Mateo 19
19
Warminpita mana rakikäyänanpaq Jesús yachasishqan
Marcos 10.1-12
1Sayno yacharkasirmi Galileapita aywar Judeaman chänanpaq Jordán mayu simpanparaq Jesús tumamurqan. 2Paypa qepantami aska runakuna aywayarqan. Saychömi qeshyaykaqkunatapis aliyäsirqan.
3 Fariseukunapis sayman aywaykurmi lutanta parlasiyänan kash Jesústa tapuyarqan: <<¿Ima achäquilapis warminpita runa rakikanmanku o manaku?>> nir.
4Sayno tapuyaptinmi Jesús nirqan: <<¿Manaku liyiyashkanki Tayta Diospa palabranta? Saychömi nikan olqutapis warmitapis Tayta Dios kamashqanta.#Gén. 1.27; 5.2. 5Sayno kamarkurmi Tayta Dios kayno nirqan: <Mamanpa y taytanpa makinpita runa yarqukun warminwan mana rakikaypa tänanpaqmi. Ishkaq karpis juklaylanömi kayanqa>.#Gén. 2.24. 6Sayno nikaptinqa mananami ishkaqnasu kaykäyan, sinöqa juklaylanönami. Saymi Tayta Dios juklasashqantaqa pipis rakinmansu>>.
7Sayno niptinmi fariseukuna tapuyarqan: <<Sayno kaptinqa ¿imanirtaq Moisés qelqashqancho nikan warminpita rakikar papilta firmaparkur qarqunanpaq kashqanta?>>#Deut. 24.1-4; Mat. 5.31.
8Saymi Jesús nirqan: <<Runakuna warminpita rakikäyänanpaq Moisés permitirqan chukru shonqu kayaptinmi. Isanqa manami sayno kananpaqsu Tayta Dios kamarqan. 9Sayno kaptinpis noqa nï: Mayqan runapis warmin mana jarukuykaptin juk warmiwan tarqa adulteriuchömi kaykan. [Saynölami runanpita rakikash warmiwan taq runapis adulteriucho kaykan]>>.#Mat. 5.32; 1Cor. 7.10-11.
10Saymi discïpulunkuna niyarqan: <<Sayno kaptinqa mas alimi kanman warmiynaqla kakuptin>>.
11Sayno niyaptinmi Jesús nirqan: <<Manami lapansu majaynaq kawayta kamäpakuyan. Tayta Dios kamakäsiptinmi isanqa majaynaq täkun. 12Wakin runakuna warmiynaq täkuyänanpaqmi yuriyan. Wakinqa capash karmi warmiwan tänanpaq yarpäyansu. Wakinnami Tayta Dios mandaykashqancho kawar warmita ashiyansu. Pipis majaynaq täkuyta munarqa japala täkusun>>.
Wamrakunapaq Tayta Diosta Jesús manakushqan
Marcos 10.13-16; Lucas 18.15-17
13Saypitanami wamrakunata Jesús kaqman apayarqan umankunaman makinta churaykur Tayta Diosta manakunanpaq. Wamrakunata apaykäyaqta rikarmi discïpulunkuna michäyarqan. 14Saymi discïpulunkunata Jesús nirqan: <<Wamrakunata apakayämunanta ama michäyaysu. Wamrano kaqkunapaqmi Tayta Dios mandaykashqan kaykan>>.
15Sayno nirkushpanmi wamrakunapa umanman makinta churaykur Tayta Diosta manakurqan. Nirkurnami saypita aywakurqan.
Rïcu runa ajataraq salvakunanpaq kashqan
Marcos 10.17-31; Lucas 18.18-30
16Juk kutichömi Jesúsman chaykur juk maqta nirqan: <<Rabí, [ali runami kanki]. ¿Imatataq alita ruräman mana ushakaq kawayta tarinäpaq?>>
17Saymi Jesús nirqan: <<¿Imanirtaq ali ruraypaq tapumanki? Juklaylami ali ruraqqa.#19.17 Wakin qepa kaq griego copiakunachöqa kaynömi nikan: ¿Imanirtaq ali runa kashqäta nimanki? Tayta Dioslami aliqa kaykan. Saynömi nikan Mar. 10.18 y Luc. 18.19 versïculukunachöpis. Mana ushakaq kawayta tariyta munarqa paypa mandamientunkunata cäsukuy>>.
18Sayno niptinmi say maqta yapay tapurqan: <<¿Mayqan mandamientukunatataq cumplïman?>> nir.
Saymi Jesús nirqan: <<Runa mayikita ama wanusinkisu.#Éxo. 20.13; Deut. 5.17. Majaykita ama jarukunkisu.#Éxo. 20.14; Deut. 5.18. Ama suwakunkisu.#Éxo. 20.15; Deut. 5.19. Manakaqta pitapis ama tumpankisu.#Éxo. 20.16; Deut. 5.20. 19Mamaykitapis taytaykitapis ali rikanki.#Éxo. 20.12; Deut. 5.16. Saynöpis kikiki kuyakushqaykino runa mayikita kuyanki>>.#Lev. 19.18.
20Saymi maqta nirqan: <<Saykunataqa [wamra kashqäpita pasami] lapanta cumplishkä. ¿Imataq mas pishiykäman cumplinäpaq?>>
21Niptinmi Jesús nirqan: <<Tayta Dios munashqanno kayta munarqa lapan imaykaykikunatapis rantikuykur say qellayta muchuqkunata aypuy. Sayno ruraptikiqa jana pasachömi riquëzayki kanqa. Nirkur qatirämay>>.
22Sayno niptinmi pasaypa rïcu kar say maqta lakish aywakurqan. 23Aywakuptinmi discïpulunkunata Jesús nirqan: <<Rasunpami nï: ¡Ajami kaykan rïcu runakuna Tayta Dios mandaykashqanman yaykuyänanpaq! 24Yapaymi qamkunata nï: Rïcu runa Tayta Dios mandaykashqanman yaykushqanpitaqa mas raslami camëllupis awja uchkupa ushturinman>>.
25Sayta wiyarmi discïpulunkuna pasaypa mansakash niyarqan: <<Sayno kaptinqa ¿piraq salvakunman?>>
26Saymi paykunata rikärishpan Jesús nirqan: <<Runakuna salvakunanpaqqa aläpa ajami kaykan. Tayta Diospaqmi isanqa imapis ajasu kaykan>>.
27Saymi Pedro nirqan: <<Noqakuna lapan imaykäkunatapis kachaykurmi qamta qatiraykäyä, taytay. Sayno kaykäyaptïqa noqakunapaq ¿imataq kanqa?>>
28Sayno niptinmi Jesús nirqan: <<Rasunpami nï: Mushuq pasacho Runapa Surin chipipiykaq trönunman jamaykuptinmi#Mat. 25.31. qamkunapis qatiräyämashqaykipita chunka ishkay trönukunacho jamakuyanki. Saychömi chunka ishkay trïbu Israel runakunata juzgayanki.#Luc. 22.30.
29<<Noqa rayku pipis wayinta, wawqinkunata, paninkunata, mamanta, taytanta, [warminta,] surinkunata y chakrankunatapis kachariq kaqqa pachak (100) kuti mastami chaskinqa. Saynöpis mana ushakaq kawaytami tarinqa. 30Askaqmi respitash kaykaqkuna manakaqman churash kayanqa. Manakaqman churash kaqkunanami respitash kayanqa>>.#Mat. 20.16; Luc. 13.30.
Currently Selected:
Mateo 19: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Mateo 19
19
Warminpita mana rakikäyänanpaq Jesús yachasishqan
Marcos 10.1-12
1Sayno yacharkasirmi Galileapita aywar Judeaman chänanpaq Jordán mayu simpanparaq Jesús tumamurqan. 2Paypa qepantami aska runakuna aywayarqan. Saychömi qeshyaykaqkunatapis aliyäsirqan.
3 Fariseukunapis sayman aywaykurmi lutanta parlasiyänan kash Jesústa tapuyarqan: <<¿Ima achäquilapis warminpita runa rakikanmanku o manaku?>> nir.
4Sayno tapuyaptinmi Jesús nirqan: <<¿Manaku liyiyashkanki Tayta Diospa palabranta? Saychömi nikan olqutapis warmitapis Tayta Dios kamashqanta.#Gén. 1.27; 5.2. 5Sayno kamarkurmi Tayta Dios kayno nirqan: <Mamanpa y taytanpa makinpita runa yarqukun warminwan mana rakikaypa tänanpaqmi. Ishkaq karpis juklaylanömi kayanqa>.#Gén. 2.24. 6Sayno nikaptinqa mananami ishkaqnasu kaykäyan, sinöqa juklaylanönami. Saymi Tayta Dios juklasashqantaqa pipis rakinmansu>>.
7Sayno niptinmi fariseukuna tapuyarqan: <<Sayno kaptinqa ¿imanirtaq Moisés qelqashqancho nikan warminpita rakikar papilta firmaparkur qarqunanpaq kashqanta?>>#Deut. 24.1-4; Mat. 5.31.
8Saymi Jesús nirqan: <<Runakuna warminpita rakikäyänanpaq Moisés permitirqan chukru shonqu kayaptinmi. Isanqa manami sayno kananpaqsu Tayta Dios kamarqan. 9Sayno kaptinpis noqa nï: Mayqan runapis warmin mana jarukuykaptin juk warmiwan tarqa adulteriuchömi kaykan. [Saynölami runanpita rakikash warmiwan taq runapis adulteriucho kaykan]>>.#Mat. 5.32; 1Cor. 7.10-11.
10Saymi discïpulunkuna niyarqan: <<Sayno kaptinqa mas alimi kanman warmiynaqla kakuptin>>.
11Sayno niyaptinmi Jesús nirqan: <<Manami lapansu majaynaq kawayta kamäpakuyan. Tayta Dios kamakäsiptinmi isanqa majaynaq täkun. 12Wakin runakuna warmiynaq täkuyänanpaqmi yuriyan. Wakinqa capash karmi warmiwan tänanpaq yarpäyansu. Wakinnami Tayta Dios mandaykashqancho kawar warmita ashiyansu. Pipis majaynaq täkuyta munarqa japala täkusun>>.
Wamrakunapaq Tayta Diosta Jesús manakushqan
Marcos 10.13-16; Lucas 18.15-17
13Saypitanami wamrakunata Jesús kaqman apayarqan umankunaman makinta churaykur Tayta Diosta manakunanpaq. Wamrakunata apaykäyaqta rikarmi discïpulunkuna michäyarqan. 14Saymi discïpulunkunata Jesús nirqan: <<Wamrakunata apakayämunanta ama michäyaysu. Wamrano kaqkunapaqmi Tayta Dios mandaykashqan kaykan>>.
15Sayno nirkushpanmi wamrakunapa umanman makinta churaykur Tayta Diosta manakurqan. Nirkurnami saypita aywakurqan.
Rïcu runa ajataraq salvakunanpaq kashqan
Marcos 10.17-31; Lucas 18.18-30
16Juk kutichömi Jesúsman chaykur juk maqta nirqan: <<Rabí, [ali runami kanki]. ¿Imatataq alita ruräman mana ushakaq kawayta tarinäpaq?>>
17Saymi Jesús nirqan: <<¿Imanirtaq ali ruraypaq tapumanki? Juklaylami ali ruraqqa.#19.17 Wakin qepa kaq griego copiakunachöqa kaynömi nikan: ¿Imanirtaq ali runa kashqäta nimanki? Tayta Dioslami aliqa kaykan. Saynömi nikan Mar. 10.18 y Luc. 18.19 versïculukunachöpis. Mana ushakaq kawayta tariyta munarqa paypa mandamientunkunata cäsukuy>>.
18Sayno niptinmi say maqta yapay tapurqan: <<¿Mayqan mandamientukunatataq cumplïman?>> nir.
Saymi Jesús nirqan: <<Runa mayikita ama wanusinkisu.#Éxo. 20.13; Deut. 5.17. Majaykita ama jarukunkisu.#Éxo. 20.14; Deut. 5.18. Ama suwakunkisu.#Éxo. 20.15; Deut. 5.19. Manakaqta pitapis ama tumpankisu.#Éxo. 20.16; Deut. 5.20. 19Mamaykitapis taytaykitapis ali rikanki.#Éxo. 20.12; Deut. 5.16. Saynöpis kikiki kuyakushqaykino runa mayikita kuyanki>>.#Lev. 19.18.
20Saymi maqta nirqan: <<Saykunataqa [wamra kashqäpita pasami] lapanta cumplishkä. ¿Imataq mas pishiykäman cumplinäpaq?>>
21Niptinmi Jesús nirqan: <<Tayta Dios munashqanno kayta munarqa lapan imaykaykikunatapis rantikuykur say qellayta muchuqkunata aypuy. Sayno ruraptikiqa jana pasachömi riquëzayki kanqa. Nirkur qatirämay>>.
22Sayno niptinmi pasaypa rïcu kar say maqta lakish aywakurqan. 23Aywakuptinmi discïpulunkunata Jesús nirqan: <<Rasunpami nï: ¡Ajami kaykan rïcu runakuna Tayta Dios mandaykashqanman yaykuyänanpaq! 24Yapaymi qamkunata nï: Rïcu runa Tayta Dios mandaykashqanman yaykushqanpitaqa mas raslami camëllupis awja uchkupa ushturinman>>.
25Sayta wiyarmi discïpulunkuna pasaypa mansakash niyarqan: <<Sayno kaptinqa ¿piraq salvakunman?>>
26Saymi paykunata rikärishpan Jesús nirqan: <<Runakuna salvakunanpaqqa aläpa ajami kaykan. Tayta Diospaqmi isanqa imapis ajasu kaykan>>.
27Saymi Pedro nirqan: <<Noqakuna lapan imaykäkunatapis kachaykurmi qamta qatiraykäyä, taytay. Sayno kaykäyaptïqa noqakunapaq ¿imataq kanqa?>>
28Sayno niptinmi Jesús nirqan: <<Rasunpami nï: Mushuq pasacho Runapa Surin chipipiykaq trönunman jamaykuptinmi#Mat. 25.31. qamkunapis qatiräyämashqaykipita chunka ishkay trönukunacho jamakuyanki. Saychömi chunka ishkay trïbu Israel runakunata juzgayanki.#Luc. 22.30.
29<<Noqa rayku pipis wayinta, wawqinkunata, paninkunata, mamanta, taytanta, [warminta,] surinkunata y chakrankunatapis kachariq kaqqa pachak (100) kuti mastami chaskinqa. Saynöpis mana ushakaq kawaytami tarinqa. 30Askaqmi respitash kaykaqkuna manakaqman churash kayanqa. Manakaqman churash kaqkunanami respitash kayanqa>>.#Mat. 20.16; Luc. 13.30.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.