Éxodo 37
37
Pactu Babulta rurashqan
Éxodo 25.10-20
1Saynöpis acacia qerupita juk babulta Bezaleel rurarqan. Say babulpa larguynin karqan juk metru chunka centïmetrumi. Saynölami anchuyninpis altuyninpis karqan soqta chunka pisqa (65) centïmetru. 2Rurinpa y jananpapis qoriwanmi enchaparqan. Saynöpis intëru kuchunpa qoripita rebëtita rurarkurmi tumaypa churaparqan. 3Qoripita chusku arguëllakunata rurarkurmi chuskun chakinkunaman tanaparqan: ishkayta babulpa jukaq lädunman y ishkaytana babulpa jukaq lädunman. 4Saynöpis acacia qerupitami ishkay largu qerukunata rurarqan. Say qerukunata qoriwan enchaparkurmi 5arguëlla uchkunpa päsasirqan babulta wintuyänanpaq.
6 Babulpa sapanantapis rurarqan qori pürulapitami. Larguyninmi karqan juk metru chunka centïmetru. Anchuyninnami karqan soqta chunka pisqa (65) centïmetru. 7Saynöpis martilluwan takaylapami ishkay querubinkunata qoripita rurarqan. Say angilkunatami babulpa sapanan ishkan kuchunkunaman ichisirqan. 8Sapanantawan querubinkunataqa rurarqan say piëzalatami. Jukaq querubín karqan isuq kaqlänincho y jukaqnami karqan aluq kaqlänincho. 9Say ishkan querubinkunami riprankuna#37.9 Wakin runakunaqa älankuna niyan. mashtash frenti frenti babulpa sapananta rikaraykäyarqan. Saynöpami ishkanpa riprankuna sapananta lantupäyarqan.
Tanta churakuna mësata rurashqan
Éxodo 25.23-29
10Saynölami acacia qerupita mësatapis rurarqan. Say mësapa larguyninmi esqun chunka (90) centïmetru karqan. Anchuyninnami karqan chusku chunka pisqa (45) centïmetru y altuyninnami karqan soqta chunka pisqa (65) centïmetru. 11Say mësapa jananta, rurinta y chakinkunatapis qoriwanmi enchaparqan. Kuchunkunapapis tumaypami qoripita rurash rebëtita churaparqan. 12Saynöpis qanchis centïmetru anchuta listunta tumaypa churaparqan. Say jananmannami qoripita rurash juk rebëtita churarqan. 13Saynöpis chusku arguëllakunata qoripita rurarkurmi mësapa chuskun chakinkunaman tanaparqan. 14Say arguëllakunata tanaparqan chakinpita rebëtinman tinkuraqmanmi. Say arguëllakunapami ishkay largu qerukunata päsasirqan mësata wintuyänanpaq.
15Mësa wintukuna qerukunata acacia qerupita rurarkurmi qoriwan enchaparqan. 16Say mësapa manëjunkunatami qori pürulapita rurarqan plätukunata, wishlakunata, järrakunata y pucillukunata. Say järrakuna y pucillukunaqa vïnuta altarman winapäyänanpaqmi karqan.
Candelabruta rurashqan
Éxodo 25.31-39
17Saynölami candelabrutapis qori pürulapita martilluwan takaylapa rurarqan. Say candelabrupa jamakunan, chakin, cöpankuna y waytankunapis juk piëzalami kayarqan. 18Say candelabru soqta rikrayuqmi karqan. Kimsa rikranmi jukaq lädunpa y kimsami jukaq lädunpa karqan. 19Cada rikranchömi kimsa waytakunata rurarqan. Say waytakuna kayarqan almendrupa waytan niraqmi. 20Candelabrupa chakinchöpis chusku waytankunami kayarqan. Say waytakunapis almendrupa waytan niraqmi kayarqan. 21Cada rikran tinkuraqchömi juk wayta karqan. 22Waytankunapis rikrankunapis say piëzalami kayarqan. Lapanpis qori pürulapita martilluwan takaylapa rurashqami kayarqan.
23Saynölami candelabrupaq qanchis mechërukunata, mëchapa liptanta jorqunanpaq taksha alicätikunata y lipta shuntakunan plätu malwakunatapis qori pürulapita rurarqan. 24Say candelabruta y lapan manëjunkunata kimsa chunka kimsa (33) kïlu qoripitami rurarqan.
Inciensuwan qoshnisikuna altarta rurashqan
Éxodo 30.1-5
25Inciensuwan qoshnisikuna altartapis acacia qerupitami rurarqan. Say altarpa larguyninpis anchuyninpis chusku chunka pisqa (45) centïmetrumi karqan. Altunmi karqan esqun chunka (90) centïmetru. Chuskun kuchunkunachömi altarwan juk piëzala kananpaq waqratano rurarqan. 26Say altarta jananpa, lädunkunapa y waqrankunatapis qori pürulawanmi enchaparqan. Saynöpis intëru kuchunpa qoripita rebëtita rurarkurmi tumaypa churaparqan. 27Say churapashqan rebëti chakinpanami cada esquïnanman qoripita arguëllakunata tanaparqan. Say arguëllakunami kayarqan qeruta päsasir altarta wintuyänanpaq.
28Altar wintukuna qerukunata acacia qerupita rurarkurmi qoriwan enchaparqan.
29Saynölami perfümita ruraqkuna rurayashqanno sagrädu aceitita y mushkuq inciensutapis rurarqan.#Éxo. 30.22-38.
Currently Selected:
Éxodo 37: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Éxodo 37
37
Pactu Babulta rurashqan
Éxodo 25.10-20
1Saynöpis acacia qerupita juk babulta Bezaleel rurarqan. Say babulpa larguynin karqan juk metru chunka centïmetrumi. Saynölami anchuyninpis altuyninpis karqan soqta chunka pisqa (65) centïmetru. 2Rurinpa y jananpapis qoriwanmi enchaparqan. Saynöpis intëru kuchunpa qoripita rebëtita rurarkurmi tumaypa churaparqan. 3Qoripita chusku arguëllakunata rurarkurmi chuskun chakinkunaman tanaparqan: ishkayta babulpa jukaq lädunman y ishkaytana babulpa jukaq lädunman. 4Saynöpis acacia qerupitami ishkay largu qerukunata rurarqan. Say qerukunata qoriwan enchaparkurmi 5arguëlla uchkunpa päsasirqan babulta wintuyänanpaq.
6 Babulpa sapanantapis rurarqan qori pürulapitami. Larguyninmi karqan juk metru chunka centïmetru. Anchuyninnami karqan soqta chunka pisqa (65) centïmetru. 7Saynöpis martilluwan takaylapami ishkay querubinkunata qoripita rurarqan. Say angilkunatami babulpa sapanan ishkan kuchunkunaman ichisirqan. 8Sapanantawan querubinkunataqa rurarqan say piëzalatami. Jukaq querubín karqan isuq kaqlänincho y jukaqnami karqan aluq kaqlänincho. 9Say ishkan querubinkunami riprankuna#37.9 Wakin runakunaqa älankuna niyan. mashtash frenti frenti babulpa sapananta rikaraykäyarqan. Saynöpami ishkanpa riprankuna sapananta lantupäyarqan.
Tanta churakuna mësata rurashqan
Éxodo 25.23-29
10Saynölami acacia qerupita mësatapis rurarqan. Say mësapa larguyninmi esqun chunka (90) centïmetru karqan. Anchuyninnami karqan chusku chunka pisqa (45) centïmetru y altuyninnami karqan soqta chunka pisqa (65) centïmetru. 11Say mësapa jananta, rurinta y chakinkunatapis qoriwanmi enchaparqan. Kuchunkunapapis tumaypami qoripita rurash rebëtita churaparqan. 12Saynöpis qanchis centïmetru anchuta listunta tumaypa churaparqan. Say jananmannami qoripita rurash juk rebëtita churarqan. 13Saynöpis chusku arguëllakunata qoripita rurarkurmi mësapa chuskun chakinkunaman tanaparqan. 14Say arguëllakunata tanaparqan chakinpita rebëtinman tinkuraqmanmi. Say arguëllakunapami ishkay largu qerukunata päsasirqan mësata wintuyänanpaq.
15Mësa wintukuna qerukunata acacia qerupita rurarkurmi qoriwan enchaparqan. 16Say mësapa manëjunkunatami qori pürulapita rurarqan plätukunata, wishlakunata, järrakunata y pucillukunata. Say järrakuna y pucillukunaqa vïnuta altarman winapäyänanpaqmi karqan.
Candelabruta rurashqan
Éxodo 25.31-39
17Saynölami candelabrutapis qori pürulapita martilluwan takaylapa rurarqan. Say candelabrupa jamakunan, chakin, cöpankuna y waytankunapis juk piëzalami kayarqan. 18Say candelabru soqta rikrayuqmi karqan. Kimsa rikranmi jukaq lädunpa y kimsami jukaq lädunpa karqan. 19Cada rikranchömi kimsa waytakunata rurarqan. Say waytakuna kayarqan almendrupa waytan niraqmi. 20Candelabrupa chakinchöpis chusku waytankunami kayarqan. Say waytakunapis almendrupa waytan niraqmi kayarqan. 21Cada rikran tinkuraqchömi juk wayta karqan. 22Waytankunapis rikrankunapis say piëzalami kayarqan. Lapanpis qori pürulapita martilluwan takaylapa rurashqami kayarqan.
23Saynölami candelabrupaq qanchis mechërukunata, mëchapa liptanta jorqunanpaq taksha alicätikunata y lipta shuntakunan plätu malwakunatapis qori pürulapita rurarqan. 24Say candelabruta y lapan manëjunkunata kimsa chunka kimsa (33) kïlu qoripitami rurarqan.
Inciensuwan qoshnisikuna altarta rurashqan
Éxodo 30.1-5
25Inciensuwan qoshnisikuna altartapis acacia qerupitami rurarqan. Say altarpa larguyninpis anchuyninpis chusku chunka pisqa (45) centïmetrumi karqan. Altunmi karqan esqun chunka (90) centïmetru. Chuskun kuchunkunachömi altarwan juk piëzala kananpaq waqratano rurarqan. 26Say altarta jananpa, lädunkunapa y waqrankunatapis qori pürulawanmi enchaparqan. Saynöpis intëru kuchunpa qoripita rebëtita rurarkurmi tumaypa churaparqan. 27Say churapashqan rebëti chakinpanami cada esquïnanman qoripita arguëllakunata tanaparqan. Say arguëllakunami kayarqan qeruta päsasir altarta wintuyänanpaq.
28Altar wintukuna qerukunata acacia qerupita rurarkurmi qoriwan enchaparqan.
29Saynölami perfümita ruraqkuna rurayashqanno sagrädu aceitita y mushkuq inciensutapis rurarqan.#Éxo. 30.22-38.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.