Éxodo 4
4
Moisés imano rurananpaqpis tantiyasishqan
1Sayno niptinmi Moisés nirqan: <<Wilapaptïpis Israel mayïkuna manami criyiyämanqasu ni cäsuyämanqasu. Saypa trukanqa <qamta ¿imanöpata Tayta Dios yuripaykushunkiman?> niyämanqami>>.
2Niptinmi Tayta Dios tapurqan: <<¿Imatataq aptaraykanki?>>
Saymi Moisés nirqan: <<Tukrütami, Taytay>>.
3Niptinmi Tayta Dios nirqan: <<Pasaman jitay>>.
Pasaman jitaykuptinmi culebraman tikraskirqan. Sayta rikaykurmi Moisés mansakar qeshpirqan.
4Saymi Tayta Dios nirqan: <<Chupapita sariy>>.
Chupapita sarirkuptinmi culebraqa tukruna rikakuskirqan.
5Saypitanami Tayta Dios nirqan: <<Sayta rikarmi Abrahampa, Isaacpa y Jacobpa Tayta Diosnin qamta yuripashqäta paykuna criyiyanqa>>.
6Mastami Tayta Dios nirqan: <<Kananqa oqlaynikiman makikita jatiy>>.
Niptinmi makinta oqlayninman jatirqan. Jorquriptinnami leprawan rashtano yuraqash kaykänaq. 7Nirkurmi Tayta Dios nirqan: <<Yapay makikita oqlaynikiman jatiy>>.
Saymi Tayta Dios nishqanno rurarqan. Makinta oqlayninpita jorquriptinna sänuna kaykänaq.
8Saykunata rurarkasirnami Tayta Dios nirqan: <<Punta kaq señalta mana criyirpis mas juk señalta ruraptikiqa criyiyäshunkimi. 9Ishkay kaq señaltapis mana criyiyaptinqa mayupita yakuta chaqarkur pasaman jicharinki. Saymi yawarman tikranqa>>.
Moiséspa trukan Aarón parlananpaq kashqan
10Niptinmi Moisés nirqan: <<¡Ay, Tayta Dios! Noqaqa parlaytapis manami shumaqqa yachäsu. Manami kananlaraqsu sayno kaykä, sinöqa unaypita pasanami. Saymi parlarpis shumaq tantiyasiyta kamäpaküsu>>.
11Sayno niptinmi Tayta Dios nirqan: <<¿Pitaq runapa shiminta kamash? ¿Pitaq kamakäsin upa kananpaq, wiyaq kananpaq, qapra kananpaq y ali rikaq kananpaqpis? ¿Manaku noqa kaykä? 12Sayno kaykaptinqa Egiptuman ayway. Parlanaykipaq kaptinqa qamwanmi kaykäshaq. Imano parlanaykipaqpis noqami tantiyasishayki>>.
13Yapaymi Moisés nirqan: <<¡Ay, Tayta Dios! Noqapa trukä jukta kachaykulay ari>>.
14Sayno niptinmi Tayta Dios rabyakushpan nirqan: <<Mana valuraptikiqa Leví trïbu wawqiki Aarónmi yanapäshunki. Shumaqmi runakunata tantiyasin. Paymi taripäshunaykipaq shamunqa. Tinkuskiyaptiki seqaypami kushikunqa. 15Paytami tantiyasinki imata parlananpaq kaqtapis. Noqami paytapis qamtapis yarpayta qoyäshayki ali parlayänaykipaq. Saynömi shumaq tantiyasiyäshayki imata rurayänaykipaqpis. 16Lapan parlapashqäkunatami Aarónta wilapanki. Nishqaykikunatanami Israel runakunata Aarón parlapanqa. 17Tukruykita apanki. Saywanmi espantaypaq kaqkunata rurankipaq>>.
Egiptuman Moisés kutishqan
18Saypitanami Moisés kutirqan suedrun Jetrupa wayinman. Chaykurmi nirqan: <<Egiptucho ayllükunata watukaqmi aywayta munaykä, papä. ¿Kawaykäyanraqsuraq o ushakäkuyashnasuraq?>>
Niptinmi suedrun Jetro nirqan: <<Ayway ari, hïju. Ali puriykamunki>>.
19Madiánpita manaraq aywaptinmi Moisésta Tayta Dios nirqan: <<Egiptupa kutiy. Wanusiyäshunaykipaq yarpaqkuna lapannami wanur ushakäyash>>.
20Saymi warminta wamrankunata ashnuman loqarkasir#4.20 Wakin runakunaqa muntarkasir niyan. tukrunta apakurkur Egiptupa Moisés aywarqan. 21Saypitanami Moisésta Tayta Dios nirqan: <<Qamtami podernïta qoshkä Egiptuman char Faraónpa nawpancho mansariypaq kaqkunata ruranaykipaq. Saykunata lapanta ruranki. Noqami Faraónpa shonqunta chukruyäsishaq Israel runakunata mana kacharinanpaq. 22Saymi Faraónta ninki: <Tayta Dios kaynömi nin: Israel runakuna qechpa surïmi kaykan. 23Surï adoramaq aywananpaq nikaptïpis manami kachayta munankisu. Saymi qechpa surikita wanusishaq> >>.#Éxo. 12.29.
24Egiptuman aywaykashqanchömi tardiyäpakur posädakuyarqan. Say sakaymi Tayta Dios yuripaykur Moisésta wanusiyta munarqan. 25Saymi qesqawan wawanpa chiwlakunanpa puntan qaranta Séfora roqurirqan. Nirkurmi say roqushqan qarata Moiséspa chakin jananman laqaykur nirqan: <<Kananqa yawarwan señalash runämi kanki>>.
26Sayno ruraptinmi Moisésta Tayta Dios wanusirqannasu. Wawanpa chiwlakunanpa puntan qaranta roqushqanpitami Séfora nirqan: <<Yawarwan señalash runämi kanki>>.
27Aaróntanami Egiptucho kaykaptin Tayta Dios nirqan: <<Moiséswan tinkunaykipaq sunyaq jirkaman ayway>>.
Saymi Aarón aywar Moiséswan tinkurqan Tayta Dioswan tinkuna jirkacho#Éxo. 3.1.. Moiséswan tinkuykurmi wamayashpan musarqan. 28Saychömi Aarónta Moisés wilaparqan Tayta Dios nishqankunata y espantaypaq señalkunata rurananpaq kashqantapis.
29Egiptuman chaykurnami Moiséswan Aarón aywayarqan Israel mayor runakunata shuntayänanpaq. 30Paykuna shuntakaykuyaptinmi Moisésta Tayta Dios nishqankunata Aarón wilaparqan. Saynöpis criyiyänanpaqmi Tayta Dios nishqannöla paykunapa nawpancho mansariypaq señalkunata Moisés rurarqan. 31Saymi lapan runakuna niyarqan: <<Imano nakar kawaykashqansitapis Tayta Dios rikaykämashkansichä kash>>.
Sayno nirmi qonqurpakuykur Tayta Diosta adorayarqan.
Currently Selected:
Éxodo 4: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Éxodo 4
4
Moisés imano rurananpaqpis tantiyasishqan
1Sayno niptinmi Moisés nirqan: <<Wilapaptïpis Israel mayïkuna manami criyiyämanqasu ni cäsuyämanqasu. Saypa trukanqa <qamta ¿imanöpata Tayta Dios yuripaykushunkiman?> niyämanqami>>.
2Niptinmi Tayta Dios tapurqan: <<¿Imatataq aptaraykanki?>>
Saymi Moisés nirqan: <<Tukrütami, Taytay>>.
3Niptinmi Tayta Dios nirqan: <<Pasaman jitay>>.
Pasaman jitaykuptinmi culebraman tikraskirqan. Sayta rikaykurmi Moisés mansakar qeshpirqan.
4Saymi Tayta Dios nirqan: <<Chupapita sariy>>.
Chupapita sarirkuptinmi culebraqa tukruna rikakuskirqan.
5Saypitanami Tayta Dios nirqan: <<Sayta rikarmi Abrahampa, Isaacpa y Jacobpa Tayta Diosnin qamta yuripashqäta paykuna criyiyanqa>>.
6Mastami Tayta Dios nirqan: <<Kananqa oqlaynikiman makikita jatiy>>.
Niptinmi makinta oqlayninman jatirqan. Jorquriptinnami leprawan rashtano yuraqash kaykänaq. 7Nirkurmi Tayta Dios nirqan: <<Yapay makikita oqlaynikiman jatiy>>.
Saymi Tayta Dios nishqanno rurarqan. Makinta oqlayninpita jorquriptinna sänuna kaykänaq.
8Saykunata rurarkasirnami Tayta Dios nirqan: <<Punta kaq señalta mana criyirpis mas juk señalta ruraptikiqa criyiyäshunkimi. 9Ishkay kaq señaltapis mana criyiyaptinqa mayupita yakuta chaqarkur pasaman jicharinki. Saymi yawarman tikranqa>>.
Moiséspa trukan Aarón parlananpaq kashqan
10Niptinmi Moisés nirqan: <<¡Ay, Tayta Dios! Noqaqa parlaytapis manami shumaqqa yachäsu. Manami kananlaraqsu sayno kaykä, sinöqa unaypita pasanami. Saymi parlarpis shumaq tantiyasiyta kamäpaküsu>>.
11Sayno niptinmi Tayta Dios nirqan: <<¿Pitaq runapa shiminta kamash? ¿Pitaq kamakäsin upa kananpaq, wiyaq kananpaq, qapra kananpaq y ali rikaq kananpaqpis? ¿Manaku noqa kaykä? 12Sayno kaykaptinqa Egiptuman ayway. Parlanaykipaq kaptinqa qamwanmi kaykäshaq. Imano parlanaykipaqpis noqami tantiyasishayki>>.
13Yapaymi Moisés nirqan: <<¡Ay, Tayta Dios! Noqapa trukä jukta kachaykulay ari>>.
14Sayno niptinmi Tayta Dios rabyakushpan nirqan: <<Mana valuraptikiqa Leví trïbu wawqiki Aarónmi yanapäshunki. Shumaqmi runakunata tantiyasin. Paymi taripäshunaykipaq shamunqa. Tinkuskiyaptiki seqaypami kushikunqa. 15Paytami tantiyasinki imata parlananpaq kaqtapis. Noqami paytapis qamtapis yarpayta qoyäshayki ali parlayänaykipaq. Saynömi shumaq tantiyasiyäshayki imata rurayänaykipaqpis. 16Lapan parlapashqäkunatami Aarónta wilapanki. Nishqaykikunatanami Israel runakunata Aarón parlapanqa. 17Tukruykita apanki. Saywanmi espantaypaq kaqkunata rurankipaq>>.
Egiptuman Moisés kutishqan
18Saypitanami Moisés kutirqan suedrun Jetrupa wayinman. Chaykurmi nirqan: <<Egiptucho ayllükunata watukaqmi aywayta munaykä, papä. ¿Kawaykäyanraqsuraq o ushakäkuyashnasuraq?>>
Niptinmi suedrun Jetro nirqan: <<Ayway ari, hïju. Ali puriykamunki>>.
19Madiánpita manaraq aywaptinmi Moisésta Tayta Dios nirqan: <<Egiptupa kutiy. Wanusiyäshunaykipaq yarpaqkuna lapannami wanur ushakäyash>>.
20Saymi warminta wamrankunata ashnuman loqarkasir#4.20 Wakin runakunaqa muntarkasir niyan. tukrunta apakurkur Egiptupa Moisés aywarqan. 21Saypitanami Moisésta Tayta Dios nirqan: <<Qamtami podernïta qoshkä Egiptuman char Faraónpa nawpancho mansariypaq kaqkunata ruranaykipaq. Saykunata lapanta ruranki. Noqami Faraónpa shonqunta chukruyäsishaq Israel runakunata mana kacharinanpaq. 22Saymi Faraónta ninki: <Tayta Dios kaynömi nin: Israel runakuna qechpa surïmi kaykan. 23Surï adoramaq aywananpaq nikaptïpis manami kachayta munankisu. Saymi qechpa surikita wanusishaq> >>.#Éxo. 12.29.
24Egiptuman aywaykashqanchömi tardiyäpakur posädakuyarqan. Say sakaymi Tayta Dios yuripaykur Moisésta wanusiyta munarqan. 25Saymi qesqawan wawanpa chiwlakunanpa puntan qaranta Séfora roqurirqan. Nirkurmi say roqushqan qarata Moiséspa chakin jananman laqaykur nirqan: <<Kananqa yawarwan señalash runämi kanki>>.
26Sayno ruraptinmi Moisésta Tayta Dios wanusirqannasu. Wawanpa chiwlakunanpa puntan qaranta roqushqanpitami Séfora nirqan: <<Yawarwan señalash runämi kanki>>.
27Aaróntanami Egiptucho kaykaptin Tayta Dios nirqan: <<Moiséswan tinkunaykipaq sunyaq jirkaman ayway>>.
Saymi Aarón aywar Moiséswan tinkurqan Tayta Dioswan tinkuna jirkacho#Éxo. 3.1.. Moiséswan tinkuykurmi wamayashpan musarqan. 28Saychömi Aarónta Moisés wilaparqan Tayta Dios nishqankunata y espantaypaq señalkunata rurananpaq kashqantapis.
29Egiptuman chaykurnami Moiséswan Aarón aywayarqan Israel mayor runakunata shuntayänanpaq. 30Paykuna shuntakaykuyaptinmi Moisésta Tayta Dios nishqankunata Aarón wilaparqan. Saynöpis criyiyänanpaqmi Tayta Dios nishqannöla paykunapa nawpancho mansariypaq señalkunata Moisés rurarqan. 31Saymi lapan runakuna niyarqan: <<Imano nakar kawaykashqansitapis Tayta Dios rikaykämashkansichä kash>>.
Sayno nirmi qonqurpakuykur Tayta Diosta adorayarqan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.