Números 26
26
Israel runakunata censayashqan
1Saypitanami Moisésta y cüra Aarónpa surin Eleazarta Tayta Dios nirqan: 2<<Ishkay chunka (20) watayuqpita janamanpa lapan Israel runakunata ayllunpa ayllunpa censayay.#Núm. 1.1-46. Say runakunaqa edäninchönami kaykäyan guërraman aywayänanpaq>>.
3Say wisanmi Israel runakuna Jericó simpan y Jordán mayu kaqlä Moab pampacho kaykäyarqan. Censananpaq Tayta Dios niptinmi Israel mayinkunata Moiséswan Eleazar niyarqan: 4<<Tayta Dios nishqannöla ishkay chunka (20) watayuqpita janamanpa lapayki censakuyay>>.
Egiptupita yarqamuq Israel runakunapa ayllunkuna mayqan kayashqanpis kaychömi qelqaraykan:
Rubén trïbuta censayashqan
5Israelpa mayor kaq surin Rubénpita miraqkunami kayarqan Enoc ayllu runakuna, Falú ayllu runakuna, 6Hezrón ayllu runakuna y Carmi ayllu runakuna. 7Rubénpita miraqkunata censayaptinmi kayarqan chusku chunka kimsa waranqa qanchis pachak kimsa chunka (43,730) runakuna.
8Falúpa surinmi karqan Eliab. 9Eliabpa surinkuna kayarqan Nemuel, Datán y Abiram. Datánwan Abiramqa mayor runakunami kayarqan. Paykunami Coréwan juntakaykur Moiséspa, Aarónpa y Tayta Diospa contran sharkuyarqan. 10Sayno contran sharkuyaptinmi pasa kichakar Datánta, Abiramta y Coréta ultakurkurqan. Nirkurnami ishkay pachak pisqa chunka (250) qatiraqninkunatapis nina usharqan. Say runakuna wanuyarqan wakin Israel runakunapis rikakuyänanpaqmi. 11Corépa surinkunami isanqa kawaykar quëdarqan.
Simeón trïbuta censayashqan
12Simeónpita miraqkuna kayarqan Nemuel ayllu runakuna, Jamín ayllu runakuna, Jaquín ayllu runakuna, 13Zera ayllu runakuna y Saúl ayllu runakuna. 14Simeónpita miraqkunata censayaptinmi kayarqan ishkay chunka ishkay waranqa ishkay pachak (22,200) runakuna.
Gad trïbuta censayashqan
15Gadpita miraqkuna kayarqan Zefón ayllu runakuna, Hagui ayllu runakuna, Suni ayllu runakuna, 16Ozni ayllu runakuna, Eri ayllu runakuna, 17Arod ayllu runakuna y Areli ayllu runakuna. 18Gadpita miraqkunata censayaptinmi kayarqan chusku chunka waranqa pisqa pachak (40,500) runakuna.
Judá trïbuta censayashqan
19Judápa surinkuna Erwan Onán suriynaqla Canaáncho wanukush kayaptinmi ayllunkuna karqansu. 20Saymi Judápita miraqkuna kayarqan Sela ayllu runakuna, Fares ayllu runakuna y Zera ayllu runakuna. 21Farespita miraqkuna kayarqan Hezrón ayllu runakuna y Hamul ayllu runakuna. 22Judápita miraqkunata censayaptinmi kayarqan qanchis chunka soqta waranqa pisqa pachak (76,500) runakuna.
Isacar trïbuta censayashqan
23Isacarpita miraqkuna kayarqan Tola ayllu runakuna, Fúa ayllu runakuna, 24Jasub ayllu runakuna y Simrón ayllu runakuna. 25Isacarpita miraqkunata censayaptinmi kayarqan soqta chunka chusku waranqa kimsa pachak (64,300) runakuna.
Zabulón trïbuta censayashqan
26Zabulónpita miraqkuna kayarqan Sered ayllu runakuna, Elón ayllu runakuna y Jahleel ayllu runakuna. 27Zabulónpita miraqkunata censayaptinmi kayarqan soqta chunka waranqa pisqa pachak (60,500) runakuna.
Manasés trïbuta censayashqan
28Josépita miraqkuna kayarqan Manasés trïbu runakuna y Efraín trïbu runakuna. 29Manaséspita miraqkuna kayarqan Maquir ayllu runakuna y Galaad ayllu runakuna. Galaadqa Maquirpa surinmi karqan. 30Galaadpita miraqkuna kayarqan Jezer ayllu runakuna, Helec ayllu runakuna, 31Asriel ayllu runakuna, Siquem ayllu runakuna, 32Semida ayllu runakuna y Hefer ayllu runakuna. 33Heferpa surin Zelofehadpa manami olqu surinkuna karqansu, sinöqa warmilantaqmi. Say warmi surinkunapa jutinkunami karqan Maala, Noa, Hogla, Milca y Tirsa. 34Manaséspita miraqkunata censayaptinmi kayarqan pisqa chunka ishkay waranqa qanchis pachak (52,700) runakuna.
Efraín trïbuta censayashqan
35Efraínpita miraqkuna kayarqan Sutela ayllu runakuna, Bequer ayllu runakuna y Tahán ayllu runakuna. 36Sutelapita miraqkuna kayarqan Erán ayllu runakuna. 37Efraínpita miraqkunata censayaptinmi kayarqan kimsa chunka ishkay waranqa pisqa pachak (32,500) runakuna. Saynömi Josépita miraqkuna ayllunpa ayllunpa kayarqan.
Benjamín trïbuta censayashqan
38Benjamínpita miraqkuna kayarqan Bela ayllu runakuna, Asbel ayllu runakuna, Ahiram ayllu runakuna, 39Sufam ayllu runakuna y Hufam ayllu runakuna. 40Belapa surinkunami kayarqan Ardwan Naamán. Paykunapitami mirayarqan Ard ayllu runakuna y Naamán ayllu runakuna. 41Benjamínpita miraq runakunata censayaptinmi kayarqan chusku chunka pisqa waranqa soqta pachak (45,600) runakuna.
Dan trïbuta censayashqan
42Danpita miraqkunami kayarqan Súham ayllu runakuna. 43Súhampita miraq runakunata censayaptinmi kayarqan soqta chunka chusku waranqa chusku pachak (64,400) runakuna.
Aser trïbuta censayashqan
44Aserpita miraqkunami kayarqan Imna ayllu runakuna, Isúi ayllu runakuna y Bería ayllu runakuna. 45Beríapita miraqkuna kayarqan Heber ayllu runakuna y Malquiel ayllu runakuna. 46Aserpa warmi surinpa jutinmi karqan Sera. 47Aserpita miraq runakunata censayaptinmi kayarqan pisqa chunka kimsa waranqa chusku pachak (53,400) runakuna.
Neftalí trïbuta censayashqan
48Neftalípita miraqkuna kayarqan Jahzeel ayllu runakuna, Guni ayllu runakuna, 49Jezer ayllu runakuna y Silem ayllu runakuna. 50Neftalípita miraq runakunata censayaptinmi kayarqan chusku chunka pisqa waranqa chusku pachak (45,400) runakuna.
51Censayta ushaskir yupayaptinmi Israel runakuna kayarqan soqta pachak juk waranqa qanchis pachak kimsa chunka (601,730) runakuna.
Chakrakunata imano aypunakuyänanpaqpis tantiyasishqan
52Saypitanami Moisésta Tayta Dios nirqan: 53<<Censarkur cada trïbucho ayka runakuna kayashqanman tupu chakrata aypunki herencian kananpaq. 54Askaq runakuna kayaptin jatunta chakrata aypunki. Walkaqla kayaptinqa takshalata aypunki. Censarkur ayka runakuna kayashqanman tupu cada trïbuta aypunki. 55Suertita jitaypa chakrakunata aypunki. Cada runa chakrata chaskinqa taytan mayqan trïbumanpis pertenecishqancho. 56Suertita jitaypa sayno aypunki trïbucho aska runakuna kayaptinpis o walkaqla kayaptinpis>>.#Núm. 34.13; Jos. 14.1-2.
Levitakunata censayashqan
57 Levitakunata censarmi Gersón ayllu runakunata, Coat ayllu runakunata y Merari ayllu runakunata censayarqan. 58Saynöpis say ayllukunacho kayarqan Libni ayllu runakuna, Hebrón ayllu runakuna, Mahli ayllu runakuna, Musi ayllu runakuna y Coré ayllu runakuna.
Coatpa surinmi karqan Amram. 59Amrampa warminmi karqan Jocabed. Jocabedpis Leví trïbupitami karqan. Pay Egiptuchömi yurirqan. Amrampa y Jocabedpa wamrankunami kayarqan Aarón, Moisés y María. 60Aarónpa surinkunami kayarqan Nadab, Abiú, Eleazar y Itamar.#Núm. 3.2. 61Nadabwan Abiú wanuyarqan Tayta Diospa nawpancho lutala inciensuwan qoshnisiyashqanpitami.#Lev. 10.1-2; Núm. 3.4.
62Levitakuna chakrata mana chaskiyänanpaq nish kaptinmi Israel mayinkunata censarkurraq paykunata censayarqan. Saymi levitakunaqa juk killayuqpita janaman censayaptin kayarqan ishkay chunka kimsa waranqa (23,000) runakuna.
63Jericó simpan y Jordán mayu kaqlä Moab pampacho kaykarmi Israel mayinkunata Moiséswan cüra Eleazar censayarqan. 64Moab pampacho censaq runakuna manami mayqanpis censashqaraqsu kayarqan Moiséswan Aarón Sinaí niyashqan sunyaq jirkacho Israel runakunata unay censayashqan wisan.#26.64 Paykunata censayarqansu say wisan wamralaraq kayaptin o manaraq yurish kayaptinmi. 65Sinaí jirkacho censayashqan runakunaqa lapanpis Tayta Dios nishqannölami sunyaq jirkacho wanur ushakäyarqan. Saymi qepa kaq censupaq mayqanpis karqansu. Jefonipa surin Caleb y Nunpa surin Josuélami kawaykar quëdayarqan.#Núm. 14.26-35.
Currently Selected:
Números 26: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Números 26
26
Israel runakunata censayashqan
1Saypitanami Moisésta y cüra Aarónpa surin Eleazarta Tayta Dios nirqan: 2<<Ishkay chunka (20) watayuqpita janamanpa lapan Israel runakunata ayllunpa ayllunpa censayay.#Núm. 1.1-46. Say runakunaqa edäninchönami kaykäyan guërraman aywayänanpaq>>.
3Say wisanmi Israel runakuna Jericó simpan y Jordán mayu kaqlä Moab pampacho kaykäyarqan. Censananpaq Tayta Dios niptinmi Israel mayinkunata Moiséswan Eleazar niyarqan: 4<<Tayta Dios nishqannöla ishkay chunka (20) watayuqpita janamanpa lapayki censakuyay>>.
Egiptupita yarqamuq Israel runakunapa ayllunkuna mayqan kayashqanpis kaychömi qelqaraykan:
Rubén trïbuta censayashqan
5Israelpa mayor kaq surin Rubénpita miraqkunami kayarqan Enoc ayllu runakuna, Falú ayllu runakuna, 6Hezrón ayllu runakuna y Carmi ayllu runakuna. 7Rubénpita miraqkunata censayaptinmi kayarqan chusku chunka kimsa waranqa qanchis pachak kimsa chunka (43,730) runakuna.
8Falúpa surinmi karqan Eliab. 9Eliabpa surinkuna kayarqan Nemuel, Datán y Abiram. Datánwan Abiramqa mayor runakunami kayarqan. Paykunami Coréwan juntakaykur Moiséspa, Aarónpa y Tayta Diospa contran sharkuyarqan. 10Sayno contran sharkuyaptinmi pasa kichakar Datánta, Abiramta y Coréta ultakurkurqan. Nirkurnami ishkay pachak pisqa chunka (250) qatiraqninkunatapis nina usharqan. Say runakuna wanuyarqan wakin Israel runakunapis rikakuyänanpaqmi. 11Corépa surinkunami isanqa kawaykar quëdarqan.
Simeón trïbuta censayashqan
12Simeónpita miraqkuna kayarqan Nemuel ayllu runakuna, Jamín ayllu runakuna, Jaquín ayllu runakuna, 13Zera ayllu runakuna y Saúl ayllu runakuna. 14Simeónpita miraqkunata censayaptinmi kayarqan ishkay chunka ishkay waranqa ishkay pachak (22,200) runakuna.
Gad trïbuta censayashqan
15Gadpita miraqkuna kayarqan Zefón ayllu runakuna, Hagui ayllu runakuna, Suni ayllu runakuna, 16Ozni ayllu runakuna, Eri ayllu runakuna, 17Arod ayllu runakuna y Areli ayllu runakuna. 18Gadpita miraqkunata censayaptinmi kayarqan chusku chunka waranqa pisqa pachak (40,500) runakuna.
Judá trïbuta censayashqan
19Judápa surinkuna Erwan Onán suriynaqla Canaáncho wanukush kayaptinmi ayllunkuna karqansu. 20Saymi Judápita miraqkuna kayarqan Sela ayllu runakuna, Fares ayllu runakuna y Zera ayllu runakuna. 21Farespita miraqkuna kayarqan Hezrón ayllu runakuna y Hamul ayllu runakuna. 22Judápita miraqkunata censayaptinmi kayarqan qanchis chunka soqta waranqa pisqa pachak (76,500) runakuna.
Isacar trïbuta censayashqan
23Isacarpita miraqkuna kayarqan Tola ayllu runakuna, Fúa ayllu runakuna, 24Jasub ayllu runakuna y Simrón ayllu runakuna. 25Isacarpita miraqkunata censayaptinmi kayarqan soqta chunka chusku waranqa kimsa pachak (64,300) runakuna.
Zabulón trïbuta censayashqan
26Zabulónpita miraqkuna kayarqan Sered ayllu runakuna, Elón ayllu runakuna y Jahleel ayllu runakuna. 27Zabulónpita miraqkunata censayaptinmi kayarqan soqta chunka waranqa pisqa pachak (60,500) runakuna.
Manasés trïbuta censayashqan
28Josépita miraqkuna kayarqan Manasés trïbu runakuna y Efraín trïbu runakuna. 29Manaséspita miraqkuna kayarqan Maquir ayllu runakuna y Galaad ayllu runakuna. Galaadqa Maquirpa surinmi karqan. 30Galaadpita miraqkuna kayarqan Jezer ayllu runakuna, Helec ayllu runakuna, 31Asriel ayllu runakuna, Siquem ayllu runakuna, 32Semida ayllu runakuna y Hefer ayllu runakuna. 33Heferpa surin Zelofehadpa manami olqu surinkuna karqansu, sinöqa warmilantaqmi. Say warmi surinkunapa jutinkunami karqan Maala, Noa, Hogla, Milca y Tirsa. 34Manaséspita miraqkunata censayaptinmi kayarqan pisqa chunka ishkay waranqa qanchis pachak (52,700) runakuna.
Efraín trïbuta censayashqan
35Efraínpita miraqkuna kayarqan Sutela ayllu runakuna, Bequer ayllu runakuna y Tahán ayllu runakuna. 36Sutelapita miraqkuna kayarqan Erán ayllu runakuna. 37Efraínpita miraqkunata censayaptinmi kayarqan kimsa chunka ishkay waranqa pisqa pachak (32,500) runakuna. Saynömi Josépita miraqkuna ayllunpa ayllunpa kayarqan.
Benjamín trïbuta censayashqan
38Benjamínpita miraqkuna kayarqan Bela ayllu runakuna, Asbel ayllu runakuna, Ahiram ayllu runakuna, 39Sufam ayllu runakuna y Hufam ayllu runakuna. 40Belapa surinkunami kayarqan Ardwan Naamán. Paykunapitami mirayarqan Ard ayllu runakuna y Naamán ayllu runakuna. 41Benjamínpita miraq runakunata censayaptinmi kayarqan chusku chunka pisqa waranqa soqta pachak (45,600) runakuna.
Dan trïbuta censayashqan
42Danpita miraqkunami kayarqan Súham ayllu runakuna. 43Súhampita miraq runakunata censayaptinmi kayarqan soqta chunka chusku waranqa chusku pachak (64,400) runakuna.
Aser trïbuta censayashqan
44Aserpita miraqkunami kayarqan Imna ayllu runakuna, Isúi ayllu runakuna y Bería ayllu runakuna. 45Beríapita miraqkuna kayarqan Heber ayllu runakuna y Malquiel ayllu runakuna. 46Aserpa warmi surinpa jutinmi karqan Sera. 47Aserpita miraq runakunata censayaptinmi kayarqan pisqa chunka kimsa waranqa chusku pachak (53,400) runakuna.
Neftalí trïbuta censayashqan
48Neftalípita miraqkuna kayarqan Jahzeel ayllu runakuna, Guni ayllu runakuna, 49Jezer ayllu runakuna y Silem ayllu runakuna. 50Neftalípita miraq runakunata censayaptinmi kayarqan chusku chunka pisqa waranqa chusku pachak (45,400) runakuna.
51Censayta ushaskir yupayaptinmi Israel runakuna kayarqan soqta pachak juk waranqa qanchis pachak kimsa chunka (601,730) runakuna.
Chakrakunata imano aypunakuyänanpaqpis tantiyasishqan
52Saypitanami Moisésta Tayta Dios nirqan: 53<<Censarkur cada trïbucho ayka runakuna kayashqanman tupu chakrata aypunki herencian kananpaq. 54Askaq runakuna kayaptin jatunta chakrata aypunki. Walkaqla kayaptinqa takshalata aypunki. Censarkur ayka runakuna kayashqanman tupu cada trïbuta aypunki. 55Suertita jitaypa chakrakunata aypunki. Cada runa chakrata chaskinqa taytan mayqan trïbumanpis pertenecishqancho. 56Suertita jitaypa sayno aypunki trïbucho aska runakuna kayaptinpis o walkaqla kayaptinpis>>.#Núm. 34.13; Jos. 14.1-2.
Levitakunata censayashqan
57 Levitakunata censarmi Gersón ayllu runakunata, Coat ayllu runakunata y Merari ayllu runakunata censayarqan. 58Saynöpis say ayllukunacho kayarqan Libni ayllu runakuna, Hebrón ayllu runakuna, Mahli ayllu runakuna, Musi ayllu runakuna y Coré ayllu runakuna.
Coatpa surinmi karqan Amram. 59Amrampa warminmi karqan Jocabed. Jocabedpis Leví trïbupitami karqan. Pay Egiptuchömi yurirqan. Amrampa y Jocabedpa wamrankunami kayarqan Aarón, Moisés y María. 60Aarónpa surinkunami kayarqan Nadab, Abiú, Eleazar y Itamar.#Núm. 3.2. 61Nadabwan Abiú wanuyarqan Tayta Diospa nawpancho lutala inciensuwan qoshnisiyashqanpitami.#Lev. 10.1-2; Núm. 3.4.
62Levitakuna chakrata mana chaskiyänanpaq nish kaptinmi Israel mayinkunata censarkurraq paykunata censayarqan. Saymi levitakunaqa juk killayuqpita janaman censayaptin kayarqan ishkay chunka kimsa waranqa (23,000) runakuna.
63Jericó simpan y Jordán mayu kaqlä Moab pampacho kaykarmi Israel mayinkunata Moiséswan cüra Eleazar censayarqan. 64Moab pampacho censaq runakuna manami mayqanpis censashqaraqsu kayarqan Moiséswan Aarón Sinaí niyashqan sunyaq jirkacho Israel runakunata unay censayashqan wisan.#26.64 Paykunata censayarqansu say wisan wamralaraq kayaptin o manaraq yurish kayaptinmi. 65Sinaí jirkacho censayashqan runakunaqa lapanpis Tayta Dios nishqannölami sunyaq jirkacho wanur ushakäyarqan. Saymi qepa kaq censupaq mayqanpis karqansu. Jefonipa surin Caleb y Nunpa surin Josuélami kawaykar quëdayarqan.#Núm. 14.26-35.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.