Números 23
23
Israel runakunata Balaam bendicionta qoshqan
1Say jirkachömi Balaam nirqan: <<Qanchis altarta ruraskasir qanchis turïtuta y qanchis carnita pishtashlatana apasimuy>>.
2Balaam nishqanta Balac ruraskasiptinmi cada altarcho juk turïtuta y juk carnita ishkan rupasiyarqan.
3Nirkurnami Balaamqa Balacta nirqan: <<Kaylacho shuyaykämay. Noqa mä aywashaq. Tayta Dios capazmi imatapis wilamanqa. Kutiykamurnami imata nimashqantapis wilashayki>>. Sayno nirmi sunyaq jirkaman Balaam aywarqan.
4Say puntacho Tayta Dios yuripaptinmi Balaam nirqan: <<Qanchis altarta ruraykurmi cada ünuncho qampaq rupasishkä juk turïtuta y juk carnita>>.
5Sayno niptinmi Balaamta Tayta Dios tantiyasirqan Balac kaqman kutiykur imata wilananpaqpis. Nirkurmi nirqan: <<Balac kaqman kutiykur nishqäkunata wilanki>>.
6Saymi kutiykur Balacta tarirqan sacrificiuta rupaykäsishqan nawpancho ichiraykaqta. Saychömi Moab nacionpa mandaqninkunapis kaykäyarqan. 7Saymi Balaam nirqan:
<<Moabpa mandaqnin rey Balacmi Arampita pasa qayasimash.
Inti jeqamunanläpitami pushasimash.
Kachamushqan runakuna niyämash:
<Shamur Jacobpita miraq runakunata maldicionaykuy.
Israel runakuna ushakäyänanpaq niykulay>.
8Sayno niyämaptinpis Tayta Dios mana munaykaptinqa ¿imanöparaq maldicionäman?
Tayta Dios mana nikaptinqa ¿imanöparaq ushakäyänanpaq profetizäman?
9Kay puntapitami Israel runakunata rikaykä.
Kay jirkapitami imano kayashqantapis tantiyakuykä.
Wakin nación runakunapita rakikashqami taykäyan.
Paykunawan manami talukäyansu.
10Aqushanöpis saysikami paykuna kaykäyan.
¿Piraq yupaytapis atipanman?
Ayka kashqantapis ¿piraq musyanman?
Tayta Dios munashqanno kawaq runakuna kushish wanuyashqannömi noqapis kushish wanukuyta munä.
Paykunano noqapis wanuküman isanqa>>.
11Sayno niptinmi Balaamta Balac nirqan: <<¿Imatataq nikanki? Qamta qayasimushkä conträkunata maldicionapämänaykipaqmi. Sayno nikaptïpis bendiciontami qam qoykanki>>.
12Saymi Balaam nirqan: <<Tayta Dios tantiyasimashlantami noqa parlaykä>>.
Israel runakunata Balaam yapay bendicionta qoshqan
13Sayno niptinmi Balac nirqan: <<Jukläman aku aywashun. Saypitapis Israel runakunapa campamentunta pulalantapis rikankimi. Say rikashlaykitapis maldicionapaykalämay>>.
14Saymi Balaamta Balac pusharqan Pisga niyashqan puntacho kaykaq Zofim pampaman. Saychömi qanchis altarta perqaykur cada altarcho sacrificiuta rupasirqan juk turïtuta y juk carnita. 15Rupasiptinmi Balacta Balaam nirqan: <<Kaylacho shuyaykämay. Noqaqa aywashaq Tayta Dios imata yarpashqantapis musyamunäpaqmi>>.
16Aywaptinmi Tayta Dios yuripaykur imata parlananpaqpis tantiyasirqan. Nirkurmi nirqan: <<Balac kaqman kutiykur tantiyasishläta parlanki>>.
17Saymi kutiykur Balacta tarirqan sacrificiuta rupaykäsishqan nawpancho Moab nacionpa mandaqninkunawan ichiraykaqta. Saymi Balac tapur nirqan: <<Tayta Dios ¿imatataq nishushkanki?>>
18Saymi Balaam kayno wilakur nirqan:
<<Ziporpa surin Balac, nishqäta shumaq wiyamay.
19Tayta Dios manami runasu kaykan lulakunanpaqqa.
Pay awniskirqa manami jukta yarpannasu.
Promitishqantaqa cumplinmi.
20Tayta Diosmi nimash bendicionta qonäpaq.
Pay bendicionta qoykaptinqa ¿imanöparaq maldicionäman?
21Jacobpita miraqkunataqa Tayta Dios manami maldicionayta munansu.
Pay manami Israel runakunata desgracia päsananta munansu.
Tayta Diosmi Israel runakunata yanapaykan.
Paymi mandaqnin rey kaykan.
22Tayta Diosmi paykunata Egiptupita jorqamurqan.
Payqa poqush törunöpis seqaypa kalpayuqmi kaykan.
23Jacobpita miraq runakunata contran maldicionaptinpis manami imapis päsanqasu.
Israel runakunata brüjuta rurasiptinpis manami chanqasu.
Kananpitami Israel runakunata niyanqa:
<¡Tayta Dios yanapäshushpaykimi aska milagrukunata ruran!>
24Israel runakunaqa leonno mansaypaqmi kaykäyan.
León imatapis sariykur yawarninta upurraq jamashqannömi Israel runakunapis contrankunata vinciykurraq jamayan>>.
25Sayno niptinmi Balaamta Balac nirqan: <<¡Say runakunata maldicionayta mana kamäpakurqa Tayta Diospa bendicionnintapis ama qoysu!>>
26Saymi Balaam nirqan: <<¿Manaku nishkä Tayta Dios tantiyasimashlanta ninäpaq kaqta?>>
Israel runakunata Balaam kimsa kutina bendicionta qoshqan
27Nirkurnami rey Balac nirqan: <<Sayno kaptinqa jukläman aywaykuläshun. Saypita maldicionapämaptikiqa capazmi Dios awninqa>>.
28Sayno nirmi Balaamta Peor jirkaman pusharqan. Saypitaqa intëru sunyaq jirkami rikakan. 29Saychömi Balacta Balaam yapay nirqan: <<Kaycho qanchis altarta ruraykasir qanchis turïtuta y qanchis carnita apamuy>>.
30Sayno niptinmi Balacqa lapanta rurarqan. Nirkurnami cada altarcho juk turïtuta juk carnita rupasirqan.
Currently Selected:
Números 23: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Números 23
23
Israel runakunata Balaam bendicionta qoshqan
1Say jirkachömi Balaam nirqan: <<Qanchis altarta ruraskasir qanchis turïtuta y qanchis carnita pishtashlatana apasimuy>>.
2Balaam nishqanta Balac ruraskasiptinmi cada altarcho juk turïtuta y juk carnita ishkan rupasiyarqan.
3Nirkurnami Balaamqa Balacta nirqan: <<Kaylacho shuyaykämay. Noqa mä aywashaq. Tayta Dios capazmi imatapis wilamanqa. Kutiykamurnami imata nimashqantapis wilashayki>>. Sayno nirmi sunyaq jirkaman Balaam aywarqan.
4Say puntacho Tayta Dios yuripaptinmi Balaam nirqan: <<Qanchis altarta ruraykurmi cada ünuncho qampaq rupasishkä juk turïtuta y juk carnita>>.
5Sayno niptinmi Balaamta Tayta Dios tantiyasirqan Balac kaqman kutiykur imata wilananpaqpis. Nirkurmi nirqan: <<Balac kaqman kutiykur nishqäkunata wilanki>>.
6Saymi kutiykur Balacta tarirqan sacrificiuta rupaykäsishqan nawpancho ichiraykaqta. Saychömi Moab nacionpa mandaqninkunapis kaykäyarqan. 7Saymi Balaam nirqan:
<<Moabpa mandaqnin rey Balacmi Arampita pasa qayasimash.
Inti jeqamunanläpitami pushasimash.
Kachamushqan runakuna niyämash:
<Shamur Jacobpita miraq runakunata maldicionaykuy.
Israel runakuna ushakäyänanpaq niykulay>.
8Sayno niyämaptinpis Tayta Dios mana munaykaptinqa ¿imanöparaq maldicionäman?
Tayta Dios mana nikaptinqa ¿imanöparaq ushakäyänanpaq profetizäman?
9Kay puntapitami Israel runakunata rikaykä.
Kay jirkapitami imano kayashqantapis tantiyakuykä.
Wakin nación runakunapita rakikashqami taykäyan.
Paykunawan manami talukäyansu.
10Aqushanöpis saysikami paykuna kaykäyan.
¿Piraq yupaytapis atipanman?
Ayka kashqantapis ¿piraq musyanman?
Tayta Dios munashqanno kawaq runakuna kushish wanuyashqannömi noqapis kushish wanukuyta munä.
Paykunano noqapis wanuküman isanqa>>.
11Sayno niptinmi Balaamta Balac nirqan: <<¿Imatataq nikanki? Qamta qayasimushkä conträkunata maldicionapämänaykipaqmi. Sayno nikaptïpis bendiciontami qam qoykanki>>.
12Saymi Balaam nirqan: <<Tayta Dios tantiyasimashlantami noqa parlaykä>>.
Israel runakunata Balaam yapay bendicionta qoshqan
13Sayno niptinmi Balac nirqan: <<Jukläman aku aywashun. Saypitapis Israel runakunapa campamentunta pulalantapis rikankimi. Say rikashlaykitapis maldicionapaykalämay>>.
14Saymi Balaamta Balac pusharqan Pisga niyashqan puntacho kaykaq Zofim pampaman. Saychömi qanchis altarta perqaykur cada altarcho sacrificiuta rupasirqan juk turïtuta y juk carnita. 15Rupasiptinmi Balacta Balaam nirqan: <<Kaylacho shuyaykämay. Noqaqa aywashaq Tayta Dios imata yarpashqantapis musyamunäpaqmi>>.
16Aywaptinmi Tayta Dios yuripaykur imata parlananpaqpis tantiyasirqan. Nirkurmi nirqan: <<Balac kaqman kutiykur tantiyasishläta parlanki>>.
17Saymi kutiykur Balacta tarirqan sacrificiuta rupaykäsishqan nawpancho Moab nacionpa mandaqninkunawan ichiraykaqta. Saymi Balac tapur nirqan: <<Tayta Dios ¿imatataq nishushkanki?>>
18Saymi Balaam kayno wilakur nirqan:
<<Ziporpa surin Balac, nishqäta shumaq wiyamay.
19Tayta Dios manami runasu kaykan lulakunanpaqqa.
Pay awniskirqa manami jukta yarpannasu.
Promitishqantaqa cumplinmi.
20Tayta Diosmi nimash bendicionta qonäpaq.
Pay bendicionta qoykaptinqa ¿imanöparaq maldicionäman?
21Jacobpita miraqkunataqa Tayta Dios manami maldicionayta munansu.
Pay manami Israel runakunata desgracia päsananta munansu.
Tayta Diosmi Israel runakunata yanapaykan.
Paymi mandaqnin rey kaykan.
22Tayta Diosmi paykunata Egiptupita jorqamurqan.
Payqa poqush törunöpis seqaypa kalpayuqmi kaykan.
23Jacobpita miraq runakunata contran maldicionaptinpis manami imapis päsanqasu.
Israel runakunata brüjuta rurasiptinpis manami chanqasu.
Kananpitami Israel runakunata niyanqa:
<¡Tayta Dios yanapäshushpaykimi aska milagrukunata ruran!>
24Israel runakunaqa leonno mansaypaqmi kaykäyan.
León imatapis sariykur yawarninta upurraq jamashqannömi Israel runakunapis contrankunata vinciykurraq jamayan>>.
25Sayno niptinmi Balaamta Balac nirqan: <<¡Say runakunata maldicionayta mana kamäpakurqa Tayta Diospa bendicionnintapis ama qoysu!>>
26Saymi Balaam nirqan: <<¿Manaku nishkä Tayta Dios tantiyasimashlanta ninäpaq kaqta?>>
Israel runakunata Balaam kimsa kutina bendicionta qoshqan
27Nirkurnami rey Balac nirqan: <<Sayno kaptinqa jukläman aywaykuläshun. Saypita maldicionapämaptikiqa capazmi Dios awninqa>>.
28Sayno nirmi Balaamta Peor jirkaman pusharqan. Saypitaqa intëru sunyaq jirkami rikakan. 29Saychömi Balacta Balaam yapay nirqan: <<Kaycho qanchis altarta ruraykasir qanchis turïtuta y qanchis carnita apamuy>>.
30Sayno niptinmi Balacqa lapanta rurarqan. Nirkurnami cada altarcho juk turïtuta juk carnita rupasirqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.