Números 15
15
Sacrificiukunata imano rurayänanpaqpis tantiyasishqan
1Saypitami Moisésta Tayta Dios nirqan: 2<<Israel runakunata niy: <Tayta Dios qoykuyäshunaykipaq kaykaq nacionman chäyashpayki 3sacrificiukunata paypaq rupasiyanki mushkuyninta mayar kushikunanpaq. Say sacrificiukunata rupasiyanki rupasina sacrificiu kaptinpis promitiyashqaykita cumpliyashpaykipis, voluntänikipita uywata apayämushpaykipis o fiestapaq uywata apayämushpaykipis. Say sacrificiukunapaq uywaykikunapita apayämunki turïtuta karpis, uyshata karpis o cabrata karpis.
4<< <Sacrificiupaq apayämushqaykiwan juntu apayämunki juk litru aceitiwan sapush ishkay kïlu alinnin jarinata.
5<< <Saynöpis cada carnishta apamur jananman juk litru vïnuta yapayämunki aysaman winayänaykipaq.
6<< <Cada carnita apamur jananman yapayämunki juk litru aceitiwan sapush chusku kïlu jarinata. 7Saynöpis apayämunki juk litru pulan vïnuta aysaman winayänaykipaq. Saypa mushkuyninmi Tayta Diospa shonqunpaqno kanqa.
8<< <Rupasina sacrificiupaq karpis, promitiyashqaykita cumpliyänaykipaq karpis o jawka kawakuy sacrificiupaq karpis turïtuta Tayta Diospaq apamurqa 9jananman apayämunki ishkay litru aceitiwan sapush soqta kïlu jarinata. 10Saynöpis apayämunki ishkay litru vïnuta aysaman winayänaykipaq. Say sacrificiupa mushkuyninmi Tayta Diospa shonqunpaqno kanqa.
11<< <Saynölami rurayanki töruta apamurpis, carnita apamurpis, carnishta apamurpis o malta chïvuta apamurpis. 12Ayka uywata apamurpis cada ünunpaq saynöla apayämunki. 13Lapan Israel runakunami sacrificiukunata sayno imaypis rupasiyanqa. Saypa mushkuyninmi Tayta Diospa shonqunpaqno kanqa.
14<< <Jäpa runakunapis sacrificiukunapaq apamurqa qamkunanöla rurayanqa. Saynöla rurayanqa qorpa karpis o jinancho taq karpis. Say sacrificiukunata rupasiyaptinmi mushkuynin Tayta Diospa shonqunpaqno kanqa. 15Israel runa karpis jäpa runa karpis nishqäta saynöla cumpliyanqa. Kay nishqäkunaqa imayyaqpis leymi qamkunapaq y qamkunapita miraqkunapaqpis kanqa. 16Saynölami kay nishqäkuna kaykan qamkunapaq y jäpa runakunapaqpis> >>.
17Mastapis Moisésta Tayta Dios nirqan: 18<<Israel runakunata niy: <Tayta Dios pushaykämashqansi nacionman chaykur 19chakra wayushqanta cosechar Tayta Diospaq rakiyanki. 20Punta poquq trïguta cosechar primiciata rakiyashqaykinöla punta poquq trïguta aqaskir masararpis rakiyanki. 21Say ofrendata imaypis apayämunki.
22<< <Tayta Dios nishqan mandamientukunata mana musyaypa mana cumplirqa 23qamkuna y qamkunapita miraqkuna 24juk turïtuta rupasina sacrificiupaq apayämunki. Rupasina sacrificiuta rupasiyaptinmi mushkuynin Tayta Diospa shonqunpaqno kanqa. Saynöpis apayämunki saki mikuy ofrendata y altarman winananpaq vïnutapis. Saykunatawan juk chïvutapis apayämunki purificasina sacrificiupaq. Say sacrificiukuna kanqa qamkunacho runakuna mana musyayninpa jusalikuyashqanpitami. 25Say apayämushqaykikunata Tayta Diospa nawpancho cüra rupasiptinmi mana musyaypa jusalikuyashqaykipita perdonayäshunki. 26Sayno perdonayäshunki Israel runakuna kayaptikipis o Israel runakunacho taq jäpa runakuna kayaptikipis. Sayno kanqa qamkunacho lapan runakuna mana musyayninpa jusalikuyashqanpitami.
27<< <Qamkunacho juk runala mana musyayninpa jusalikurqa purificasina sacrificiupaq juk watayuq cabrata apamunqa. 28Sayta cüra rupasiptinmi apamuq runata Tayta Dios perdonanqa.#Lev. 4.27-31. 29Kay nishqäkunami ley kanqa qamkunapaq y qamkunacho taq jäpa runakunapaqpis.
30<< <Pipis musyaykar jusalikurqa Tayta Diostami rabyanäsin. Say runataqa Israel runa kaptinpis o jäpa runa kaptinpis qamkunapita qarquyanki. 31Tayta Dios nishqanta manakaqman churar mana cäsukushqanpita say runata qarquyanki> >>.
Jamay junaqcho aruq runata wanusiyashqan
32Israel runakuna sunyaq jirkacho kaykäyashqan wisanmi tariyarqan Israel mayin jamay junaqcho yantakuykaqta. 33Sayno tariykurmi Moisés, Aarón y lapan runakuna shuntakäyashqanman apayarqan. 34Yantakuykaqta tariyashqanta wilayaptinmi imano castigayänanpaqpis mana musyar prësu sararäyarqan. 35Sayno sararaykäyaptinmi Moisésta Tayta Dios nirqan: <<Say runata campamentupita jukläman jorquykur lapan Israel runakuna samqaypa wanusiyäsun>>.
36Sayno niptinmi Tayta Dios nishqannöla Israel runakuna jukläman jorquykur samqaykälar wanusiyarqan.
Mödananpa kuchunman azul jïlukunata jirayänanpaq tantiyasishqan
37Moiséstami Tayta Dios nirqan: 38<<Israel runakunata niy mödanankunapa kuchunman azul jïlupita shamshilta rurayänanpaq. Saynöla paykunapita miraqkunapis mödanankuna kuchunman shamshilta imaypis churayanqa. 39Say shamshilta rikarmi yarpäyanki noqapa mandamientükunata cumpliyänaykipaq kashqanta. Saynöpami jusalikuyänaykipaq shonquykikuna yarpaptinpis tantiyakuyashpayki kachariyanki. 40Say shamshilkunami kanqa nishqäkunata cäsukur noqa munashqäno santu kawayänaykipaq. 41Noqami Egiptupita jorqamushkä Tayta Diosniki kanäpaq. Noqami Tayta Diosniki kaykä>>.
Currently Selected:
Números 15: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Números 15
15
Sacrificiukunata imano rurayänanpaqpis tantiyasishqan
1Saypitami Moisésta Tayta Dios nirqan: 2<<Israel runakunata niy: <Tayta Dios qoykuyäshunaykipaq kaykaq nacionman chäyashpayki 3sacrificiukunata paypaq rupasiyanki mushkuyninta mayar kushikunanpaq. Say sacrificiukunata rupasiyanki rupasina sacrificiu kaptinpis promitiyashqaykita cumpliyashpaykipis, voluntänikipita uywata apayämushpaykipis o fiestapaq uywata apayämushpaykipis. Say sacrificiukunapaq uywaykikunapita apayämunki turïtuta karpis, uyshata karpis o cabrata karpis.
4<< <Sacrificiupaq apayämushqaykiwan juntu apayämunki juk litru aceitiwan sapush ishkay kïlu alinnin jarinata.
5<< <Saynöpis cada carnishta apamur jananman juk litru vïnuta yapayämunki aysaman winayänaykipaq.
6<< <Cada carnita apamur jananman yapayämunki juk litru aceitiwan sapush chusku kïlu jarinata. 7Saynöpis apayämunki juk litru pulan vïnuta aysaman winayänaykipaq. Saypa mushkuyninmi Tayta Diospa shonqunpaqno kanqa.
8<< <Rupasina sacrificiupaq karpis, promitiyashqaykita cumpliyänaykipaq karpis o jawka kawakuy sacrificiupaq karpis turïtuta Tayta Diospaq apamurqa 9jananman apayämunki ishkay litru aceitiwan sapush soqta kïlu jarinata. 10Saynöpis apayämunki ishkay litru vïnuta aysaman winayänaykipaq. Say sacrificiupa mushkuyninmi Tayta Diospa shonqunpaqno kanqa.
11<< <Saynölami rurayanki töruta apamurpis, carnita apamurpis, carnishta apamurpis o malta chïvuta apamurpis. 12Ayka uywata apamurpis cada ünunpaq saynöla apayämunki. 13Lapan Israel runakunami sacrificiukunata sayno imaypis rupasiyanqa. Saypa mushkuyninmi Tayta Diospa shonqunpaqno kanqa.
14<< <Jäpa runakunapis sacrificiukunapaq apamurqa qamkunanöla rurayanqa. Saynöla rurayanqa qorpa karpis o jinancho taq karpis. Say sacrificiukunata rupasiyaptinmi mushkuynin Tayta Diospa shonqunpaqno kanqa. 15Israel runa karpis jäpa runa karpis nishqäta saynöla cumpliyanqa. Kay nishqäkunaqa imayyaqpis leymi qamkunapaq y qamkunapita miraqkunapaqpis kanqa. 16Saynölami kay nishqäkuna kaykan qamkunapaq y jäpa runakunapaqpis> >>.
17Mastapis Moisésta Tayta Dios nirqan: 18<<Israel runakunata niy: <Tayta Dios pushaykämashqansi nacionman chaykur 19chakra wayushqanta cosechar Tayta Diospaq rakiyanki. 20Punta poquq trïguta cosechar primiciata rakiyashqaykinöla punta poquq trïguta aqaskir masararpis rakiyanki. 21Say ofrendata imaypis apayämunki.
22<< <Tayta Dios nishqan mandamientukunata mana musyaypa mana cumplirqa 23qamkuna y qamkunapita miraqkuna 24juk turïtuta rupasina sacrificiupaq apayämunki. Rupasina sacrificiuta rupasiyaptinmi mushkuynin Tayta Diospa shonqunpaqno kanqa. Saynöpis apayämunki saki mikuy ofrendata y altarman winananpaq vïnutapis. Saykunatawan juk chïvutapis apayämunki purificasina sacrificiupaq. Say sacrificiukuna kanqa qamkunacho runakuna mana musyayninpa jusalikuyashqanpitami. 25Say apayämushqaykikunata Tayta Diospa nawpancho cüra rupasiptinmi mana musyaypa jusalikuyashqaykipita perdonayäshunki. 26Sayno perdonayäshunki Israel runakuna kayaptikipis o Israel runakunacho taq jäpa runakuna kayaptikipis. Sayno kanqa qamkunacho lapan runakuna mana musyayninpa jusalikuyashqanpitami.
27<< <Qamkunacho juk runala mana musyayninpa jusalikurqa purificasina sacrificiupaq juk watayuq cabrata apamunqa. 28Sayta cüra rupasiptinmi apamuq runata Tayta Dios perdonanqa.#Lev. 4.27-31. 29Kay nishqäkunami ley kanqa qamkunapaq y qamkunacho taq jäpa runakunapaqpis.
30<< <Pipis musyaykar jusalikurqa Tayta Diostami rabyanäsin. Say runataqa Israel runa kaptinpis o jäpa runa kaptinpis qamkunapita qarquyanki. 31Tayta Dios nishqanta manakaqman churar mana cäsukushqanpita say runata qarquyanki> >>.
Jamay junaqcho aruq runata wanusiyashqan
32Israel runakuna sunyaq jirkacho kaykäyashqan wisanmi tariyarqan Israel mayin jamay junaqcho yantakuykaqta. 33Sayno tariykurmi Moisés, Aarón y lapan runakuna shuntakäyashqanman apayarqan. 34Yantakuykaqta tariyashqanta wilayaptinmi imano castigayänanpaqpis mana musyar prësu sararäyarqan. 35Sayno sararaykäyaptinmi Moisésta Tayta Dios nirqan: <<Say runata campamentupita jukläman jorquykur lapan Israel runakuna samqaypa wanusiyäsun>>.
36Sayno niptinmi Tayta Dios nishqannöla Israel runakuna jukläman jorquykur samqaykälar wanusiyarqan.
Mödananpa kuchunman azul jïlukunata jirayänanpaq tantiyasishqan
37Moiséstami Tayta Dios nirqan: 38<<Israel runakunata niy mödanankunapa kuchunman azul jïlupita shamshilta rurayänanpaq. Saynöla paykunapita miraqkunapis mödanankuna kuchunman shamshilta imaypis churayanqa. 39Say shamshilta rikarmi yarpäyanki noqapa mandamientükunata cumpliyänaykipaq kashqanta. Saynöpami jusalikuyänaykipaq shonquykikuna yarpaptinpis tantiyakuyashpayki kachariyanki. 40Say shamshilkunami kanqa nishqäkunata cäsukur noqa munashqäno santu kawayänaykipaq. 41Noqami Egiptupita jorqamushkä Tayta Diosniki kanäpaq. Noqami Tayta Diosniki kaykä>>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.