Levítico 12
12
Qeshyakushqanpita imano purificakunanpaqpis nishqan
1Mastapis Moisésta Tayta Dios nirqan: 2<<Israel runakunata niy: <Mayqan warmipis olqu wamrata qeshyakurqa qanchis junaqyaqmi impüru kanqa. Sayno impüru kanqa killa qeshyanwan impüru kashqannömi. 3Wamratanami yurishqanpita puwaq junaqyuqta señalasiyanki.#Gén. 17.12; Luc. 2.21. 4Saypitanami yawarnin aywashqanpita kimsa chunka kimsa (33) junaq wamrapa maman purificakunqa. Sayyaqqa manami imatapis sagrädu kaqta yatanqasu ni Sagrädu Toldu patiumanpis yaykunqasu. 5Warmi wamrata qeshyakurqa killa qeshyan aywaptin impüru kashqanno ishkay semänami impüru kanqa. Yawarnin aywashqanpita soqta chunka soqta (66) junaqyaqmi purificakunqa.
6<< <Olquta o warmita qeshyakurpis purificakunanpaq kaq junaqkunata cumplirkur Tinkuna Toldu patiuman rupasina sacrificiupaq juk watayuq carnishta apamunqa. Saynöpis purificasina sacrificiupaq juk pushapa palumata karpis o juk kulkushta karpis apamunqa. Saykunatami cürata entreganqa. 7Yawarnin aywashqanpita püruna warmi rikakunanpaqmi Tayta Diospa nawpancho#Lev. 6.14. say uywakunata rupasinqa. Olquta o warmita qeshyakurpis saynömi ruranqa.
8<< <Carnishta rantinanpaq mana aypäpakurqa ishkay kulkushkunata o ishkay pushapa palumakunata apamunqa.#Luc. 2.24. Jukaqmi kanqa rupasina sacrificiupaq y jukaqnami kanqa purificasina sacrificiupaq. Sayno apamuptinmi warmi purificash kananpaq Tayta Diosta cüra manakunqa. Saynöpami say warmi püruna kanqa> >>.
Currently Selected:
Levítico 12: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Levítico 12
12
Qeshyakushqanpita imano purificakunanpaqpis nishqan
1Mastapis Moisésta Tayta Dios nirqan: 2<<Israel runakunata niy: <Mayqan warmipis olqu wamrata qeshyakurqa qanchis junaqyaqmi impüru kanqa. Sayno impüru kanqa killa qeshyanwan impüru kashqannömi. 3Wamratanami yurishqanpita puwaq junaqyuqta señalasiyanki.#Gén. 17.12; Luc. 2.21. 4Saypitanami yawarnin aywashqanpita kimsa chunka kimsa (33) junaq wamrapa maman purificakunqa. Sayyaqqa manami imatapis sagrädu kaqta yatanqasu ni Sagrädu Toldu patiumanpis yaykunqasu. 5Warmi wamrata qeshyakurqa killa qeshyan aywaptin impüru kashqanno ishkay semänami impüru kanqa. Yawarnin aywashqanpita soqta chunka soqta (66) junaqyaqmi purificakunqa.
6<< <Olquta o warmita qeshyakurpis purificakunanpaq kaq junaqkunata cumplirkur Tinkuna Toldu patiuman rupasina sacrificiupaq juk watayuq carnishta apamunqa. Saynöpis purificasina sacrificiupaq juk pushapa palumata karpis o juk kulkushta karpis apamunqa. Saykunatami cürata entreganqa. 7Yawarnin aywashqanpita püruna warmi rikakunanpaqmi Tayta Diospa nawpancho#Lev. 6.14. say uywakunata rupasinqa. Olquta o warmita qeshyakurpis saynömi ruranqa.
8<< <Carnishta rantinanpaq mana aypäpakurqa ishkay kulkushkunata o ishkay pushapa palumakunata apamunqa.#Luc. 2.24. Jukaqmi kanqa rupasina sacrificiupaq y jukaqnami kanqa purificasina sacrificiupaq. Sayno apamuptinmi warmi purificash kananpaq Tayta Diosta cüra manakunqa. Saynöpami say warmi püruna kanqa> >>.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.