Mateo 1
1
Jesúspa unay ayllunkuna pï kayashqanpis
Lucas 3.23-38
1Abrahampita y rey Davidpita miraq Jesucristupa unay ayllunkuna kaynömi kayarqan:
2Abrahampa surinmi karqan Isaac.
Isaacpa surinmi karqan Jacob.
Jacobpa surinmi karqan Judá y wawqinkunapis.
3Judápa surinkunami kayarqan Fareswan Zara.
Paykunapa mamanmi karqan Tamar.
Farespa surinmi karqan Esrom.
Esrompa surinmi karqan Aram.
4Arampa surinmi karqan Aminadab.
Aminadabpa surinmi karqan Naasón.
Naasónpa surinmi karqan Salmón.
5Salmónpa surinmi karqan Booz.
Boozpa mamanmi karqan Rahab.
Boozpa surinmi karqan Obed.
Obedpa mamanmi karqan Rut.
Obedpa surinmi karqan Isaí#1.5 Wakin traduccionkunachöqa Jesé niyanmi..
6Isaípa surinmi karqan rey David.#1Crón. 2.1-15; Rut 4.18-22.
Rey Davidpa surinmi karqan Salomón.
Salomónpa mamanmi karqan Uríaspa viüdan.
7Salomónpa surinmi karqan Roboam.
Roboampa surinmi karqan Abías.
Abíaspa surinmi karqan Asa.
8Asapa surinmi karqan Josafat.
Josafatpa surinmi karqan Joram.
Jorampa surinmi karqan Uzías.
9Uzíaspa surinmi karqan Jotam.
Jotampa surinmi karqan Acaz.
Acazpa surinmi karqan Ezequías.
10Ezequíaspa surinmi karqan Manasés.
Manaséspa surinmi karqan Amón.
Amónpa surinmi karqan Josías.
11Josíaspa surinmi karqan Jeconías y wawqinkunapis.
Jeconías kawashqan wisanmi Israel runakunata Babilonia soldädukuna nacionninman prësu apayarqan.#2Rey. 24.14-15; 2Crón. 36.10; Jer. 27.20.
12Saychönami Jeconíaspa surin Salatiel yurirqan.
Salatielpa surinmi karqan Zorobabel.
13Zorobabelpa surinmi karqan Abiud.
Abiudpa surinmi karqan Eliaquim.
Eliaquimpa surinmi karqan Azor.
14Azorpa surinmi karqan Sadoc.
Sadocpa surinmi karqan Aquim.
Aquimpa surinmi karqan Eliud.
15Eliudpa surinmi karqan Eleazar.
Eleazarpa surinmi karqan Matán.
Matánpa surinmi karqan Jacob.
16Jacobpa surinmi karqan Maríapa runan José.
Maríapa wawanmi karqan Jesús. Paymi karqan Tayta Dios kachamushqan Cristo.
17Abraham kawashqan wisanpita David yurishqanyaq juk chunka chusku generacionmi karqan. Saynölami David kawashqan wisanpita Israel runakunata Babiloniaman apayashqan wisanyaq juk chunka chusku generación karqan. Saynölami Babiloniaman apayashqan wisanpita Jesucristo yurishqanyaqpis juk chunka chusku generación karqan.
Jesús yurishqan
Lucas 2.1-7
18Kaychömi qelqaraykan Jesucristo manaraq yuriptin ima päsashqanpis. Joséwan tänanpaqmi María parlakushna karqan.#Luc. 1.27. Joséwan manaraq tar Espíritu Santupa munayninwan qeshyaq rikakurqan. 19José ali runa karmi Maríata penqayman churayta mana munar pakaylapa kachariyta yarparqan.
20Sayno yarpachakuykaptinmi Tayta Diospa angilnin Joséta sueñuynincho nirqan: <<Rey Davidpa ayllun José, Maríawan majasakayta ama penqakuysu. Payqa Espíritu Santupa munayninwanmi qeshyaq kaykan. 21Olqu wamratami qeshyakunqa. Payman yärakuqkunata jusankunapita salvananpaq kaptinmi say wamrapa jutinta churapanki Jesús#1.21 Jesús ninanqa Tayta Diosmi salvan ninanmi. jutin kananpaq>>.#Luc. 1.31.
22Lapanpis sayno päsarqan profëtanwan Tayta Dios kayno nishqan cumplikänanpaqmi:
23<<Juk doncëlla jipashmi qeshyaq rikakur olqu wamrata qeshyakunqa.
Say wamrapa jutintami churapanqa Emanuel jutin kananpaq>>.#Isa. 7.14.
(Emanuel ninanqa Tayta Dios noqansiwanmi kaykan ninanmi.)
24Sayno niptinmi José punuykashqanpita rikcharkamur Tayta Diospa angilnin nishqannöla Maríawan tarqan. 25Isanqa Maríawan taykarpis wawan yurishqanyaq manami yataparqanraqsu. Wamra yuriykuptinnami jutinta churaparqan Jesús jutin kananpaq.#Luc. 2.21.
Currently Selected:
Mateo 1: qvhB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.