqanpita pulan kaqta Israel mayinkunata Moisés rakipashqankunapis karqan 43kimsa pachak kimsa chunka qanchis waranqa pisqa pachak (337,500) cabrantin uyshakuna, 44kimsa chunka soqta waranqa (36,000) wäkakuna, 45kimsa chunka waranqa pisqa pachak (30,500) ashnukuna, 46y chunka soqta waranqa (16,000) doncëlla jipashkunapis. 47Tayta Dios nishqannölami cada pisqa chunka (50) jipashkunapita jukta Moisés rakiparqan levitakunata. Saynölami cada pisqa chunka uywakunapitapis jukta rakiparqan levitakunata. Paykunami täpayan Tayta Diospa Sagrädu Toldunta.
48Saypitanami waranqa (1,000) soldädukunapa mandaqninkunawan pachak (100) soldädukunapa mandaqninkuna Moisésta 49niyarqan: <<Guërraman pushashqä soldädukunata yupaptï manami ni juklaylapis pishinsu, taytay. 50Saymi guërracho shuntayämushqanta Tayta Diospaq apaykäyämü qoripita rurash brasilëtakunata, pulcërakunata, sortïjakunata, arëtikunata y wakin alhäjakunatapis. Saykunata apaykäyämü Tayta Dios mana ushakäsimänanpaqmi>>.#31.50 Éxo. 30.12 nikan runakunata censayashqanpita Tayta Diosta pägayänanpaq kashqantami. Mana pägayaptinqa qeshyawan ushakäsinanpaqmi nirqan. Saymi soldädukunata yupayashqanpita Tayta Dios mana ushakäsinanpaq qoripita rurash adornukunawan pägayarqan.
51Sayno niyaptinmi qoripita rurash adornukunata Moiséswan Eleazar chaskiyarqan. 52Waranqa (1,000) soldädukunapa mandaqninkunawan pachak (100) soldädukunapa mandaqninkuna Tayta Diospaq apayashqan qorimi lasarqan pachak puwaq chunka chusku kïlu (184). 53Say entregayashqan qori alhäjakuna kayarqan pelyaman aywaq soldädukuna cada ünun apakuyashqanpitami. 54Mandaqkuna apayashqan qoripita rurash alhäjakunata chaskirkurmi Moiséswan Eleazar Tinkuna Tolduman churayarqan Israel runakunata Tayta Dios yanapashqanta imaypis yarparäyänanpaq.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.