Levítico 7
7
Consagrasina sacrificiupita masta tantiyasishqan
1<< <Consagrasina sacrificiuqa sagrädumi kaykan. Say sacrificiuta apamurqa kaynömi ruranqa: 2Consagrasina sacrificiupaq apamushqan uywata pishtarqa rupasina sacrificiupaq uywata pishtakunan kaqlacho pishtanqa. Yawarninwanna altarpa kuchunkunata saqsupanqa. 3Chupancho kaq wiranta y pacha wirantaqa lapanta altarcho rupasinqa. 4Saynöpis rupasinqa rurunninkunata wirantinta, washannincho kaykaq wirankunata y natinnincho kaykaq wirankunatapis. Natinnincho kaykaq wirankunataqa rurunnintinta jorqunqa. 5Tayta Diosta adorarmi lapan saykunata altarcho cüra rupasinqa. Sayqa consagrasina sacrificiumi kanqa. 6Say uywapa aysan sagrädu kaptinmi Tinkuna Toldupa patiuncho cürakuna mikuyanqa.
7<< <Purificasina sacrificiupaq y consagrasina sacrificiupaq apayämushqanpis say uywakunapa aysanqa sacrificiuta rupasiq cürapaqmi kanqa. 8Rupasina sacrificiupaq apamush kaptinqa uywapa qaralanmi rupasiq cürapaq kanqa. 9Saynölami jornucho kuwash karpis o sartincho ankash karpis o mankacho yanush karpis ofrendapaq lapan apayämushqan saki mikuykunaqa altarcho rupasiq cürapaq kanqa. 10Saynölami ofrendapaq apayämushqan aceitiwan pichush jarina y aceitiynaq jarinapis Aarónpita miraq cürakunapaq iwal iwal rakipänakuyanqa.
Cürakunapa derëchun kashqan
11<< <Pipis jawka kawakuy sacrificiuta Tayta Diospaq apamur kayno ruranqa: 12Ali kawashqanpita agradëcikushpan apamurqa sacrificiupaq apamushqan uywa jananman apamunqa aceitiwan masarash levadüraynaq tantata, aceitiwan lushipash levadüraynaq llapsha tantata y alinnin kaq jarinapita aceitiwan masarash levadüraynaq tantatapis. 13Say ofrendakunatawan levadürayuq tantatapis apamunqa. 14Apamushqan lapan tantakunapitami Tayta Diospaq chusku tantata rakinqa. Say rakishqan tantakunaqa uywapa yawarninta saqsuq cürapaqmi kanqa.
15<< <Tayta Diosta agradëcikur jawka kawakuy sacrificiupaq pishtashqan uywapa aysantaqa say junaqla ushaypa mikuyanqa. Waraynin junaqpaqqa ni juk pedäzulatapis ama pusüsiyanqasu. 16Tayta Diosta promitishqanta cumplir jawka kawakuy sacrificiupaq pishtashqan uywapa aysantami isanqa waraynin junaqpis mikunqa. Saynölami kikinpa voluntäninpita jawka kawakuy sacrificiupaq pishtashqan uywapa aysantapis waraynin junaq mikunqa. 17Ishkay junaqchöpis mana usharqa kimsa kaq junaqchöqa say aysata rupasinqana. 18Kimsa junaqcho jawka kawakuy sacrificiupaq pishtashqan aysata mikuptinqa say sacrificiuta Tayta Dios manami chaskinqanasu. Saynölami aysapis melanaypaq kanqa. Say aysata mikuq kaqpis jusayuqmi rikakunqa.
19<< <Püru kaq runakunalami jawka kawakuy sacrificiupaq pishtayashqan uywapa aysanta mikuyanqa. Imamanpis impüru kaqman töpash aysataqa mikuyänanpa trukan rupasiyanqa. 20Impüru kaq runakunaqa jawka kawakuy sacrificiupaq pishtayashqan uywapa aysanta ama mikuyanqasu. Say aysa Tayta Diospaq kaptinmi impüru kaq runakuna mikuyanmansu. Mikuq kaqqa Israel runakunapita qarqushqami kanqa. 21Pï runapis impüru kaqkunata töpash kaykar Tayta Diospaq apamushqan jawka kawakuy sacrificiuta mikurqa Israel runakunapita qarqushqami kanqa. Saynömi kanqa impüru kaq runata o impüru kaq warmita töparpis, impüru kaq uywata töparpis o imatapis impüru kaqta töparpis> >>.
22Mastapis Moisésta Tayta Dios nirqan: 23<<Israel runakunata tantiyasinki wäkapa wiranta ni uyshapa wiranta ni cabrapa wirantapis mana mikuyänanpaq. 24Wanush uywakunapa wiranta ni jirka uywakuna katupakuyashqan uywapa wirantapis ama mikuyanqasu. Mikuyänanpa trukanqa imalachöpis manijayanqa. 25Tayta Diospaq ofrenda apamushqan uywapa wiranta mikuq kaqqa Israel runakunapita qarqushqami kanqa.
26<<Maycho tarpis ama mikuyankisu pajaqkunapa#7.26 Wakin runakunaqa vuelaqkunapa niyanmi. yawarninta ni uywakunapa yawarnintapis. 27Yawarta mikuq kaqqa Israel runakunapita qarqushqami kanqa>>.#Gén. 9.4; Lev. 17.10-14; 19.26; Deut. 12.16, 23; 15.23.
28Mastapis Moisésta Tayta Dios nirqan: 29<<Israel runakunata niy: <Jawka kawakuy sacrificiuta apamurqa rupasinanpaq kaqkunata Tayta Diospa nawpanman apamunqa. 30Uywata apamuq runami Tayta Diospa nawpancho uywapa qasqunta#7.30 Wakin runakunaqa pëchunta niyan. y qasquncho kaykaq wiranta joqarkur wakman kayman kuyusinqa. 31Kuyuskasir makyaykuptinmi cürana wiran kaqta altarcho rupasinqa. Uywapa qasqunmi isanqa Aarón y paypita miraq cürakuna mikuyänanpaq kanqa. 32Saynölami jawka kawakuy sacrificiupaq apamushqan uywapa aluq kaq chankanpis cürapaq kanqa. 33Aluq kaq chankanqa yawarta saqsupaq y wirata rupasiq cürapa derëchunmi kanqa. 34Israel runakuna uywakunata jawka kawakuy sacrificiupaq apayämushqanpita kuyusishqan qasqunta y aluq kaq chankanta Aarónpaq y paypita miraq cürakunapaqmi rakishkä. Say nishqäkunaqa imayyaqpis leymi qamkunapaq kanqa.
35<< <Saymi Tayta Diosta adorar sacrificiuta rupasiyänanpaq apayämushqanpita Aarónpaq y paypita miraqkunapaqpis kanqa. Cüra kayänanpaq Tayta Dios churashqanpita pasami paykuna sayno chaskiyanqa. 36Israel runakuna imaypis sayno makyayänanpaqmi Aarónta y surinkunata cüra kayänanpaq churashqan junaq Tayta Dios nish. Say nishqankunaqa imayyaqpis leymi qamkunapaq kanqa> >>.
37Saynömi Tayta Dios tantiyasirqan rupasina sacrificiuta rupasiyänanpaq, saki mikuy ofrendata rupasiyänanpaq, purificasina sacrificiuta rupasiyänanpaq, consagrasina sacrificiuta rupasiyänanpaq, cüra kananpaq churashqanpita ofrendata rupasiyänanpaq y jawka kawakuy sacrificiuta rupasiyänanpaqpis. 38Sinaí jirkachömi Moisésta Tayta Dios tantiyasirqan Israel runakuna sacrificiukunata apayänanpaq.
Currently Selected:
Levítico 7: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 7
7
Consagrasina sacrificiupita masta tantiyasishqan
1<< <Consagrasina sacrificiuqa sagrädumi kaykan. Say sacrificiuta apamurqa kaynömi ruranqa: 2Consagrasina sacrificiupaq apamushqan uywata pishtarqa rupasina sacrificiupaq uywata pishtakunan kaqlacho pishtanqa. Yawarninwanna altarpa kuchunkunata saqsupanqa. 3Chupancho kaq wiranta y pacha wirantaqa lapanta altarcho rupasinqa. 4Saynöpis rupasinqa rurunninkunata wirantinta, washannincho kaykaq wirankunata y natinnincho kaykaq wirankunatapis. Natinnincho kaykaq wirankunataqa rurunnintinta jorqunqa. 5Tayta Diosta adorarmi lapan saykunata altarcho cüra rupasinqa. Sayqa consagrasina sacrificiumi kanqa. 6Say uywapa aysan sagrädu kaptinmi Tinkuna Toldupa patiuncho cürakuna mikuyanqa.
7<< <Purificasina sacrificiupaq y consagrasina sacrificiupaq apayämushqanpis say uywakunapa aysanqa sacrificiuta rupasiq cürapaqmi kanqa. 8Rupasina sacrificiupaq apamush kaptinqa uywapa qaralanmi rupasiq cürapaq kanqa. 9Saynölami jornucho kuwash karpis o sartincho ankash karpis o mankacho yanush karpis ofrendapaq lapan apayämushqan saki mikuykunaqa altarcho rupasiq cürapaq kanqa. 10Saynölami ofrendapaq apayämushqan aceitiwan pichush jarina y aceitiynaq jarinapis Aarónpita miraq cürakunapaq iwal iwal rakipänakuyanqa.
Cürakunapa derëchun kashqan
11<< <Pipis jawka kawakuy sacrificiuta Tayta Diospaq apamur kayno ruranqa: 12Ali kawashqanpita agradëcikushpan apamurqa sacrificiupaq apamushqan uywa jananman apamunqa aceitiwan masarash levadüraynaq tantata, aceitiwan lushipash levadüraynaq llapsha tantata y alinnin kaq jarinapita aceitiwan masarash levadüraynaq tantatapis. 13Say ofrendakunatawan levadürayuq tantatapis apamunqa. 14Apamushqan lapan tantakunapitami Tayta Diospaq chusku tantata rakinqa. Say rakishqan tantakunaqa uywapa yawarninta saqsuq cürapaqmi kanqa.
15<< <Tayta Diosta agradëcikur jawka kawakuy sacrificiupaq pishtashqan uywapa aysantaqa say junaqla ushaypa mikuyanqa. Waraynin junaqpaqqa ni juk pedäzulatapis ama pusüsiyanqasu. 16Tayta Diosta promitishqanta cumplir jawka kawakuy sacrificiupaq pishtashqan uywapa aysantami isanqa waraynin junaqpis mikunqa. Saynölami kikinpa voluntäninpita jawka kawakuy sacrificiupaq pishtashqan uywapa aysantapis waraynin junaq mikunqa. 17Ishkay junaqchöpis mana usharqa kimsa kaq junaqchöqa say aysata rupasinqana. 18Kimsa junaqcho jawka kawakuy sacrificiupaq pishtashqan aysata mikuptinqa say sacrificiuta Tayta Dios manami chaskinqanasu. Saynölami aysapis melanaypaq kanqa. Say aysata mikuq kaqpis jusayuqmi rikakunqa.
19<< <Püru kaq runakunalami jawka kawakuy sacrificiupaq pishtayashqan uywapa aysanta mikuyanqa. Imamanpis impüru kaqman töpash aysataqa mikuyänanpa trukan rupasiyanqa. 20Impüru kaq runakunaqa jawka kawakuy sacrificiupaq pishtayashqan uywapa aysanta ama mikuyanqasu. Say aysa Tayta Diospaq kaptinmi impüru kaq runakuna mikuyanmansu. Mikuq kaqqa Israel runakunapita qarqushqami kanqa. 21Pï runapis impüru kaqkunata töpash kaykar Tayta Diospaq apamushqan jawka kawakuy sacrificiuta mikurqa Israel runakunapita qarqushqami kanqa. Saynömi kanqa impüru kaq runata o impüru kaq warmita töparpis, impüru kaq uywata töparpis o imatapis impüru kaqta töparpis> >>.
22Mastapis Moisésta Tayta Dios nirqan: 23<<Israel runakunata tantiyasinki wäkapa wiranta ni uyshapa wiranta ni cabrapa wirantapis mana mikuyänanpaq. 24Wanush uywakunapa wiranta ni jirka uywakuna katupakuyashqan uywapa wirantapis ama mikuyanqasu. Mikuyänanpa trukanqa imalachöpis manijayanqa. 25Tayta Diospaq ofrenda apamushqan uywapa wiranta mikuq kaqqa Israel runakunapita qarqushqami kanqa.
26<<Maycho tarpis ama mikuyankisu pajaqkunapa#7.26 Wakin runakunaqa vuelaqkunapa niyanmi. yawarninta ni uywakunapa yawarnintapis. 27Yawarta mikuq kaqqa Israel runakunapita qarqushqami kanqa>>.#Gén. 9.4; Lev. 17.10-14; 19.26; Deut. 12.16, 23; 15.23.
28Mastapis Moisésta Tayta Dios nirqan: 29<<Israel runakunata niy: <Jawka kawakuy sacrificiuta apamurqa rupasinanpaq kaqkunata Tayta Diospa nawpanman apamunqa. 30Uywata apamuq runami Tayta Diospa nawpancho uywapa qasqunta#7.30 Wakin runakunaqa pëchunta niyan. y qasquncho kaykaq wiranta joqarkur wakman kayman kuyusinqa. 31Kuyuskasir makyaykuptinmi cürana wiran kaqta altarcho rupasinqa. Uywapa qasqunmi isanqa Aarón y paypita miraq cürakuna mikuyänanpaq kanqa. 32Saynölami jawka kawakuy sacrificiupaq apamushqan uywapa aluq kaq chankanpis cürapaq kanqa. 33Aluq kaq chankanqa yawarta saqsupaq y wirata rupasiq cürapa derëchunmi kanqa. 34Israel runakuna uywakunata jawka kawakuy sacrificiupaq apayämushqanpita kuyusishqan qasqunta y aluq kaq chankanta Aarónpaq y paypita miraq cürakunapaqmi rakishkä. Say nishqäkunaqa imayyaqpis leymi qamkunapaq kanqa.
35<< <Saymi Tayta Diosta adorar sacrificiuta rupasiyänanpaq apayämushqanpita Aarónpaq y paypita miraqkunapaqpis kanqa. Cüra kayänanpaq Tayta Dios churashqanpita pasami paykuna sayno chaskiyanqa. 36Israel runakuna imaypis sayno makyayänanpaqmi Aarónta y surinkunata cüra kayänanpaq churashqan junaq Tayta Dios nish. Say nishqankunaqa imayyaqpis leymi qamkunapaq kanqa> >>.
37Saynömi Tayta Dios tantiyasirqan rupasina sacrificiuta rupasiyänanpaq, saki mikuy ofrendata rupasiyänanpaq, purificasina sacrificiuta rupasiyänanpaq, consagrasina sacrificiuta rupasiyänanpaq, cüra kananpaq churashqanpita ofrendata rupasiyänanpaq y jawka kawakuy sacrificiuta rupasiyänanpaqpis. 38Sinaí jirkachömi Moisésta Tayta Dios tantiyasirqan Israel runakuna sacrificiukunata apayänanpaq.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.