Levítico 9
9
Sacrificiukunata rupasir Aarón qalaykushqan
1Saypita puwaq junaqtami Moisés qayarqan Aarónta, surinkunata y Israel mayor runakunatapis. 2Nirkurnami Aarónta nirqan: <<Purificasina sacrificiupaq juk sänu turïtuta y rupasina sacrificiupaq sänu carnita Tayta Diospa nawpanman apamuy. 3Israel runakunatanapis niy purificasina sacrificiupaq juk chïvuta y rupasina sacrificiupaqpis juk watayuq sänu turïtuta y juk watayuq sänu carnishta apayämunanpaq. 4Saynöla jawka kawakuy sacrificiupaqpis juk töruta y juk carnita apayämusun. Lapan saykunata Tayta Diospa nawpancho pishtayanki. Saynöla aceitiwan sapush jarinatapis apayämusun. Sayno apayämusun Tayta Dios kanan junaq noqansiman chämunanpaq kaptinmi>>.
5Sayno niptinmi Aarónta Moisés nishqannöla Israel runakuna saykunata apayarqan Tinkuna Toldu patiuman. Lapan runakuna Tayta Diospa nawpanman shuntakäyaptinmi 6Moisés nirqan: <<Apayämushqaykita rupasinansipaqmi Tayta Dios nish. Nishqanta rurayaptikiqa asikyaypa asikyarmi rikakämunqa>>.
7Nirkurnami Aarónta Moisés nirqan: <<Purificasina sacrificiupaq y rupasina sacrificiupaq apamushqayki uywakunata altarman apaykur pishtay. Saykuna kanqa qampis y Israel runakunapis perdonash kayänaykipaqmi. Saypitana Israel runakuna apayämushqan uywakunata altarman apaykur pishtay paykunapis jusankunapita perdonash kayänanpaq. Sayno rurayänaykipaqmi Tayta Dios nish>>.#Heb. 5.1-3; 7.27.
8Sayno niptinmi purificasina sacrificiupaq apamushqan turïtuta altarman apaykur Aarón pishtarqan. 9Saypitanami pishtashqan uywapa yawarninta Aarónpa surinkuna apapäyarqan. Saymi dëdunta yawarman jatirkur altarpa waqrankunata Aarón lushiparqan. Pusuq yawartanami altarpa chakinman talirqan. 10Nirkurnami purificasina sacrificiupaq pishtashqan uywapa rurunninkunata, natinnincho kaykaq wiranta y wakin wirantapis altarcho rupasirqan. Moisésta Tayta Dios nishqannölami lapanta rurarqan. 11Aysantawan qarantami isanqa campamentupita jukläman apaykur rupasirqan.
12Nirkurnami rupasina sacrificiupaq apamushqan uywata Aarón pishtarqan. Say uywapa yawarninta surinkuna makyayaptinmi altarpa lädunkunata saqsuparqan. 13Saypitanami say uywapa umanta y cuartusashqan aysata apapäyaptin Aarónqa altarcho rupasirqan. 14Pachantawan chakinkunata maylaskir wakinta rupasishqannölami altarcho rupasirqan.
15Nirkurnami purificasina sacrificiupaq Israel runakuna apayämushqan chïvuta pishtaskir purificasina sacrificiuta puntata rurashqannöla Israel runakunapaqpis rurarqan. 16Saypitanami imaypis rurananpaq Tayta Dios nishqannöla rupasina sacrificiuta rupasirqan. 17Tutapa rupasina sacrificiuta rupasishqan jananchömi juk aptay saki mikuytapis rupasirqan.
18Saypitanami Israel runakuna jawka kawakuy sacrificiupaq#Lev. 3.1-11. apayämushqan törutapis carnitapis Aarón pishtarqan. Say uywakunapa yawarninta surinkuna makyayaptinmi altarpa lädunkunata saqsuparqan. 19Saynölami surinkuna makyayarqan törupawan carnipa chupanta, pacha wiranta, rurunkunata y natinnincho kaykaq wirantapis. 20Say wirankunatami pishtashqan uywakunapa qasqunkuna#9.20 Wakin runakunaqa pëchunkuna niyan. jananman churayarqan. Nirkurnami wiralantana altarcho Aarón rupasirqan. 21Qasqunkunata y aluq kaq chankantanami Moisésta Tayta Dios nishqannöla joqarkur wakman kayman kuyusirqan.
22Purificasina sacrificiupaq, rupasina sacrificiupaq y jawka kawakuy sacrificiupaq apayämushqankunata altarman churarkurmi Israel runakuna jananpa makinta joqarkur paykunata Aarón bendicionta qorqan.#Núm. 6.22-26. Saypitanami altar nawpanpita urarkur 23Tinkuna Tolduman Aarónwan Moisés yaykuyarqan. Saypita yarqaskamur Israel runakunata bendicionta qoptinmi Tayta Diospa chipipiynin rikakämurqan. 24Tayta Diospa nawpanpita nina yarqamurmi altarcho kaykaq aysatawan wirata rupaskirqan. Sayta rikaykurmi lapan Israel runakuna kushikuypita qaparar Tayta Diosta adorayashpan lätakuykuyarqan.
Currently Selected:
Levítico 9: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 9
9
Sacrificiukunata rupasir Aarón qalaykushqan
1Saypita puwaq junaqtami Moisés qayarqan Aarónta, surinkunata y Israel mayor runakunatapis. 2Nirkurnami Aarónta nirqan: <<Purificasina sacrificiupaq juk sänu turïtuta y rupasina sacrificiupaq sänu carnita Tayta Diospa nawpanman apamuy. 3Israel runakunatanapis niy purificasina sacrificiupaq juk chïvuta y rupasina sacrificiupaqpis juk watayuq sänu turïtuta y juk watayuq sänu carnishta apayämunanpaq. 4Saynöla jawka kawakuy sacrificiupaqpis juk töruta y juk carnita apayämusun. Lapan saykunata Tayta Diospa nawpancho pishtayanki. Saynöla aceitiwan sapush jarinatapis apayämusun. Sayno apayämusun Tayta Dios kanan junaq noqansiman chämunanpaq kaptinmi>>.
5Sayno niptinmi Aarónta Moisés nishqannöla Israel runakuna saykunata apayarqan Tinkuna Toldu patiuman. Lapan runakuna Tayta Diospa nawpanman shuntakäyaptinmi 6Moisés nirqan: <<Apayämushqaykita rupasinansipaqmi Tayta Dios nish. Nishqanta rurayaptikiqa asikyaypa asikyarmi rikakämunqa>>.
7Nirkurnami Aarónta Moisés nirqan: <<Purificasina sacrificiupaq y rupasina sacrificiupaq apamushqayki uywakunata altarman apaykur pishtay. Saykuna kanqa qampis y Israel runakunapis perdonash kayänaykipaqmi. Saypitana Israel runakuna apayämushqan uywakunata altarman apaykur pishtay paykunapis jusankunapita perdonash kayänanpaq. Sayno rurayänaykipaqmi Tayta Dios nish>>.#Heb. 5.1-3; 7.27.
8Sayno niptinmi purificasina sacrificiupaq apamushqan turïtuta altarman apaykur Aarón pishtarqan. 9Saypitanami pishtashqan uywapa yawarninta Aarónpa surinkuna apapäyarqan. Saymi dëdunta yawarman jatirkur altarpa waqrankunata Aarón lushiparqan. Pusuq yawartanami altarpa chakinman talirqan. 10Nirkurnami purificasina sacrificiupaq pishtashqan uywapa rurunninkunata, natinnincho kaykaq wiranta y wakin wirantapis altarcho rupasirqan. Moisésta Tayta Dios nishqannölami lapanta rurarqan. 11Aysantawan qarantami isanqa campamentupita jukläman apaykur rupasirqan.
12Nirkurnami rupasina sacrificiupaq apamushqan uywata Aarón pishtarqan. Say uywapa yawarninta surinkuna makyayaptinmi altarpa lädunkunata saqsuparqan. 13Saypitanami say uywapa umanta y cuartusashqan aysata apapäyaptin Aarónqa altarcho rupasirqan. 14Pachantawan chakinkunata maylaskir wakinta rupasishqannölami altarcho rupasirqan.
15Nirkurnami purificasina sacrificiupaq Israel runakuna apayämushqan chïvuta pishtaskir purificasina sacrificiuta puntata rurashqannöla Israel runakunapaqpis rurarqan. 16Saypitanami imaypis rurananpaq Tayta Dios nishqannöla rupasina sacrificiuta rupasirqan. 17Tutapa rupasina sacrificiuta rupasishqan jananchömi juk aptay saki mikuytapis rupasirqan.
18Saypitanami Israel runakuna jawka kawakuy sacrificiupaq#Lev. 3.1-11. apayämushqan törutapis carnitapis Aarón pishtarqan. Say uywakunapa yawarninta surinkuna makyayaptinmi altarpa lädunkunata saqsuparqan. 19Saynölami surinkuna makyayarqan törupawan carnipa chupanta, pacha wiranta, rurunkunata y natinnincho kaykaq wirantapis. 20Say wirankunatami pishtashqan uywakunapa qasqunkuna#9.20 Wakin runakunaqa pëchunkuna niyan. jananman churayarqan. Nirkurnami wiralantana altarcho Aarón rupasirqan. 21Qasqunkunata y aluq kaq chankantanami Moisésta Tayta Dios nishqannöla joqarkur wakman kayman kuyusirqan.
22Purificasina sacrificiupaq, rupasina sacrificiupaq y jawka kawakuy sacrificiupaq apayämushqankunata altarman churarkurmi Israel runakuna jananpa makinta joqarkur paykunata Aarón bendicionta qorqan.#Núm. 6.22-26. Saypitanami altar nawpanpita urarkur 23Tinkuna Tolduman Aarónwan Moisés yaykuyarqan. Saypita yarqaskamur Israel runakunata bendicionta qoptinmi Tayta Diospa chipipiynin rikakämurqan. 24Tayta Diospa nawpanpita nina yarqamurmi altarcho kaykaq aysatawan wirata rupaskirqan. Sayta rikaykurmi lapan Israel runakuna kushikuypita qaparar Tayta Diosta adorayashpan lätakuykuyarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.