Josué 8
8
Israel runakuna Hai markaman yaykuyashqan
1Saypitanami Josuéta Tayta Dios nirqan: <<Ama mansariysu ni qelanaysu. Pelyayänanpaq kamarikush runakunata shuntaykasir Hai markata atacaq jukla aywayay. Noqami yanapäyäshayki Hai markapa mandaqnin reyta y saycho taq runakunata chipyaq ushakäsiyänaykipaq. Saymi paykunapa chakrankunapis markanpis qamkunapana kanqa. 2Jericó markacho taq runakunata y mandaqnin reyta ushakäsiyashqaykinölami Hai markacho taq runakunata y mandaqnin reytapis ushakäsiyanki. Say markapitami isanqa uywankunatapis imaykantapis kikikikunapaqna apakayämunki. Elaqpita atacayänaykipaqqa marka qepanpa kamakäyanki>>.
3Sayno niptinmi Josué kimsa chunka waranqa#8.3 Kay textucho waranqa nishqanqa unay hebreo idiömacho capaz tröpa o mandaq ninanmi. (30,000) runakunata akrarqan pelyaq aywayänanpaq. Paykunata Hai markaman sakaypa kacharmi 4nirqan: <<Nishqäta shumaq wiyayämay. Marka qepanpa yaykuykur pakakuyanki. Saycho listu shuyaraykäyanki elaqpita markaman yaykur atacayänaykipaq. 5Noqanami wakin kaq runakunawan markaman aywaykur wajupäyäshaq. Pelyaq yarqayämuptinmi nawpata qeshpishqansinöla qeshpiq tukuyäshaq. 6Yapay vincimashqansita yarpar qepäkunata qatipäyämanqa. 7Sayyaqmi pakaraykäyashqaykipita yarqamur markaman yaykuyanki. Tayta Diosninsimi say markata makinsiman churamunqa. 8Markaman yaykuykur Tayta Dios nishqannöla wayikunata jukla rupasiyanki. Kay nishqäkunata mana qonqaypa rurayanki>>.
9Sayno nirmi paykunata Josué kacharqan Hai markaläpa päsar inti jeqanan kaqlächo pakakuyänanpaq. Nishqannölami aywar pakakuyarqan manaraq Bet-el markaman chäyashpan. Josuénami campamentulacho quëdarqan. 10Waraynin tutanami saka sakala campamentucho quëdaq runakunata Josué shuntarqan Hai runakunawan pelyaq aywayänanpaq. Say runakunapa puntanman churakarkurmi Israel mayor runakunawan aywayarqan. 11Marka frentinpa päsarmi norti kaqlächo jamayarqan. Say markapita paykunata rakirarqan juk raqralami.
12Saypitanami wakin runakuna pakaraykäyashqanman pisqa waranqatano (5,000) runakunata Josué kacharqan. Say runakunaqa inti jeqanan kaqlächo y Haipita Bet-elman aywanachömi pakaraykäyarqan. 13Saynöpami Israel runakuna ishkay puntaman churanakush kaykäyarqan. Jukaq puntami karqan markapita inti jeqanan kaqlächo y jukaq puntanami karqan nortilächo. Say sakaymi Josuéwan aywaq runakuna pulan pampayaq aywayarqan.
14Pasa waraptinnami simpancho kaykäyashqanta rikar Hai markapa mandaqnin rey lapan runakunawan jukla yarquyarqan Arabá pampaman aywaq bajädacho Israel runakunawan pelyayänanpaq. Isanqa manami musyayarqansu wakin Israel runakuna markapa waqtancho pakaraykäyashqanta. 15Saymi Josuéwan kaykaq runakuna qeshpiq tukur sunyaq jirkapa aywaq nänipa aywayarqan. 16Sayta rikarmi Hai runakunapa mandaqnin rey lapan runakunata nirqan Israel runakunata qatipäyänanpaq. Sayno qatiparmi markapita karutana aywayarqan. 17Saymi markacho quëdaqkunata washänanpaq Hai markacho ni Bet-el markacho juk runalapis karqansu.
18Saypitanami Josuéta Tayta Dios nirqan: <<Lanzaykita Hai markalämanpa joqariy. Noqami yanapäshayki ushakäsiyänaykipaq>>.
Sayno niptinmi lanzanta Josué joqarirqan. 19Saymi Israel runakunaqa pakaraykäyashqanpita yarqamur cörrila markaman yaykushpan lapan wayikunatapis rupasiyarqan.
20-21Israel runakunata qatipaykäyashqancho Hai runakuna tikraskiyänanpaqmi pasaypa yanawyayparaq markapita qoshtay sharkuykänaq. Josuéwan kaykaq Israel runakunanapis sayno rupaykaqta rikaykurmi sunyaq jirkapa qeshpiykäyashqancho tikrapäyashpan Hai runakunata atacarna qalaykuyarqan. Saymi Hai runakuna maypa qeshpiytapis kamäpakuyarqansu. 22Nirkurnami marka rupasiq Israel runakuna yarqayämurqan Hai runakunawan pelyayänanpaq. Sayno ishkanläpita atacarmi Hai runakunata lapanta wanusiyarqan. 23Hai markapa mandaqnin reylatami kawaykaqta sariykur Josuéman apayarqan.
24Qatipaq runakunata wanusir ushaskirnami Israel runakuna Hai markaman kutiykur lapan saycho quëdaqkunata wanusiyarqan. 25Say junaqmi Hai runakunata warmitapis olqutapis chunka ishkay waranqata (12,000) wanusiyarqan. 26Josuéqa lanzanta Hai markamanpa toqrirarqan saycho lapan runakunata ushakäsiyashqanyaqmi. 27Isanqa uywakunata y imaykatapis kuyaylapaq kaqkunataqa manami ushakäsiyarqansu. Saypa trukanqa Josuéta Tayta Dios nishqannöla kikinkunapaqna apakuyarqan. 28Hai markata Josué rupasishqanpita pasami kananyaqpis raqäkunala kaykäyan.
29Hai markapa mandaqnin reyta wanuskasirmi ayanta tardiyaq qeruman warkusirqan. Inti jeqaykaptinnami jorqarkasir marka yaykunaman apasirqan. Nirkurmi aya jananman rumikunata qotuyänanpaq nirqan. Say rumikuna kananyaqmi qoturaykan.
Ebal jirkacho leykunata Josué liyishqan
30Saypitanami Ebal jirkacho Israel runakuna yärakuyashqan Tayta Diospaq altarta Josué perqarqan. 31Say altartami Tayta Diospa sirviqnin Moisés Israel runakunata nishqannöla laqläni rumikunawan perqarqan. Moisés qelqashqan leykunachöpis kaynömi qelqaraykan: <<Altarta perqarqa laqlash rumiwanqa ama perqayankisu>>.#Éxo. 20.25.
Saychömi Israel runakuna rupasina sacrificiupaq y jawka kawakuy sacrificiupaq uywakunata altarcho rupasiyarqan. 32Saynölami Israel runakuna rikaykäyaptin perqashqan altar rumikunaman Moisés yachasishqan leykunata Josué qelqarqan.#Deut. 27.2-8.
33Saypitami Israel runakuna, paykunawan kaykaq jäpa runakuna, mayor runakuna y juezkunapis ishkay partiman shuntakäyarqan Tayta Diospa bendicionninta chaskiyänanpaq. Tayta Diospa sirviqnin Moisés nishqannömi#Deut. 27.11-14. pulan runakuna shuntakäyarqan Gerizim jirka chakinman y pulannami shuntakäyarqan Ebal jirka chakinman. Say jirkakuna chawpincho kaykaq pampaman Tayta Diospa Pactu Babulninta apaykurmi Leví trïbu cürakuna ichikuyarqan.
34Nirkurmi Moisés qelqashqan leykunata Josué sinchipa liyimurqan. Saynöpis liyimurqan bendicionkuna y maldicionkuna qelqarashqantapis.#Deut. 11.29; 27—28. 35Moisés qelqashqan leykunata Israel runakuna wiyayänanpaqmi lapanta Josué liyimurqan. Say junaqmi saycho kaykäyarqan runakuna, warmikuna, wamrakuna y paykunawan kaykaq jäpa runakunapis.
Currently Selected:
Josué 8: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Josué 8
8
Israel runakuna Hai markaman yaykuyashqan
1Saypitanami Josuéta Tayta Dios nirqan: <<Ama mansariysu ni qelanaysu. Pelyayänanpaq kamarikush runakunata shuntaykasir Hai markata atacaq jukla aywayay. Noqami yanapäyäshayki Hai markapa mandaqnin reyta y saycho taq runakunata chipyaq ushakäsiyänaykipaq. Saymi paykunapa chakrankunapis markanpis qamkunapana kanqa. 2Jericó markacho taq runakunata y mandaqnin reyta ushakäsiyashqaykinölami Hai markacho taq runakunata y mandaqnin reytapis ushakäsiyanki. Say markapitami isanqa uywankunatapis imaykantapis kikikikunapaqna apakayämunki. Elaqpita atacayänaykipaqqa marka qepanpa kamakäyanki>>.
3Sayno niptinmi Josué kimsa chunka waranqa#8.3 Kay textucho waranqa nishqanqa unay hebreo idiömacho capaz tröpa o mandaq ninanmi. (30,000) runakunata akrarqan pelyaq aywayänanpaq. Paykunata Hai markaman sakaypa kacharmi 4nirqan: <<Nishqäta shumaq wiyayämay. Marka qepanpa yaykuykur pakakuyanki. Saycho listu shuyaraykäyanki elaqpita markaman yaykur atacayänaykipaq. 5Noqanami wakin kaq runakunawan markaman aywaykur wajupäyäshaq. Pelyaq yarqayämuptinmi nawpata qeshpishqansinöla qeshpiq tukuyäshaq. 6Yapay vincimashqansita yarpar qepäkunata qatipäyämanqa. 7Sayyaqmi pakaraykäyashqaykipita yarqamur markaman yaykuyanki. Tayta Diosninsimi say markata makinsiman churamunqa. 8Markaman yaykuykur Tayta Dios nishqannöla wayikunata jukla rupasiyanki. Kay nishqäkunata mana qonqaypa rurayanki>>.
9Sayno nirmi paykunata Josué kacharqan Hai markaläpa päsar inti jeqanan kaqlächo pakakuyänanpaq. Nishqannölami aywar pakakuyarqan manaraq Bet-el markaman chäyashpan. Josuénami campamentulacho quëdarqan. 10Waraynin tutanami saka sakala campamentucho quëdaq runakunata Josué shuntarqan Hai runakunawan pelyaq aywayänanpaq. Say runakunapa puntanman churakarkurmi Israel mayor runakunawan aywayarqan. 11Marka frentinpa päsarmi norti kaqlächo jamayarqan. Say markapita paykunata rakirarqan juk raqralami.
12Saypitanami wakin runakuna pakaraykäyashqanman pisqa waranqatano (5,000) runakunata Josué kacharqan. Say runakunaqa inti jeqanan kaqlächo y Haipita Bet-elman aywanachömi pakaraykäyarqan. 13Saynöpami Israel runakuna ishkay puntaman churanakush kaykäyarqan. Jukaq puntami karqan markapita inti jeqanan kaqlächo y jukaq puntanami karqan nortilächo. Say sakaymi Josuéwan aywaq runakuna pulan pampayaq aywayarqan.
14Pasa waraptinnami simpancho kaykäyashqanta rikar Hai markapa mandaqnin rey lapan runakunawan jukla yarquyarqan Arabá pampaman aywaq bajädacho Israel runakunawan pelyayänanpaq. Isanqa manami musyayarqansu wakin Israel runakuna markapa waqtancho pakaraykäyashqanta. 15Saymi Josuéwan kaykaq runakuna qeshpiq tukur sunyaq jirkapa aywaq nänipa aywayarqan. 16Sayta rikarmi Hai runakunapa mandaqnin rey lapan runakunata nirqan Israel runakunata qatipäyänanpaq. Sayno qatiparmi markapita karutana aywayarqan. 17Saymi markacho quëdaqkunata washänanpaq Hai markacho ni Bet-el markacho juk runalapis karqansu.
18Saypitanami Josuéta Tayta Dios nirqan: <<Lanzaykita Hai markalämanpa joqariy. Noqami yanapäshayki ushakäsiyänaykipaq>>.
Sayno niptinmi lanzanta Josué joqarirqan. 19Saymi Israel runakunaqa pakaraykäyashqanpita yarqamur cörrila markaman yaykushpan lapan wayikunatapis rupasiyarqan.
20-21Israel runakunata qatipaykäyashqancho Hai runakuna tikraskiyänanpaqmi pasaypa yanawyayparaq markapita qoshtay sharkuykänaq. Josuéwan kaykaq Israel runakunanapis sayno rupaykaqta rikaykurmi sunyaq jirkapa qeshpiykäyashqancho tikrapäyashpan Hai runakunata atacarna qalaykuyarqan. Saymi Hai runakuna maypa qeshpiytapis kamäpakuyarqansu. 22Nirkurnami marka rupasiq Israel runakuna yarqayämurqan Hai runakunawan pelyayänanpaq. Sayno ishkanläpita atacarmi Hai runakunata lapanta wanusiyarqan. 23Hai markapa mandaqnin reylatami kawaykaqta sariykur Josuéman apayarqan.
24Qatipaq runakunata wanusir ushaskirnami Israel runakuna Hai markaman kutiykur lapan saycho quëdaqkunata wanusiyarqan. 25Say junaqmi Hai runakunata warmitapis olqutapis chunka ishkay waranqata (12,000) wanusiyarqan. 26Josuéqa lanzanta Hai markamanpa toqrirarqan saycho lapan runakunata ushakäsiyashqanyaqmi. 27Isanqa uywakunata y imaykatapis kuyaylapaq kaqkunataqa manami ushakäsiyarqansu. Saypa trukanqa Josuéta Tayta Dios nishqannöla kikinkunapaqna apakuyarqan. 28Hai markata Josué rupasishqanpita pasami kananyaqpis raqäkunala kaykäyan.
29Hai markapa mandaqnin reyta wanuskasirmi ayanta tardiyaq qeruman warkusirqan. Inti jeqaykaptinnami jorqarkasir marka yaykunaman apasirqan. Nirkurmi aya jananman rumikunata qotuyänanpaq nirqan. Say rumikuna kananyaqmi qoturaykan.
Ebal jirkacho leykunata Josué liyishqan
30Saypitanami Ebal jirkacho Israel runakuna yärakuyashqan Tayta Diospaq altarta Josué perqarqan. 31Say altartami Tayta Diospa sirviqnin Moisés Israel runakunata nishqannöla laqläni rumikunawan perqarqan. Moisés qelqashqan leykunachöpis kaynömi qelqaraykan: <<Altarta perqarqa laqlash rumiwanqa ama perqayankisu>>.#Éxo. 20.25.
Saychömi Israel runakuna rupasina sacrificiupaq y jawka kawakuy sacrificiupaq uywakunata altarcho rupasiyarqan. 32Saynölami Israel runakuna rikaykäyaptin perqashqan altar rumikunaman Moisés yachasishqan leykunata Josué qelqarqan.#Deut. 27.2-8.
33Saypitami Israel runakuna, paykunawan kaykaq jäpa runakuna, mayor runakuna y juezkunapis ishkay partiman shuntakäyarqan Tayta Diospa bendicionninta chaskiyänanpaq. Tayta Diospa sirviqnin Moisés nishqannömi#Deut. 27.11-14. pulan runakuna shuntakäyarqan Gerizim jirka chakinman y pulannami shuntakäyarqan Ebal jirka chakinman. Say jirkakuna chawpincho kaykaq pampaman Tayta Diospa Pactu Babulninta apaykurmi Leví trïbu cürakuna ichikuyarqan.
34Nirkurmi Moisés qelqashqan leykunata Josué sinchipa liyimurqan. Saynöpis liyimurqan bendicionkuna y maldicionkuna qelqarashqantapis.#Deut. 11.29; 27—28. 35Moisés qelqashqan leykunata Israel runakuna wiyayänanpaqmi lapanta Josué liyimurqan. Say junaqmi saycho kaykäyarqan runakuna, warmikuna, wamrakuna y paykunawan kaykaq jäpa runakunapis.
© 2003, Wycliffe Bible Translators, Inc. All rights reserved.