Josué 11
11
Rey Jabínta y paypa yanapaqninkunata Josué vincishqan
1Israel runakuna sayno rurayashqanta musyaykurmi Hazor markapa mandaqnin rey Jabín propiuta kacharqan Madón markapa mandaqnin rey Jobabman, Simrón markapa mandaqnin reyman y Acsaf markapa mandaqnin reymanpis aywar Israel runakunata atacäsiyänanpaq. 2Saynöpis kacharqan norti kaqlä jalqakunacho kaykaq markakunapa mandaqnin reykunaman, Cineret qochapita sur kaqlä Arabá pampacho kaykaq markakunapa mandaqnin reykunaman, Sefelacho kaykaq markakunapa mandaqnin reykunaman y Dorlächo kaq markakunapa mandaqnin reykunamanpis. Dor markaqa inti jeqanan kaqlä costachömi kaykan. 3Saynölami kacharqan Jordán mayu wak simpancho y kay simpancho taq cananeo runakunapa mandaqnin reykunaman, amorreo runakunaman, heteo runakunaman, ferezeo runakunaman, jalqakunacho taq jebuseo runakunaman y Mizpacho kaq Hermón punta chakincho taq heveo runakunamanpis.
4Yanapäsiyänanpaq qayasiptinmi lapan reykuna aywayarqan soldädunkunawan, cawallunkunawan y guërrapaq rurasiyashqan carrëtankunawanpis. Lamar kuchuncho aqushanöraqmi yupaytapis mana atipaypaq say aywaq runakuna kayarqan. 5Lapan say soldädukunami Israel runakunata atacayänanpaq Merom raqra nawpanman shuntakäyarqan.
6Saymi Josuéta Tayta Dios nirqan: <<Say runakunata ama mansaysu. Waray junaqmi kayno höra lapan contrayki soldädukunata wanusiyänaykipaq makikikunaman churamushaq. Cawallunkunapa ankunkunatapis kachariykasiyankimi y guërra carrëtankunatapis lapantami rupasir ushakäsiyanki>>.
7Sayno niptinmi Josuéqa soldädunkunawan Merom raqracho contrankunata elaqpita atacayarqan. 8Atacayaptinmi Tayta Dios yanaparqan lapanta ushakäsiyänanpaq. Saymi qatikachäyarqan jatun Sidón markayaq y Misrefot-maimyaq. Saynöpis inti jeqamunan kaqläpa qatikachäyarqan Mizpa pampayaq. Sayno pelyar manami juklaylatapis kawaykaqta kachaykuyarqansu. 9Tayta Dios nishqannölami contrankunapa cawallunkunapa ankunkunata kachariykasiyarqan y guërra carrëtankunatapis rupasirmi ushayarqan.
10Saypita Josué kutiykamurnami Hazor markata atacar mandaq reyta espädawan wanusirqan. Nawpataqa Hazor markapa mandaqnin reypa munayninchömi wakin reykunapis kayarqan. 11Hazorcho taq runakunata lapanta wanuskasirmi markatapis rupasir ushayarqan.
12Saynölami wakin markakunamanpis yaykushpan mandaqnin reykunata Josué wanusir usharqan. Lapantapis rurarqan Tayta Diospa sirviqnin Moisés nishqannölami. 13Lömakuna janancho sharkasishqan kaq markakunataqa manami rupasirqansu, sinöqa Hazorlatami rupasirqan. 14Say markakunacho taq runakunataqa lapantami Israel runakuna espädawan wanusiyarqan. Nirkurmi uywankunata y lapan imaykantapis kikinkunapaq apakuyarqan.
Moisés nishqankunata Josué cumplishqan
15Sirviqnin Moisésta Tayta Dios nishqannölami lapantapis Josué cumplirqan. 16Saymi Neguevman, Gosén partiman, Sefelaman, Arabá pampaman y Israelcho lapan jalqakunaman Israel runakunawan Josué yaykuyarqan. 17Saynöpis Seirlächo kaykaq Halac puntapita hasta Líbano pampacho kaykaq Baal-gadyaq yaykurmi lapan markakunapa mandaqnin reyninkunatapis wanusiyarqan. Baal-gadqa Hermón punta chakinchömi kaykan. 18Paykunata vincinanpaqqa aska watami pelyayarqan.
19 Pactuta rurash karmi Gabaóncho taq heveo runakunataqa Josué wanusirqansu. Saypita kaqtaqa lapantami asular usharqan. 20Puntataqa saycho taq runakunapa shonqunkunata Tayta Diosmi chukruyäsirqan Israel runakunapa contran sharkur pelyayänanpaq. Sayno kaptinmi Moisésta Tayta Dios nishqannöla say runakunata mana kuyapaypa asulayarqan.#Deut. 7.16.
21Saynölami anaceo runakunapa markankunatapis Josué chipyaq usharqan: Hebrónta, Debirta, Anabta, Israel jalqakunacho kaq markakunata y Judá jalqakunacho kaq markakunatapis.#Jue. 1.10-11. 22Saynöpami intëru Israelcho anaceo runakuna chipyaq ushakäyarqan. Gaza, Gat y Asdod markakunalachönami anaceo runakuna kayarqan.
23Moisésta Tayta Dios nishqannölami lapan markakunata y chakrakunata Josué shuntaykur Israel trïbukunata aypurqan. Saypitaqa guërra manana kaptin Israel runakuna jawkalanami kawakuyarqan.
Currently Selected:
Josué 11: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Josué 11
11
Rey Jabínta y paypa yanapaqninkunata Josué vincishqan
1Israel runakuna sayno rurayashqanta musyaykurmi Hazor markapa mandaqnin rey Jabín propiuta kacharqan Madón markapa mandaqnin rey Jobabman, Simrón markapa mandaqnin reyman y Acsaf markapa mandaqnin reymanpis aywar Israel runakunata atacäsiyänanpaq. 2Saynöpis kacharqan norti kaqlä jalqakunacho kaykaq markakunapa mandaqnin reykunaman, Cineret qochapita sur kaqlä Arabá pampacho kaykaq markakunapa mandaqnin reykunaman, Sefelacho kaykaq markakunapa mandaqnin reykunaman y Dorlächo kaq markakunapa mandaqnin reykunamanpis. Dor markaqa inti jeqanan kaqlä costachömi kaykan. 3Saynölami kacharqan Jordán mayu wak simpancho y kay simpancho taq cananeo runakunapa mandaqnin reykunaman, amorreo runakunaman, heteo runakunaman, ferezeo runakunaman, jalqakunacho taq jebuseo runakunaman y Mizpacho kaq Hermón punta chakincho taq heveo runakunamanpis.
4Yanapäsiyänanpaq qayasiptinmi lapan reykuna aywayarqan soldädunkunawan, cawallunkunawan y guërrapaq rurasiyashqan carrëtankunawanpis. Lamar kuchuncho aqushanöraqmi yupaytapis mana atipaypaq say aywaq runakuna kayarqan. 5Lapan say soldädukunami Israel runakunata atacayänanpaq Merom raqra nawpanman shuntakäyarqan.
6Saymi Josuéta Tayta Dios nirqan: <<Say runakunata ama mansaysu. Waray junaqmi kayno höra lapan contrayki soldädukunata wanusiyänaykipaq makikikunaman churamushaq. Cawallunkunapa ankunkunatapis kachariykasiyankimi y guërra carrëtankunatapis lapantami rupasir ushakäsiyanki>>.
7Sayno niptinmi Josuéqa soldädunkunawan Merom raqracho contrankunata elaqpita atacayarqan. 8Atacayaptinmi Tayta Dios yanaparqan lapanta ushakäsiyänanpaq. Saymi qatikachäyarqan jatun Sidón markayaq y Misrefot-maimyaq. Saynöpis inti jeqamunan kaqläpa qatikachäyarqan Mizpa pampayaq. Sayno pelyar manami juklaylatapis kawaykaqta kachaykuyarqansu. 9Tayta Dios nishqannölami contrankunapa cawallunkunapa ankunkunata kachariykasiyarqan y guërra carrëtankunatapis rupasirmi ushayarqan.
10Saypita Josué kutiykamurnami Hazor markata atacar mandaq reyta espädawan wanusirqan. Nawpataqa Hazor markapa mandaqnin reypa munayninchömi wakin reykunapis kayarqan. 11Hazorcho taq runakunata lapanta wanuskasirmi markatapis rupasir ushayarqan.
12Saynölami wakin markakunamanpis yaykushpan mandaqnin reykunata Josué wanusir usharqan. Lapantapis rurarqan Tayta Diospa sirviqnin Moisés nishqannölami. 13Lömakuna janancho sharkasishqan kaq markakunataqa manami rupasirqansu, sinöqa Hazorlatami rupasirqan. 14Say markakunacho taq runakunataqa lapantami Israel runakuna espädawan wanusiyarqan. Nirkurmi uywankunata y lapan imaykantapis kikinkunapaq apakuyarqan.
Moisés nishqankunata Josué cumplishqan
15Sirviqnin Moisésta Tayta Dios nishqannölami lapantapis Josué cumplirqan. 16Saymi Neguevman, Gosén partiman, Sefelaman, Arabá pampaman y Israelcho lapan jalqakunaman Israel runakunawan Josué yaykuyarqan. 17Saynöpis Seirlächo kaykaq Halac puntapita hasta Líbano pampacho kaykaq Baal-gadyaq yaykurmi lapan markakunapa mandaqnin reyninkunatapis wanusiyarqan. Baal-gadqa Hermón punta chakinchömi kaykan. 18Paykunata vincinanpaqqa aska watami pelyayarqan.
19 Pactuta rurash karmi Gabaóncho taq heveo runakunataqa Josué wanusirqansu. Saypita kaqtaqa lapantami asular usharqan. 20Puntataqa saycho taq runakunapa shonqunkunata Tayta Diosmi chukruyäsirqan Israel runakunapa contran sharkur pelyayänanpaq. Sayno kaptinmi Moisésta Tayta Dios nishqannöla say runakunata mana kuyapaypa asulayarqan.#Deut. 7.16.
21Saynölami anaceo runakunapa markankunatapis Josué chipyaq usharqan: Hebrónta, Debirta, Anabta, Israel jalqakunacho kaq markakunata y Judá jalqakunacho kaq markakunatapis.#Jue. 1.10-11. 22Saynöpami intëru Israelcho anaceo runakuna chipyaq ushakäyarqan. Gaza, Gat y Asdod markakunalachönami anaceo runakuna kayarqan.
23Moisésta Tayta Dios nishqannölami lapan markakunata y chakrakunata Josué shuntaykur Israel trïbukunata aypurqan. Saypitaqa guërra manana kaptin Israel runakuna jawkalanami kawakuyarqan.
© 2003, Wycliffe Bible Translators, Inc. All rights reserved.